1 - الفصل 1: إعلان 🔥

الأدعج " قاع الظلام "

بقلمـَي زهرة الساعدي

لطفًا فراشاتي دوسن على النجمة وعلقن بين الفقرات

نبدي على بركة الله

الغلاف من تصميمي

الأدعج" قـاع الظلام "

تنـتظـِركم لـيالـي قاسية وعيـون لاتنـّام

وأيـام سوداوية فـْي أعـماق قــاع الظلام

هـيا يـا رِفـاق انـتـّزعوا ثـُوب النجاة

لـنغوص مـعـاً فــّي حكايـة الـقتـلِ والدماء

لنـُكـشف الالـغـاز تاره تاره بهـَدوء وعـقل دهـاءِ

الـقـاع الأول

انفتحلي باب السيارة

نزلـت گبال البنايـة ارتبك واصفر وجها من شافني

عدلت شعري خليت گذلتي ورا أذني وتقدمت

- الشريرة هنا ؟

- ارجعي منين ماجيتي

- هاي كل قوتك ابهرتني

- عله خشمچ بزودة تتذكرين ماضيچ

- اني ما أعلـه بزود أحـد اني من يوم يومي عاليه

- المدام وصت انتِ ماتدخلين هنا

حركت رقبتي يمنى ويسرى

عضيت طرف شفتي وابتسمت

- تدللون انتَ والمدام

رفعت حواجبي انضرب من ورا وانغمى علي

تمشيت بهدوء يم الباب جسدة عرقل حركتي

دفرته برجلي ودخلت

امشي بالممرات هدوء بس صوت كعبي يرن

شعجب هاي مو من عوايد الممرات تكون هادئة وخاصةً

هيچ وقت وصلت يم الغرفة باوعتلها واتنهدت

كلشي مر ابالي للحظة اجيت احزن واضعف

لكن هيهات يشوفون ضعفي وحزني

هزيت راسي بالنفي جريت نفس عدلت سير انفاسي

زفرته وزفرت كل ذرة ضعف جواي فتحت الباب ودخلت

استغربت الغرفة فارغه مابيها ولا وحدة وين ودتهن ؟

عفت الغرفة وراي وهرولت بخوف لمكتبها

دفرت الباب ودخلت چانت گاعده ويه مجموعة

من الحثله مبينين مسؤلين وناس ثگال

اي وهنا شيجي غيرهم ؟

انصدمت من دخولي رادت تتلاحگ الوضع

لزمتني من زندي وسحبتني للباب

نترتها ورجعت دخلت ضربت الطاوله وصحت

- وينها !!!! و وين البقيه ؟

- شدخلچ انتِ هنا بعـد مالچ دخل

- نسيتي شنو اگدر اسوي نسيتي منو اني ؟؟

ولچ بكلمة مني تنهدم البناية فوگ راسچ

تقدمت لزمت ايدي خزرتني صكت على اسنانها وردت

- الزمچ من ايدچ التوجعچ واخليچ تركعين تحت اقدامي تتوسلين

نترتها وضحكت بصوت قوي

- اني محد يلزمني من الأيد التوجعني

اني الأيد التوجعني ابترها

- يجيچ يوم وتنلدغين يالمسمية نفسچ كوبرا

گعدت على احد الكراسي خليت رجل فوگ رجل

شبكت ادية حركت راسي ورديت بهدوء

" اگص السان التلدغني واشرب سمها

اني الي الدغ وما اندلغ مدام "

أنا امرأة من نسل الافاعي

أنا القوية في عـُز ضعفي

أنا النار التي تحرق نفسها

أنا الرماد المتبقي مني

أنا الحرب التي بلا جنود

أنا امرأة من الطراز المثير

أنا التي تجد بين ملامحي البراءة والجراءة معًا

الـقـاع الثانـي

فتحت الحنفيـة نزل منهـا ماي بارد ثلج

ما اهتميت وصرت اغسل بي

خليته بحلگي وغلقته تم بداخلة مدة

اسنوني ظلت تطقطق ولثتي وجعتني من قسوة البرد

ضغطت على روحـي وظليت صامده كم ثانيـة

بعدها ذبيته وكررت هاي الحالة ثلاث مرات

بالمنشفه مسحت الماي المنثور على وجهي

رجعت للغرفـة ارعش من البرد .. سحبت الشرشف غطيت نفسي

رفعت ايدي خليتها مقابيل شفتي زفرت أكثر من مرة

وشميت الريـحة .. رددت بصوت يرجف

- ماراحت بعدها اليوم نهايتني !!

خليت ايدي على الحايط ردت اگوم وارجع للحمام اغسل

سمعت صوت فتح الباب معنها أجه

بخوف ورهبة رجعت گعدت

لميت رجليـة لصدري وضميت وجهي ابينهن

هـدوء تام يحيط بالمكان .. بس صوت خطواته تتقدم للغرفة

وانفاسي الواصله البلعومي

توقفت خطواتة وسرعت انفاسي

رفعت راسي اراقبه شفته گبال الميز

مثل عادته كل ما يجي اول شي يسوي يوگف گباله

لابس بدلته يعني اليوم چان بالشغل

نزع القبعة وبدأ يفتح ازرار القميص

من المراية ثبت نظراتة عليّ واردف بـ بحه

- سويتيها !

هزيت راسي بمعنى لا بخوف مو منه لا

خوف لايسويها ويضيع الأول والتالي

نزع قميصه رتبه وعلگه بالكنتور رجع للميز

نزع ساعتـة ورد بثقـه

إعلان

- بس عيونچ تگلي اي سويتها

- ماعليك منهن يچذبن

- كلشي بيچ يچذب أله عيونچ اصدق ماخلق الله

نزلت نظراتي وبلعت ريگي

سمعت صوت المجر انفتح باوعتله مفزوعة

تراجعت للخلف واني اردد

- لا لا

تقدم بهدوء وهو يتمم بكلمات ثابتـة

- گتلچ لا تسوينها وسويتها .. الراح يصير انتِ اشتريتي

- غلطت وبعد ماعيدها

ابتسم وهز راسه مستهزء

صار يمي گعد على ركبه مقابيلي لميت نفسي واردفت

- واحد خبيث حقير لك عبالك خايفة منك

والله لو ما تهديدك تحرمني منه چان انتَ ماتهـز شعرة مني

انگلبت تعابير وجها وتغيرت نظراتة اتلافيتهن وغمضت

شگ ثوبي من يم فخذي

ثنة رجلي وگعد عليها

عضيت شفتي متألمة كتمت وجعي وباوعت بـ عيُونة

- انتَ مو سيد ليش ماتخاف الله بيه !

- بكلشي اخافه أله بيچ ماخفت وذنبت

- تعرف ويامن وگعت انتَ

رفع حاجبه وثنة شفته مستهزء

- لا ماعرف ويامن عرفيني خانم

- وي اخبث كوبرا على كوكب الأرض

ضحك بصوت قوي لدرجة البكاء

رفع راسة حك ارنبة أنفه ورجع نزلة

تقرب يمي تخالطت انفاسه ويه انفاسي باوعلي بتحدي واردف

- اثاري بعدچ ماتعرفين ياهو الادعج .

هـنـُاك كـُوبرا تـلدغِ

نـّارها تـلسـع ولا تشـبعِ

غـادِره ماكـّره تـُدخلك فـّي النـّار ولا تشـفـقَ

مـُحاربـه ذكـيِة . تـنشر السـُم بأريـحيـِة

لـها عـّده جـوانبِ تـُحيك لـك الاشياء

ثـُم تترك فـّي المـنتصـُف حـٌائر

واقـفـهّ عـلـى خـيط تـحته النـّارِ

تـخشى السـقوط منـُه والانكسارِ

أرادت تغير المسار .. وكشـف الأسرارِ

فـ سـقطت فـّي قـاع ذالك الـمـُهيـب

الـذي لا يفهـمـُه الىٰ العقلِ المُريب

غـّريب

نـعم غـّريب يـُثير الدهـشهِ كالغهيب ِ

أدعج غـّريب الاطـوار

غامـق الحـُوار .. شـديد الأخطارِ

لـهُ سُر مـدفونٌ .. وعقلِ ملعـونٌ

ذا عـينان غـريبتانِ ونـظرهٌ مليـئة بالرهبـهِ

وليـس لـه نصـيب مـّن الرحمـةِ ..

الـقـاع الثالـث

اهرول ابستان مهجور حتى الاشجار بي ميتة

الدنيا غروب السماء شبه المظلمة

صار گبالي بيت متهالك رغم بشاعته دخلت احمي نفسي بداخله

گعدت بالگاع وخليت أدية على حلگي

خايفه حتى من صوت انفاسي اخاف تسمعهن وتجيني

غمضت عيوني بخوف من سمعت صوت طقطقة بداخل البيت

صوت قوي ويخوف خلي اوصفلكم شجاي اسمع

سامعين من المجرم يسحل بـ جثة الضحيه والصوت يكون مرعب

هيچ جاي اسمع بالضبط

مع صوت هوى هذا اليخوف

دقائق وانقطع الصوت وحتى الهوى

فتحت عين وحده اتفحص المكان محد گبالي

فتحت عيني الثانية و وگفت

وصلت يم باب الخروج ردت افتحه انقفل !!

صار صوت خطوات وراي

قبضت ايدي ومن قوة القبضة اظافري نبتت بيها

بقيت على حركتي جمدت بمكاني ثواني بس

واختل توازني من حضنتني ايد على خصري

نزلت نظرتي ودمعتي سوه

شفت أيد طفلة بس مو طفلة عاديه

أيد سودة مفحمه واظافرها طوال بس هيَ أيد طفلة ..

ظل صدري يصعد وينزل وصوت انفاسي عله

قوت قبضتها عليّ لدرجه خلتني اختنگ وماگدر اتنفس

سحبتني الها وشمرتني للگاع

باوعتلها وارتعبت شكلها بشع الى اقصى درجه ماگدر اوصفه

حچيت بخوف واني اترجاها

- شتردين مني عوفيني

صار صوت ضحكات وماعبالك ضحكة وحده

لا هواي اصوات تضحك

بسرعه البرق طفرت عليّ وخنگتني

ظليت ارافس جواها وهيَ تضحك

بينت اسنانها الطويله ظلت تهز براسهه وتردد بصوتها الغريب

- ماعوفچ .. ماعوفچ

فزيت ودگات گلبي تريد تطلع من مكانها

العرق ينزل من جبيني

بلعت ريگي وجريت نفس

متعودة على هاي الكوابيس اهرب من واقعي المرير

يتلگني الكوابيس الاسوء من الواقع

لبست روبي ونزلت اشرب ماي

على أخر بايـة من الدرج رنت الساعة

نظرت الها بخوف

ساعة ضخمة متوسطة بنص غرفة الضيوف

ترن بصوت قوي ومزعچ تعلن إلنا حل منتُصف الليل

و صارت بـ 12:00 ضبط

لو بيدي اكسرها وامحيها منا بس الأمر مو بيدي

اكره هذا الوقت واكره اذا اكون گاعده بي

نسيت الماي والعطش رجعت لغرفتي اهرول

صابتني رجفه من الغرفة مفتوح الشباك ومخلي

الهوى القوي يتلاعب بيها

تقربت دفعت البرده وردت اسده

تركزت نظراتي للحديقة الأمامية

انشليت عن الحركة من شفت نفس الطفلة واگفه تراقبني

اي هاي نفسها ألي بالكابوس صارت مقابيل غرفتي !

سرت الرجفه بانحاء جسمي ويبس الدم بعروگي

هربت للچرباية .. غطيت نفسي وحضنتها واني ارجف

احبال صوتي تقطعت وماصارت تطلع

ورجلية انشلت عن الحركه ماگدر اتحرك !

عضيت شفتي السفلية من سمعت صوت الباب ينفتح

ينفتح وينسد بهدوء بصوت مزعج جاي يتلاعب باعصابي

شهگت من انغلق بقوة .. الچرباية بكبرها اهتزت من ورا

اريد اصرخ اريد اطلع راسي ماگدر

ظليت ساعات واني اتصارع وي نفسي

صرت اقوى وگدرت ارجع لطبيعتي

وخرت اللحاف من وجهي رمشت أكثر من مره بخوف

من سمعت صوت انفاس عاليه وراي

بحركة سريعه اندرايت اشوف

توقف النبض بگلبي ومات كلشي بيه

من شفتها نايمة بصفي .....

الأدعج" قـــاع الظلام "

حل منتُصف الليل 12:00

إنـتهىٰ الـُوقت ودقـتِ ساعه الانذار

ولقد حدث ما لــم يـُكـن فالحـُسبـانِ .

قريبًا ....

كُل كتب بقلمـَي

زهرة الساعدي

القصة صعبة واحداثها اصعب من أي احداث

لكن احب المغامرة واخذتها

على الله يتوكل المتوكلون 💕

يوزر الانستا zahralsadi

قناة التلي zahralsadi


━━━━━━━━━━━━━━━━━━━━━━━━━━

🌸 هل أعجبتك أحداث القصة؟

💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:

🔗 تابع القراءة عبر موقعنا الرسمي من هنا: https://kimostories.site/novel/418/الادعج-قاع-الظلام

نتشرف بوجودكم دائماً في عائلة كيمو ستوريز! 🌸

━━━━━━━━━━━━━━━━━━━━━━━━━━

2026/11/15 · 0 مشاهدة · 1356 كلمة
yare.yare
إعلان
نادي الروايات - 2026