في مكان اخر في ديره أخرى بجانب ديره الوادي ديره الشيخ سيف السيف نسبة لجده والد والده وكان يطلق عليه سيف السيف بسبب انه شيخ ولد شيخ سيف نياف السيف حيث كان يطلق عليها ديره السيوف لكثرت رجالهم وشجاعتهم الذي يضرب بها المثل فكان حتى صغيرهم له هيبه كبيره عند الناس
-
في وسط بيت الشيخ او كما يقال حاليا الديوان او المجلس مجلس شيخ ديره السيوف سيف
وكما يقال له ابو شجاع حيث كان مجلسه كبيير وكان بدون أبواب حيث مكان للجلوس فقط ولا يوجد باب يغلقه من زود كرمهم وسطاوتهم
ابو مروان جالس يسار سيف : الحقيقه يبو شجاع جيتك اليوم وانا ناوي القرب منك و والله لي الشرف يبو شجاع مناسبتكم هاه وش قلت ؟
الشيخ سيف وهو ينزل يده وفيها فنجال قهوه وعلى يمينه شجاع كان جالس لف عليه ثم لف على ابو مروان وأردف يقول : حياك الله يبو مروان والله انك عزيز وغالي ومن ناحيتي موافق ولكن اعذرني لزوم اخذ رأي البنيه وأعلمك ان شاءالله لو فيه نصيب
ابتسم شجاع ابتسامه جانبيه فخر في أبوه وطيبه وهاذا ثالث واحد يكلمه اليوم عن خطبة بناته وأخذ رشفه من فنجاله كملو سوالف حتى ترخصو الضيوف ومشو قام سيف وشجاع معاه متجهين للبيت بعد يوم طويل ومتعب وهم يمشون وسط الشارع كل شخص يسلم عليهم وكانت على مسامعهم :
حي الله الشيخ سيف .. ياحي ذا الشوفه يبو شجاع وشجاع .. طالبكم تتقهوون عندي ذا اليل .. يشيخ رجيتك العشاء تفضل تفضل
وكان رد من الشيخ فقط حيث اكتفاء بابتسامه شجاع برد أبوه عليهم
الله يبقيك يبوي ...
حي نباك يبو خالد
شجاع : تسلم يبو خالد ...
ابشر على خشمي لكن خلها يوم ثاني والله مالي حيله يبو فيصل .. زاد فضلك يراجح المعذره منك ابشر ان شاء الله مره ثانيه
دخلو البيت وتوسط الصاله وعياله كلهم موجودين شجاع وسهم ونواف وبناته هناء سهى نهى
أردف ابو شجاع وبحكم انه جالس بصدر المجلس متربع وعلى يمينه ام شجاع مزون نادا هناء بحيث انها اكبر خواتها وقدام أنظار الجميع الا إن سهى وسهم جنب بعض من يسار أبوهم لأنهم توأم وشجاع متكي على الجدار وعلى يساره امه وأخذ كاسه الشاهي وهو عارف مقصد أبوه اما نواف ونهى كأنو على يمين شجاع ونهى بينهم وهي تتخبى بكتف شجاع الأيمن من نواف اللي كانت تحارشه ، نواف بيقرصها لكن يد شجاع اللي امتدّت على جسدها وهي متخفيه وراه منعه، نواف اشر لها بيده بمعنى والله غير أجيبك بس انتظري لفت انتباه الجميع كلمه ابو شجاع اللي كان يهمس لام شجاع أردف تنحنح وقال : يبه هناء تعالي ودي بك بموضوع
وطلع برا الصاله وقامت هناء وراه على استغراب الجميع ونظراتهم لهم تقدم سهم : يمه وش السالفه!
ابتسمت مزون وهي تشرب قهوتها وقالت : اختكم جايين لها خطاب
ابتسموا جميع
قال نواف بمزاح : اخيرا فكه مابغت تعرس
مزون : افا ينواف علامك على هناي !
سهى ونهى وسهم مع بعض : عشتو عشتو
وكعادته شجاع اهدى واحد بالموضوع وطول الوقت كأنو يضحكون ويمزحون مع امهم وشجاع كان ساكت مبسوط عليهم وأنظاره عليهم
عند ابو شجاع وهناء
سيف : هاه يبه وش رايك ؟
هناء مستحيه بالحيل وتفرك يدينها : يبه والله مابعد رأيك راي لكن عطني يوم يومين أستخير
رد أبوها وهو يربت على كتفها : على هونك يبوي انتيي وعلميني وش قرارك وتأكدي اني معاك بالحال والترحال
ابتسمت هناء وضمت أبوها وهي تقول : عساني ماخلى منك يبو شجاع
مسح على ظهرها وقال : امين يبوي امين ويخليكم لي يارب امشي امشي نعاود لهم تسمعين ضحكهم واصل لين أذني خلينا نشوف وش صاير
تقدمو وهي بحضنه وقالت : كالعاده نواف وسهم يسوون حركات بايخه وامي وخواتي يعززون لهم
دخلو داخل عندهم قامت نهئ ولأنها اصغر وحده فيهم تخصرت : عشتو عشتو وحنا يبه مالنا حظ بذا الحضن
سهى : اي والله يبه وحنا ؟
ضحك أبوهم وهو يفتح يده اليسرى تقدمو البنات وحضنهم كلهم
على أنظار العيال أردف سهم وهو يقلد صوت نهى وسهى : ماشاءالله الوالد العزيز ناسي ان عنده عيال ولا
ضحكت مزون وهي تفتح يدينها وتقول : تعالي يمي ولا يبقى بخاطرك تعال عندي
تقدم لحضن امه والباقي يضحكون ومبسوطين وانتهى يوميهم الساعه 11 مساء حيث خلد كل من في قريه السيوف للنوم نامو براحه وبعمق
-
نعود الي ديره الوادي على مشارف المغرب الساعه 6:30 مساء جاء يمشي على هونه بالجلمود والكاسر من فوقه يطير ببدايه مربط الاحصنه نزل وربط حصانه واشار للكاسر ووقف الكاسر على يده اليسرى وتقدم ونظرات الاستغراب ملي وجهه من القدور الكبيره اللي على النار وعددها الكبير واردف وهو ينادي : سيمر وش السالفه ؟
جاء سمير وبيده اليمنى ملعقه كبير جدا ويده اليسرى يعدل عمامته وهو يقول : يرجال انت وش تساوي هان أبوك عنده عشاء ذا اليل! وطلب من كل عياله أنهم يكونون متواجدين من الساعه 5 العصر
فز ركود من مكانه وهو يعطيه الكاسر وقال : انتبه عليه وده المقيض مسك شماغه لايطير ويده الثانيه على مخباته وركض متجه للبيت يبدل ويلبس وبسرعه يتوجه لمجلس أبوه الذي بنفس مكانه ومجلس ابو شجاع حيث كان لا أبواب له ويتوسطه خداديه بيضاء اللون ومراكي حمرا اللون بسرعه دخل من الباب الخلفي ودخل غرفته من الشباك لان كان فيه حريم بحوش البيت لبس ثوم بني اللون وكأنه يعلن عن دخول الشتاء ولبس سديري لونه كحلي وشماغه ابيضّ وعقاله الأسود بسرعه طلع من الغرفه وركض متجه لمجلس أبوه وهو يدعي يشوف اي واحد من اخوانه سوا راكـد او أياد قبل أبوه
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/433/يا-ركود-الغيم،-ويا-أثار-المطر-قصرك-سكن-وقلبي-ديره
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━