_____________________________كَساد

﷽

الكاتبة_ ميرال _ علي

بقلمي رواية : وجوهاً تخفيها الثراء

الطفاً التنسون التصويت والتعليق ومتابعة حساب واتباد

وهيه رَكضه علىَ الرمَل

والمَا يدفعه الشوَگ يفحَط .

جامده بمكاني عيوني مشخصة على هذاا انيق الـي واگف گدامي بكُل ثقه وغرور ما اعرف انصدم مـن شوفته هنا او اتقبل موضوع بكُل روح رياضيه واسكت فززني صوت عميد يحجي العبت نفسي مـن الواگة مالته .

عميد : ستاذ كَساد لـيـش واگف تفضل اگعد رجاءً .

ريا : راد گساد يگعد بــ كراسي الـي تصير گدام طاوله بس عميد ما خله واصر عليَّ اله يگعد على راس طاوله حـرفـيـاًاا مو مبالغة بس لواگة مالته تقزز الان مالها داعي شدعوه وهذااا العملاق گاعد بدون ما ينطق بحرف والعميد مشالله مـن دخلت الحد هسه ما سكت ولا ثانيه وبس يسوالف .

كَساد : أكُو مشكلة حضرت عميد .

ريا : ما نطقت بحرف مركزه بحركاتهم ركزت بــ حركات عميد قهقه بخفة وطلع منديل مـن جيبه مسح وجهه متعرق وأردف .

عميد : لا ستاذ ماكُو مشكله هاي انسة ريا اسئلها اذا تحب .

ريا : صافنه بوجهه هسه صرت آنسة قبل شويه ريا والله يا الله .

كَساد : ريا أكُو مشكله .

هلوو هلوو هذاا اخذ ميانه شـو ريا شـنـو شبي احسه اخذ ميانه زايده عن الازوم

ريا : احم لا ماكُو كُـلـشـي تمام .

كَساد : اني اروح اي شي يصير بس تصلي .

ريا : هوه انتو انصدمتو مثلي لو بس اني يمااااا عزااا هاي شـنـو تصال وحركات هوه اني رقمه ما عندي ولا اريده اباوع على عميد وجهه صوفر ويمسح بــ عرق الـي ينزل مـن وجهه وماكو گام لـ كَساد بدون ما يسلم ولا حته يلتف غير انو اشرلي بــ عيونه اطلع ويا طلعنه سوه نمشي

بــ ممرات .

كَساد : اعرف تفكيرج راح لـ بعيد بس كُـلـشـي سويته الخاطر امج مو الخاطرج .

ريا : حبيت صراحتك .

_ امممم .

_ تعرف ولا اني ميته عليك اوكي فـ ماله داعي كلامك نگعة واشرب مي .

_ اخخخخ مـن السانج اخخخ بس .

_ هذاا موجود .

_ صلفة .

ريا بستهزاء : مو بصلافتك .

عفته وراحت بقى جامد بمكانه ما نطق بحرف يمكن مجان متوقع ارجع له الكلمة غلست عليَّ وراحت القاعة دخلت شفت صابرين منتظرتني بس شافتني اجت تركض تحضن وتبوس بيَّ بادلتها مشتاقتلها هواي بسبب الغثيث افترقنه رجعنه مقاعدنه مرت فترت محاضره على خير دكتور علي ما شفته ابدد طلعنه اني وصابرين تفقنه نتغده سوه انطيت ماما خبر وافقت طلعنه مـن جامعة وشفت شخص مـن حراس عملاق " كَساد " بس نفيت حساسي مطعم قريب جامعة صابرين حاجزه طاوله قبل بوقت گعدنه على طاولتنه الـي وصلنه لها نادل درت عيوني بــ مكان لمحت نفس شخص الـي كان يم جامعة ونظراته علينه استغفرت ربي گلت حتمال مو متقصد مهتميت له غلست نادينا النادل اخذ طلباتنه دقائق وجاب طلب .

صابرين : اكل كلش طيب اول مره اجي هذاا مطعم بس اكلهم فد شي .

ريا : صح اكلهم طيب اني هم اول مره اجي بس حبيت .

صابرين بستغراب : انتِ شـبـيـج شـو احسج مو على بعضج صالج كم يـوم ؟؟

_ اووف ما اعرف صارت هواي شغلات وكلهن متعلقات بنفس شخص .

اباوع شـو هاي شمرت شوگة وسيكين وصفگت يديها بعض بحماس وابتسامة خبث وفضول نرسمت على ملامح وجهه .

صابرين : لك هلا والله جوي وأجوائي سوالفيلي بعد روحي صاير مصاير كتيهن بسرعه حبيبي .

_ شـبـيـج بنيتي تخبلتي ؟؟!

_ اووي داحجي يا بعد روحي موتي گلبي احجي وفضيني منو هذاا شخص ؟؟!

حكيت طرف حاجبي بتوتر ما اعرف مين ابدي هاي اذا اسوالف لها موضوع بختصار ما راح تفهم واني مالي خلك اشرح يبووو هسه اني شورطني وحجيت منجبه وساكته .

_ احم بـاعـي هوه شسمه اريد اختصر وبنفس وقت اعرف بيج راح تعبيني وانتِ كُـلـشـي مفاهمه .

_ لا لا لا والله افهم سولفيلي ولج راح اموت فضول حته بطني مغصتني .

_ ههههه تمام .. بـاعـي تعرفين الناس الـي ماما تشتغل عدهم والي بسببهم صارت مشكله ابنهم اسمه كَساد فـ شـنـو مـن راح اريد احجي وي ماما ضرب بيَّ وصار بينه شكم كلمه وبس مهم تعرفيني ما اطيقهم بعيشت الله فـ بليل طلعت الحديقة گعدت يم شجرتي وكاتمت اسراري بقيت اسولف وياها شويه وحسيت على صوت شخص درت وجهي وشفته هذاا الـي اسمه " كَساد " هم صار بينه نقاش قليل ونتها موضوع ونفس شخص ماما طلبت منه يساعدني ارجع الجامعة وينلغي طلب فصلي وفعلًا اليوم اجة الجامعة وحجة وي العميد وصار بينه مشداد بــ كلام وراح تخيلي هاي مواقف مرتبطه بشخص واحد والي هوه " العملاق كَساد "

صابرين بصدمة : يبووووو على عمرج ريا خلص تزوجتي وراح يصير عدكم جهال خلص مابيها مجال .

_ بعيد شر امداج شهل كلام سوتينه تزوجنه شـبـيـچ ؟؟

_ لججججج شهل صدف عزااااا يماااااا والعباس اذا ما تزوجتو تعالي اتفلي بگصتي .

_ لا انتِ جنيتي رسمي والله .

_ نشوف ايام بينه وراح تثبتاج ايام كلامي صح .

_ انتِ اكثر وحده تعرف شگد اني اكره هاي عائلة تالي متالي اتزوج ابنهم ايعععع مجرد فكرة احس نفسي راح اتقيئ .

_ نشوف بعد روحي نشوف ؟؟

_ دولي اروح احسن الـي انتِ گعده يمج تقصر العمر .

_ هههههههههههههههه .

عفتة وطلعت البيت تعبانه تصلت على مكتب تكاسي وطلبت تكسي نص ساعة اني مشتوله بــ شارع يله وصلت وصلت البيت وكُل عادة راحت ادخل مـن باب خلفي لگيت ماما ما موجوده بدلت ملابسي بــ تراك خفيف وراحت سوتيلي معكرونه بــ بشميل واكيد طلعت طيبه الان مـن يدي ستوني خليت اكل اريد اكل وتصلت ماما .

مريم : ريا ماما رجعتي لو بعدچ ؟

_ رجعت حبيبتي محتاجة شي ؟

_ اي والله ماما اليوم مساعدات ما موجودات واني وحدي واكو ضيوف مهمين راح يجون اريدج تساعديني .

_ تمام حبيبي دللين ثواني واجي .

سديت اتصال بملل راح اروح واشوف عائله فگر بوجهي ويتعكر مزاجي بدلت على سريع جينز أسود وتشيرت اسود ورفعت شعري كعكة مبعثره اخذت مبايلي وطلعت لگيت ماما تنتظريني بــ باب .

مريم : يله ماما همي يدچ وتعالي ساعديني ما بقى شي ويجون ضيوف .

مندمجة اجهز ضيافة وادردم بصوت ناصي الان اذا سمعتني ماما سود عيشتي والله حسيت بخطوات شخص واري درت وجهي سريع احجي

ريا : ماما تعبت والعباس...

جمدت بمكاني حسيت اريد ادخل بملابسي مـن فشله .

كَساد : شسوين هنا ؟

ريا : شدا شوف انتَ ؟؟

_ امممم .

صافنه بوجهه افكر شبي هذاا اتمنى لزگة بكف اصحي على زمانه واگله شدا تحس غلست على وجوده سويت نفسي ما شايفته ورجعت اكمل تجهيز ضيافه اريد اخلص بسرعة واروح احس هل بيت يخنگني كابس على نفسي خترق مسامعي صوت انوثي .

_ بيبي ادور عليك وانتَ هنا .

درت وجهي اشوف منو واشوفها كتلت انوثه الـي استحي حته اوگف يمها مـن جمالها وانوثتها لو تشوفها صابرين كان گالت خلي نطم نفسنه ههههه .

كَساد : اجيت اشوف ضيافة كامله لو لااا .

كرستينا : تعال بيبي هسه اصيح مريم تشوفها .

بس باعو خلي اصارحكم هيه هواي تتنعوص خلصتها بيبي وبيبي شسالفة شدعوة على جماله اووي صح هوه حـلـو بس ماله داعي هل تنعوص هذاا ايعع العبت نفسي درت وجهي مجاهله وجودهم والقرف الـي دا يصير .

كرستينا : Come to my room tonight, I miss you

ريا : رطنت بــ انكليزي البالها ما راح افهم او ما اعرف انكليزي بكُل جرئه تطلب منه يجي غرفتها يمكن اذا جنت ماخذه نظره عليَّ ان احسن مـن بقيت اهله هسه انمحت هاي نظره بقى ساكت ما حجة شي عفتهم وطلعت العبت نفسي مـن كمية قرف سرعت خطواتي ادور على ماما اريد اگلها راح اروح بس وين الگاها بهذاا بيت العملاق تحسه شلون متاهات دخلت بممر وما عرفت اطلع منه ضعت اباوع بيبان غرف كلها نفس شي درت حول نفسي ادور مخرج سمعت صوت شخص جاي مـن وراي .

_ مبين الحلوه ضاعت .

ريا : صوت هل شخص مو غريب عليّ بس دا اكذب حساسي وانفي كُل افكار مـن راسي مستحيل يرجع ينعاد الـي صار وياي مستحيل اسمح بهذاا شي .

_ ما مشتاقتلي يحلوه .

ريا : درت عيوني بطئ اباوع الشخص الـي گدامي واگف يدي بجيب بنطلون بنفس حقاره ونذالة نعاد كُـلـشـي براسي مثل شريد فديو رجعت الوره خطوتين گلبي رعد بخوف وتوتر .

_ تؤ تؤ تؤ لـيـش خايفة حلوتي ؟؟

بلعت ريقي بتوتر احس نفس ضاق عليَّ غمضت عيوني اقوي نفسي

ريا : مخايفة .

ضحك بصوت عالي مرعب رجعتني هاي ضحكة بذكريات مؤلمة شبكت يديه بعض وضغطت عليهم بقوه اثبت نفسي

_ ظاهر حلوتي كبرت وقوت .

ريا : مـن شافني ما جاوبت رجع غمز واردف بحقاره .

_ وحليانه زايده جمال فوق جمالچ .

ريا : باوعت عليَّ بنضرات قرف وسمعت صوت شخص يگول .

_ صاير هنا ؟؟؟

ريا : صوت جاي مـن وراي درت وجهي اشوف منو طلع كَساد مـن احد غرف موجوده بــ ممر بس حالته غريبه وجهه متعرق عروق يدي ورقبته بارزه بشكل وأضح لابس بنطلون أسود وقميص أسود اول أزرار قميص مفتوحة واضحة قلادة الـي على شيكل اسد على رقبته فزيت مـن شرودي على صوت كَساد يگول .

كَساد : انتِ شعندج هنا ؟؟!

ريا : احس نثولت ونسطرت سطر غميت نفسي بداخلي فصلت رجال تفصال ونسيت مصيبتي واگفة گدامي وغافله عن نظراته .

ريا : احم احم اءءء شسمة هوه اجيت ادور على ماما وضعت .

باوع عليَّ بنضرات حسيته ما مصدگ كلامي بس هيه هاي حقيقه شسويله صدگ او لا اخر همي الـي بيَّ مكفيني مناقصني هم فوق همومي اشرلي على ممر طويل وگال .

كَساد : امشي بهذاا ممر يرجعچ المطبخ .

_ ما صدگت دلاني على طريق عفتهم ومشيت بسرعة او بــ اصح اركض ركض مو مشي وگعت رجليه واني ما واصله ممر طويل يعني اذا يفكرون يقتلون او يحبسون شخص هنا والله يموت ومحد يعرف عنه شي خرب ريا كافي شهل افكار احتاري بمصيبتج الـي جنتي مفكر خلصتي منها واخيراً بعد ما وگعت رجليه مـن تعب وصلت المطبخ شفت ماما دايره وجهه وتحجي بعصبية گعدت على كرسي اسمع كلامها .

مريم : عودك جبتها افنديه تساعدني تالي ما اعرف وين اختفت الله يعلم وين ولت وخلتني وحدي اشتغل جبتها عون تطلعت عليَّ فرعون .

_ ههههههههه اووف ماما شـبـيـج معصبيه ؟؟

دارت وجهه معصبه وجهه مـن عصبيه صاير احمر ومتعرق رجعت اردفت بعصبيه اكثرر

مريم : لجججج انتِ وين چنتي ؟؟ شگد دورت عليچ وانتِ فص ملح وذاب .

ريا بستغراب : ماما دخيلچ مين جيبين هاي امثال شـنـو فص ؟؟ شـنـو ملح ؟؟ هسه صرت اني ملح خو گولي سكر هههههه .

_ تحششين حضرتچ ؟؟

_ ههههههههه آسفة آسفة .

_ دگومي جهزي عصير وبعدين نتحاسب .

گمت تقربت منها قرصت خدودها بصابعي ابوس بيهن بقوه وهيه تدفع بيَّ معصببه وضايجه ضحكت عليها بصوت عالي اگزگز عليها مـن تعصب عفتها وراحت اجهز عصير وهيه تنقل بــ ضيافة الصالة أثناء ما دا أجهز عصير اجت ماما تحجي بسرعة مستعجله تغسل يديها وتنزع صدرية طبخ .

مريم : ريا اني اروح اساعد مـدام انتِ اهتمي بكلشي بين ما ارجع ما اتأخر .

ريا بستغراب : بشنو تساعديها لـيـش شبيها ؟؟

مريم : اساعدها تلبس مجوهراتها ما بقى شي ويجون ضيوف .

ريا بعصبيه : ليششششش هيه مكسره يديها ؟؟ وانتِ تساعديها شـنـو ؟

مريم : مو وقته هذاا كلام ريا بعدين نحجي .

ريا : عافتني وطلعت مستعجله فرت مـن عصبيه ولو الازمها له انتف شعراتها الحمر الحقيره تتعمد تذل ماما بكُل مره تسوي هـيـچ وبكُل مره اگل ماما لا تسمعين كلامها بس لا شـنـو الـي يقنع ماما تقدسهم تقديس عافتني وراحت تساعدها ما مهتمه الـي درت وجهي ادردم عليها غافله عن عيون شخص الـي واگف بــ باب يسمع دردمتي .

ريا : مكسره خانم كسر بيدها نشالله حقيره كلبه دانعل ابوها لا ابو جابها حيوانه ام شعرات حمر البالها حلوه ترااا ايعععع تلعب نفس انعم الله على عمليات تجميل ساترات على وجهه هل بومة حي ....

_ امممم صح كلامج .

ريا : مندمجة اغلط واسب فجاة قطع كلامي صوته درت وجهي بخرعة شفته كَساد هذاا شبي وين ما اروح يطلعلي ودائماً مواقف بايخة تصير گدامه حته من گد ما يطلع الي حفظت صوته .

ريا : احم اءء شسمه هوه .

كَساد : صح كلامج وجهه عبارة عن عمليات تجميل .

ريا : اجيت اگله الـحـمـدالله تعرفون بــ امكم وجهه عمليات تجميل بس سترت على نفسي وسكتت .

كَساد : استحت نصره .

ريا بسغراب : شـنـو .

واگف يدي بجيب بنطلون طلع يده حك طرف حاجبه بصبعة ابهام بخجل وأردف

كَساد : سمعت امج مره گالت هاي كلمة ومن سئلتها عن معناها گالت معناها يعني مـن شخص يخجل يگلوله هاي كلمه .

ريا : ههههه اي اي صح ماما دائماً طلع كلمات عجيبه غريبه ما موجوده بقاموس الكلمات ههههه .

كَساد : ممكن اسئلچ سؤال ؟ اذا ما يزعجچ موضوع .

ريا : حسب نوع سؤال اسئل ونشوف اذا انزعج او لا .

عدل وگفته اني واگفة جنب كاونتر وسانده ظهري عليَّ مكتفه يديه صدري تقرب يمشي بخطوات بطيئة بعد ما كان واگف يم باب صار مقابيلي ميفصلنه غير شكم سانتيم يدي بجيب بنطلون دائماً اشوفة يسوي هاي حركة مخلي يدي بجيب بنطلون .

إعلان

كَساد بهدوء : شـنـو جنتي سوين واگفة بــ ممر وي الأسلم ؟؟

ريا : بعيد عن استغرابي لـ سؤاله اسغرابي اكبر وصدمتي انو ينادي ابوه

بــ اسمه بس لـيـش يا ترى شـنـو الـي يخلي شخص ينادي ابوه بسمه بدون كلمة " بابا " بلعت ريقي وعدلت وگفتي وابعد ملامح استغراب الـي ظهرت على وجهي وأردف بهدوء .

ريا : گلت الك قبل شويه انو دورت على ماما والان ما اندل شي بهذاا بيت ضعت وين غلط وفجاة طلع ابوك بوجهي لا اكثرر .

كَساد : لا تفهيني غلط اني ما قصدي شي سوءا الچ .

ريا بستهزاء : عفواً بس اصور مو مـن حقك تسئل هـيـچ سؤال واتمنى ما تتكرر .

كَساد : صار .

ريا : ولكم يبووو الطمو وياي على واهس شهل اخلاق شهل الطافة شهل هدوء ولكم ينگرط هل رجال اوووف مـن جمال الـي مسوي مكس بين عربي ولـ اجنبي .

عافني وطلع رجعت كملت ضيافة ودزيت رسالة ماما گتلها راح ارجع البيت كمل كُـلـشـي رجعت هلكانه ما متعوده اشتغل كُل هل گد دخلت بوجهي اخذت شور سريع وطلعت شمرت نفسي على سرير بتعب نمت على ظهري صافنه على سگف الغرفه الخشبي الأسلم يصير ابو كَساد رجال مهتم بنفسه وشكله خارجي معروف بوسط المدينة بــ اسم اشهر رجل اعمال ميهتم شي غير فلوس مستعد يبع كُل اهله وعائلته بس على مود مصالحه شخصيه ميهمه شي غير نفسه وبس غير ان عديم اخلاق يموت على شي اسمه بنات زغار بــ عمر وحسب ما سامعه عليَّ كُل فتره يزوج وحده ويطلق وحده وكُل الـي يزوجهن يكونن زغار بــ عمر وفاتنات بــ جمال واكيد فهمتو حسب حبه البنات زغار مخلي بصمته بطفولتي وذكره سيئة دخل رعب بقلبي اذا شفته بعد تفكير طويل ونزعات بين افكاري قررت ارحم راسي مـن تفكير زايد واخلد النوم الفلفت نفسي

بــ غطة ونمت بعمق تاركه راسي يرتاح مـن تفكير ومن مغامرات اليوم .

مريم : ريا ماما شـو اگعدي شـبـيـچ نايمه هـيـچ ؟؟

ريا : فزيت على صوت ماما باوعت على نفسي لافه نفسي بــ غطة تگول دولمه نوب اريد افك نفسي ماكُو ساعدتني ماما بعدت غطة عني عدلت گعدتي وخرت شعري عن وجهي كُل هذاا واني ملتزمه صمت بعدني تحت تأثير نوم وماما ضاربتلها صفنه مـن هاي توب عليَّ .

مريم : اسم الله ماما شـبـيـچ ؟؟

ريا بفهاوه : هاا شـنـو شـكُـو .

_ شـكُـو ماما اسم الله ماكُو شي انتِ شـبـيـچ أكُو واحد عاقل يلف غطة هـيـچ على نفسه .

_ رجعت شمرت راسي على مخده مغمضه عيوني نعسانه اريد ارجع انام بس شلون تخليني مريم انام ابدد لازم خلص دام قررت اگعد لازم غصب عني اگعد يعني .

_ يااا ولچ ريااااا اني وي منو احجي اگعدي شـبـيـچ سكرانه .

_ ماما دخيلچ خليني انام نعسانه گاعده مـن صبح ورجعت راحت ساعدتچ فـ تعبانه عوفيني انام بس دققتين .

_ لا لا لا لا ماكُو نوم گومي تعشي انتِ مـن صبح بدون اكل .

_ ما اريد والعباس ما اريد بس عوفيني انام .

مريم بعصبيه : رياااااااااااااا

_ گمت بسرعة على صوت صرختها عالي هنا اتاكدت بعد مابيها مجال خلص مريوم عصبت بعد موضوع ما بيَّ نقاش گمت مثل حبابه راحت المطبخ غسلت وجهي حته اصحصح باوعت على ساعة الـي معلگة

بــ صالة 9:00 بليل واني نايمه مـن ساعة 4:30 عصر بعدني والله مو هواي نايمه بعدني نعسانه .

_ لا توگفين مثل تمثال تعالي ساعديني بــ عشه يله .

ريا بــ بتسامه : مريوم احد دازج عليَّ اليوم شـبـيـچ هـيـچ معصبه ومو طايقه احد صاير شي اني ما اعرفه .

_ لا .

_ صافنه عليها محتاره حالتها مو طبيعيه عيونها مدمعه ومعصبه مو مـن عادتها استغرابت حالتها اخذت نفس بعمق احاول اقوي نفسي ورجع اسئلها مرت ثاني رغم اعرف راح تعصب اكثرر بس بــ حالتها ما ينسكت عليها تقرابت منها اخذت يديها بين كف يدي بوستهم بخفه وأردفت ببتسامة .

ريا : حبيبتي شـبـيـچ صاير ؟؟ أكُو شي صاير وياچ بعد ما عفتج بــ هذاك البيت احجيلي لا تخليني بقلق أكُو احد زعجج هناك حجيلي اروح اطيحلج حضهم والله بس انطقي .

سحبت يديها بخفه مـن بين يديه دارت وجهه تمسح عيونها ساكته اراقب حركاتها اريد اشوف الوين راح توصل وليش ساكته وما تقبل تحجيلي صاير وياها نطقت بعد فتره مـن صمت .

_ مصاير شي بس تعبانه هذاا اكلج اني ما اريد انتِ اكلي وارجعي نامي لا تسهرين .

رادت تطلع صحت وراها احجي بحرگة وقهررر

_ اي تمام لا تحجين ابقي ساكته بس لا تلومين على الـي راح يصير تمام .

_ شرح سوين ؟؟

_ ولا شي بس راح اروح هذاك بيت واشوف منو سبب بحالتچ هاي .

_ رياااا كافي لا تزعططين امشي اكلي وروحي نامي .

ريا بستغراب : انتِ لـيـش ما ترديني اروح لهم ؟؟ واعرف الـي صاير وياچ معناتها اكيد همه سبب مو صح همه سبب حالتچ هاي اكيد .

_ ريا كافي دخيلج ارحمي حالتي وكافي تسوين مشاكل كافي خلص ما عندي طاقه اتحمل بعد .

ريا بصدمة واستغراب : اني اسوي مشاكل ماما انييييي ؟؟

عافتني وراحت بدون ما جاوبني خلتني وسط صدمتي بكلامها اول مره تحجي وياي هـيـچ بس ليشششش ؟؟ ليشششش ؟ شـنـو الـي صار وخلاها تحجي هـيـچ يا ترى گعدت على كرسي مهدود حيلي لزمت راسي بوجع احس افكار تزداحم وسط راسي گمت متوجها هذاك البيت العين واني ماخذه قراري ومصر اعرف سبب حالت ماما وشنو الـي صار وخلاها توصل هاي حاله حالتها ما كانت طبيعية ابددد رغم اعرف شـنـو راح يصير اذا عرفت ماما كسرت كلمتها وراحت بس ما يهمني كُل الـي يهمني بهاي الحظه اعرف شـنـو الـي صار .

باوعت على ملابسي بــ مرايه خاف بيهم شي غلط تراك بيت متكون مـن تشيرت نص وبجامه كامله البست جاكيت الي يصير فوق تشيرت لـ نص ورفعت شعري كعكة حته ما يشتت افكاري لبست برجلي ومشيت بخطوات سريعة دخلت واشوف الكُل مجتمع بــ صاله متوزعين على تخم لـ ملكي فخم الـي متوسط صاله شفت اخر شخص اتمنى اشوفه باوعت عليَّ بقرف متقزره مـن شوفته تحولت كُل انظار عليَّ مشيت بخطوات بطيئة وگفت بنص صاله الكُل ساكت منتظرني احجي باوعت عليهم واحد واحد الكُل كان موجود ما عده كَساد كان خارج هل گعده الـي مليانه حيايه ونفاق وكذب سمعت صوته مقزز يگول .

الأسلم : شـنـو جاب حلوتي بهذاا وقت .

_ احس اريد اتقيئ مـن اسمع صوته اقسم بالله مو مبالغه بس صوته يسويلي غيثًا باوعته بنظرات استهزاء وقرف جاهلة سؤال وجهة سؤالي الـي گاعده گدامي تباوعلي بنظرات استزغار بودي اقلع عيونها غمضت عيوني اصبر نفسي وإردفت بعد صمت دام فتره قليله .

ريا : مو بيكم حاجي وي ماما ؟؟

ميساء بستهزاء : هههههههههههه اووف ضحكتيني ههههههه .

ريا برود : اصور ما حجيت نكته بس اله ناس تافهة مثلج تضحك على كُـلـشـي حته لو كانت على نفسها :

ميساء : بلا اخلاق .

ريا بستهزاء : مخلين اخلاق الج مـدام ميساء .

الأسلم : كافيييييييي شـنـو هل مهزلة.

درت وجهي عليَّ رافعه اصبعي سبايه بتهديد

ريا : ديررررررر بالك تعلي صوتككككك عليَّ فاهممممم لو لاااااااا .

صوفيا : انتِ منو وشلون تجرئين تعلين صوتچ على بابا وماما لججج انتِ كلج خلق بنت خدامه شفقنه على حالتج انتِ وامج وشغلناكم عدنه وله انتو متسوون شي ولو مو حنه كان انتِ وامج هسه شحدون على طرق .

أيلين : خلص صوفيا عيب هل كلام وانتِ لـيـش تدخلين بــ موضوع هيه جايه تحجي وي بابا وماما انتِ اطلعي خارج موضوع .

صوفيا : انتِ انچبي ولا دخلين احچي الـي يعجبني وبعدين على شـنـو دافعين على هل شرشوحه وامها اووو نسيت انتِ مـن ايام طفوله وانتِ راكضه وراها هيه وامها وناسيه انو حنه اهلچ مو هذوله خدم لا تنسين انو احنه اسيادهم ومو مـن مستوانه نصادق هـيـچ ناس شرشيح .

ريا : مكتفه يديه صدري منتظر تنتهى مسرحية عركة عائلية اريد اعرف وين راح يوصلون ملتزمه صمت فقط استمع لهم والثرثرة السخيفه مالتهم دار وجهه الكُل على اثر صوت كعب العالي نزلت هيه وياه لازمه زنده نزلو عيونهم تتفحص الكُل .

كَساد : صاير هنا ؟؟ وشنو هذاا صوت عالي ؟؟

الأسلم بضحكة : هههه مصاير شي بابا لـيـش قطعت ليلتك مثيره .

ريا : واگفه على صفحه اراقب الكُل انتبهت كَساد يخزر ابوه بعد كلامه مقرف له شهل عائله الـي تموت على شي اسمه بنات وسوالف طايح حضها بس ولو اب شـنـو؟ ومنو ؟ قابل يطلع ابن شيخ جامع .

ميساء : ماكُو شي ابني اخذ كرستيانا واصعدو حنه نحل موضوع وي هاي .

خلص متحملت ابقى ساكته اكثرر مـن هـيـچ تقدمت منها وقفت مقابيلها مباشرة رفعت اصبعي سبايه ضربت على جانبها ايماً مـن راسها وأردفت بهدوء

ريا : اول شي اسمي مو هاي لا لا لا غلطانه اسمي ريا اوكي خليج مذكره هل اسم كلش زين الان بــ ايام جايه راح تسمعينه هواي

شي ثاني ماما ثم ماما ثم ماما اقسم بالله اذا عرفت احد منهم كائن مـن يكون زاعجها ولو بحرف واحد صدگوني ما راح ارحمكم كلكم وخليكم مذكرين كلامي هذاا كلش زين راح زمن ريا طفله الـي شـنـو تگلوها صاحت تم وحاضر راح زمن ريا الي تشوفكم تهينون امها وتبقى ساكته الان طفله وما بيدها شي لا لا لا لا لا غلطانين خلص راح زمن ريا هذاك هسه ريا مستعده تخلص عليكم كلكم واحد واحد وتخلص على شـكُـو واحد يمسها او يمس امها بكلمة او فعل اقسم بالله اخلص عليكم وما يرف الـي جفن خلي هل شي بالكم .

عفتهم بصدمتهم بدون ما اسمع جوابهم وطلعت بدون ما اهتم احد احس مـن حجيت كلأم وكانه حمل ونزاح عن كتافي فتحت باب بيت بطىء شديد حته ما تگعد ماما وطلع فرحه مـن عيوني دخلت امشي على اطراف اصابع رجليه نزعت جاكيت شامرته فتحت باب غرفه أتأكد اذا ماما نايم او لا شفته رايحه بسبات عميق ابتسمت بخفة وسديت باب على كيف شمرت نفسي على قنفه صافنه بفكاري اعرف محد بيهم راح يسكت على كلامي وخاصة الأسلم هذاا انسان آني متاكدة انه ضاملي ضمه بس الله يعلم بيها احس سكوته ما قبل عاصفه بس اخر همي مستحيل اسكت بعد عن شي كافي الـي شفنا وسمعنا منهم .

غمضت عيوني أهدي افكاري الـي صارت مثل زخ مطر وحده وره ثاني احسهن وكأنه يتنافسن بينهن منو اقوه فكره تجي صفنت بيني وبين نفسي واجة منظره وهوه ينزل وياها مـن فوگ سوه اكيد كانو سوه بس هوه مابين عليَّ مـن هذاا نوع

ضربت راسي بطراف اصابعي احجي بصوت خافت وي نفسي ، شـبـيـچ ريا لا تنسين هوه منو ؟ وابن منو ؟ وابوه منو ؟ خلص اني شعليه طبه مرض وهوه وابوه عفيه عائله عبارة عن ناس منافقه ، وحقيره ، قذره ، وشكُو صفه خايسه بهل عالم هيه بيهم تف عليكم شگد قذرين وحيوانات متهمكم غير شهواتكم القذر ناس ذكوريه .

نمت بعد صرعات هواي مـن افكار ما گعدت غير ثاني يـوم على صوت غريب يم راسي درت وجهي الجهه ثانيه بنعاس مطفيه مـن رئسي ما اگدر افتح عيوني اسمع صوت ماما وصوت شخص ثاني وياها بس ما اگدر اعرف صوت ثاني لمن تابع اريد افتح عيوني بس اتعاجز ونعاس غالب عليَّ رجعت نمت مجاهله اصوات الـي زرفت راسي زرف .

بس خلي انطيكم معلومه عني احم باعو صراحة اني اذا نعسانه لو قنابل وهاونات تتفجر يم راسي هم ما اهتم ورجع انام وطبيعي موضوع عندي هههههه .

فزيت على صوت مكنسه كهربائية صوتها زرف اذاني هنا بعد ما بيها مجال الازم اگعدت رفعت راسي بخفه شفت ماما مندمجة تكنس ولا مهتمه أكُو شخص نايم يمها هسه اني شـنـو ورطتي ونمت بــ صاله نايمه

بــ غرفه ومنجبه گمت بجزع بعد مابيها مجال ابددد صار مكان غير صالح النوم صحت بصوت عالي واني ادخل الغرفه واشك سمعتني .

_ استمريييييي ماماااااااااا .

باوعت على ساعة 2:40 ظهر يعني مو مال ارجع انام دخلت اخذت شور سريع بدلت ملابسي شورت ابيض وكيمونه ورديه اعشق هـيـچ الوان شسورت شعري واحس بطني تزقزق بيها عصافير مـن گد جوع كملت شعري رفعته كعكه بــ همال ورحت المطبخ شميت ريحة اكل كلشش طيبه تسطر سطر مـن گد ما طيبه دخلت اصرخ بصوت عالي متحمسه .

_ مريوممممم شنووووو هل ريحه الطيبه اويلي تمو...

جمدت بمكاني مـن اجة صوته

كَساد : دولمه .

درت وجهي مصدومه وبنفس وقت وجهي ينطي الوان مـن فشله نعلت نفسي الف مره بداخلي ما اعرف شـنـو سر هل رجال بكُل موقف يفشل يصير وياي هوه يكون شاهد عليَّ عيونه مشخصه عليَّ ما فهمت نظراته غريبه بلعت ريقي وأردفت بهدوء خجلانه مـن موقفي .

_ شـنـو ؟

_ الريحة الريحة طيبه جايه مـن دولمه .

اشري براسه على گدر الـي على طباخ جاهلة كلامه وسئلته

_ ماما وين ؟؟ وليش انتّ هنا ؟؟

اباوع عليَّ گاعد على ميز طعام الـي بــ مطبخ متكون مـن طاوله بسيطه واربع كراسي خله رجل على رجل وطلع سجاره اسمها كوبي تكون ضخمه دنگ راسه شعلها خلاها بين شفايفة سحب نفس منها قلص عيونه ونفخ دخان مـن فمه وانفه بنفس وقت مكتفيه يدي صدري اترقب حركاته ومستغربه وجوده هنا وين ماما ؟ لـيـش مو هنا ؟ وشلون دخل ؟ هواي اسئله براسي قرر هوه يرحم راسي مـن افكار وأردف بعد صمت دام فتره طويله .

كَساد : امج راحت بيتنه واني معزوم عدكم لو متستقبلون ضيوف ؟؟

ريا : نستقبل لـيـش لا .

_ ممتاز .

ريا : بدون ما اجاوب راحت على طباخ شفت ماما طابخه دولمه ومجهزه كُـلـشـي يعني بس اصب غده ردتت اتصل بيها اشوفها لـيـش اتأخرت وقفني صوته .

_ گالت ما ارجع تغدو انتو .

ريا بستغراب : انتو .

الاحظت طيف ابتسامه زين ثغره على استغرابي كلمته بس سرعان ما خفاها ورجع گال .

_ اي .

_ احم تمام .

صبيت غده وجهزت كُـلـشـي گعدت على ميز وهوه طفه جكاره وعدل گعدته بدينه ناكل بدون ما احد بينه ينطق بكلمه احس ما اتحملت اريد اسئل هواي اسئله بالي سندت يدي عليَّ طاوله وحجيت .

_ لـيـش انتّ هنا ؟؟

رفع راسه مثبت عيونه بــ عيوني عاقد حاجبه بستغراب مـن سؤالي حسيته يگول هسه هاي بله شحجي وياها رغم جاوبني قبل شويه سبب جيته بس احس اريد ارجع اسمع جاوب او اتوقع اريد اسمع غير جاوب

_ جاوبتج سبب .

ريا برود : عادي تگدر جاوب مرت ثانيه .

كَساد : ممتاز .

ريا : بودي اگوم افلش وجهه كرهت كلمة ممتاز مـن وره هل رجال على كُـلـشـي وگال ممتاز وما تعرف شـنـو ممتاز بس موضوع .

ريا : اوكي نغلس على سبب جيتك لنا ، انتّ شدسوي هنا ؟؟

_ شـنـو فرق بين سؤالين .

_ امم فرق اول عرفنه ماما عزمتك اما سؤال ثاني شـنـو سبب عزيمه ؟

_ ما عندي جواب سؤالج ثاني الان اني حالي حالج هم اريد اعرف سبب عزيمه .

_ شلون يعني مفهمت ؟؟

_ يعني امج عزمتني على غده وطلبت تحجي وياي بــ موضوع .

ريا بستغراب : تحجي وياك بــ موضوع انتّ وبعدين شـنـو هذاا موضوع مشترك بينك وبين ماما ؟؟

_ علمي علمچ .

_ صافنه بوجهه وهوه نفس وضعي صافن بوجهي وحسيت ثنينه نشارك نفس تفكير والي هوه " شـنـو موضوع ماما " احس انسطرت ونضرب على عقلي دخت عفته بدون اهتمام وگمت مـن طاوله اريد اروح اختل بوحدي بــ مكان افكر بــ هاي مصيبه جديده عندي حساس قوي انو ماما راح تسوي شي تصدمني بيَّ دايخه بــ افكاري بدون ما انتبهه انضربت رجلي بزاوية باب احس روحي شاغت دمعت عيوني مـن گد وجع رجعت گعدت على كرسي سندت راسي مغمضه عيوني على طاوله مـن جهه راسي نسطر بــ ماما ومن جهه ثانيه وجع رجلي الـي ما ينحمل حسيت بيَّ گنبص گدامي مخلي رجلي بحضنه فزيت بخرعه اسحب برجلي بس ضغط على رجلي بقوه مثبتها وأردف بهدوء .

_ اششش أهدي خلي اشوف رجلج .

حجيت اسحب برجلي بس مثبتها على فخذه بقوه

_ عوف رجلي ولك عوف شبيككككك .

_ گتلج بس اشوفها كافي أهدي .

يحجي برود بدون ما يباوع عليَّ يتفحص برجلي هدئت مـن روعتي مأيسه يعوف رجلي باوعت عليها اظفر رجلي مشلوع ويصب دم شايفين مـن ضربه تصير بــ اظفر وهيچ مكان يكون حساس بــ جسم يكون وجع يدگ بــ گلب نزل رجلي بهدوء وراح طلع مـن مطبخ عقدت حاجبي مستغربة وين راح وهوه قبل ثواني اصارع وياه حته يعوف رجلي وما قبل وهسه وحده عافها ثواني ورجع باوعلي ملامح وجهه محتاره حسيته يريد يحجي شي بس متردد اتنهد بصوت عالي وگال .

_ ساعديني اخذج الصاله اضمد رجلچ .

رجعت شعري وره اذاني بخجل غامة نفسي ستالاف مره على مواقفي بايخه وياه

_ احم شسمه ميحتاج خلص اني ادبر نفسي تگدر تروح شـكـراً .

تقدم مجاهل كلامي او بــ اصح طنشني ولأ كانه حجيت شي تقدم شايلني بحركة سريعه بين يدي مـن صدمه ما انطيت ردت فعل صافنه بوجهه ثواني بس واستوعبت وضعنه مشبوهة دفعته اضرب على صدره ضربات عشوائية واحجي بعصبيه .

_ ولك عوفني شبيككككك نزلني اگدر امشيييييي وحدي .

بدون ما يجاوبني گعدني على قنفه گعد گدامي ركبه ونص ماخذ رجلي مخليها على ميز سجاج گدامي جاب علبة سعافات فتحه مطلع منها قطنه ومعقم كُل هذاا واني صافنه بوجهه مستغربه سبب هتمامه غير مبرر يشتغل على صامت بدون ما ينطق بحرف ملامحه جامده ما تعبر على شي غمضت عيوني بوجع مـن خله معقم على جرح فزينه ثنينه على صوت .

_ صاير هنااااااا

يتبع ...

-أستغفر الله.

-سُبحان الله.

-الحمدُ لله.

-لا إله إلا الله.

-الله أكبر.

-سُبحان الله و بحمده.

-سُبحان الله العظيم.

-أستغفر الله و أتوبُ إليهِ.

-لا حول و لا قوة إلا بالله.

-اللهُم صلِ على مُحمد وآل مُحمد.


━━━━━━━━━━━━━━━━━━━━━━━━━━

🌸 هل أعجبتك أحداث القصة؟

💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:

🔗 تابع القراءة عبر موقعنا الرسمي من هنا: https://kimostories.site/novel/492/وجوها-تخفيها-الثراء

نتشرف بوجودكم دائماً في عائلة كيمو ستوريز! 🌸

━━━━━━━━━━━━━━━━━━━━━━━━━━

2026/11/16 · 0 مشاهدة · 4886 كلمة
yare.yare
إعلان
نادي الروايات - 2026