________________________كَساد
﷽
كاتبة _ ميرال _ علي
بقلمي رواية : وجوهاً تخفيها الثراء
الطفاً التنسون التصويت والتعليق ومتابعة حساب واتباد
لا عين بعد عيناك تُهوى ولا مبسم بعد مبسمك يفّتن 🖤.
في احد بلدان خارج امطار غزيرة اصوت برق مخيف أجواء شتاء اصوات سيارات يخترق مسامعي مشاعر متضاربة واگفة گدام شباك البيت الـي هوه عبارة عن كوخ صغير يطل على حديقة فخمة بشكل مجذب النظر أفكار مشتتة بال سارح أفكر بحياتنة واليوم راح نبقى متحملين هذاا الذل والطغيان بهذي العائلة رجعني الواقعي صوت ماما تناديني .
_ هنا ماما تعالي .
اجت تلهث مـن تعب كُل عادة كُل ما ترجع مـن شغل تكُون هاي حالتها تنهدت بتعب على وضعها .
_ ياامي لـيـش واگفة گدام شباك لا احد يشوفج وتصير لنا مصبية وحنه مو گدهم وجو بارد هسه تتمرضين حبيبتي .
_ ماما الشوكت راح نبقى هنا ؟
تنهدت بصوت عالي وحجت
_ الابد تعودي هنا نعيش وهنا نموت شوكت تتعودين تعبتيني .
رحت گعدت بصفها اخذت يديها البارد بين كفوف يدي بستهم انفخ عليهن هوه انفاسي الحار حته تدفه
_ يعني عاجبتج عيشتنه هنا عاجبج وانتِ يومية ترجعين منهم تلهثين مـن تعب ؟؟
_ ماكُو شخص يعيش مثل ما هوه يريد ومو كُـلـشـي نريده ونحبة نحصل عليَّ ماما كُـلـشـي مكتوب مـن ربج والي يريده رب العالمين هوه الـي راح يصير واني تعودت على هاي عيشة واريدج انتِ همَّ تتعودين .
_ اتعود ماما صدك تحجين اني اريد بس احصلي شغلة او بس اكمل دراستي اخذج واطلع مـن هذاا الجحيم ونخلص مستحيل اخليج تبقين عمرج كله تخدمين هذوله ناس على موتي اخليج هنا مستحيل انسي اتعود على هاي عيشة .
انتفضت مـن مكانها وعاطت بصوت عالي وعصبية
_ خلص كافييييي اني مستحيللل اطلع مـنا وانتِ اذا عاجبج طلعين روحييييي وعوفيني هنااااا .
_ بس فهميني انتِ لـيـش مصره تبقين هنا انطيني سبب واحد بس سبب واحد اقنعيني .
دارت وجهه تروح الغرفة وهيه تگول
_ اني ما مجبوره ابرر الج وقرار الج تردين تبقين تردين تروحين بس خلي شي واحد براسج اذا طلعتي منا فـ راح طلعين بدوني .
گعدت مهدود حيلي نفس ضاق عليَّ گمت بسرعة فتحت الباب وطلعت اركض بخطوات سريعة الحديقة الخلفية الان ممنوع نجول بــ حديقة امامية سندت ظهري على جذع شجرة غمضت عيوني اخذ نفس بتعب
ما اعرف سبب اصرارها نضل هنا وكُل مرة نتعارك على نفس موضوع وينتهي نقاش اني خسرانه گدام اصرارها .
مرات افكر بيني وبين نفسي شـنـو سبب اصرارها نبقى هنا وليش هـيـج معترضة نطلع نأسس حياتنه وحدنه لـيـش تريد تخلينه طول عمرنه مذلولين هاي عائلة .
سمعت صوت خطواط اشخاص ضميت نفسي ورا شجر اكثرر بحيث صرت ما ابين ابدد اباوع حرس يفترون وبيديهن لايتات يضون بيها يدورون على شيءٍ ما هتميت سحبت نفسي بطىء حته محد ينتبها وتصيرلي سالفة رجعت البيت بيتنه الـي عبارة عن كوخ مـن خشب صاير بــ حديقة الخلفية متكون مـن غرفة نوم وحده نتشاركها اني وماما وحمام ومطبخ وصالة زغيره ضايعة بــ تخم الـي متكون مـن قنفات ثنين راحت الغرفة ماما نايمة بتعب ضميري اكلني اكلي گلبي ما يطيني اخليها تنام وهيه زعلانه مني بس كله بسبب هذيج العائلة الحقيره الـي كُل مشاكلنه مـن وراهم وبكُل مره نتعارك او يصير زعل بينه يكونون همَّ سبب .
بدلت ملابسي بملابس نوم مريحة وراحت دحست نفسي بظهرها حركتي مـن اني وطفلة ما اعرف انام اذا ما ادحس نفسي بظهرها .
گعدت صبح على صوت كلاب حراسة ينبحن بصوت عالي ومزعج مـن صبح باوعت مكان ماما اكيد رايحة گمت بملل سبحت وراحت المطبخ كُل عادة الگيت ماما حبيبتي محظرتلي ريوك مثل كل يوم ومثل ما اني احب توست داهنتها بنوع جبن مفضل عندي يكون مالح ومربة تين وعصير برتقال فرش .
كملت غسلت ماعيني سريع وراحت بدلت ملابسي بنطرون جينز وتشترت سمائي كوت اسود جنطة نفس لون سمائي وحذاء رياضي ابيض رفعت شعري كعكة ونزلت خصلات مـن جوانب خليت ميكاج خفيف عبارة عن تنت وبلاشر ومسكاره واهم شي عطري مفضل باوعت على معصم يدي اشوف ساعة 8:00 طلعت مـن باب خلفي امشي بخطوات سريعة واكيد راح انشتل شتله مـن هاي زينه على شارع على مود تكسي انتضرت وقت هواي واخير تلطفت سيارة وكفت تفقت ويا على سعر واكيد اخذتلي
بــ عشر دقائق اني اتعارك ويا على سعر الان يردون سعر مبالغ بيَّ صعدت بعد عركة دامة عشر دقائق واني الـي انتصرت بــ اخير كُل عادة انتصر بــ عركاتي وي الكُل ما عده نبع الحنان بكُل نقاشات هيه تكون منتصره عليَّ وبكُل تفوق همات .
اوبس اخذني الكلام ونسيت اگلكم اني مرحله رابعة الغة إنكليزية وكلش احُـب تخصص مـالـتـي صح صعب بس الـي يريد الحلو يصبر على مر .
وصلت بعد فتره الكلية انطيت سايق كروه ونزلت بسرعة اول محاضره الدكتور علي وشلون دكتور هوه فد غثيث ومينبلع ركضت القاعة محاضرة بدت وهسه اكيد راح انطرد واترزل رزايل غسل والبس شايفين مـن توكفون باب قاعة وخايفين دكون باب وتتفشلون اي ياجماعة حالين اني بهذاا الوضع إني واگعة في مأزق كبير ومحتاره شلون ادگ الباب واني متأكدة مليون بــ ميه راح يفشلني واترزل قرارت ارجع ادراجي واحافظ على كرامتي واروح السنتر هواي احسن صح محاضره مهمه بس عادي اخذها مـن صديقتي صدوقة لعد شـكُـو صديقتي اذا ما تنطيني محاضره وتساعدني بــ شدات .
راحت السنتر بيَّ قليل طلاب الان وقت محاضرات هسه راحت اخذتلي قهوة بارده وكروسون بــ شكولاتة وراحت گعدت اكل واتفرج على مبايل وضاربة الـ دنيا بوري .
_ عزاااااا بعينج ريا هاي انتِ هنااااااا شوكت اجيتي لججج عاررر .
رفعت راسي على صوت صديقتي صدوقة هاي اني وياها من سادس سوه واختارينه نفس تخصص همات رغم هيه معدلها يخلها تدخل محاماة بس هيه اختارت تخصص الغة النكليزي حته نبقى سوه .
ريا : وجع صوتج فضحتينه تعالي اگعدي اسوالفلج صار .
_ ميحتاج تسولفيلي حفظت كليشه كُل يـوم ، اول شي گعدتي متأخره ثاني شي تعاركتي وي ابو تكسي على كروه ثالث شي اجيتي دخلين بس كرامتج اهم مـن محاضره الان اذا دخلتي متأخره راح تترزلين .
ريا : ههههههه اووي هاي شلون عرفتي ؟؟ احبج من تفهميني بدون ما احجي .
_ قلبوش هاي اسطوانة كُل يـوم فـ حفظتها .
ريا : تعالي ابوسج تستاهلين دلع صديقتي صدوقة صبورة حياتي .
_ اسني صابرين وحق الله صايرين أكتب الافته على گصتي وافتر اصيح اسمي صابرين شلون وتالي وياج .
ريا بضحكة : ريلاكس صابرين حبي ريلاكس .
باوعتلي معاجبها مطنگرة ضحكت وانطيتها بوسة بــ الهوى ضحكنة سوه انطتني محاضره وشرحتلي ياها المعلومة صابرين فد وحده سجاجة درجة اولى مـن ايام مدرسة هيه سجاجة وامي كُل ما نتعارك على دراسة تحجي كلماتها شهيره
" متصرين مثل صديقتج صابرين شاطره متتعلمين منها امداج ضلي دوم غبره "
صرت مـن گد ما اسمع هذني كلمات ما استغراب واستقبل موضوع بكُل روح رياضية كُـلـشـي يجي مـن نبع حنان مثل عسل على گلبي مرات مـن نتعارك وتزعل مني احس تسود دنيه بعيوني واروح واگعدها مـن نومتها واراضيها بعيوني هيه احسن ام بــ دنيا تعبت على وخلتني اليوم اني واصله هاي مرحله مـن حياتي وبفضلها هيَّ ساعدتني اكمل دراستي بصعوبة عيشتنه وحالتنه الماديه اني ما عندي اخوان ولا اخوات اني وحيده اهلي مـن اني وصغيره تقريباً جنت صف رابع ابتدائي بابا توفه بحادث سير جان طالع الصبح يشتري من محل وضربته سياره رغم لو شايله رجال الـي ضربه يمكن هوه اليوم راح يكون ويانه عايش
بس الآسف رجال الـي ضربه شرد ربتني ماما بصعب ضروف اهل بابا طردونه وگالو ما نتحمل مسؤلية عشنه وي اهل ماما لحد ما دخلت عداديه توفو جدو وبيبي وخوالي همه وزوجاتهم طردونه نجبرت ماما تشتغل خدامة بــ بيوت حته تعيشنه واني اخذتلي فتره اشتغل بــ كوزمتك عطور بس جان ابو محل يخلينه نتأخر وقت متاخر بــ اليل وماما ما قبلت وخلتني اترك شغل ودارت ايام واشهر وذبانه قدر بهذاا بيت مشؤوم .
صابرين : هيووو يـمـعـوده يم غيره وين صافنه ؟
فزيت مـن دوامة تفكير على صوت صابرين جوعر
ريا : خيرر شـبـيـج متخلن واحد ياخذ راحته بــ تفكير .
صابرين بغمزه : اممم تفكير بيمن هاا هاا بــ حُـب مو ؟؟
ريا : وعلي بيج راشدي يصحيج مـن احلامج ورديه هاي يا حُـب يا نعل شـبـيـج بنيتي ؟؟
صابرين : بيَّ انتَّ حبيبي .
ريا : هههههه اوووي حبيبي تعالي ابوسج .
صابرين : هههههههههه سوالف كبلز التلعب نفس .
ريا : هههههه اي والله .
خلص دوام رجعت البيت راحت ادخل مـن باب خلفي بس لگيته مقفول استغرابت منو يقفله اني ابدد ما ادخل مـن بآب رئيسي ومحد شايفني او يعرفني مـن حرس مستحيل يخلوني ادخل ضربت بأب بقوه برجلي ما اعرف يا غبي قافله هسه شـكُـو تقفلونه تصلت على ماما بس مبايلها مغلق اكيد هسه تخدم هذوله حيوانات وما تدري اتنهدت بملل وراحت امشي بخطوات بطيئة ألباب الرئيسي عسى والعل يقبلون يدخلوني وگفت مسافة عن باب اباوع محاوط بــ حرس اصحاب عضلات وبدلات رسميه سود واكفين بــ باب محاوطنه مـن كُل جهات زفرت نفس بملل وراحت امشي بتجاهم انتبهو على صارت نظراتهم مركزه بيَّ بلعت العافيه ونبي اذا واحد منهم يفكر يضربني راشدي اموت بمكاني .
ريا : مرحبا .
بقو صافنين بوجهي مستغرابين هوه اني استغرابت مـن نفسي بقت عليهم وبعدين شـنـو مرحبا شـبـيـج ريا ولد عمج ربعي همه والله يا الله .
ريا : اني بنت مساعدة مريم ممكن ادخل ؟؟
الحارس: روحي بابا روحي الله يطيج .
الحظة الحظة هذاا شقصدة بس الا الباله اني مگاداية .
ريا : عفواً دا اگلك اني بنت مساعده مريم روح صيحها واسئلها اذا تريد .
الحارس بستهزاء : واني ابن وزير .
ريا : ضحك هوه وجماعته واكفين بصوت عالي احس نارر شتعلت بگلبي على استهزاء رجعت احاول اتصل على ماما بس ماكُو فايده مجاوبت وهذوله الكلاب بعدهم يضحون ويصنفون عفتهم وراحت وكفت على جهه انتظر لمن الله يفرجها وماما جاوب او تحس بــ غيابي .
بقيت انتظر الثواني ، دقائق ، ساعات ، رجليه مـن وگفه نملن صرت ارفع رجل وانزل رجل صار اليل واني على نفس وگفة غير نظرات حرس مقرفة العبت نفسي منهم باوعت على معصم يدي ساعة 9:45 راح تصير ساعة عشره واني مـن ساعة 2:00 ظهر لحد هسه على وگفة وحده وبدون اكل احس عصافير بطني يتكافشن مـن جوع ظهر نقسم نصين مـن وگفة ولا ماما الـي جاوب على مبايلها ولا هذوله انذال يقبلون يدخلوني .
سديت اذاني بنزعاج مـن اصوات سيارت العالي الـي صار انواع سيارات راقيه واگفه امام بوابه ركضو حرس يفتحون بوابه على كبرها حته يدخلن سيارات جانن بحدود 8 او 7 سيارات دخلن وحده ورا ثانيه غلست عليهم بعدم اهتمام ورجعت احاول اتصل على ماما بلكي جاوب وانتهت محاولاتي بــ فشل ماكُو جواب .
رجليه مـن وگفة صارن خيوط فكرة ارجع اروح الباب الخلفي بلكي لگا مفتوح راحت امشي رجليه وحده تخط بــ ثانيه مـن تعب والحراس عيونهم عليَّ مـن فكس بعيونكم النكسه بس مديركم منو شطلعون شيخ جامع قابل امداكم وامده مديركم النكس قاطع دردمتي صوت مبايل باعت عليَّ بفرح مـن شفت متصل ماما .
ريا : الوو ماما وينج دخيل الله شگد اتصلت عليج لـيـش مجاوبين ؟؟
_ ولج انطي فنتگ اخذي نفس شـبـيـج ؟؟ جنت مشغوله أكُو ضيوف .
ريا بغضب : عرفت والله العظيم عرفت مشغوله بهذوله حثالة وناسيه بنتج متعرفين ميته لو عايشه .
_ شـبـيـج ماما قابل جديده عليَّ انتِ صاير وياج احجيلي ؟
ريا بستهزاء : صاير قابل كُـلـشـي مصاير غير مـن ساعة 2 ظهر لحد هسه ساعة 9 بليل اني على فد وگفة وسبب ماعرف يا غبي قافل باب خلفي وانتِ شگد تصلت عليج ما جاوبتي وهذوله كلاب حراس ما قبلو يدخلوني مـن باب رئسي .
سمعت صوت شهگتها عالي دليل صدمتها ثواني وأردفت
_ سوده بوجهي بنيتي رايحة افتح لج باب تعالي ماما تعالي .
ريا : رجعت مبايل بــ جنطه الـي تخط بــ أرض اسحل بيها سحل مالي خلك اشيها لگيت ماما واگفه بــ باب تنتظرني بس شافتني اجي تهرول بسرعة ضمتني صدره تمسح على ظهري غمضت عيوني استنشق عطرها واخذ جرعه مـن حنيتها .
_ يروح امج سوده عليَّ بنيتي شلون وجهج ذبلان .
دخلنه البيت شمرت جنطة وشمرت نفسي على قنفة بتعب جابتلي ماما مي اجة بوقته احس ريگي يابس ماما تباوعلي بقهرر ضحكت بمرح .
ريا : واخير حصلنه نصيب مـن خوفج علينه ست مريم .
مريم : شعندي غيرج بنيتي ربيتج بتعب .
عفت گلاص مي وگمت حضنتها ومسحت دموعها بوست يدها
ريا : مريومتي ما اريد اشوفج عيونج خضر تبجي ازعل عليج .
مريم : يله حبيبتي انتِ رتاحي اني اروح اكمل شغلي .
زفت نفس بملل عافتني وراحت راحت اخذت دوش البست برنص على جسمي وطلعت شمرت نفسي على سرير غفيت بدون ما احس مـن تعب .
گعدت بعد فتره باوعت بصفي ماما نايمه واني بعدني بــ برنص گمت جسمي متكسر مـن نومتي غلط بدلت ملابسي بشورت ابيض وكيونه سوده اخذت مبايلي بهدوء لا تگعد ماما وطلعت الصاله ادرس المحاضره مالت اليوم الـي ما دخلت عليها بسبب غثيث دكتور علي .
طشرت كتب وصرت حبابه وفعلت وضع سجاجة واني الله وكيلكم اني بكوكب وسجاجة بكوكب ثاني ابدد منلتقي سوه ...
حسيت نفسي جوعانه گمت سويتلي سندويشات ثنين وعصير برتقال عصيري مفضل كملت بعد ساعتين باعت على ساعة 4:35 صبح طگطگت جسمي بتعب وگمت وگفت على شباك مكاني مفضل اصوات كلاب حراسة ينبحن بصوت عالي ويخوف هدوء اليل نسمات هوى البارد تسبب قشعريرة بــ جسم البست شبشب ابو دبدوب مـالـتـي ماما جابته الـي احس نفسي مـن البسه اصير شلون طفله بس يعجبني طلعت أمشي بخطوات بطيئة بــ حديقة اخذت نفس بعمق ريحت تراب وزرع وريحت ورود تفتح نفس وتغير مزاج مية وثمانين درجة .
حضنت نفسي مـن لامست نسمات الهوى البارد بشرتي سمعت اصوات اشخاص يسوالفون ركضت اختل وره شجرة هالشجرة كاتمت اسراي مـن ايام طفوله واكثر مـن مره حاولو قصونها واني انصب مناحه بس على مود محد يقصها احسها جزه مني .
ختلت وراها بحيث صرت اشوفهم بس ميشوفوني رجال هواي بدلات رسميه دل على انقاتهم وثراء الـي همه عايشين بيَّ اصواتهم بعيده والفضول موتني أسوء صفة بيَّ هيه فضول اني مـن ناس فضولين درجة أوله وهذوله يحجون بهمس واصواتهم بعيده بس تبسبس اسمع ما اگدر اميز الكلام تقرابت بخطوات بطيئة حته محسون واصير مـن عداد موته .
تقرابت اكثرر صرت اسمع اصواتهم بس بصعوبه الطقت الكلمات
رجال : بس انتَّ وعدتنه شلون تخلف بوعدك .
شهگت وكممت فمي بسرعة بصدمة مـن شفت شخص خله سلاح براس هذاا الحجة وگال .
_ مو اني الـي اخلف بوعودي الوعد الـي انطي شخص مثل سيف ما ينكسر .
الكُل ساكت بس نطق هذني الكلمات وكأنه لطمهم على حلگهم بكلامه بقو يتمشون ويحجون ما گدرت اسمع شي رجعت مكاني ورا شجرة لا احد ينتبها وتصير مشكله انتظرتهم يرحون حته ارجع البيت لا تگعد ماما واتورط وهذوله لطشو يسولفون يگول مشايفين سوالف وكُلشي ما فهمت مـن حديثهم طويل .
بعد فتره طويله وبعد ما طلعو روحي راحو رجعت البيت ركض شفت ماما گاعد على قنفة مدنگة ولأزمة راسها بــ ثنين يديها نخمش گلبي ركضت لها خايفة .
_ ماما شـبـيـج حبيبي شـو باعيلي شـبـيـج يروحي صاير ؟؟
عاطت بصوت عالي فززتني
مريم : ويننننن جنتي ريا لججججج راح تخبلينيييي انتِ وين وليتيييي؟؟
_ شـبـيـج ماما ؟؟ طلعت بره اشم شوية هوى وين مشكلة صارر ؟
_ متگوليننن هاي جلبه الـي نايمه هنااااا راح تگعد متلگاني وتخافففففف عليَّ .
_ خلص أهدي اسفة متتكررر .
مسحت وجهًا بكفوف يديها بعصبيه مفهمت سبب عصبيتها وخوفها مبالغ بيَّ بس ما علقت على موضوع مـن شفت عصبيتها وقهرر لتزمت صمت عافتني وراحت الغرفة باوعت على ساعة 6:00 نعلت هذولاك رجال الف مره مـن وراهم تأخرت وماما زعلت .
تنهت بتعب وگمت بدلت ملابسي فستان نيلي صوف طويل بكمام طويله سرحت شعري عجبني اخلي مكياج رتبت مكياتي وختمته بحمره مقاربة الون الفستاني شلت ملازمي ماما عافتني وراحت زعلانه لگيتها مسويتلي ريوك مثل كُل يـوم بس احس نفسي ما اشتهي خليت وطلعت اجرت تكسي اليوم وصلت على وقت اول ما دخلت المحاضرة صار بوجهي دكتور علي .
علي : يابه واخيراً شرفت حضرت ملكة .
ريا بستغراب : عفواً دكتور بس اتوقع اجيت على وقت محاضرة بعد لها دقائق يله تبلش مو مشكلتي اذا انتَّ جاي مـن وقت .
عاطت بصوات عالي عيونه نصبغت دم
علي : انتِ شلوننننن تحجين وي دكتورجججج بهل سلوبببب سززز .
غضمت عيوني اسحب نفس اهدأ نفسي لا الزمه هنا امرده مرد واطلع حرگة گلبي وقهري على ماما بيَّ
ريا : اتصور ما سبيتك ولا حجيت شي غلط .
علي: لججججج انتِ صدگ وحده بلا اخلاقج اهلج ما عرفو يربوج ولو انت مين جايه كلج على بضعج جايه من عراق شطلعين بروفسوره
بــ اخلاق طلعي بررررررره .
ريا بتهديد : اهلي ربوني احسن تربايه بس ضاهر انتَّ الـي ما متربي والعراق الـي ماعاجبك تاج راسك وراس خلفك يا حثالة .
عفته وطلعت افوووو معصبه اجت احد طلاب گالت عميد طالبج اكيد هذاا حيوان كلب اشتگة عليَّ بس مهتميت اعرف نفسي مغلطانه بشي وهوه الـي بده بــ غلط راحت العميد طرقت باب مكتب اكثر مـن مره ثواني وسمعت صوته يگول تفضل دخلت الگيت هذاا كلب گاعد يسولف وي عميد الله يعلم شجذب مـن جذبه هسه هالحيوان غلست عليَّ وركز نضراتي على كلام عميد .
عميد : ريا يا ريا صراحة ما توقعت يطلع منج كُل هذاا سمعته صدمني .
ريا : استاذ مو مفروض تسمع مني مثل مسمعت مـن دكتور علي .
عميد : طبعاً طبعاً اني راح اسمع منج تفضلي اسمعج .
ريا : استاذ اني اجيت قبل محاضرة بدقائق لگيت دكتور علي داخل القاعة محاضرات قبل محاضرة يراجع اوراق دخلت صبحت على كُل وهوه بس شافني استلمني يعيط ويغلط واني كـ ردت فعل همَّ عيطت بس هوه الـي بده اني مغلطانه بشي ولا متأخره على محاضره حته هوه يتصرف هـيـج تصرف .
عميد : بس مهما يكون هوه يبقى دكتورج واجب عليج إحترامه مو صح ؟
ريا : واني محترمته وما مقلقة مـن احترمه بس مـن يجيب سيرت اهلي لا ساعتها اشوفه الـي بلا اخلاق على اصولها .
عميد : اخر كلام ريا اعتذري مـن دكتورج ورحي المحاضره مالتج :
ريا بثقة : عفواً أستاذ بس اني مغلطانه حته اعتذر .
عميد : لعد اخذي ورقت فصل مالتج واطلعي برررره .
هذاا الكلب يباوع عليَّ بشماته بس هيهتات اخلي يشمت او ابين قهري اخذت ورقه وطلعت بدون ما انطق بحرف لاگتني صابرين وجهه خايف
صايرين : ريا صار شـكُـو ؟؟ لـيـش جنتي بغرفت عميد ؟؟ سولفلي بنات الـي صار بينج وبين دكتور علي وجهج ما يبشر بخير تعالي نروح نحجي بــ كوفي .
طلعنه من الجامعة رحنه كوفي قريب من جامعة
ريا : هذاا الكلب حقير الحيوان الله ياخذه واخلص منه مخلي راسة مـن راسي تگول كاتله جهاله ابن الكلب راح اشتكة وطلب مني عميد اعتذر واني ما قبلت فصلني اسبوعين .
صابرين : لا يا جربوع يا ابن جربوع صدگ واحد حيوان .
ريا : والله سوالي فضل هذني سبوعين ارتاح بيهن بس تعالي انطيني حل شگول ماما شـنـو حجة الـي اطلعها الها .
صابرين : احجيلي الـي صار عليمن جذبين عليها .
ريا : اي عفيه خوش حل حته تتخبل عليَّ مو ؟
صابرين : اوووف وهسه شـنـو حل .
ريا : ما اعرف .
صابرين : زين گليلها عدنه امتحانات وانطونه عطله .
ريا : صبورة عمري ترى احنه مو بــ عراق يعني فـ هاي سوالف متمشي هنا وماما تعرف كلش زين انظام هنا شلون .
صابرين : تعرفين اشتاقيت العراق اريد ارجع .
ريا ببتسامة : اني مـن كثر ما تسولفين انتِ وماما عليَّ اتمنى اروح اشوفه الان تعرفين اني ولا مره راحت العراق وكُل ما احجي وي ماما اگلها اريد اروح ما تقبل ما اعرف شـنـو سبب .
صابرين : بس انتِ لغتج عربيه ممتاز بينما انتِ ولا مره رايحة العراق بس تسمعين بيَّ .
ريا : بــ رغم اني ولدت بــ بلد غريبه بس ماما مـن اني وزغيره علمتني لغة عربيه لدرجة خلتني اصير بيها بلبل .
بقينه نسوالف فتره طويله مـن شفنه خلص دوام جامعة رجعنه كلمن بيتها وصلتني صابرين وياها بــ سياره دخلت البيت اتخنس خترعت ولزمت قلبي بخرعة مـن طلعت ماما مـن مطبخة معصبيه بيدها جفجير .
مريم : أهلاً وسهلاً بــ مفصوله .
يبوووو يمه صخام نسيت ادارة عدهم رقم ماما واكيد متصلين عليها وگايلين لها خرب حرب حضي يوالله على هالورطة هسه جيب الـي يحلها .
ريا بضحكة : يا فصل ماما شـبـيـج حبيبتي حلمانه شـنـو .
مريم : اشوفج حلمانه شسوي .
ما اشوف غير اجت تركض عليَّ بــ جفجير عطت بصوت عالي وركضت وهيه مستمره تركض وراي فريتها بيت كله وهيه ولا تعبت تركض وتعيط وتغلط .
مريم : بت مطيه اليوم اطيح حضج لجججج لـيـش مفصوله فهميني اليوم اذا ما كسرت عظامج ما اطلع اني مريم اعلمج على هاصلافة مالتج .
ريا : ماما بس خلي افهمج موضوع اخخ لا ضربين يبوووو تعالو لحگولي لا تموتني .
ضربتني على متني واني اعيط
مريم : فضحتينه لا تعيطين هسه ناس البالهم صدگ اريد اكتلج .
ريا : ههههههه قابل مكذبه .
مريم : تعالي اگعدي بعد ما اضربج وحجيلي صدگ الـي سمعته انتِ غالطه على دكتورج .
ريا : سولفت لها كُـلـشـي صار مـن الآلف الياء ما نقصت حرف
مريم : أستغفر الله لج ماما هنا مو مثل عراق شوفين هنا يردون بس واحد حته ينهشون بــ لحمه هنا ناس مترحم .
ريا بضحكة: خلص مرومتي لا زعلين مفرحانه راح اگابلج سبوعين .
مريم : لا تگابليني ولا اگابلج اني عندي حل .
ريا بستغراب : شـنـو ؟
مريم : راح اروح احجي وي ستاذ هوه يحجي وي جامعتة ويخليهم يرجعونج .
فتحت عيوني بصدمه انتفضت مـن مكاني
ريا : ماما ياج ياج تسوينه وحق الله ما ارجع لو دنيا تنگلب هاي اني
دا اگلج تردين ترحين تتوسلين بيهم صدگ تحجين .
مريم : مو توسل لج ماما مو توسل شـبـيـج تراا ناس محترمين شـنـو الـي معاجبج بيهم لو مو همه هسه احنه بشارع .
ريا : ميهمني تمام مهيمني متروحين لهم وتتوسلين بيهم خلي يولون .
مريم : الله كريم عودك .
عافتني وطلعت گلبي نغزني منها دام خلت فكره براسها فـ اكيد راح تسويها ياربي مين اجتني هل سالفه كله مـن ورا علي هذاا حثاله الله ياخذك يا كلب .
اليل رجعت ماما وجهه يضحك استغراب بس محجيت بقيت ساكته ردتها هيه تحجي بس هيه ما حجت غلست على موضوع ونمت گعدت صبح على صوت ماما تحجي بفرح والضحكة ماليه وجهه .
مريم : ريا يله ماما گومي عندج دوام .
ريا بستغراب : شـبـيـج ماما يا دوام نسيتي مفصوله خليني ارتاح لو حته مـن ما عندي دوام الازم گعدت صبح تبقى نفسها عوفيني اريد انام .
مريم : هههههه گومي حبيبتي عندج دوام نلغى قرار فصلج .
ريا بصدمة : شـنـو الحظة الحظة مفهمت ماما بس لا ..
مريم : اي اي لا تباوعين هـيـج حجيت وي استاذ وهوه ما قصر
وبــ اتصال واحد حل موضوع .
احس شياطين الدنيا تفتر فوگ راسي مـن كلامها هاي عودك اني وصيتها وحجيت المن وگعت صفح عطت بصوت عالي بدون وعي
ريا : ليششششش ماما ليششششش شـنـو حجيتتتت اني البارحة مو گتلجججج لا تحجين وي اي احد على مودييييي حجيتتت لو لاااااا .
مريم : صوتج لا اطيح حضج لا تنسين جاي تحجين وي امج مو طفل گدامج تعلين صوتج عليَّ ريا اتأدبي وصار يعني واذا حجيت وي استاذ انتِ شوگت تقتنعين حنه عايشين بفضلهم وما نرد فضلهم لو انضل اليل مع نهار نشكرهم .
ريا : بفضلهم ؟؟ لـيـش منو الـي خلاهم يفضلون علينه غيرج هاا منو ؟؟ مو انتِ سبب مـن زمان واني احجي ماما خلينه نطلع اني مستعده اعوف جامعتي وكُلشي واشتغل ونعيش بس انتِ راسج والف سيف ما طلعين منا تردينه نضل طول عمره مدنين هذوله ناس .
مريم : لججج اني بس اريد افهم شي واحد انتِ لـيـش تكريهم وانتِ حياتج كلها ما شايفتهم ولا همه شايفنهم لو يشوفنج بــ طريق هم ما يعرفونج وديل هذاك اليوم رتي حارس يدخلج وما قبل لان ما يعرفج .
ريا : على اساس اني ميته على شوفتهم واني اكرهمممم سمعتي اكرهمممم الان مشغلينج يمهم خدامة ويتأمرون عليج .
حسيت بحرورت راشدي فر وجهي فر وعاطت بصوت عالي
مريم : اكسر راسج ريا لا تتمادين تخجلين مـن شغل امج ريا فنيت عمري الخاطرج تالي تخجلين مني الشغل مو عيب واني اذا اليوم اشتغل خداج
فـ اشتغل الخاطرج والخاطر ما اخليج تمدين يديج الاحد .
عافتني وراحت شفت الكسره بعيونها مـن كلامي نزلت دموعي بحراره على خدي غبيه غبيه ما اعرف شلون طلع مني هذاا الكلام رغم اقسم بالله عمري ما خجلت مـن شغله ولا مفكره بــ موضوع بس ما اعرف شلون طلع كلام مني بدون قصد اني الغبيه مـن عصب ابقى امسلت ما احس على نفسي شـنـو احجي الله ياخذني شلون قهرتها ما اگدر انسى نظرات عيونها مقهوره شفت كسره بنظراتها مـن كلامي .
بجيت لحد ما دخت ورجعت غفيت بدون ما احس .
فزيت على صوت مبايل احس راسي راح ينفجر مـن وجع باوعت بــ غرفة ماما ماكُو باوعت على ساعة 7:30 بليل هاي شگد نايمه رجعت نظراتي على صوت مبايل صابرين تتصل جاوبته مـن غير نفس .
ريا : ها صابرين .
صابرين بستغراب : هاي شـكُـو شبيج ؟؟ وشبيه صوتج صاير ريا لا تخوفيني .
_ مصاير شي بس تعبانه شويه .
_رورو شـبـيـج ؟؟ احسج مو طبعيه صاير شي حبيبي .
دمعت عيوني ما گدرت احسب دموعي اكثر بجيت بصوت عالي علت صوت شهگاتي اسمع صابريت تحجي خايفه اريد احجي ما اگدر شهگة ملازمتني والغصة بــ العومي مدا تروح .
صابرين بخوف : ريا شـبـيـج ؟؟ لا تخوفيني عليج صاير هسه راح اجيج بس مسافة طريق .
بلعت ريگي بعدت مبايل اخذت شهيق وزفرته اهدأ نفسي وحجيت
_ ماكُو شي صابرين لا تجين .
_ شلون ما أكُو شي وانتِ تبجين وصوت شهگاتج واصلني احجيلي صاير .
_ تعاركنه اني وماما وحجيت كلام ما جان لازم احجي وجرحتها هواي بكلامي بس بشنو احلف الج صابرين مجان قصدي والله طلع مني كلام بدون قصد تعرفيني مـن عصب ما احس على نفسي شحجي وكلام طلع مني بدون وعي مجان قصدي ازعلها لو اقهره والله .
_ اشش حبيبي اعرفج خلص اهدي اكيد خاله تعرف انتِ مجان قصدج بس هيه شويه ضاجت هسه مـن تهدأ ترجع تحجي وياج لا شغلين بالج .
_ ما اعرف صابرين كله مـن ورا هل عائلة وسخه هاي لو ما هيه اني وماما ما تعاركنه ومصار كُل هذاا .
_ خلص أهدي انتِ ونشالله كُـلـشـي ينحل .
_ نشالله .
سديت اتصال وگمت اشوف ماما وين ملگيتها اگيد بعدها ما رجعت البست برجلي وطلعت والاول مره بكُل عمري ادخل هذاا البيت راحت امشي واني ارجف توتر وقلق وما اعرف شـنـو سبب وگفت گدام بيت او بــ اصح قصر مستحيل يكون هذاا بيت جماله مـن بره ولا غلطة دگيت جرس ثواني وفتحته احد مساعدات تعرفني دخلتني الجوه وگفت بنص رجليه جدمت مـن فخامة فخم فخم فخم بطريقة تخلي شخص يصفن مـن جماله يشبه هاي بيوت الـي بــ مسلسلات الـي نشوفها بــ تلفزيون حرت اصفن على جمال تصميم بيت مـن داخل لو جمال اثاث وكُلشي فخم فخم فخم فخم بس قابل مثل حالي همه غير يمشون على دولارات فزيت على صوت ماما .
مريم : ريااااا شسوين هناااا .
ريا : ماما اجيت اشوفج .
مريم بزعل : روحي البيت دقائق واني اجي وراج .
ريا : تحجي بدون ما تخلي عينه بعيني غورگت عيوني والغصة جلبت
بــ لـ عومي بلعت غصتي وطلعت اركض دموعي تنزل على خدي ما اتحمل تعاملني هـيـج اعرف غلطانه وحقها بس اول مرة تعاملني هـيـج واول مرة تبقى زعلانه مني هالگد اركض وامسح بدوعي بكفوف يديه ثنينهن .
ضربت بشخص لـ درجة مـن قوة ضربة وگعت على ظهري حسيت ظهري نقسم نصين مـن وجع لزمت ظهري وبدل ما اسكت عن بجي زدت بــ بجي اكثر مـن جهة زعل ماما ومن جهة ثانية وجع الوگعه صراخت بصوت عالي .
ريا بعصبيه : ثوووووول أعمى متشووووووف .
حسيت بيدين ماما تعاوطني وتعتذر مـن مـن شخص .
مريم : اعتذر بنيابه عن بنتي استاذ .
ريا : ماما شبيججج لـيـش حته تعتذرين هوه دفعني مفروض هوه يعتذر .
درت وجهي اريد اشوف شخص الـي ضربت بيَّ بس والله حرام اسمي انسان اقسم بالله يا جماعة مو مبالغة بس حسيت مـن قوة الضربة ما ضربت بنسان لا حسيت وكأنه عمود او حايط شخص ذو عضلات آوڤرررر طويل الـي يشوفة تگول عمود ملامح وجهه متتناسب وي جسمه ملامح وجهه هادئ وبريئه عكس جسمة ضخم ضخم ضخم ضخم بشكل اوڤررر شلون هذوله اصحاب اجسام الـي يعرضون اجسامهم بــ تلفزون
شعره كيرلي خفيف اسمر بطريقة واو ملامح وجهه شگد ما تبين بريئة وهادئ شگد ما جامده صافنه بوجها رجال ودموعي تارسة وجهي كُل هاي صفنه بوجها وحلالت شخصيته وملامح وجها شـبـيـج ريا لا تستخفين ستوه ضرب بيج راد يكسر عمود فقري مالتج انضبي لا اني اضبج .
مريم : خلص ريا گومي واعتذر استاذ نشالله متتكرر .
ريا : ترى مفروض هوه يعتذر شـكُـو تعتذرين منه ماما شـبـيـج لا تخبليني .
درنه وجهنه على صوت رنت كعب عالي نزلت بنيه مـن اگول فاتنه
بــ جمال هاي كلمة احسها قليلة بحقها غميت روحي وغميت صابرين وياي بگلبي على وجهنه هاي وجهًا يلگ لگ وحنه مالنه خلك نغسل وجهنه صبح مـن نگعد نزلت تتمايل بسجمه شبهة تناسق سجمها بعرضات ازياء ملامح وجهًا بريئة ما اعرف هاي عائلة شبيها وي وجهه بريئ بشرتها بيضها ناصع طويله بس طولها وي جسمها يموت اني بنيه وكرشت عليها لعد ولد شلون اويلي على حضي وحضج يصابرين راحت تتمايل بجسمها حضنت رجال الـي ضرب بيَّ بطريقة مشبوها بقيت فتحه حلگي بصدمة حسيت على گرصت ماما تنبهي وخترق مسامعي صوت انوثي يگول .
_ انتِ شلون تجرئين تحجين وي كَساد بهاي طريقة .
ريا : اووو عنتين اسمه كَساد ايععع شهل اسمع الـي يلعب بنفس شگالو نفسهم اهله مـن سمو گساد رجع اخترق مسامعي صوت هذاا الـي اسمه گساد يحجي وي هاي بنيه الـي تنگط انوثة وعيونه عليَّ حته استغراب نظراته .
گساد : كافي كرستيانه اصعدي فوگ جاي وراج .
ريا : اووي هاي شـنـو حته اسمها يخرخر أنوثة مثل شكلها وصوتها سمعت كلامه وصعدت بدون ما تنطق بحرف اتخيلو كُل هذاا حديث الـي جاي يصير واني بعدني واگعة على ارض وماما گاعده بصفي حسيت على نفسي وحاولت اگوم بس ما گدرت مـن وجع ظهري ساعدتني ماما بس الله يسلمكم اني شوية هل ايام زايد وزني وماما ما گدرت تساعدني رجعت احاول اگوم وحست على يد شخص تنمد الـي رفعت نظراتي شفته الـي اسمه كَساد والي هوه سبب بحالتي هاي دفعت يديه بنتر ورجعت احاول اگوم وحدي وماما تحاول اساعدني وگف على جهه يدي بجيب بنطلون وملامح وجها ما دل على اي تعبير جامده .
بعد دقائق مـن محاولت گدرت اگوم حانيه ظهري بوجع لزمت يدي ماما تسندني عليها باوعت هذاا واگف عابت شگد مكروه نجبي ريا وين عرفتي حته گلتي مكروه بس والله مبين مكروه رادت ماما ترجع تعتذر خزرتها وهزيت لها راسي بــ " لا " تنهدت وطلعنه مـن بيت بينه مـن بدايتها طبتي هذاا بيت فخم اووي عجبني اسم مـن يـوم راح اسمي بيت فخم مهم مـن بدايت طبتي ما تبشر بخير والله رجعنه بيتنه بسيط مو مثل هذاا البيت فخم عملاق والله حته واحد يضيع بيَّ بس حقهم عدهم هـيـج بيت يحتارون وين يودون فلوسهم فـ يصرفونها على هـيـج بيوت فخمه .
رجعنه البيت وماما گالبه وجهه عليَّ حاولت احجي وياها بس بكُل مره احاول تصدتي عفتها على راحته گلت بعدين ارجع احاول وياها خاف الح عليها وتقفل عليَّ غمضت عيوني وعضيت على شفايفي بوجع خرب احس نارر مشتعله بظهري مـن وجع اخذت مسمن بس احس بحرق بظهري نزعت تشيرت وگفت گدام مراية اشوف شفت صاير مكان احمر رجعت البست تشير باوعت على ساعة 10:30 ماما نامت واني ستوني گعدت مو نعسانه فكرة اطلع الحديقة خلفيه مكاني مفضل البست جاكيت صوف خفيف على ملابسي والبست شبشب ابو دبدوب مـالـتـي وطلعت گعدت جوه شجرة الـي سميتها " كاتمت اسراري " سوالف لها كُل الـي صار بيومي اسوالف ومدمجة فزيت على صوت رجولي يگول .
_ شـبـيـج بابا مخبله تسولفين وي روحج ؟؟
ريا : گمت نكثت يدي اريد اشوف منو هذاا واگف بــ ظلمة وبس هيئة جسمة ضخمة تبين قرابت بخطواط بطىء اشوف منو ونصدمة مـن شفته نفس شخص الـي ضرب بيَّ والي اسمه " كَساد " العلم مو البالكم حُـب بيَّ حفظت اسمه لا بس اني مـن صغير سريعت حفظ بكلشي وخاصة اسماء او ارقام مستحيل انساهم .
_ عفواً وانتَّ شعليك ؟؟
_ ترى انتِ بيتي والي حق اعرف كُـلـشـي يصير بيتي مو صح ؟؟
كتفت يدي صدري واردفت برود
_ هاي شجرة ملكي ومو مـن ضمن بيتك يا استاذ .
_ لـيـش انتِ زارعتها لو شـنـو شلون صارت ملكج .
ريا برود : مو اني زرعتها بس اني منعت قطعها فـ صارت ملكي
عندك عتراض ؟؟!
صفن بوجهي نظرات طويل وجهه جامد ما بيَّ اي تعابير حتاريت اميز اذا هوه معصب او ضايج او شـنـو بــ ضبط .
كَساد بهدوء : امممم ممتاز .
انتو حسيتو مثلي لو لا فهموني حسيتو هوه مو صاحي أكُو خلل بعقله شـنـو ممتاز بــ موضوع .
ريا بستهزاء : جيد جداً .
الحظة الحظة استوعبو وياي لمحت طيف اسغراب زار ملامحه لو اني مشتبها اووي هسه اني شـكُـو هـيـج مهتمه بهذاا عملاق .
عفته اريد اروح وقفني صوته يگول .
كَساد : حجيت وي عميد جامعتج تگدرين باجر داومين .
ما اعرف لـيـش حسيت بنرفزه سلوبه وبروده ينرفز بينما هوه مسوه شي بس كلامه ينرفز .
ريا بستهزاء: وشنو منتظر مني حضرتك اشكرك لو شـنـو ؟؟
كَساد برود : ومو مـن اصول هـيـج ؟
ريا بستهزاء : مطلبت منك اني حته منتظر هسه مني اشكرك انتَّ مـن وحدك تكرمت وراحت حجيت وي عميد فـ اشكر نفسك بنفسك .
كَساد : امج طلبت مني .
ريا : خلص لعد خلي ماما هيه الـي شكرك .
عفته بدون ما انتظر جاوب وراحت ارجع البيت شگد حجيت بستهزاء متقصده حته انرفزه بس هوه قابلني بــ برود وهدوء هل رجال كتله مـن هدوء ولـ برود .
اوووي شـبـيـج ريا شـكُـو شايتله اهميه امشي نامي ونجبي بسبب هل عملاق قطع اليوم امسيتي وي كاتمت اسراري .
دخلت الغرفة وقتت المنبه ودحست نفسي بظهر ماما ونمت .
گعدت صبح هلى صوت منبه 6:30 باوعت على مكان ماما ما موجوده اكيد راحت هيه يوميه ساعة 6:00 الازم تكون بيت عملاق گمت بملل سبحت وراحت المطبخ اكلت ريوگي الـي مسويته ماما وراحت فرشت اسناني وخليت مكياج خفيف بــ الوان تناسب جو البارد وبرزت الون حمره احمر قررت اليوم اكشخ واكسر عين دكتور علي وعميد على عنادهم رجعت وبدون عتذار همَّ الست فستان اسود طويل ومتناسق وي جسم وكعب ماروني وجنطة مارونيه ما اعرف شجاني على الون ماروني بس احس هـيـج اليوم تطلع تموت وي الون أسود كملت وطلعت اجرت تكسي .
دخلت امشي بــ ممارات جامعة شفت دكتور عليَّ واگف بصف مجموعة طلاب يسولف اني اريد اروح الغرفة عميد ابلغه برجعتي حته يسجل اسمي وهوه كان واگف گدام غرفة عميد ضحكت بشر اجيت والله جابك .
مشيت بخطوات واثقة وابتسامة مرسومة على ثغري صوت كعب يرن
بــ إرجاء مكان الكُل التفت على صوت كعب ومن ضمنهم دكتورعلي
فتح عيونه بوسع مصدوم وما مصدگ شوفتي حقة اذا اني امس انفصلت واليوم رجعت وين صايره جاهلة نظرات ستغراب الـي متوجها عليَّ ودخلت الغرفت عميد بعد ما طرقت باب .
ريا : صباح الخير استاذ .
عميد : صباح النور ريا يا اهلاً وسهلاً برجعتج
ريا ببتسامة واستغراب : شـكـراً أستاذ .
عميد : زعلت منج ريا شلون متگليلي انتِ مـن طرف استاذ كَساد .
ريا : اووو هنا سالفة واني اگول شبي هذاا خلصها لواگه اثاري هنا سالفة بيها هذاا العملاق بس شدعوة هل الوگه كلها وشنو مـن طرف هذاا عملاق بس لا هوه گايل له اني مـن طرفه عزااا بعينك يل عملاق شگد متستحي غير اذا مـن طرفك اني اكتل نفسي اوععععع .
عميد : شـبـيـج بابا وين صافنه دا احجي وياج .
ريا : احم احم عفواً استاذ بس شرد بالي شويه اي تفضل شـنـو جنت تگول .
عميد : گتلج لـيـش ما گتيلي انتِ مـن طرف أستاذ كَساد .
ريا : محسيت أكُو داعي احجي استاذ موضوع عادي .
عميد : لا زعلتيني منج ريا أستاذ كَساد موضوع عادي أستاذ كَساد مـن طول عمره كبير ويضل تاج على راس .
ريا : يبووووو هذاا شبي هـيـج ماخذ ميانه ايععع .
أثناء ما دانحجي ونطرقت باب اني منطيه ظهري الباب فـ ما اشوف منو دخل بس احس بخطوات شخص واري واجة وگف بصفي درت وجهي اشوفة منو وفتحت عيونه بصدمة يمااااااا ما مصدگة هذاا شيسوي هنا يبوووو على عمرج ريا يبوووو .....
يتبع ...
توقعاتكم ؟؟
متابعة حساب انستا وقناة تلي
حته تعرفون كُـلـشـي يخص رواية
-أستغفر الله.
-سُبحان الله.
-الحمدُ لله.
-لا إله إلا الله.
-الله أكبر.
-سُبحان الله و بحمده.
-سُبحان الله العظيم.
-أستغفر الله و أتوبُ إليهِ.
-لا حول و لا قوة إلا بالله.
-اللهُم صلِ على مُحمد وآل مُحمد.
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/492/وجوها-تخفيها-الثراء
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━