__________________________ كَساد

﷽

الكاتبة _ ميرال _ علي

بقلمي : وجوهاً تخفيها الثراء

الطفاً لتنسون التصويت والتعليق ومتابعة حساب واتباد

حِزنِيّ تَارِسَ كُل دِرَابّينَ المَديّنِةَ .

_ صاير هناااا ؟

درنه وجهنا مصدر الصوت ماما واگفه وملامح وجهه ما تبشر بخير ابتعد كَساد واگف على صفحه مخلي يدي بجيب بنطرون بهدوء ولا كأنه صار شي عجيب هدوء والبرود الـي بشخصيته هل رجال واني ارجف مـن توتر اعرف ماما مستحيل تعديها على خير .

ريا : ماما شسمه هوه اءء هذاا ..

مريم بعصبيه : ريااااااااااا احجي فضيني .

_ ماما والله ماكو شي بس رجلي نجرحت وهوه ساعدني مو اكثررر كَساد شبيك احجي لـ ماما صار لـيـش ساكت .

كَساد : احم .. مـدام مريم ماكو شي مـن الـي بالج ومثل ما گالت ريا رجليها انجرحت واني ساعدتها .

ريا : ماما وجهه مـن عصبيه صاير احمر احس دخان يطلع مـن اذانها سكتت حرف ما نطقة ابتسمت بوجهه كَساد مجامله بس مبين عصبيه على ملامح وجهه وأردفت بهدوء مبطن بعصبيه .

مريم : مصار شي ابني تگدر تروح اني اهتم بيها .

ريا : وحق الله مـن گالت اني اهتم بيها احس روحي راحت الان اعرف اهتمام ماما شلون يصير يبووووو على حضج مصخم يا ريااااا يبووووو .

راح كَساد بدون ما ينطق بحرف بقيت صافنه وره اريد اگله لا تعوفيني يم ماما راح تسود عيشتي بس يحسرتي بس يحسرتي اختفه اثره مـن عيوني دارت وجهه ماما عليَّ ونطتني هذيج خزره الـي تخلي خلايه جسمي ترجف مو مبالغه يا جماعه بس اني كلش اخاف مـن ماما مـن تعصب الان تصير شخص ثاني مو ماما هادية لا اصير مثل بركان وعلى اي الحظه تنفجر كتفت يديها صدرها شبكت يديه بعض بتوتر منتظرتها تحجي بس احسها تلعب بــ عصابي مـن تبقى ساكته .

مريم : اي ريا حجيلي .

بلعت ريقي بتوتر اخذ شهيق اسيطر على رجفت يديه الـي فاضحه توتري حجيت بصوت يرجف مـن توتر .

ريا : شسمه اءء ...

هوه هذاا ماما والله مصار شي لا تفهمينه غلط بس انتِ عازمته هوه گال امچ عزمتني والله اني معليه بشي .

مريم : ريا ديري بالج كذبين عليَّ دا اگلج احجي لا ضليت تمتمتين ، وشدخل عزيمتي له بــ سؤالي .

_ انتِ لـيـش عزمتي شـنـو مناسبه ؟؟

_ ريا صبري بدا يخلص لا جاوبين سؤال بــ سؤال مـن اخير احجي وفضيني لا تخليني اتعامل وياچ بغير اسلوب وانتِ تعرفيني شـنـو قصدي .

بلعت ريقي بتوتر المجرد تخيلت شـنـو تسوي خفق گلبي بخوف

_ ماما والله ما صار شي لـيـش ما تصدگين گتلچ رجلي نجرحت

ودا شوفين بعينج انو رجلي مجروحه وهوه ساعدني مو اكثرر هذاا كُل موضوع .

رفعت اصبعها سبايه بتهديد وأردفت

_ هل مره راح اسكت بس احذرچ تنعاد ساعتها تعرفيني شـنـو اسوي ولا تلوميني على اي شي يصير .

عافتني ودخلت الجوه حته ما شافت رجلي عصبيه عاميه على عيونها شگد ما ماما حنونه وگلبها طيب بس بنفس وقت ما تقبل بــ غلط ابدد واذا عصبت متشوف گدامها وميهما منو الـي گدامها حته لو كنت اني بنتها ساعتها راح تعاقبني بقسه عقوبات بدون ما تهتم .

باوعت رجلي معقمة ومخلي عليها لازق جروح بقيت بمكاني بــ صاله ما دخلت الغرفه غمضت عيوني وبدون ما احس نمت .

مريم : ريا گومي احجي وياج ريا .

ريا : اممم شكو صاير ؟

گعدت يمي تحجي بهدوء

مريم : اني راح اسافر شكم يـوم يم خالتچ خابرتني هسه مريضه كلش .

عدلت گعدتي ضربت على خدودي اريد اصحصح

ريا : الحضه ماما بس خلي افهم وحده وحده عليَّ ، خالتي مريضه منو بيهم مشالله هنه عشيره .

مريم : عيب خالاتچ تأدبي ، خالتچ شادن مريضه .

ريا : اي اوكي اروح وياچ شعندي باقيه هنا وحدي .

مريم : لا بس اني اروح ما تأخر بس ثلاث او اربع ايام وارجع انتِ عندچ جامعه اگعدي واسكتي .

ريا : بس ماما ...

قاطعة كلامي بخزره بــ معنى انتهى نقاش روحه ماكو راحت جهز جنطتها تفأفأت بملل فتحت مبايلي باوعت على ساعة 11:30 بليل هاي شگد نايمه بقيت اتصفح بــ برامج دخلت على واتساب شفت جايتني رساله مـن رقم غريب مكتوب بيها

رساله : " شلون صارت رجلچ بعدها توجعچ "

عرفته كَساد غلست على رساله ما جاوبت طلعت ماما مجهزه نفسها سئلتها اترقب جوابها

ريا بستغراب : ماما شوگت لحگتي تحجزين بهذاا وقت متأخر ؟؟

مريم : مـن عصر خابرتني وگالت الـي وحجزت .

ريا بستهزاء : ههههه واو مـن عصر وهسه يله استوعبتي تنطيني خبر .

مريم : ريا بدون دراما ماما رجاءً .

ريا بستهزاء : بدون دراما گتيلي .

عافتني بدون ما جاوب طلعت جنطتها اتنهدت بصوت عالي طلعت ورها صحت بصوت عالي

ريا : ماماااااا .

رحت حضنها بادلتني بعدت عنها بعد ثواني بايستها بخدها .

ريا : ديري بالچ على نفسج حبيبتي وي شي اصير اتصلي عليَّ .

مريم : تمام يروحي وانتِ هم ديري بالچ على نفسچ .

ودعتها وراحت رجعت اريد اطب البيت شفت كَساد وي هاي مايعه مالته واكفين يسولفون او بــ اصح هيَّ تسوالف هوه واگف بس يستمع لها ويدخن عجيب شگد يدخن ولا مره مـن مرات شفته ما يدخن عفتهم بدون اهتمام بعد ما فصلتهم تفصيل عابت الـي شكو احشر نفسي بينهم دخلت البيت باوعت برجاء البيت نضيف ميحتاج انضف شي بس احس نفسي جوعانه ومالي خلك اطبخ شي قررت اطلب بيتزا طلبت بيتزا وببسي وسلطة سيزر گمت اسبح على ما يوصل الطلب حته اصحصح سبحت جو بارد لبست تراك متكون مـن ثلات قطع بجامة وتشيرت نص وجاكيت شسورت شعري واكيد ما ننسه عطر والتنت نص ساعة تقريباً بين ما سبحت وكملت وصل طلب طلعت اجيبه البست برجلي وطلعت بسرعة حاضنه نفسي جو بارد احس وجهي ثلج مـن برد وخشمي ما احس بيَّ مـن بروده اخذت طلب بسرعة ورجعت امشي بخطوات سريعة البيت بس سرعان ما ستوقفني شخص قطع عليَّ طريقي الحظة راد يوگع اكل مـن بين يديه رفعت راسي شفته كَساد مبين طالع مـن ملابسه أنيقة أردف بهدوء.

كَساد : وين جنتي ؟؟

ريا بستهزاء : والله گالو هناك يوزعون اكل فـ اني جوعانه گلت اطلع اجيب بدل ما اطبخ واخسر مواد طبخ مني على اقل اكل بلاش .

مسح على وجهه بملل وأردف

_ استغفرالله لج بابا هوه سؤال يحتاج كُل هذاا الكلام .

ريا بهمس : صار شيخ جامع برأسي يستغفر الكافر .

_ شترطنين انتِ .

_ ولشي ، مهم جمدت اريد ادخل هاي طبعاً اذا تسمح الـي حضرت جنابك .

_ روحي بس خلصيني ومرت ثاني اذا محتاجة شي اطلبي مـن حرس لا طلعين انتِ .

ريا بستهزاء : أوامر ثانيه حضرت امبراطور .

_ انتِ ما تعرفين شي بحياتج غير استهزاء ؟

_ اسئل نفسك ، وخر عن طريقي اريد اولي جمدت واكل برد مـن وراك .

_ روحي روحي بس خلصيني مـن السان دلالات هذاا .

طلعته الساني اعيب عليَّ فتح عيونه بوسع مصدوم مـن حركاتي طفوليه وغبيه همات عفته ودخلت البيت بسرعة بعد ما فشلت نفسي شكو داعي هل ميانه زايده ريا اثكلي ابنيتي اثكلي ثكل حـلـو لا تخزين نفسج خليت اكل على طاولة راحت المطبخ جبتلي بطل مي وگعدت فتحت مبايلي على افلام كارتون ماشا ودب عشق مـن اني وزغيره ما اعرف اكل اذا ما اشغل ماشا ودب اعرف اعرف حركات جهال بس عادي هههه .

گاعده اتابع واكل مستمتعه بوقتي وناسية كُـلـشـي فزيت مخترعه حته قطعت بيتزا وگعت مـن يدي مـن خرعه على فتحت الباب الـي مـن ثولي ناسيه اقفله دخل بدون اذن واكيد جكاير متوگع مـن بين يدي مـن صدمة وخرعه ما حجيت بس صافنه بوجهه ثواني واستوعبت الـي صار .

ريا بعصبيه : انتَّ شلوووون تسمح نفسككككك تدخل بدون اذن .

كَساد برود : منو گلج تخلين باب مفتوح .

_ خيررر سالمين واذا الباب مفتوح وانتَّ شكككككو باب تشوفه مفتوح تدخله .

_ اششش كافي رجعي مكانج كملي اكلج يلا .

_ هيووو شـو تتأمر شكووووو .

_ ريا يله بابا يله بنيتي يله حبيبتي كملي اكلج اريد اولي وراي شغل هواي .

ريا بصدمة : شـو صار بيها بابا ، بنيتي ، حبيبتي ، .. بعد بعد شسالفة گول خطيبتي ، زوجتي خاف ناسي شي .

_ ترى هواي تلحين .

_ لا والله وانتَّ الـي ما راضي يعني هسه اصلاً انتَّ شلون تسمح نفسك تدخل بيتي وتحجي وياي بهاشكل .

_ يغضب الله امچ ولججججج امچ دزتني اشوفچ بس كافي دخيل الله شگد تلحين وشگد تحچين هواي صدع راسي من وراچ .

_ ماما ؟؟ هيَّ دزتك مستحيل اكيد تكذب .

انتو بس تخيلو وياي كُل هذاا الـي صار وهوه حته ما تنرفز او تغيرت تعابير وجهه عكسي اني الـي وي كُل كلمة منه تتغير تعابير وجهي وهوه واگف ولأ كانما يا جبل ما يهزك ريح عزااا بعين ابوك الحيوان .

_ هاا خلصتي لو بعدچ .

_ شـنـو .

_ صفنتچ صفنتچ خلصت لو بعدها مطوله حته اذا مطوله اروح .

حركت يديه گدام وجهه بعلامة " لا " وحجيت بحزن مصطنع

ريا بستهزاء : لا لا لا لا لا دخيلك كُـلـشـي ولا تعوفيني وتروح اموت بدونك حياتي راح توگف عند هاي الحظة .

بدون ما يحجي او يعلق على كلامي طنشني وراح گعدت رجل على رجل جكاره بين شفايفة واگفة اراقب حركاته اريد اشوف لوين يوصل وشنو يريد ، اخذ نفس مـن جكاره نفخ الدخان طلع مـن انفه وحلگة بنفس وقت صراحة وبينه حچي منظره كان مغري جله صوته يگول .

_ لـيـش واگفة ؟؟

شبكت يدي بعض وره ظهري وأردفت

_ منتظره حضرت جنابك تطلع لو ما الك نيه تروح ؟؟

_ امچ وصتني عليچ .

_ طفله اني طفله حته ماما توصيك عليَّ لا وتوصي منووووو ماكو غيرك .

_ هذاا شي خاص بينچ وبين امچ وامچ عزيزه عليَّ وطلبت مني شي ما اگدر ارفض .

ريا بستهزاء : وهسه اديت واجب باديگارد تگدر تتفضل تروح .

گام بدون ما ينطق يعدل بــ كوت مالته طفه الجكاره بــ اطراف اصابعه حسيت بــ السعتها والوجع بيدي واني ما دخلني اراقب حركاته گام يروح وصل الباب التفت باوعلي واردف قبل لا يطلع .

_ لا تخلين باب مفتوح تعالي قفلي وراي .

اقسم بالله خجلني بخلاقه شدعوه هل اخلاق العاليه كلها حته واحد يستحي يحجي شي لا يتفشل گدام كُل هاي اخلاق .. مثل الحبابه بس طلع رحت ركض قفلة الباب ورجعت اكل بدون ما اهتم اهم شي بطني محد يفيدني بس ضلت كلمته ترن براسي " امچ وصتني " لـيـش ماما وصته عليَّ وليش هوه بــ ذات وصته اووف ماما اوووف اتمنى اقره الـي يدور براسج .

خلصت اكل لميت الزايد خليته بــ ثلاجة ونظفت الصاله سويتلي قهوة وضميري دراسي صحه جبت ملازمي وگعدت اقره بقيت اقره وقت هواي بدون ما احس عدلت گعدتي مغطت جسمي مكسر باوعت على ساعة 4:00 فجر الملمات ملازمي خليتهن على صفحه وراحت الغرفه سويت عنايتي قبل نوم ولو هوه وقت متأخر ومو مال عنايه بس عادي مهم سويتها كملت عطرت نفسي وراحت سويت هجوم على سرير بس اكيد قبل كُـلـشـي وقت مبايل على ساعة 6:00 حته اگعد رغم اعرف بنفسي ما راح اگعد بس عسى والعل اگعد .

فزيت على صوت باب يندگ بقوه گمت مخترعه ما منتبها الملابسي ولا شكلي ركضت فتحت الباب كَساد وآلين واگفين گدامي فاتحين عيونهم بصدمة وحالتي ما تقل بشي عن حالتهم احس بعدني بدوامة النوم وما مصحصحة ولا مستوعبه الـي جاي يصير طلعتني مـن صفنتي صوت آلين

آلين بخجل : صباح الخير .

ريا : صاير شبيكم ؟؟ اكو احد يدگ الباب هالشكل .

كَساد : اذا انتِ دگول ميته صالنه بــ نص ساعة حنه ندگ الباب وماكو .

ريا : اكو شي اسمي شخص نايم .. وبعدين انتو شعدكم هنا شتردون ؟؟

آلين : باوعلي كَساد بنظره اني شگتلج سترت على موقف وقبل لا يتعاركون حجيت بسرعة ...

احم احم ريا ساعة 9:00 وانتِ عندج دوام فـ قلقنه عليج واسفين اذا خوفناچ بس مـن خوفنه البالنه بيچ شي وتعرفين اليوم عدنه أمتحان فـ گلت الكَساد ناخذچ ويانه الان نفس طريق .

عفيه عائله تخرخر اخلاق طبعاً ما عده ابوهم الحيوان وامهم ام شفعه حمره

ريا : تمام بس ابدل ملابسي تفضلو انتظرو جوه بين ما اجهز نفسي .

دخلو يگعدون راحت جبت لهم مي قدمته لهم

ريا : شـنـو تحبون تشربون ؟؟

آلين : شـكـراً حبيبتي منريد نتعبچ روحي جهزي نفسچ .

عفتهم وراحت اجهز نفسي باوعت على نفسي بــ امرايه والطمت على وجهي عزاااا بعينججججج ريا بجامة تراك وحده صاعده وحده نازله شعري تگول مفجوره بيَّ قنبله تشيرت نازل مـن يم الكتف ومبين سير الحماله لطمت على وجهي حيل تذكرت كَساد شلون منزل راسه وما رفعه ولا باوع وجهي صخن مـن فشله احس وجهي بوخ غميت نفسي على غبائي بس شسويلهم اذا همه سوو هجوم ومن خرعه حته ما نتبهت على شكلي اوووي ديله شسويلهم .

غلست على موضوع او بــ اصح حاولت اغلس على موقف الـي خليت نفسي بيَّ ودخلت سبحت بسرعة وطلعت ارجف مـن برد البست فستان اسود طول بكمام طويله قماشته تكون ثخينه ودفي شسورت شعري رتبت حواجبي على سريع ميحتاج اخلي مسكاره الان رموشي طوال وكثيفة ميحتاج لهم مسكاره خليت تنت الخدودي وعطر البست كعب حمر وجنطه حمره اخذت ملازمي وطلعت بسرعة چانو يسولفون مـن انتبهو وجودي سكتو بسرعة ما هتميت طلعنه شفت سيارت كَساد والحارس واگف يمها فتح الباب الوره الحارس صعدت وآلين صعدت گدام أردف كَساد موجه كلامه الحارس .

كَساد : روح احمد اني اسوق .

احمد : بس استاذ...

كَساد : احمد ما اعيد كلامي .

سگت الـي اسمه احمد بدون ما ينطق بحرف بعد كلام كَساد فتح باب السيارة الحارس الي اسمه أحمد لـ كَساد صعد

ريا بهمس : مكسر متفتح الباب انتَّ لو متعود على خدمه .

كَساد : سمعت ترى .

ريا گلبت عيوني بملل وسكتت طول الطريق محد بينه نطق بحرف اني بديت اراجع الـ محاضرة وصلنه بعد فتره .

آلين : شـكـراً حبيبي تعبناك .

ريا برود : قصدج تعبتي .

باوعلي مـن مرايا حسيته مـن نظرات يگول شـبـيـچ غلست ونزلت اسمعه يجاوبها .

كَساد : تدللين حبيبتي يله روحي وانتبهي المحاضراتچ .

دخلنه سوه اني وآلين كلمن راحت قسمه اني قسم انكليزي وهيَّ قسم اسنان باوعت على ساعة الـحـمـدالله المحاضرة بعد لها نص ساعة انتبهت مـن بعيد جاي بتجاهي دكتور علي عقدت حاجبي بــ استغراب صراحة الحظه اكو خيط امل بداخلي انو ما جاي الـي بس للأسف اتقدم وابسامة مرسومه على وجهه .

علي : صباح الخير آنسه .

ريا : صباح النور دكتور .

صافنه بوجهه منتظرته يحجي حك طرف حاجبه بــ اصبعه ابهام وابتسم بخجل وأردف بعد ما بلع ريقه

علي : اني جداً اعتذر على الـي صار قبل فتره شي غير مقصود اتمنى تتقبلين اعتذاري .

فتحت عيوني بوسع مصدومه بس سرعان ما تاركت نفسي واستبعدت ملامح صدمه جاوبته بهدوء

ريا : ماكو مشكلة دكتور سوء تفاهم حصل خير .

علي : شـكـراً تفهمچ آنستي .

ابتسمت بدون جاوب ترخص وراح سحبت نفس بعمق بعد ما چنت حابسه انفاسي بس شـنـو تغير واجة اعتذر صار ؟؟

صابرين : يحلو وين صافن ؟؟

ريا : اوووف اسكتي صابرين لجج لو تعرفين صار هسه عزااا لحد هسه ما مستوعبه الـي صار .

_ شكو شكو صاررررر ؟؟؟ واني ما اعرف بيَّ احجي بسرعة يبووو صاير شي وياچ وما تحجيلي يا خاينة عشره تف على هـيـچ صداقة خايسه ...

_هوب هوب شـبـيـچ وجع هوه انتِ انطتيني مجال احجي اكلتيني حاصل فاصل .

_ ههههههه تمام تمام احچي او اگلچ الحظه نروح الكوفي ونحچي .

رحنه گعدنه بمكان معزول عن باقي طلاب

_يله يله يله بسرعة حچيلي صاير ؟؟

_ هاي قبل لا تجين تخيلي مـن اجة يحجي وياي .

_ لااااا تگولين كَساد .

_ وجع حته وجع نعال شجايه بــ نص .

_ اي شسويلچ محد اجة بالي غيره الحظه الحظه اذا مو كَساد لعد منو ؟؟

_ دكتور علي .

_ يماااااااااا عليچ الله بس لا يريد سيويله مشكلة جديده .

إعلان

_ لچ لا اجة يعتذر .

_ يعتذر گتيلي ؟؟؟؟ هههههههههه اووف شـبـيـچ شخطتي انتِ .

_ لـيـش ؟؟

_ هذاا مغرور مكروه يعتذر مستحيل .

_ رجعت شعري وره ظهري بغرور واخذ رشفه مـن قهوة ورسمة إبتسامة ثقه على ثغري بدون ما انطق بحرف .

_ لـيـش احس هاي بتسامة ثقة الـي على شفايفچ وحركة شعرچ والقهوة دل على كلامچ صح .

_ بــ ضبط عزيزتي .

_ الله عليچ بــ شـنـو هددتي رجال حته اجة وعتذر .

_ والله حته اني انصدمة مثلچ مـن اجة وعتذر .

_ عزاااااا لججججج خاف هذاا معجب بيچ .

_خو انتِ شكو واحد اشوفينه او تسمعينه يحچي وياي گتي معجب بيچ .

_ ههههههههههههههههه بهاي حقچ .

_ دمشي نروح المحاضرة .

رحنه نريد ندخل القاعة صادف بوجهنه دكتور علي واگف باب قاعة وبدت صابرين سوالفه سخيفه يا تغمز يا تگرص وتحرك حواجبها بمشاكسه اخز بيها بس شيفيد وي هاي خفيفه بس صراحة هوه حركاته وتغيره المفاجاة الي يشوفه راح يشك اكو شي غلط بــ موضوع بس انتبها وجودنه ركز نظراته بعيوني وابتسم بادلته ابتسامة مجامله واستغراب مـن تغيره مفاجأ دخلنه المحاضرة مر وقت محاضرة وهوه ما شال نطراته مني زعجني موضوع واحس عيون كُل طلاب عليَّ غير صابرين الـي متحلفه الها بس نطلع اطيحح حظها خلصت محاضرة هيه بس تغمز وتسوي حركات بحواجبها عودك شوفي مو گتلج معجب بيج حرگت گلبي بنص محاضرة جمعت اغراضي وحجيت بنزعاج .

ريا : عفواً دكتور بس ممكن اطلع ؟؟

علي بستغراب : لـيـش بيچ شي ؟؟

ريا بنزعاج : احم لا بس تعبانه شويه اترخص .

تركته بدون ما انتظر جاوبه وطلعت العبانه نفسي باوعت على ساعة 11:30 ظهر نوب حتاريت شلون ارجع اتصلت على شركت تكاسي يدزولي تكسي ودزيت رسالة صابرين انطيها خبر راح اطلع بقيت واگفة

بــ بوابه مال جامعة انتظر تكسي اتصفح بــ مبايلي وخترق مستمعي صوته .

كَساد : ريا .

درت وجهي واشوفه واگف ونظرات استغراب مستوطنه ملامحه اذا چانت عايزه هسه كملت وياي عدلت وگفتي ضميت مبايل بــ جنطة وحچيت بهدوء واستغراب .

ريا : نعم !! شسوي هنا انتَّ ؟؟

_ مفروض اني اسئلچ هذاا سؤال لـيـش مو محاضرتچ ؟؟

_ وانتَّ شكو شدخلك بابا شدخلك .

طنش كلامي وأردف

_ صاير شي وياچ ؟؟ احد تعرض الچ ؟؟ رجع تعرض الچ هذاك الدكتور ؟؟

_ لاااا بس اني تعبت واريد ارجع البيت .

_ تمام ابقى هنآ آلين راح تجي ورجعي ويانه .

_ شـكـراً طلبت تكسي راح تجي .

_ ريا عوفي عنادچ على صفحه وجهچ اصفر كُـلـشـي يصير بــ طريق ارجعي ويانه .

_ ما چنت ملاحظة وجهي اله لمن هوه گال هزيت راسي بجابه بدون ما احجي شي الان مـن صدگ احس نفسي تعبانه اريد ابچي مشاقة ماما هواي ما متعوده عليها تغيب كُل هذا وقت رغم هيه البارحة راحت بس احس صار لها ايام مفارگتني بلعت غصتي مـن إجت آلين تضحك بفرح وتحجي .

آلين : كَساد نحجت نحجت ما مصدگة نحجت بصعب امتحان بفضل تدريسك شـكـراً شـكـراً .

ريا : صافنه عليهم حضنها بحنية الصدره ماسح على شعرها ابتسم بفرح على فرحتها وأردف .

كَساد : حبيبتي البطله تعبچ هذاا عفيه عليچ بنيتي .

ريا : گزگزت على حنيتهم وحبهم البعض صافنه عليهم ما منتبها

لـ ابتسامة المرسومة على وجهي له مـن بادلني ابتسامة اختفت ابتسامتي ودرت وجهي بسرعة بخجل .

كَساد : يله نرجع البيت ريا تعبانة ناخذچ المستشفى .

ريا : لا لا لا شـكـراً بس خلي نرجع البيت .

آلين : انتِ زينه حبيبتي وجهچ اصفر خلي نروح المستشفى نطمئن عليچ .

ريا : تسلمين حبيبي بس والله ما بيه شي بس يمكن الان ما ماكله شي مـن بارحة بس على قهوة .

آلين : تمام لعد نروح ناكل يله نرجع كَساد اخذنه فد مطعم على ذوقك حبيبي اني ميته مـن جوع .

ريا : لا بس...

آلين : بدون بسبسه خلص اني قررت نروح ناكل يله نرجع ممنوع اعتراض .

كَساد : اكو مطعم بالكم .

آلين : اني لا وانتِ ريا .

ريا بخجل : بكيفكم .

آلين: خلص حبيبي اخذنه مطعم على ذوقك .

ريا : خليت راسي على جامعة أتأمل شوارع عيوني مغوشة بدموع اني اريد ابچي اريد ماما محتاجتها مـن براحه ما تصلت ابدد حاولت اتصل عليها بس مبايلها مغلق بالي يمها وبنفس وقت ضايجه وزعلانه منها الان ما فكرة تتصلت او تطمن عليَّ وهذاا موضوع زاعجبني وشاغل بالي هواي احس بخنگة كُل ما افكر انو هيه بعيده عني .. فزيت على صوت آلين تگول وصلنه اخذت نفس بعمق اهدي بنفسي بلعت غصتي ورسمة إبتسامة على وجهي ونزلت فتحت حگلي سبع امتار على فخامة مطعم مـن بره هـيـچ لعد مـن داخل شلون وينچ يا صابرين تجين تشوفين هالفخامة دخلنه الجوه استقبلونه ثلاث گراصين ومبين يعرفون كَساد الان مشالله حته استقبال مالتهم فخم اخذونه احد طاولة معزوله عن باقي طاولات مطعم يموت يموت يموت بمعنى الكلمة مـن داخل ومن بره الفخامة تسطر سطر سحبو گراصين لكل شخص بينه كرسي گعدنه قدمو لنا مي اشر لهم كَساد انو يروحون حجة آلين بحماس .

آلين : اوووي كَساد يخبل هالمطعم .

ريا : حسيتها حجت الـي بگلبي وحق الله .

كَساد ببتسامة : شـنـو تحبن طلبن .

آلين : خلي يجبون لنا منيو بعد ما اتحمل اني ميته جوع .

ريا : اشر كَساد الگرصون الـي واگف على صفحه يجي طلب منه منيو جاب گرسون ثلاث ايبادات مكتوب عليهم منيو قدم الكُل واحد بينه يباد حته يختار طلبه اني طلبت سلطة سيزر وعصير برتقال بس الان احس نفسيتي مدا تتقبل اكل دقائق وجابو طلب عقد عاجبه كَساد بستغراب وگال .

كَساد : لـيـش بس سلطة طلبتي .

ريا : احم شسمه مو ما اشتهي شي اكلو انتو بــ العافيه .

آلين : بس انتِ ما ماكله شي مـن البارحة .

ريا : ما اعرف صراحة بس ما مشتهي شي سلطة كافية شـكـراً .

اكلت شوية مـن سلطة بس عن عيب وعفتها شربت بس عصير انتبهت على آلين تسوالف على كَساد وهوه يستمع لها بدون ملل اني وحدي راسي نسطر وهوه ابدد ولا مل منها ومبين متعوده عليها وعلى سوالفها حچتله كُـلـشـي صار بيومها وهوه مركز وياها بكل جوارحه وياخذ وينطي وياها بــ حديث عجبتني علاقتهم وحنيتهم وحبهم البعض مـن حنه واطفال اشوف كَساد يميل آلين ويحبها كلش هواي يعاملها معاملة اب بنته يله على اقل يطلع احسن مـن ابوه العار فزيت على صوت آلين تحجي وياي .

آلين : وين صافنه .

ريا : ولشي حبيبتي .

آلين : سئلتج شلون چانت محاضرتچ وي دكتور علي بعد اخر مشكلة صارت بينكم .

ريا : ولشي اجة اعتذر ونحل موضوع .

آلين بصدمة : اعتذر لا ومنو دكتور علي .

كَساد : وليش استغربتي ؟؟

آلين : مو باع معروف على دكتور علي بــ جامعة واحد مغرور وشايف نفسه ومستحيل يعتذر مـن احد فـ لهذاا استغرابت مـن گالت اعتذر .

رمقني بنظره كَساد حسيت خطر باله فد شي غلست عليَّ وعلى نظرته وجاوب آلين .

ريا : هوه غلطان فـ شي أكيد يعتذر .

آلين : اعرف غلطان بس استغرابت شوية لا تفهميني غلط يعني بس..

ريا : عادي ماكو داعي تبررين حته صابرين نفس صدمتچ ويمكن حته اكثرر منچ .

كَساد ما نطق بحرف ضربله صفنه مـن هاي توب مسحت فمي بــ منديل وگمت اخذت جنطتي بعد ما ترخصت منهم اروح الحمامات إجت آلين وياي رتبنه نفسنه طوخت روج احمر على شفايفي ورتبت شعري ورجعنه الطاولتنه كَساد مچان موجود انتبهنا عليَّ واگف يم مجموعة اشخاص يسوالف وياهم گعدنه ننتظره دار وجهه على طاولتنه يتأكد مـن وجودنه اترخص منهم راجع لنا ...

احم احم خلي احچيلكم سر الطالما تعجبني شخصيته ورزانته احسه يختلف عن باقي خوانه تعامله وي ناس اكثر صفة تجذبني له ميقيم ناس على گد فلوسهم بــ عكس هالشي ميهمه عكس باقي خوانه وابوه يعاملون ناس على فلوسهم عدكم فلوس يصعدونكم فوگ النجم ماعدكم فلوس راح يستزغرون منكم وكأنه انتو لا شيء گدامهم .

آلين : ريا انتِ زينه شـبـيـچ .

ريا : ها شـنـو .

آلين : متأكدة انتِ زينه ؟

ريا بستغراب : اي لـيـش شبيه ؟

آلين : مـن اجينه لحد هسه انتِ بس صفنين وشارده بتفكيرچ .

ريا ببتسامة : مبيه شي بس تعب شويه لا اكثرر ولا يـهـمـچ .

كَساد : اذا تحبين نرجع البيت .

ريا : اي اذا ممكن .

كَساد : تمام يله يابه نروح .

گمنه نروح بعد ما صاح الگرصون ياخذ الحساب احس نفسي دايخه والعبانه نفسي دفع الحساب وطلعنه درت عيوني بــ مكان فتحت عيوني بوسع بصدمة مـن شفت صابرين گاعده يم شخص تضحك بمياعه اختفت ضحكتها بعد ما انتبهت وجودي صفنه بعض ثواني ما اعرف شـنـو حجت وي رجال الـي گاعده وياها مبين ترخصت منه واجت تهرول بتجاهنه انتبهت على صوت آلين تحجي .

آلين : هاي مو صابرين شسوي هنا ؟؟ ومنو هذاا رجال الـي گاعده يمه .

ريا : حتارين شـنـو اجاوبها واني مـن ساس ما اعرف شـنـو الـي دا يصير هنا ولا اعرف منو هذاا رجال .

صابرين : هاي بنات شلونكم شسون هنا ؟؟

ريا : مفروض اني اسئل هذاا سؤال شدايصير وياچ .

صابرين : احم مرخصت حبيبتي آلين .. تعالي وياي شوية ريا .

ريا : الين روحو اذا تحبون اني ارجع بتكسي لا تعطلون نفسكم على مودي وشـكـراً على عزيمة وشكريلي مـن كَساد .

آلين : لا مو مشكلة راح ننتظرچ اخذي راحتچ حبيبتي حنه منتظريچ

بــ سيارة .

ريا : بس...

قاطعت كلامي وأردفت بنفي

آلين : روحي روحي بدون كلام مستحيل نتركچ ترجعين تكسي انسي موضوع هذاا .

ريا : ابتسمت لها بمتنان وراحت وي صابرين گعدنه على احد طاولات شبگت كفوف يديه بعض على طاولة منتظرتها تحچي .

صابرين : راح افهمچ كُـلـشـي بس لا تزعلين مني فدوه ريا صدگيني اني ردت احجيلچ كُـلـشـي بس ما صحتلي فرصة وانتِ بــ اخر فتره تعبانه والي بيچ مكفيچ فـ ما ردت ازعچچ اكثرر اتمنى تتفهمين موضوع .

ريا : ما نطقة بحرف منتظرتها تكمل الخير اتنهدت بصوت عالي وكملت .

صابرين : تعرفت على هذاا شخص قبل اسبوع تقريباً چنت راجعه مـن جامعة وضربت سيارتي سيارته صار يعتذر رغم اني غلطانه بس هوه اعتذر مني وطلب يدفع فلوس تصليح سيارتي بس اكيد اني ما قبلت ورفضت الان غلط مني اني ما چنت منتبه مر يومين وتصل عليَّ رقم غريب جاوبت والصدفة طلع هوه سئلته مين جاب رقمي ورفض يحجيلي ما گال غير انو " جبته بطريقتي خاصة وحبيت اطمئن عليچ " ونقطع تواصل بينه البارحة تصل بيَّ وطلب نطلع نتغده سوه بــ بداية رفضت بس هوه حرجني مـن گال " اعتبري انتِ عازمتني على غده مكان تصليح سيارة " والصراحة ما گدرت ارفض وقبلت وهذاا كُل موضوع ريا حبابه لا تزعلين مني صدگيني بكل مره اريد اگلچ بيَّ يصير شي وانسى وخاصة انتِ اخر فتره وضعچ مو تمام فـ اتمنى تتفهمين موقفي وما تزعلين مني صدگيني مو قصدي اضم عليچ .

ريا : لـيـش حته ازعل منج حبيبي اني بس انصدمة مـن شفتچ وي هذاا رجال لا اكثرر ونصدمة اكثرر الان انتِ ما حاچيتلي .

صابرين : هسه تصافينه يعني ما زعلانه .

ريا ببتسامة : مزعلانه لا شغلين بالچ .

صابرين بستغراب : بعدين تعالي تعالي انتِ شعندچ وي كَساد واخته شسوين وياهم ؟؟

ريا : موضوع طويل رجعي ضيفچ انتِ زحمه ينتظر بعدين احچيلج موضوع وهم زحمه مخليه آلين وكَساد منتظرين .

صابرين بغمز : گتيلي زحمة ينتظرچ كَساد مو ها ها ها شصاير مـن وراي .

ريا : بالچ وسخ وفاسق تعرفين مو ؟؟

صابرين : ههههههههه اعرف اعرف .

ريا : يله اني اروح صبورتي باي .

صابرين بنزعاج : دولي ولي عابت الازم تخربها بــ نهاية .

ريا : هههههههههههههههه .

عفتها طالعة هيه رجعت ضيفها الـي حته نسيت اسألها عن اسمه يله مو مشكلة بعدين اسألها لگيت گساد وآلين گاعدين بــ سيارة منتظريني صعدت خجلانه حجيت اتعذر منهم .

ريا : اعتذر خليتكم تنتظروني .

آلين : عادي عمري ما صار شي .

كَساد ما نطق ساكت مهتميت مشينه سيارة صنطة محد بينه حجة كلمة كل واحد بينه صافن بــ جهه وصلنه بعد فتره قليلة فتح حرس الباب دخلنه فتح حرس باب سيارة لنا نزلنه اخذ حرس سيارة مـن كَساد ردت اروح البيت بس استوقفني صوته مستفز يگول .

الأسلم : يا اهلاً وسهلاً بــ ولدي .

ريا : راحت آلين حضنته كَساد شعل جگاره وگف يدخن بدون ما يجاوب غلست عليَّ اجيت اكمل طريقي البيت بس سرعان ما رجع استوقفني صوته يگول .

الأسلم : شلونها حلواتي .

باوعت عليَّ بقرف وجاوبته بملل

ريا : تمام ، اترخص اني .

الأسلم : لا لـيـش بعدنه مشفنه منچ شي تعالي نگعد نسوالف .

ريا بنزعاج : لا شـكـراً تعبانه ما اگدر غير مره نشالله .

رجعت اريد اكمل طريقي ورجع استوقفني صوته يگول بستفزاز ونبرت خبث .

الأسلم : اممم يا ترى حلوتي تعرف امها وين هسه ؟؟

ريا : درت وجهي بسرعة اسمع له رجع أردف ببتسامة وبنبرة حقاره .

الأسلم : ظاهر حلوتي ما تعرف امها وين تؤ تؤ تؤ محابيتها منچ حلوتي اكو وحده متعرف امها وين .

كَساد : كافي يابه روحي ريا انتِ تعبانه .

الأسلم : تؤ تؤ لـيـش بابا خليها تعرف امها وين لـيـش تريد ضم عليها .

ريا بستغراب : شدايصير هنا .

كَساد : مصاير شي ريا گتلچ روحي رتاحي لا تهتمين ماكو شي يابة كافي دخيل الله .

ريا بخوف ، وقلق : الحظة الحظة انتو شـنـو دا ضمون عليَّ ماما شبيها ؟؟ صاير وياها ؟؟ احد يحچيلي .

الأسلم : تعالي بابا اني احچيلچ .

احس گلبي انقبض بخوف رجليه متعيني بعد امشي اطرافي ترجف خوف وتوتر خايفه اسمع شي خايفة مـن الـي راح اسمعه خايفه مـن الـي جاي وليش كَساد ميقبل ابوه يحچيلي احس راسي نسطر ودخت ومنا اني تعبانه نلاصة عليَّ راحت امشي خطوات تعبانه گعدت على كرسي گعد گدامي الأسلم وكَساد بصفي وآلين گعدت بصف ابوها صارت وجوهنه مقابيل بعض شعل جگاره الأسلم بعد ما خله رجل على رجل ابتسامة خبث وحقاره على ثغرة احس روحي راحت وهوه يلعب بــ عصابي نفخت نفس بملل وجزع وأردفت .

ريا : اكو احد راح يحچيلي صاير لو شـنـو .

الأسلم : ريلاكس حلوتي خليچ صبوره .

جاهلة كلامة وجهي سؤالي الكَساد عسى والعل هوه يجاوبني جاوب يريح گلبي .

ريا : كَساد صاير حچيلي ماما صاير وياها شي ؟؟ دخيك احچي گلبي راح يوگف من قلق والخوف .

حجة الأسلم بشر بطرف اصابعة الـي بيها جگاره اشر على كَساد

الأسلم : ولا يـهـمـچ بابا اني احجيلي الان لو ضلين وره هذاا كُـلـشـي ما راح تعرفين راح ضلين مثل بزونه عمية .

اخذت نفس بنفاذة صبر احس صبري خلص وياهم وعلى الحظة راح انفجر تنهدت بصوت عالي وحجيت بجزع .

ريا : ترى صبري خلص لكم نيه تحچون لو شـنـو .

ركزت نظراتي على الأسلم انتبهت نظراته على كَساد الـي يخز بيَّ ويهز راسه بنفي محذره يحچي شي احس دخنت مـن عصبيه فور دمي لـيـش مخلي يحچي بس أكيد الأسلم عيد وجابه لـ سيد له مستحيل يفوت فرصة

بــ ستفزازي ابتسامة شـر واستمتاع مرسومة على وجهه وهوه يشوف خوف ، لقلق ، العصبيه ، مستوطنه ملامح وجهي تنهدت بصوت فرگت وجهي بقلة حيله وصبر طفة جگاره ب نفاذه وأردف بعد دقائق مـن صمت كلامة مثل صاعة ونزلت على راسي اطرافي بردت دگات گلبي سريعة تشرح حالتي بعد كلامة الـي مثل سم وستمتاعه وهوه يشوف حالتي الـي دهورت لزمت راسي بوجع عيوني دمعت الساني نربط عاجزه انطق بحرف ...

يتبع ....

شـنـو ريئكم بــ احداث وتوقعاتكم البارت الجاي

حبيبيني علقو بين فقرات شگد ما تگدرون ريئيكم يهمني 🥺♥️♥️

الطفاً التنسون متابعة + حساب انستا + حساب واتباد + وقناة تلي

شـنـو رئيكم بــ غلاف جديد اني مُغرمة بيَّ 😭❤️‍🔥❤️‍🔥.

-أستغفر الله.

-سُبحان الله.

-الحمدُ لله.

-لا إله إلا الله.

-الله أكبر.

-سُبحان الله و بحمده.

-سُبحان الله العظيم.

-أستغفر الله و أتوبُ إليهِ.

-لا حول و لا قوة إلا بالله.

-اللهُم صلِ على مُحمد وآل مُحمد.


━━━━━━━━━━━━━━━━━━━━━━━━━━

🌸 هل أعجبتك أحداث القصة؟

💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:

🔗 تابع القراءة عبر موقعنا الرسمي من هنا: https://kimostories.site/novel/492/وجوها-تخفيها-الثراء

نتشرف بوجودكم دائماً في عائلة كيمو ستوريز! 🌸

━━━━━━━━━━━━━━━━━━━━━━━━━━

2026/11/16 · 1 مشاهدة · 5056 كلمة
yare.yare
إعلان
نادي الروايات - 2026