الأدعج "قاع الظلام "
بقلمـَي زهرة الساعدي
لطفًا فراشاتي دوسن على النجمة وعلقن بين الفقرات
حساب الانستا
zahralsadi
قناة التلي
zahralsadi
تعوفني وتگدر بـدوني ليش يا ثالث عيوني .
فواطم
لفحتني انفاسه حچه بنبرة حاده وصارمه
- وشـرف زيـنـب اذا اتحركتي افرغ الشاجور بگلبچ ..
بقيت جامده بمكاني حتى صوتي اختفى مني
سحبني يم سيارة قريت الفاتحه على روحي
گلت هاهيه انتهيت وهذا واحد من جيش الزعيم
فتح ضوه خلاه گبال وجهي غمضت عيوني
مد ايده عصر فكي بقوة وادرف
- افتحي عيونچ
فتحتهن بخوف سكت وره هواي يله حچه
- شو لون عيونچ مثل البحر يدوخ
مارديت عليّ اكتفيت بالسكوت وهو مركز بعيوني
اجه صوت من وره عاف فكي وطفه الضوه
- ها ولك سيف شجاي تسوي ؟
التفت لمصدر الصوت ورد
- سيف : اصيد النثايه المالهن رداد
تقرب شافني دار وجها لسيف وگال
- ولك هاي منو !
- سيف : لگيتها تركض بنص الدربونة
- وشعليك بيها مو شغلنا
- سيف : وشمدريك ما تطلع منهم ؟
أخذ الضوه منه شغله وركزا بوجهي
دفعه من اذراعه وصار گدامي
- سيف : أدم مو وكت تركيزك
- أدم : لا مو منهم هاي احنا نعرفهم واحد واحد
عوف البنيه ولحسنين اذا الأدعج دره
يردمنا ردم
رجع باوعلي ، ركزت بعيونة ، يجدحن شر
وعلى اليمنى ابطن عينة اكو شامة سوده چبيرة
- سيف : عمو شطلعچ بهذا الليل ؟
- أدم : ايبا والله شخصية مرتكزة انوب عمو
دگعد راحة شواربك هستوهن خضرن
- سيف : أحسن من الملس
- أدم : كل يوم جاي امسحهن بثوم
اذا ما اصدمكم بثخنهن
- سيف : أدم حبيبي روح لشغلك شعندك لاحگني
- أدم : خلصت شغلي ولحسنين خليتهم يلطمون
هههههه
- سيف : عفيه وليدي وهسة روح
- أدم : شو وليدي وعمو شني عقلك علگ ؟
تريد اصيح الأدعج يردمه ويرجعه يشتغل
- سيف : بيـك خير انتَ سويها مو ضال تزامط بالأدعج
- أدم : غير أخوي وازامط بي
- سيف : اكضك انتَ وأخوك واللبسكم تهمه ارهاب
- أدم : اي غير ضابط استخبارات كلشي تسوي
من فلك الفلكك مسربت
مد أيده لـ أدم وحچه
- سيف : بوس أيدي حتى ارضى عليك وما اسجنك
- أدم : يخليني انزل على الترابي وانه بالويلات لازم
اللساني منا لبنية سوسو
بهل اثناء تقدم شخص ثالث وياهم أول شي ماشفته لان ملثم
اتقرب نزل لثامهبس لمحته صرت يمه وحچيت بخوف
- ذو الفقار !
- الأدعج : فواطم شجابچ هنا !
أشرت باصبعي ورديت
- هذا
- سيف : انه ولچ لا تچذبين
- الأدعج : ليش طالعه بهذا الليل ؟
دنگت راسي ورديت
- شردت
- سيف : ها شفتوا هيَّ شارده لاتذبها براسي
لا وشرف زينب اسجنها
- الأدعج : اكل نعل ولك مو صرت ضابط استخبارات
وتهدد اردمك ردم واسطرك سطر وعلي
- سيف : رجعها لاهلها نريد نخلص شغلنا
- أدم : انه خلصت شغلي خليتهم يمشون بالمگلوبي
ويصيحون اجونا العفاريت
- سيف : حمه البوخه لك انتَ داخل ويانا واسطه لا عبالك بيك فايده
- أدم : ماكو غيرك الواسطه ابو شوارب لزگ
انداريت عليَّ شفته منزل لثامه لرقبته ركزت بملامحه
أسمر ومعانيه حادة وشواربه ثخان وبارزات
مسح عليهن ورد
- سيف : تغار
- الأدعج : اسكتو اثنينكم لا اسكتكم بطريقتي
عفاريت نعالات انتوا مكضينها بس عرك
تقربت يمه حچيت بنبرة رجاء
- رجعني لبيتنا حباب بطلت ماريد اشرد
- الأدعج : انتِ ليش شردتي
دنگت ماعرف شرد رديت بهمس
- تريد تزوجني لواحد ماحبه
مادري شلون سمعوني حچه الأسمه أدم
- أدم : انوب مايقبلن يتزوجن اله على حبُ
عمي وين نولي احنا شلون نتكاثر
- الأدعج : راح تجلطني وعلي راح اتسودن من وراك
ولك اسكت
- سيف : محتاجين هاي الضربته وخلته ثلاث أيام مايرفع
راسه ولايحچي
- أدم : اخ لاتذكرني وتهيج المواجع اسكت
هاي كله من رومانسيه السيد المستهتر
زفر بضجر واردف
- الأدعج : امشي وياي فواطم
هزيت راسي ورفعته صارت عيني بعين الانردمت بي
خزرني وهز راسه خفت نزلت نظراتي ومشيت قبله
وصلني يم الباب راد يمشي حچيت أسأل بفضول
- انتَ من جماعة الزعيم ؟
ابتسم تقرب يمي وهمس
- الأدعج : انه ضـدهم
شهگت ورديت
- يعني هسه طالعين تشتغلون بنص الليل ضدهم !
- الأدعج : اي بس مو تگولين
- لا لا ماگول
ضحك بخفه ورد
- الأدعج : ادخلي جوه خويه اذا لزموچ جماعة الزعيم الچ الله
هزيت راسي ودخلت .رجعت ومحد حس بيه من طلعت
دخلت للغرفة بعده نايم
حشرت نفسي بالزوية رفعت رجليه لصدري وظليت اهتز وافكر
من بعد المصارعة الحاده بعقلي وفشل الخطه الأولى
قررت اتزوج حسام واروح ويا
ومناك اشوفلي طريقة اخذ حق ابوي منها
ماكنت ادري هاي خططي راح توديني للهلاك
راح تصنعلي قصة سيئة الى حـد الدمار .
تمددت بمكاني ونمت
گعدت على لمسات خشنه تمشي على وجناتي
فتحت عيوني بثكل شفته گبالي
فزيت مرعوبه
لزمني ابتسم ابتسامه شرانيه واردف
- حسام : اتعودي بعد كل يوم تصبحين بخلقتي
ماحچيت شي بقيت ساكته گام مني طلع برى
شوي وصاحني طلعت لگيته گاعد يتريگ وياها
گعدت گبالهم مالي نفس أكل حچت هيَّ
- شوكت تاخذها وتروح ؟
- حسام : بالليل
- يا ليل هذا هسة أخذها وخلصني
- حسام : صار
گام وبرجله داس على فخذي دمعت عيوني
رفعت راسي شفته يباوعلي بنظره مرعبه
- حسام : يله گومي
وخر رجله مسدت على فخذي موجوعه
گمت أخذت ملابسي ودخلت للحمام
خليت ايدي على حلگي كاتمة صرختي وگعدت بالگاع
صدري يصعد وينزل بسرعه وگلبي انتهى حتى النبض ثگل عليّ
بچيت ولطمت وعيوني ورمت
لكن بالنهاية استسلمت لأن مالي مهرب منهم
اذا اطلع منـا راح اروح ابين الرجلين
سبحت وبدلت شفت مكان الجرح
بعده الأثر واضح والجرح أخضر
طلعت ردت اشده لگيته منتظرني
تقرب ونظراته متركزه على گصتي
- حسام : منو جرحچ
- هيّ
رفع اصبعه وضل يدگ عليّ ويردد
- حسام : تستاهلين لو ما مسويه غلط ما تضربچ
تستاهلين
غمضت عيوني بألم وهو مستمر يدگ على الجرح
اضفره ينبت بالجرح ويطلع لحد ماظل ينقط دم على أنفي
ابتعد مني وحچه
- حسام : روحي اغسلي وتعاي نروح
رجعت للحمام اشهگ اغسل بالجرح ودموعي اقوى
من المي طلعت لميت ملابسي ولفيت راسي
مسحت وجهي وصرت يمه
ودعها رادت تودعني حتى نظرة مانظرت الها
كرهتها
صعدنا بالسيارة متوجهين لغير محافظة
راح اطلع من بغداد وراح ابدي حياة جديدة
غامضة ، ما مفهومه ، متعبة
خليت راسي على الجام اباوع للطريق
مشينه هواي وصار الليل يله شفت اللوحة
المخطوط عليها ترحيب للزوار وأسم المحافظة
مسافة قليلة ودخلنا بطريق ترابي
طريق وعر السيارة ضلت تطوطح من ورا
ابين بساتين وبيوت متفرقه وگفنا گدام بيت
صاير ابين اشجار ومزرعة چبيرة
نزلنا سوه قدم للسايق فلوس
لزم كف ايدي عصره بقوة ومشه بيه للبيت
يفتح بالباب ويباوعلي بنظرة مرعبه
أول ما انفتح دفعني جوه للصالة دخل وراي قفلة وهجم
رفسني على ضهري صرت بالگاع
هجم ويم عتبه الباب وبنص الصالة اغتصبني
أخـذ ألي يريده . گام بصق بوجهي واردف
- حسام : كسرتچ وكسرت راسچ هذا الچان عالي
أخذت الاريده وهسه ! مثل الزبالة اشمرچ
گال هيچ وراح بقيت بمكاني اشهگ
جسمي اتكسر والگاع انترست دم
سحلت نفسي أخذت الملابس وسترت جسدي
عبالي هنا أهله بس طلع هذا البيت النا وحدنا
وهو ماعنده أهل يعترفون بي اصلاً .
لگيت بالصالة حمام دخلت سبحت بي وطلعت
نظفت المكان واني انظف استفرغت من القرف
رجعت غلست وگعدت بالصالة على القنفة
عبالي راح يجي واشوفه لكن اختفى
بقيت بمكاني تمددت واني اشهگ
هستوني غمضت عيوني اندفر باب الصاله عليَّ
فزيت بهلع شفت ثلاثة ملثمين بالشماغ دخلوا
تقربو مني حچه بصوت قوي يله عرفتهم ذول منو
- فواطم شجابچ هنا !!
- سيف : چنت شاك بيها وحدة منهم
هزيت راسي بـ معنى لا وبچيت
- لا بس ازوجت وهذا بيت زوجي
- سيف : حلو جيد جدًا
- الأدعج : يا يابه لو بس تسكت سد حلگك لا اردمك
سكت منه تقرب الأدعج واردف
- الأدعج : فواطم خويه حلگچ تسدينا
ولأ كأنُ شفتينا خوش ؟
هزيت راسي رمسحت وجهي
دخل الأدعج و ويا واحد جوا والأسمه سيف بقى واگف يم راسي
- سيف : والله انتن الثناية تشلن الحال
مارديت عليّ رفعت المخده خليتها گبال وجهي
- سيف : مشطي شعرچ صار چنه صوفه
انوب اصفر صابغته
وخرت المخده ورديت
- هو أصفر من الله
سكت مني ما جاوب ظل يهز برجله ويباوع لانحاء الصاله
شوي وطلعوا شايلين بأديهم ملفات هواي
صاحوا علي راحلهم وطلعوا سوه
رجعت تمددت بمكاني واطرافي كلها ترجف
مرتين أشوفهم ويجوني ولو ماعرف الأدعج ويعرفني
چان رحت بيها
هذا الأسمه سيف مبين شراني ويريد بس حجه عليّ
غمضت عيوني وغفيت شبعت نوم يله گعدت
أسمع صوت وشوشه صياح ، حيرة ، خوف
ركزت وي الصوت سمعته يحچي
- حسام : شلون گدرو يدخلون البستان محاوطينا حراس
وسألتهم واحد واحد يگولون ماشفنه اي واحد دخل للبيت
- لا لا مستحيل هيَّ عفتها مكسورة ورجعت لگيتها نايمة
عصرت عيوني حيل من صار قريب مني
گمزت من انشمر مي بارد على وجهي
- حسام : اگعدي يافگر بنت الفگر
ظليت اجر النفس بسرعة وارجف
تقدم لزمني من شعري خله وجها بوجهي
كز على اسنانة وصاح بصوت قوي
- حسام : انتِ ؟
رديت برجفه
- شـ شنو
- حسام : انتِ ألي اخذتي الملفات
- ياملفات
سحلني من شعري نزلني بالگاع وضرب راسي بالطاولة
صرخت بصوت موجوعه
- اخ بوية الحگلي
- حسام : خرب روح ابوچ واحترگ گبرة
- حقير لاتجيب طاري ابوي على السانك
رفعني من شعري . خصلاتي صارت ابين اصابعه
شمرني للغرفة . قيدني بحبال وبده بوحشيته واغتصبني
غوشت عيوني وفقدت . انفمى عليّ وانتهيت
جسم هزيل اثار اغتصاب طفلة بريئة
بغرفة يزينها السواد والسلاسل فتحت عيوني
شفته گدامي گاعد وشرب كحيت بتعب
انداريت نمت على صفحتي اجه گبالي
گعد ركبه ونص رفع راسي من شعري عصر فكي
خلاني افتح حلگي بوجع شربني الشرب اختنگت
گمت وظليت استفرغ بس دخل الشرب معدتي
واتخلخل باجزاء جسمي .
فقدت عقلي وظليت اتصرف دون أراده
اضحك بصوت قوي واسولف ويا
وارگص وارجع ابچي واصرخ
هذا كل الاتذكرة من هذا اليوم من بعدها نسيت كلشي
وعيت على تصرفاتي ثاني يوم
گعدت موجوعه من معدتي سكنت الحمام
استفرغ وابچي سوه
اجاني وگف يم باب الحمام ضحك واردف
- حسام : البارحة خوش ليلة
بچيت وحچيت
- الله ينتقم منك حقير
ضحك بصوت قوي ومشه
سبحت وطلعت فرغت الجنط شمرت ملابسي بـ بعثرة بالگاع
لبست اول ثوب شفته گبالي ونمت فوگاهن
بس دموعي تجري والخنگه ترن ابلعومي
مسكت اطراف شعري صدگ صاير چنه صوفه
گمت مسحت وجهي ادور على مشط .
لگيت فرشة بالحمام اخذتها ومشطت بيها
تگطع ونصه وگع لفيته ورجعت لمكاني
صاحني بصوت قوي من جوه جريت نفس وبلعت ريگي
نزلت شفته مخلي رجل على رجل ويدخن
- حسام : سويلي أكل
همست بيني وبين نفسي
- سم أن شاءالله
- حسام : ها شگلتي ؟
مشيت للمطبخ ورديت
- ماگلت شي
دخلت ضايعه ماعرف شسوي أعرف اطبخ
من اني طفلة علمتني وحملتني المسؤلية بس ماعرف شسويله
طلعت بتيته وباذنجان سويت نواشف خلصت
وقدمتهن أله خليت الصينية گباله
باوعلها عقد حواجبه ودفرها برجله
شهگت بصدمة
- حرام هاي نعمة الله شسويت انتَ !!!
صرخت بصوت من سمعته كفر
- حسام : **** جايبتلي بتيته وباذنجان اجدي منچ
بنت الزفره
بقيت الم بالكزاز والأكل شلت گزازه چبيرة
تقدم خلاها اباطن أيدي وسدا عليها
عصرها حيل نزلت دموعي ونقاط الدم سوه
انتهيت من الوجع شفه غليله يله بعدها
گمزت للمطبخ ادگ والطم
اباوع لأيدي مشگوگه وتوجعني حيل
غسلتها وصعدت اركض لفيتها بثوبي
ما انقطع نزلتله افرفح
- ماجاي ينقطع الدم الحگلي
مادري شعجب گام خايف !
لزمني من ايدي ورجع كفر من شافاها
غمضت عيوني بنفاذ الصبر سحب السويچ وطلعني ويا
صعدني بالسيارة أخذني لمضمد صاير ابوسط البساتين
خيطها إلي وداواها لفاها وانطاني علاج ورجعنا
رجعنا للبيت واني عيني على الطريق
اريد احفظه حتى اشرد ، هنا ماگدر اعيش ، رسمت خطه جديدة
وأيضًا حالها حال القبلها فاشلة .
دخلنا للبيت انصدمنا أثنينا من شفنا مگلوب گلاب
الغراض كلهن مگلبات .سچاچين مشمره بالگاع
بحايط الصالة الصاير گبال الوجه
مخطوط بخط اليـد ومو من حبر لو صبغ من دم
بالاحرف الكبيرة
" الله الواحد الأحد هو فقط من يرى العفاريت "
ظل جامد بمكانه ركض وضل يمسح بيها بخوف
گعدت بالگاع اباوع لأيدي وهو ياخذ الصالة روحه ورجعه
ياكل باظافره ويرجع يمسح بالعبارة
لكنها صامده على البقاء .
تقدم لزمني من اكتافي واردف
- حسام : لازم نروح منـا گومي لبسي ملابسچ
هزيت راسي وگمت صعدت فوگ رجعت ملابسي بالجنط
ونزلت انتظرة خفت على روحي شعلي اني
وانقتل واصير ضحيه بسبب مصايبه ؟
نزل متخبل
- حسام : ماكو ولا ملف كلهن ماخوذات
خفت من غضبه مستعد يذبح المقابيله دون تفكير
اجه سحبني جاي نصعد بالسيارة اتوقفت يمنا
سيارة مضلله نزلن منها اثنينهن
المدام التعذب بـ وتين وأمي التعذبني
كل الصدمات بكفه
وصدمة صداقتهن وقربهن من بعض بكفه
- ملوك : وين رايح ؟ مو تدري اليوم جاينكم علمود الشغل
بدا يحچيلهن على الصار وحده ظلت تباوع للثانية
و وجهن صار ينطي اللوان دخلن جوه شافن العبارة
حچت هيَ وكأنُ جاي تگلهم شوفوا اني ماچذب
- ملوك : شفتوا هسة وصلوكم
هم ذول العفاريت الجاي احچي عليهم
هم ذول السطروني سطر وماگدرت اشوفهم
- حسام : لازم نشرد
ردن بصوت واحد
- والزعيم !
- حسام : لا الزعيم ولا جماعته يدرون احنا جاي نتاجر
من وراهم
- ملوك : ههههههههه كل عقلك انتَ !
ولك الزعيم كل خطوة نخطيها هو وجماعته يدرون بيها
شهگت بصدمة اثلاثتهم جاي يتشغلون تحت أيد
الزعيم وجماعته !
رد باستغراب
- حسام : شلون !
- ملوك : اي يدرون بشغلنا ومايگدرون يحچون لأن مستفادين
وازيدك من الشعر بيت
كل جماعته الكبار ياخذون مني بنات
يموتون على بضاعتي .
- حسام : لعد امشينا الهم
- ملوك : يطردونا ويگصون ارگابنا
- حسام : ليش ؟
- ملوك : مايحبون اليشرد ويخاف يحبون القوي
حچت بالتتسمى أمي
- ماتشوفين جماعته ياخذون بنات من عندچ
هزت راسها واردفت بغرور
- ملوك : لان هن كلهن قويات . والقوية الراح تنباع
الأيام الجايه هيَ وتين
......
وتـيـن
"حابـچ انه وضايع بتفاصيلچ لاتعوفيني بوية وتين "
من بين رجائه واعترافه ولهفته
انطيته ظهري ومشيت
لزمني وحاول وياي لكن رفضت وقسيت علي
عانـدت وماصعدت السيارة ظليت أمشي
وهو يمشي وراي بدون لايحچي
طلعت للشارع يله اندليت منين ارجع لمنطقتنا
مشيت مسافة طويله يله وصلت قريب من دروبنة البناية
التفت أشوفه لكيته وراي
- المـن جاي وراي ؟
- احميچ
- أرجع لأهلك لاتعوفهم
- انتِ وحدة من أهلي شلون ترديني أعوفچ ؟
عضيت شفتي السفلية وبلعت ريگي
نطق اللساني بس گلبي رايده
- ماريدك ولا احبك
- بس انه احبچ واريدچ
باوعن بوجها حاولت اقصي ويا بالنظرات
التفت واردفت
- روح
"رايـح بس روحي بقت ويـاچ "
عصرت عيوني حيل ورفعت راسي
بدون لا ارد ولا التفت اشوفة مشيت
بركن دربونة البناية شفت الهوسه .وكل سكان بنايتنا طالعين
تقربت صرت گبال البناية وشهگت
البناية كلها محترگه !
انخصبت وانصدمت ما اتوقعت الگاله سوا صدگ
حرگ بناية كاملة عليها !
من بين هوسه العالم شفت شاه گاعده على اركبها
وتبوس بأدين اخوها الگاعد على عربانة
تقدمت إلها ابتسمت وحچيت
- گلبي وگع عبالي صارلچ شي
رفعت راسها مسحت دموعها وردت
- شاه : طلعنا سلامات
- شصار ؟
- شاه : فجاة صار صريخ ودخان
نحبست فوگ همزين شكرية ذكرتني
أجت فتحتلي باب السطح ونزلت اركض
بالگوه طلعنا وأول ماخطت رجلينا بالشارع
اشتعلت البناية شعل
- والمدام وينها
- شاه : يگولون احترگت
شهگت وركضت ادور على شكرية
لگيتها تسولف وي نسوان
سحبتها من بينهن واردفت
- صدگ المدام احترگت
- شكرية : اي بس حرگ خفيف يگولون
هزيت راسي ورجعت گعـدت يم الشجرة
تذكرت من گعدت هاي الگعده
واتخيلت البناية مهدومه على راسها
اتحقق التخيلته والبناية احترگت وانهدمت كلها
للفجر يله أجت مضمده محروگه بأديها
واگفه وتبچي من الوجع
صرت يمها باوعتلها واردفت
- شفتي الحرگ شلون يأذي ؟
ماردت عليَّ ظلت تباوع وتغمض بعيونها
ثنيت شفتي وهزيت راسي
- يومًا لك ويومًا عليك حوبة المظلوم هم تطلع
حچيت هيچ ورجعت يم شاه
ابتسمت ودنكت لأخوها ابتسمت بوجها صار يهز براسه خايف
حضنته لصدرها واردفت
- شاه : لا حبيبي ما تأذيك هاي حبابة
جسمه ظل يختض بقوة خفت وابتعدت منه
گعدت على صفحه اشاهد المنظر
كلمن ملتهي بسالفة وشفت بنات استغلن الوضع
ومن بين الهوسة والدخان شردن .
واتمنيت اشرد وياهن بس اني أعرف اذا اشرد راح تلگانه واتعذبنا
جربت قبلهن وشفت عذاب التشرد شنو
أجو علينا أخذونا لبناية جديدة
حديثة مو مثل القديمة كاتلها الضيم .خلونا بغرف
تمددت وغمضت عيوني نمت
فزيت على أدين تحرك بية شفتها شاه
باوعتلها مستغربة تقربت يمي وهمست
- شاه : المدام تگول للحراس راقبوا وتين
عقدت حواجبي ما فاهمه
گعدت بصفي وهمست
- شاه : نزلت أشوف حسين و سمعتها شلون تحچي
وتوصي الحراس يراقبونچ
- بس اني يراقبوني ؟
- شاه : اي تگول حتى حرگ البناية بسببها لان هيَ چانت تهدد
- بس مو اني السبب
- شاه : اي اعرف
- شتعرفين ؟
- شاه : اجه عليها باشا چبير يمة حمايته والجيش الويا
أكثر من شعر راسي واگثر من عشيرتنا
من خرب عشيرتنا مابيهم زلمه يحميني من طاح حضهم
- عوفي عشيرتچ وكملي
- شاه : گالها منتشره عصابه سرية
يشتغلون ضد حكومة الزعيم وضد المدام والوياها
والباشات البقيه اجه يوصيها ويحذرها
اويمكن بسببه شكت بينا كلنا وراح تراقب
رجعت تمددت وهمست
- خلي تراقب ماعندي شي
گامت مني يم الباب وقفتها اسأل
- وين رايحة ؟
- شاه : اشوف حسين مساعه ماشفته من وره التسمع
ابتسمت ورديت
- اذا عرفتي شيء جديد تعاي گليلي
هزت راسها وطلعت . ثبتت نظراتي للسقف
ابتسمت على العصابة السريه الدوختهم
على عفاريت بغداد الخلوهم يصفنون
تذكرت كلماته وهو يگول
" راح افرهم فر واسطرهم سطر "
حقق كلامه فراهم وسطرهم وخلاهم يدوخون
غمضت عيوني ومشن يومين واحنا على نفس الأحداث
ما طالعين والمدام كل شوي جايها باشا جديد يتناقشون
وجيش وحراس ومحد بيهم گدر يلزم عفاريت بغداد
گالت اطلعن اشتغلن وهالمرة شاه طلعت تبيع وياي
دليتها على التقاطع الچانت تبيع بي ماريا
وگفت بي وظلت تبيع واني رجعت لمكاني
گعدت على الرصيف مدنگه اباوع للشارع وافكر
صارت يمي سيارة سمعت صوته وفز كل جزء بيه
گمت بهلع ، وتوتر ، وفرح ، وخوف ، وحزن
صرت يمه واردفت
- شتريد
- اريدچ
- روح منا
- مالي غير مكان بس يمچ
حركت عدسه عيني اباوع شفت حراسها من بعيد
بلعت ريگي ودنگت رفعت چيس الاكنيلكس قدمته أله
- الأدعج : شني هاي ؟
- جماعة المدام جاي يراقبونه أخذ واسكت
حرك رقبته عض شفته واردف
- الأدعج : يا يابه
ظل يحدق بيه هز راسه وراح بقيت بمكاني اراقب الحراس
غيرت مكاني و وگفت گدام مدرسة ابيع
واني امسح بجامة سيارة صار گدامي موقف
خلاني اغص من الخنگه وگلبي يتعب من المنظر
طلعن اثنين بنات نزل السايق الجاي امسح جامته
راح بوسهن واردف
- بشرني بابه ؟
ردن بصوت واحد
- ماخذين عشرة من عشرة
بوسهن وحضنتهن ظل يمدح بيهن ويحفزهن
شالهن اثنينهن ورجع للسيارة
اباوع واحچي وي نفسي
- ليش اني مو نفس البنات ؟ ليش ماعندي أهل !
اديهن تحمل الجنطة واني امسح جام بيهن
خلصت الجامه انطاني فلوس وحچه
- لاترجعين الباقي اليوم فرحان بناتي أخذن عشرة من عشرة
هزيت راسي وتراجعت للخلف
گعدت أشاهد البنات وحدة وحدة اباوعلها وابچي
لحـد ما صار المغرب يله رجعت
تهت من البناية ما اندلها وين بالضبط
وگفت بالنص ضايعة صاحني صوت من وراي
صوت مرة غريب التفت عقدت حواجبي
واني اتذكرها هاي منو !
هاي ألي بالبناية مرتين باوعتلي بنظرة غريبه
عـقدت حواجبي تقدمت إلي ابتسمت وگالت
- شلونچ وتين
- زينه . بس منين تعرفين أسمي
- اني صديقة المـدام أعرف كلشي عنچ
- بس اني
- لا كلچن
هزيت راسي مشيت أجت بصفي تمشي
- اريد أشوف المدام يگولون محترگه
- اي
- ماعرفتي منو سبب الحرگ ؟
- لا منين اعرف
سكتت ماردت وكملت مشي وياي
هيَ الدلتني على البناية الجديدة
دخلنا جوه صادفتنا
جاي تروح تضمد الحرگ
نطت عيونها من لمحتها واگفين سوه
قدمتلها الفلوس بعدم مبالاة صعدت
شفت شاه متمدده وفاقدة من التعب
ثنيت شفتي بتأسف فتحت الكنتور لگيت اكو ملابس
بدلت واتمددت بصفها .
مرت ساعات واني أفكر قاطعتني شكرية
- المدام تصيحلچ
هزيت راسي وگمت نزلت جوه دخلت لغرفتها الخاصة
متمدده على چربايتها بروب نوم وداير مداريهم خدم
باوعت متعجبه ورافعه حواجبي بصدمة
حچت بنبرة حاده
- ملوك : شجابچ وياها ؟
- ياهي
- ملوك : لاتغشمين نفسچ صابرين شجابها وياچ !!!
- لاگتني بالشارع وأجت تشوفچ مو صديقتچ هيَّ ؟
- ملوك : جاي تچذبين
مشيت للباب واردفت
- اذا ماتصدگيني اسألي حراسچ إلي يراقبوني
فتحت عيونها هزيت أيدي ومشيت
رجعت فوگ نمت
وبهيچ روتين متكرر متعب مشن الأيام
انصدمت من عرفت بفواطم تزوجت
حسيت السبب أمها حاولت اعرف وين اتزوجت
طردتني .
وباليوم ألي طگ گلبي وماعاد يهمني شي غير شوفته
واستغليت رحلة المدام ماعرف وين راحت بس گالت شكرية
راح تتأخر اتلثمت وطلعت
وصلت يم المحل شفته معزل
زفرت بضجر هاي ثالث مرة أمر منا بحجه أبيع
الگا معزل شنو السبب ؟
ردت أمشي وارجع ثاني يوم بس اتوقفت من شفت
اجه رجال كبير بالعمُر ظل يدگ على الحايط
الصاير بصف المحل لوحة
تقربت يمه باوعت عليها وهمست
- شنهاي عمو ؟
اندار ألي ورد
- احداد على أرواح الابرياء
بلعت ريگي ورديت برجفه
- شنو ؟
بتأسف . وحزن . رد عليّ
- عائله الكابتن ذو الفقار دخلوا عليهم عصابه وكتلوهم كلهم .
للـحكـايـة بـقـية
رأيكم ؟ توقعاتكم ؟
أستودعكم ألي عينه ما تنام 💕
-أستغفر الله.
-سُبحان الله.
-الحمدُ لله.
-لا إله إلا الله.
-الله أكبر.
-سُبحان الله و بحمده.
-سُبحان الله العظيم.
-أستغفر الله و أتوبُ إليهِ.
-لا حول و لا قوة إلا بالله.
-اللهُم صلِ على مُحمد وآل مُحمد.
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/418/الادعج-قاع-الظلام
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━