الأدعج "قاع الظلام "
بقلمـَي زهرة الساعدي
لطفًا فراشاتي دوسن على النجمة وعلقن بين الفقرات
حساب الانستا
zahralsadi
قناة التلي
zahralsadi
أرد اگلك كلشي بعيونك خذاني
و أرد اگلك
فاهية عيون البشر من غير رسمك
أرد أشمك
و أرجع صغير و أضمك
و أترس الدنيا ورد
أنت يا آخر أغنية تيـه مني و ما ترد .
بكسره . وخيبه . وقهر . وعيون حمره . واشفايف ترجف . نطقت
- فواطم : وتـيـن أبوي مـات
ماتن رجليه . وانشل اللساني . اريد احچي ماگدر
كملت وهيَ تشهگ
- فواطم : ابوي حبيبي روحي راح مني
ولچ دفته بهاي أديه
فتحت حلگي بصدمة مات عمو ابو فواطم واندفن
لـزمتها من اكتافها هزيتها بقوة وصرخت
- لاتچذبين صار زين هَّو سوه عملية
- فواطم : مات راح من عدنا
وگعت بالگاع اشهگ نزلت اللثام وخليت أديه على وجهي
صارت گبالي حضنتني وكلمت بچيتها
بقينا ساعة وأكثر واحنا بنفس المكان نبچي
راح ابو فواطم الحنين الچنت احتمي بي
واسوي مصايب بدون لا أفكر واجي اركض يلبدني
يدعيلي . يخاف عليَّ يهتملي
أول كسرة كسرتني وفاة ابو فواطم ومن بعدها
صار الحبل جرار على الكسرات
تغيرت وماصرت ذيـچ اني القديمة
هسة يله طبقت كلامه صرت اتجنب المشاكل
الزم اللساني وما اعارك
اخاف منو اليحميني منو ألي يدافعلي
خلصت الفاتحه وفواطم كسرتها چبيره
طردتتني أمها من البيت ظليت التقي وياها
من تبيع لبلبي
أخذت شغل ابوها وصارت تطلع تبيع لبلبي
بأمر من أمها واني اروح واجي بطريقي
لا احتك بشخص ولا اتعارك
الأدعج اخ يلـ أدعج
هذا اليوم الرابع وهَّو مختفي ما شايفتي ولا واصلته
رحت مرة للمحل لگيته معزل وبعـد مارجعتلهم
استغربت من اختفائه هذا مو وقت رحلته
ولا وقت اليبتعد مني بعدين فكرت وگلت
- يمكن راد يبتعد علمود أبو
لعد وعده وكلامه وين راح ؟
رادت تطيح دمعتي بلگوه قاومت
وصلت للبناية ردت اسلمها الفلوس مالگيتها
دخلت للمطبخ شفت شكرية تتبسبس وي بنات
عقدت حاجبي واردفت
- خيـر ياطـير
ردت بصوت خافت
- شكرية : راح نشيل منـا
- شنـو
- شكرية : المـدام صالها فوگ الشـهر مسودنة
لا ليلها ليل ولا نهارها نهار
- ليش شصار ؟
- شكرية : عصابه مدري شنهي خبلتها اتخبل
يدخلون يفرون البناية فر وهيَّ ماتشوفهم
ضحكت وهمست
- طبعًا ماتشوفهم غير ذول العفاريت
- شكرية : شنو ؟
- ماكو شي اي وهسة شصار
- شكرية : مادري تدرين بيها هيَّ ما تحچي
بس گالت راح نشيل من هاي البناية
و وجها مزورگ كل يوم مكتولة
والملفات انسرقن
ونص شغلها اتعطل
ابتسمت وهزيت راسي
- يعني هسة راح نشيل منـا
- شكرية : ماعرف خل تـجي ونشوف شتگول
- ليش وينها ؟
- شكرية : راحت تضمد نفسها شفتها انشگت
ابتسمت وصعدت فوگ بالممر صادفت الشلة التعبانه
ذبن كلامهن عليّ
- هاي المصايب الجاي تصير كلها من وراچ
اتوقفت ورجعت خطوتين للخلف صرت مقابيلهن
واردفت
- نعم ؟
- يعني شلون وين ماجاي تتأذين المدام تتاذة ؟
وكلشي جاي يصيرلچ وياهي السبب جاي يصير وياها مثل الشيء
نزلت شفتي ورفعت حواجبي
- يمكن صدفة
- مستُحيل صدفة
- شمدريني بعـد
- ما ارتاحلـچ
- اوي لا فدوة ارتاحيلي
رفعت ايدها رادت تضربني
لزمتها ملختها تملخ بصقت على ايدي وطرگتها
رفعت نفسي رادن يلتمن عليّ ركضت للسطح
دخلت للمخزن لگيت شاه گاعده تصلي
قفلت الباب وسندت ظهري عليّ
أجن يضربن بالباب ويصرخن گمزت خايفه
- شاه : شصار ؟
- ارجعي كملي صـلاتچ هاي مشاكل عاديه
هزت راسها ورجعت تصلي راحن هنَّ
گعدت بمكاني نزعت الكبوس ورفعت راسي
بلعت ريگي بتعب
غلقت عيوني فترة زمنيه بعدين فتحهم
شفت شاه رافعه اديها وتبچي
ركزت بيها لحد ما خلصت
- شسويتي ؟
- شاه : دعـيت الله يجمعني بحسين
- شلون دعيتي شگلتي
- شاه : دعيت بگلب ابيض وروح فطيرة
دعيت من أعماق روحي واني ادري برب الخير مايردني
- منو علـمچ الصلاة
- شاه : امي ليش انتِ ماتعرفين تصلين
- لا ماعندي أم تعلمني
ظلت ساكته اجت گعدت گبالي واردفت
- شاه : اني اعلمچ
- هيَّ ماتقبل نصلي
- شاه : لاتسمعين كلمتها الصلاة أهم من ذنوبها
انتِ بكلشي ما تسمعين كلمتها حسب ماگلتي
ليش الصلاة بالذات سمعتي كلمتها ؟
دنگت ماعرف شرد كملت
- شاه : الصلاة هيَّ التريحچ وتزيل همچ وتخلصچ من هذا القاع
هزيت راسي ورديت
- اروحلة هَّو يعلمني
- منو ؟
ابتسمت من اتخيلته وصار بأذني صوته رديت
- الجندي المخفي المحتل خلايا الروح
أدعجي
ابتسمت وهزت راسها گامت مني
راحت تمددت واني بمكاني مددت جسمي وغفيت
فزيت على أثر طرقات الباب
گمت بخوف فتحته إلها
انضربت بقوة من دفرته
دخلت وبعيونها تجدح الشرارة
سحبتني ورفعتني إلها
- ملوك : انتِ ضاربة سيلين ؟
جريت نفس بتعب وزفرته رديت بعدم مبالاة
- اي اني
رفعتني من بلوزي عبالي راح تضربني
راح تچويني بس ما عبالي راح تسوي بيه هيچ
چنها حاملة خبث اسنين وطلعته بيه هسه
عـذاب قاسي وضرب حـد الموت
وحوش على هيئه بشر افترسوني فرس وكلشي سوو بيه
نزلوني سحل جوه بالساحة گبال البناية
نزعتني ملابسي ردت اقاومها قيدوني حراسها
واني ذيچ الاتسمى بالكبورا صرت عصفور جواهم
كانت أكو شجرة مگصوصه باقي بس الساق مالها
رفعتني وثبتت ظهري عليها
ظل الخشب يحشر الجلد ويدخل بي
صوت احتلال الخشب لضهري واضـح وصوته قوي
صرخت بصوت هز بغداد كلها
شاغت روحي وفرفحت
انغمى عليّ وفقدت من بعد عده أيام فقت
حسب ما گالتلي شاه .
فقت أون لزمتني تدلك بيه وتقرأ قران
أول مرة اسمعه بصوت شخص روحي هدأت لكن جسمي يون
وظهري مورم بقيت على العلاج والمرهم
ومرن ثلاث إيام واني بمكاني وباليوم الرابع لبست ونزلت
أطلع للشغل يم الباب تلثمت جاي أطلع دخلت هيَّ وسيلين
اثنينهن مجبرات اديهن مكسورة و وجهن مورم حتى صاير يرعب
حدقت بيه حچيت بصوت قوي
- هم گولي بسببچ صالي ثلاث أيام چني ميت باب المخزن ما طالعته
ما انطت اي رد فعل گبال البناية لمحته
هذا هو واگفه من بين السيارات ملثم بالشماغ يباوعلي
تقربت يمه ظليت بس اباوع بعيونة
مشتاقتلهن حچيت بعتب
- ليش عايفني ؟
- الأدعج : ماعايفچ حتى من تنامين اراقبچ
- لعد ليش ماتخليني أشوفك
- الأدعج : علمودچ وداعة دموعچ علمودچ
راح تفهميني بعدين
هزيت راسي بهل اثناء دخت
ردت اوگع ركض لزمني صرت بحضنه
أخر شي شفت عيونه حسيت بالأمان
غلقت عيوني واني أبين أدي استسلمت لنهايتي وفقدت
.....
فواطم
عصرت اللحاف بقوة ونزلت دموعي
اسمع صوتهم جاي من بره اتفاقها وياهم
تدخلهم بالغرفة بس كون ينطوها فلوس
مسويه بيتنا مثل البنايات البقيه تدخل اثنين يمارسون الحرام بغرفنا
نعلت الساعه الاجينا بيها بهاي المنطقه التعيسه
رجعت ابچي على أبوي . اخ يابوية كسرتك چبيره
هو الچان يحميني من ضربها وتعنيفها
هو الچان يواسيني ويوفرلي كلشي احبه
وچان واعدني يطلعني منا . ويخليني اصير دكتورة
راحت احلامي ورجعت للواقع التعيس من راح
سمعت صوت بس مو صوت عادي
صوت مقُرف جاي من الغرف
رفعت اللحاف لوجهي وسديت اذاني
ظليت اردد واحچي اي كلمة يفكر بيها عقلي
حتى ما أسمعهم .
عشر أيام مرت وهيَ ولا كأنُ زوجها مـات
بس خلصت الفاتحه لبست الثواب الأحمر
وظلت تشتغل علني بالدعارة
عافت الصالون وباعته
واتجهت للحرام وگدام العالم كلها تشتغل
خلتني أخذ شغل أبوي واطلع من الصبح ابيع لبلبي
تريد بس تخلص مني
بعدت اديه ارتاحيت من راح الصوت
ثواني بس ورجع مثل الصوت ينعاد
طلعت روحي گمت استفرغت بالحمام
راحت روحي ولعبت
غسلت وطلعت لگيتها گاعده بنص الصاله
مرتبه ميز وانواع الشرب مسفطته علي
بملابس رخيصه لابستهم گدام الولد
مخليه رجل على رجل ادخن وتشرب سوه
وگفت گدامها وصرخت
- كافي حرام ارحميني
ماتخافين عليَّ ؟ ماتخافين لا يعتدون على بنتچ
بدون لا ترد رگعت راسي بالگلاص التشرب بي
اختل توازني صرت اطوطح
لزمت راسي مديت ايدي لمكان الضربه
شفت دم على أديه صرخت بخوف
ولا اهتزت بالعكس ظلت تضحك وتردد
- راح اخلص منچ بعد ماشوفچ
ركضت للحمام مديت راسي جوه البوري
الماي صار احمر والحمام اتلطخ بدمي
طلعت للغرفة أخذت قميص بابه لفيته على راسي
طول الليل دايخه وراسي يجري دم
كل شوي اغسله واغير القميص
لحد ما يبس الدم على راسي
وي طلوع الضوه غفيت
گعدتني تدفر ابطني وتحچي
- أجـو عليچ كومي رتبي نفسج
هزيت راسي ابچي واحچي
- لا ماريد لاتخليهم ياخذوني
- انطيت كلمة وانتهى الحـديث
دنگت لرجلها ردت ابوسها دفرتني وردت بحديه
- بعتچ الهم أجو ياخذونچ بعد ماكو تراجع
عافتني وطلعت بقيت بمكاني اشهگ
وره شوي صاحت بصوت قوي
- تعاي نظفي البيت يا خايسة
بيه مابيه گمت دخلت للحمام غسلت وجهي
وگفت گدام المرايه وخرت القميص تقربت شفت الجرح
جـرح عميـق من جبيني لبداية شعري
بللت القميص رفعته امسح الجرح
غمصت عيوني بألم بالحسرات والويل خلصت
رجعت شديت القميص على راسي
وطلعت ارتب بالبيت وانظف عمايلها السود
دخلت الغرفة استفرغت بمكاني من شفت المنظر
اكنيلس وهواي شغلات مقرفة
اغمض بعيوني وانضف
مجبورة واذا اخالفها تموتني كتل
أخاف منها وجسمي كله يرعش من يسمع صوتها
خلصت گعدت اجر نفس
دخلت بدلت دشداشتي لان تنگعت
سمعت صوتها يرحب بالضيوف خليت ايدي على گلبي
ظل ينبض بقوة يريد يطلع مني
عضيت شفتي وبچيت
دفرت الباب ودخلت لزمت معصم ايدي وهمست
- اذبحچ لـو رفضتي
هزيت راسي بالنفي ورديت
- اصير خدامة جوه رجليچ بس لاتنطيني إلهم
نطت عيونها گزت على اسنانها وحچت
- ماريدچ يمي خلي ابيعچ لواحد شاريچ احسن ما اذبچ
يم صاحبتچ وتين
- ذبيني يمها ولا تنطيني اطلع اشتغل والفلوس
الانطوها الچ اجيبهن بس لا تبيعيني
ضربتني راشدي حتى بچي ماخلتني ابچي
طلعتني بره وشمرتني بوسطهم
وگعت بالگاع تحت اقدامهم حچت وذلتني
- هاي گدامكم يله جيبوا الشيخ واعقدوا عليها
رفعت راسي وصرخت
- ما اقبل بي لو تذبحيني
ظلت تدفر بيه رفعتني من شعري
احس فروة راسي انشلعت
شالتني وشمرتني ابينهم صرت بين احضان
كابوس حياتي هذا هو الدمرني
الخلصها وياي تحرش بتحرش
النهاني نهي وخلاني افقد برائتي .
استغل الموقف ولمسني بمطنقتي
ضربته ودافعت لروحي ابتعدت منه
بهل اثناء انطرق الباب راح فتحه هو
دخل الشيخ وهذا مو إي شيخ
همَّ جايبينا يعني لو ارفض منـا للصبح راح يعقد عليَّ
دخل گعدوا يضحكون بصوت عالي
بكلمات واتفاق تدمر حياة بنت صغيرة بعدها ابداية عمُرها
خلو يعقد عليَّ
دگيت ولطمت واتوسلت وضربت وغلطت
لكن بالنهاية تم العقد غصبًا عني
انتهيت وانتهت حياتي وأحلامي
بليلتها نمت من بعد نوبة بكاء لحد ما ورمت عيوني
شميت قميص بابه وغفيت .
لمسات أيد وحش بجسدي الصغير
لمس مناطق المفروض بس اني المسهم
ريحه الشرب التنبعث من ثم المتحرش
على هاي المحاولات فزيت
دفرته خله أيده على حلگي وحچه
- اش بعد خطبتچ ماكو عذر امچ الدخلتني عليچ
حشرت اظافري بـ معصم أيده وخرها من حلگي
حچيت برجفه
- مو هسة حسام من نزوج
- حسام : شنزوج ؟ احنا مو عقدنا
- من نروح لبيتكم
ضحك بصوت قوي لفحتني ريحته لعبت روحي
- حسام : اذا على الروحه باچر رايحين
خفت من الروحه لهناك أكثر من محاولته بـ اغتصابي
شغلت عقلي ماردت اعانده ويسوي شي يدمرني
غصبت روحي رفعت أديه حاوطت رگبته وهمست
- حبيبي مو هسة اني ما مجهزه نفسي
انطيني مجال لباچر ويتم كلشي
ظل يباوعلي ما مصدگ ابتسمت وكملت
- نام يمي الليلة خوش ؟
هز راسه وابتعد مني . صار بصفي
مد أيده واردف
- حسام : تعاي نامي بحضني
ماگدرت اگول لا صرت بحضنه انتهيت
عبالك دخلت للنار بس دموعي تجري
وهو مثبت أنفه بشعري ويجر انفاس
لـحد ما غفه اني منتهيه
وخرت أيده المحاوطني بيها سحبت نفسي للزوية
بين الحايط والكنتور حشرت نفسي ارجف
بجيت لحد ما ورمت عيوني باوعلته گلبي ظل ينبض بقوة
أخاف من ملامحه أخاف من شكله
سمين حيل وعلى صفحه وجها اليمنى تشوه
مضروب وظال أثر واضح وعميق يرعُب
عيونة تجدح شر وحركاته كلها مكر
بلعومي يبس طلعت أشرب مي
وهم ابقى برى لحد ما يگعد ويروح
ماگدر اتحمل اشوفه سألت نفسي واني حايرة
- لعد شلون راح اعيش ويـا ؟
عضيت شفتي ومسحت دمعتي
دخلت للمطبخ هسوتني أخذت رشفة ماي من الكوب
سمعت صوت بالطرمة تقربت لشباك المطبخ
لمحت خيال اثنين جاي يسولفون بهدوء
خليت اذاني اريد افهم وشوشتهم
هذا صوت أمي ؟ وي واحد تحچي
أول مرة مافهمت كلامها بعدين وضح عندي
او بالأحرى فهمت جملة وحدة منها
خلتني أموت واني على قيـد الحياة
- خلصت من الابو وباچر أخلص من البنت
البيت راح يبقى فارغ يعني الشغل راح يكثر
وگعت بالگاع بدون رد فعل بس صافنه
استرجعت ذاكرتي وربطت بالأحـداث
أول يوم ابوي طلع . چان زين والابتسامه مرسومه على وجها
حتى عافيته رجعت . أول يوم وأول ليلة يدخل بيها هنا
هو مـات . نام بدون مايشكي من شي وگـعد ميت
والسبب مجهول .
- يعني هيَ الكتلة ؟
وگف عقلي ساعات واني بمكاني مصدومة
احچي وي نفسي وانوب ابچي
وأمسح دموعي واچذب السمعته
من بعد وقت اشبه بالكابوس
قررت أشـرد اطلع منا واروح اشتكي عليها
لـو اني انتقم منها بطريقتي والله ماخليها عايشه
طلعت بطرگ ثوبي بدون قمصلة وحتى حذاء
حافيه اركض بالدروبنة برد قارص وضباب قوي
اركض واللهث ، وعقلي متشوش ، وگلبي ينبض بقوة
بوسط هاي الفوضى والضياع
انردمت بجسد ضخم بلعت ريكي بخوف
رفعت راسي ما لمحته من ورا الظلام
سحبني من خصري . ثبت مسدس بگلبي
ضربته برجله عصر خصري بقوة وحشر المسدس بگلبي أكثر
لفحتني انفاسه حچه بنبرة حاده وصارمه
- وشـرف زيـنـب اذا اتحركتي افرغ الشاجور بگلبچ ..
.....
وتـيـن
مابين الحلم والواقع بروح تعبانه وجسم معذب
بقيت دقائق أحاول ارجع لواقعي وأعرف اني وين ؟
الصار حلم لو حقيقية .
فتحت عيوني بثكل ماشفت شي گدامي
غواش سوداوي مستحل عيوني
جريت نفس قوي حسيت بالأمان
هذا عطره هَّو هنا يمي
صوته الدافئ كان كفيل بشفاء كل جرح بيه
همست بدون وعي بصوت مبحوح من التعب
- مريضه
- ريت المرض بيه ولا بيچ بوية وتيني
- شجابني يمك ؟
- گلبچ اليهواني
فتحت عيوني ورجعت غلقهن ماگدر اسيطر عليهن
- هالمرة نهتني نهي
- وهالمرة فريتها فر وحرگت البناية عليها
نزلت دمعتي رفعت ايدي الترجف
اتلمست وجها حچه گلبي صار اقوة مني
واعترف بالمضموم
- أحبك ياروح وتينك ونظر عيونها العاشگهن
بنبرة حنونة ، وصوت هادء ، وگلب صادق
إعترف وحچه الضامه
" احبچ من سنين وهايم بيچ انه وتيني "
حسيت بالراحه وكل هذا الصار عبالي حلم
رجعت نمت بدون ماحس فزيت على صوت صياح
وكلمات مشوشه نص أفهمها ونص لا
بقيت بالفراش اصارع نايمة على خاصرتي أريد اگوم ماگدر
حسيت بظهري مضمد اتلمسته وفعلًا طلع مضمد
شبكت اديه طقطقت أصابعي
سند نفسي وگعدت دخـل باوعت بعيونه
صايرات حمر ومدمعـات تقرب يمي وهمس
- الأدعج : بعدچ متأذيه ؟
- شـوي
هز راسه وگف بصف الميز طلع شريط حبوب
أخذ وحدة قربها يم اشفايفي اخذتها
شربني ماي وخله أيده الثانية جوه فكي خاف ينقط .
بعده ومسح شفتي بـالـ اكنيلكس
دخلت مرة متوسطة بالعمُر والشكل شايله بيدها صينية
أخذها منها واردف
- الأدعج : ابوس اديچ يمة
- فدوة لعمرك وليدي
ادركت هيَّ هاي امك ظليت اباوعلها وابتسم
وهيَّ كذلك تشبه الأدعج هواي
بس هو عيونة أكبر وداكنه أكثر منها
جر الميز خله علي الصينية
گعد بصفي لزم الخاشوگه وظل يوكلني
بأدي قطع اللحم الى قطع صغيرة وخبطهن وي التمن
اكلت هواي كلش طيب أكلهم
شال الصينية شوي ورجع
- الأدعج : تگومين تغسلين ؟
ابتسمت واردفت
- ولو أيدي ما لمست الأكل بس ميخالف اگوم اغسل
ابتسملي وهز راسه
گمت غسلت اباوع لبيتهم واسع ومريح للقلب
بكل زاوية أكو صور متنوعه من بينهن كلهن جذبتني صورة وحدة
سألت الأدعج
- منو هذا ؟
- الأدعج : داحي الباب
- منو ؟
- الأدعج : الأمام علي عليه السلام
ركزت بالصورة واتعمقت بيها
طار خيالي وياها حسيتها حقيقية مو صورة عاديه
قاطعني من مد أيده شفت بيها بعد علاج
أخذته منه ردت أخذ الگلاص ماقبل هو شرباني
وعاد حركه خله أيده جوه فكي خاف انقط .
شهگت من صار گبالي واحد كحيت واردفت
- هـذا ابوك ؟
هز راسه بـ معنى اي ابتسمت بوجها لكن هو عكس أمه
خزرني خزرة خلتني أجمد بالحركه
عقدت حواجبي واني اباوع فوگ راسه
حچيت بدون لا أفكر
- ابوك ليش متحجب ؟
صفن ابو بوجهي والأدعج ضرب جبينه
مافهمت ليش
انداريت لأدم شفته مغطي وجها واكتافه تتحرك
حچه أبو
- هاي التـريد تجيبها لبيتي الماتفرق بين العمامه والحجاب ؟
- الأدعج : لا بوية تعرف بس تحب تشاقه
دار وجها عليَّ وكمل
- الأدعج : مو وتيني تحبين تشاقين وتلطفين الجو ؟
گليله
باوعتله وهزيت راسي اردف بعصبية
- تضحك على ابوك هاي تاليها
تجيب وحدة من بناية دعارة وتريد تزوجها ؟ مافكرت بسمعتنا
بعشيرتنا وعاداتنا وتقاليدنا والله لو سويتها نذبك
ولك مو انتَ السيَد ليش هيـچ تسوي
تذنب بوحدة كلها أخطاء
هالمرة مو بس اختنگت هالمرة نزلت دموعي
ظل صـدري يصعد وينزل اشهگ بصوت قوي
كلهم شافوا دمعتي .كلهم شاهدوا كسرتي
شجاني ؟ ليش هيچ سويت بروحي
ليش خليت الكل يحچي عليَّ
اني مو أخذت قرار ابتعد ليش رجعت !
ليش روحي جاي تنذل ؟
مو اني ذيچ الروحها عزيزه المايجي على عينها حاجب
ليش هيچ جاي يصير وياي
بالرغم من ظروفي بس عندي عزة نفس وروحي أحبها
حسيت جاي افقد كلشي من ورا گلبي
مسحت وجهي هزيت راسي خليت عيني بعيونة
ورديت بخنگه
- صح انتَ خايف على سمعه أبنك بس مو معناها تكسرني
انتَ مو تعرف الله ؟ شلون تكسر گلب وحدة فقيرة
دنگت لبست حذائي وكملت
- مو عبالك كل الهناك مو زينات بيهن مظلومات
مثلي لاتحچي بدون ما تثمن كلامك وتجرح المقابل سيد
نهيت كلامي وطلعت بره
ركضت شوي ماگدرت اكمل ظل ظهري يوجعني
صرت امشي سريع أسمع صوته وراي يصيح
ضغطت على روحي وبينت ما أهتم واني نار مشتعله جواي
وصل يمي سحبني من اذراعي أله
طخ راسي بصدره غمضت عيوني من شميت عطره
نزلت دمعتي من طرف عيني وگلت
- عوفنـي
- أموت وحگ الگطعو چفوفه غدر أموت بدونچ
- من راسي لرجليه ذنوب
- أنظف منهم كلهم
- ماحبـك ماريـدك
- عيونچ رايـدتني
- تچذب
- أله عيونچ ماتچذب ، الله خلقهن صادقات
بلعت ريگي وهمست
- اني ذنب بحياتك ، كلي اخطاء ، لاتخالف عشيرك واهلك، لاتحبـني
رد بنبرة حزن وصدق ولهفه وحبُ عيونه لمعت ودمعت
" انتِ أبيض ذنـب ارتكبه "
" يا أثمن الاخطاء بحياة السيَد "
" أخـالف الدنيا لخاطر عيونچ مو بس عشيرة "
"حابـچ انه وضايع بتفاصيلچ لاتعوفيني بوية وتين "
حـيـرة والحيـرة چبـيرة
هيَّ وحـدة من الـثنين
لـو أموتـن من أعوفـك ، لو أخـالفـلي عشيـرة
زهرة الساعدي .
للـحكـايـة بـقـية
رأيكم ؟ توقعاتكم ؟
أستودعكم ألي عينه ما تنام 💕
-أستغفر الله.
-سُبحان الله.
-الحمدُ لله.
-لا إله إلا الله.
-الله أكبر.
-سُبحان الله و بحمده.
-سُبحان الله العظيم.
-أستغفر الله و أتوبُ إليهِ.
-لا حول و لا قوة إلا بالله.
-اللهُم صلِ على مُحمد وآل مُحمد.
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/418/الادعج-قاع-الظلام
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━