_____________________________ كَساد

﷽

الكاتبة _ ميرال _علي

بقلمي رواية : وجوهاً تخفيها الثراء

الطفاً لتنسون التصويت والتعليق ومتابعة حساب واتباد

يَا أوّل رَاحِتيّ شِجَابّ التِعَبَ مَنِكَ .

" آلين "

الأسلم : باركيلنا بابا اني وامچ زوجنه .

ريا : ههههههههههههههههههههههههههه اوووف خرب هههههههههههه بطني الحظة اوكفو ههههههههههههه .

آلين : غمض عيونه كَساد يستغفر مـن حالت ريا الـي صارت مو طبعيه تضحك بشكل هستري حسيتها ألحظه نجنت مـن كلام بابا ومو بس هيه حته اني بس الفرق اني اعرف بــ موضوع اله هيه كلام بابا مثل الصاعقة وگعت على مسامعها لازمه بطنها وتضحك بصوت عالي بابا ما مهتم مخلي رجل على رجل ويباوع عليها برود وخبث كَساد سوده عليَّ حتار شسوي وياها حته توگف ضحك بس كل محاولته باتت بــ فشل خفت عليها گمت احجي وياها بهدوء

آلين : ريا حبيبتي انتِ زينه ؟

ريا : هههههههههههههههه اووف بطني حموت هههههههههههه .

الأسلم : عادي بابا آلين تركيها حقها خليها تستوعب موضوع صعب عليها .

آلين : راد كَساد يروح له معصب لزمته مـن كتفه سريع قبل لا تتزم امور اشرتله براسي على ريا غمضت عيونه ياخذ نفس يهدأ بابا تركنه وراح بعد ما ذب صاعقه على مسامعنه تركنه وراح بدون اهتمام وهوه فرحان بــ انجاز الـي سواه درت وجهي كَساد محتارين بحالت ريا الـي بعدها هاي الحظة بس تصفن وتضحك وگفت گلبي مكسور على حالتها حقها صعبه عليها گاعده على كرسي وكل شويه تصفن وترجع تضحك مثل الـي تذكر شي وتضحك عليَّ راح كَساد گنبص گدامها صار گاعد يم رجليها اخذ يديها بين كفوف يدي يمسح عليهم بــ اصبعه ابهام بخفه سكتت مـن ضحك صافنه بعيون كَساد تريده يكذب لـ شي الـي سمعته منتظرته يحچي عيونها تراقب شفايفه تريده ينطق وينفي الـي سمعته تنهد كَساد بصوت عالي وأردف بهدوء .

كَساد : ريا اسمعيني ادري صعبه عليچ بس امچ هم انسانه وتريد تعيش حياتها وهذاا حقها لا اني ولا انتِ لنا حق نمنعها هذاا حقها هيَّ تعبت هواي وربتچ وتعبت عليچ وكرزت حياتها على مودچ وعلى مود دراستچ وعمرها ما فكرة بنفسها دائماً انتِ چنتي مـن اولويات حياتها بكلشي فنت شبابها الخاطرچ چانت تگدر مـن اول ما توفه ابوچ تعوفچ او تخليچ عند عمامچ حالها حال هواي امهات سون هـيـچ وتروح تزوج وتعيش حياتها بس هيَّ بــ عكس اختارت تفني شبابها على مودچ وما تركچ .

آلين : صافنه على كَساد عيونها مدمعة سكت ثواني يترقب ردتت فعلها بس هيَّ ما بدرت منها اي ردت فعل بلع ريقه ورجع سترسل مكمل .

كَساد : الـي اريده منچ ما تسرعين وتحكمين على امچ حكم غلط اگعدي وياها وافهمي منها وخلي تفهمچ خوش بابا .

آلين : باوعت على كَساد مأيسين مـن حالتها بس صافنه وعيونها مدمعه ما نطقة بحرف ولا علقة على كلامه ابدد سحبت يديها مـن بين يدين كَساد وگامت تاركتنا راد كَساد يروح وراها لزمت يده مانعته .

كَساد : هذاا ابوچ الكواد شوكت يبطل سوالفه بس اريد افهمممممم .

آلين : خليها ترتاح اكيد تحتاج وقت تفكر .

مسح على وجهه يستغفر وأردف

كَساد : گتله لا تگلها لا تكلها بس شلون يسمع حچايتيييي يموتتت يموتت اذا ما يخرب كُـلـشـي .

مسحت على كتفه أهدي

آلين : أهدأ حبيبي قابل انتَ ما تعرف بابا .

كَساد : هوه شـ مطيح حضنه غير ابوچ .

آلين : تركني وراح وجهه محتقن معصب اتنهدت بتعب والله يا بابا على يـوم راح تموتنه اخذت جنتطي ودخلت البيت طلعت بوجهي كرستيانا جاهلتها مالي خلگها اريد اصعد غرفتي وقفني صوتها ناعم .

كرستيانا : لولو سمعت صوت كَساد قبل شوية وين راح ؟؟

گلبت عيوني بملل ما اعرف شوكت راح تعتق كَساد وتركه يتنفس خانگتنه اربعه وعشرين ساعة لازگة بيَّ حجيت بملل واني اصعد الغرفتي

آلين : صار عنده شغل وطلع .

عفتها بدون ما اسمع جوابها احم احم خلي احچيلكم شوية على كرستيانا ...

كرستيانا تصير بت خالتي امها وأبوها متوفين مـن هيَّ واصغيره اجت عاشت ويانه ماما ربتها وتحبها هواي يمكن حته اكثر من جهاله حقيقين وهيَّ هاي صفه الوحيده الـي طلعت بيها زينه ماما زارعه فكر براس كرستيانا مـن هيَّ واصغيره ان هيَّ تزوج كَساد الدرجة هسه ما تخلي يتنفس اربعة وعشرين ساعة لازگة بيَّ وطبعاً هاي تعليمات ماما لها تبقى وياه وما تركه ابدد كَساد يعتبرها حالها حالي اني واڤين بين قوسين " اخته " وما يكن لها اي مشاعر حُـب هيَّ حبابه وجمالها ما اگدر اشرح لكم على مو مبالغه بس حرفياً جميلة جميلة بشكل مو طبيعي شگرة وعدكم حساب عيونها زق بزراق بحر وبيضة شحم وجسمها مثل جسم عارضات ازياء شعرها اشگر يوصل رقبتها وكل فتره مسويه بيَّ موديل شكل لا تگلولي ولا اگلكم اني مرات استحي اوگف يمها مـن گد ما جميلة .

دخلت سبحت وبدلت ملابسي اجت على بالي ريا يا ترى شـنـو حالتها هسه هل مسكينه صح كلام كَساد امها حقها بس مهما يكون چان لازم تنطيها خبر بس هيَّ فضلت تضم عليها موضوع واني لو مو بــ صدفة سامعه كَساد وبابا يحچون سوه بــ موضوع ما چنت راح ادري الان ولا واحد

بــ بيت يعرف بــ موضوع حته ماما ويا ويل حالي لو عرفت ماما يبووو حته ما اريد اتخيل الـي راح يصير حرفياً راح اصير الحرب العالمية تعبت مـن تفكير غمضت عيوني اريد انام وعسى ما واحد يكتل ثاني هم معليه .

كَساد : آلين حبيبتي .

آلين : امممم .

كَساد : يله بابا اگعدي احچي وياچ آلين .

تفأفأت بملل هالبيت ميخلون واحد ينام مرتاح

آلين : ها صاير .

كَساد : اسف حبيبتي گعدتچ مـن نومتچ بس رايد منچ شغله .

آلين : لا حبيبي مصار شي تأمر انتَ .

تقراب باس راسي وحضني الصدره بحنان دفنت وجهي بصدره هذاا مو بس اخوي هذاا ابويه وكلشي بحياتي

كَساد : اريدچ تروحين تطمنين على ريا وهم تحچين وياها تحاولين تخلينها تاكل شي .

ابتسمت واني اشوف اهتمامه بيها مـن احنه واطفال وهوه يهتم بريا احس بشعور حـلـو وتلقائياً ابتسم مـن اشوف هتمامه بيها

آلين : دلل عمري بس خلي ابدل ملابسي واروح اشوفها لا يضل بالك انتَ .

ابتسم بخجل يحاول يبرر

كَساد : اني مو شي بس الان امها وصتني عليها وعيب تجي وتشوفني ما صاين وصيتها .

ضحكت بخفه شلون يبرر موقفه بخجل هوه صح اني اجت فكرة بالي واكيد انتو فكرتو مثلي شگد ما كَساد تحسونه بارد وهادأ وبروده مستفز بعض اوقات بس بيَّ جانب مخفي هوه خجله واني اعشق هذاا جانب منه ههههه

تركني وطلع باوعت على ساعة 8:00 بليل اوو هاي شگد نايمه اني بدلت ملابسي خفيفه بشي يدفي الان جو بارد نزلت بسرعة شفت العائلة الكريمة مجتمعه بــ صاله عبرتهم بدون اهتمام وطلعت اشوف ريا راحت البيتها الضويه كلها مطفيه البيت ضلمه ومينشاف شي حاولت اشوف مـن شباك بس عبث كُـلـشـي اضلم رف گلبي بخوف عليها راحت سريع دگيت باب اكثر مـن مره وصحت بسمها بس ماكو جواب ركضت البيت دخلت الصاله الهث بتعب اريد اجر نفس ماكو طفر كَساد مفزوع مـن حالتي لازمة گلبي بوجع الهث يد كَساد على ظهري يمسح بخفة حجيت بصوت الاهث سريع .

آلين : ر.. يا ريا كَساد لحگ دگت الباب شگد بس ما تفتح وماكو صوت فدوه تعال وياي .

الكُل بعد ما گام فزعه على خربطت وضعي بس سرعان ما سمعو سبب حالتي ارجعو يگعدون باماكنهم يسولفون طبيعي ولأ كانه سمعو شي ما عده كَساد الـي جاهل الكُل وطلع وياي يركض رحنه بسرعة البيت رجعنه ندگ بــ باب بقوة ونصرخ بسمها بس عبث ماكو جاوب دفعني بيده كَساد بخفه يبعدني عن باب ابتعد شكم خطوه وركض بتجاه الباب بسرعة محاوله يكسره كسر الباب بسهوله الان مـن خشب دخلنه عيونه دور بكل زواية بــ البيت شغلنه فلاش مبايل حته يضوي بــ ضلمه راح كَساد النقطة الكهرباء شغلها شتغلت اضوية بــ بيت .

جمدنه بمكانه فاتحين عيونه بصدمة مذهولين مـن حالت بيت البيت حرفياً بحاله يثره لها عبارة عن خرابه كُـلـشـي موجوده بيَّ متكسر لا باقي مزهرايات لا طاولات لا قنفات لا مخاد حرفياً كُـلـشـي كُـلـشـي مدمر الگزاز بكل بمكان دورنه عيونه بكل اركان بيت عسى والعل نشوف ريا بس ماكو ولا لها صوت عبرني الكَساد وراح الغرفة يشوفها ركضت وره لگيته جامد بمكانه عيونه مشخصه على ارض نزلت عيوني المكان الـي يباوع على الغصه جمعت بلعومي واني اشوف اصورها هيَّ وامها مشگگة ومشمره على كبر الغرفة والغرفة فارقة محد موجود بيها راح كَساد يتفقد الحمام وهم مچانت موجوده .

طلعنه نركض الحرس نسئل عليها اجة الحارس الـي اسمه احمد گال

احمد : استاذ انسة ريا طلعت قبل شوية حچيت وياها وحاولت اطلع وراها بس ما قبلت .

بعد سماع كلام احمد صفنه بعض محتارين شنسوي طلع كَساد طلعت وره اركض واحچي .

آلين : كَساد انتظري اروح وياك .

ركضت وره بسرعة ماخلينه لا شارع ولا دربونه ما دورنه بيها بس عبث ما لگينه لها اثر وگفنه بنص الشارع نلهث بتعب احس نفس انگطع مـن كثر ركض .

آلين : وهسه كَساد اني كلش خايفه على ريا وين راحت ؟

فرك بين عيونه بصابعه يتنفس سريع وأردف

كَساد : ما ادري ما ادري آلين لا تسئليني .

آلين : سكتت الان حالته دهورت يفرك بين عيونه بصابعه ويضغط على عيونه بقوة فجاة صرخ بعلو صوته بفرح وحماس گمزني

كَساد : عرفت عرفت مكانها آلين عرفت .

آلين : وين كَساد دخيلك گلبي راح يوگف مـن خوف عليها .

كَساد : بــ بيت خلي نرجع بسرعة .

آلين بستغرب : يا بيت ؟؟ صدگ تحجي مو دورنه عليها وما لگيناها .

كَساد : بس امشي نوصل وتعرفين او اگلج خلي اخبار احمد يجيب سيارة .

آلين : سكتت ما حجيت شي شكلة تعبان مو مال اناقشه تصل على احمد دقائق وجاب سيارة صعدنه بسرعة راجعين البيت ساق هوه سيارة ما خله احمد يسوق طار بينه طيور الدرجة حسيت سيارة تنشال وتنضرب

بــ الگاع مـن سرعة وصلنه بسرعة نزل يركض تارك باب سيارة وراه مفتوح نزل اركض وراه عثرت بــ نزله مالت باب واگعة على وجهي روحي شاغت حسيت بيدين حاوط كتافي تگومني .

أحمد : الله الله گومي گومي تعورتي ؟؟

بچت بصوت عالي مـن فشله نسيت ريا ونسيت كَساد وحتاريت بفشلتي يديه مزلغة ويحرگني دفعت يده اريد اگوم بس رجلي مساعدني توجعني حتاريت ابچي على موقف محرج الـي خليت نفس بيَّ لو على وجع رجلي واديه رجع حاوط كتفي يحچي بهمس .

أحمد : خليني اساعدچ .

آلين بچي : لا لا اني اگوم .

أحمد بهمس : عفيه عائلة كلها العناد يمشي بدمها .

آلين : شـنـو ؟

أحمد : ماكو شي ...

لا تعاندين خليني اساعدچ متگدرين تگومين وحدچ .

آلين : استسلمت الامر چلبت بيده وگمت توترت مـن قربنه صايرة شبه حاضنته غمضت عيوني مـن ستنشقة عطره چان مزيچ بين ريحة جگاير والعطره صاير كلش حـلـو مـن گد ما خفيفه مغمضة عيوني ورايحة بغير عالم مـن وره عطره فزيت على صوته يهمس قريب اذاني .

أحمد : عجبچ ؟

فتحت عيوني بسرعة مفزوعة وخجلانه احس صخنت تمنيت اختفي ابتسامة مساكشة مرسومة على وجهه دفعته بتوتر ابتعد مكتف يديه صدره حچيت بتوتر والعثمه

آلين : ش.. شنوو ؟

أحمد ببتسامة : روحي ادخلي وامشي على كيفچ لا ضغطين على رجلچ قوي .

آلين : كلماته مثل حبل نجات الـي عفته ودخلت امشي بخطوات بطيئة اجتني الحظة ادراك " ريا وكَساد وين " تصلت على كَساد بسرعة جاوب .

كَساد : ها آلين .

آلين : كَساد لگيت ريا .

كَساد : اي حبيبتي لا شغلين بالچ هاي يمي وزينه .

آلين : اوووف الـحـمـدالله والشكر ربي الف الـحـمـدالله همزين زين عفيه وين انتو اريد اشوفها .

كَساد : لا بابا عوفيها باچر شوفيها روحي نامي انتِ اني يمها .

ضحكت بدون صوت فرحانه بهتمامه وخوفه بيها ابتسمت بخبث وأردفت

آلين بخبث : امممم يمها گتلي مووو ؟؟

كَساد : باي آلين باي .

آلين : ههههههههههههههههه .

رجعت مبايل بجيب جاكيت اضحك اريد ادخل البيت وشفته منتچي على حافة الباب يسوالف وي حرس والجگاره بين شفايفة عيوني مثبتها عليَّ دنگت راسي بخجل ما اعرف شبيه احس بشعور غريب مـن اشوفه او اشوف نظراته نفيت كُل افكار وكل شعور بداخل ودخلت البيت محد موجود وكل اضوية طافي راحت غرفتي بدلت ملابسي ورجعت نزلت جوعانه دخلت المطبخ فتحت ثلاجة الگيت بيها بيتزا جاهزه بس تنشوي طلعتها خليتها بصينية الفرن وگعدت على ميز اصفح بــ انستا واحچي وي صديقاتي رن منبها فرن طلعت بيتزا الـي اكيد لازم بــ خضار وي ببسي دايت كملت اكل فرشت اسناني طفيت اضوية المطبخ طالعة بس استوقفني صوت طگطگة جايه مـن بره هنا محقق كونل الـي بداخلي شتغل وطلعت اشوف شـنـو هذاا صوت شغلت فلاش مبايل وطلعت البرة مشيت عيوني

بــ مكان بس ماكو اي شي غريب طنشت موضوع رجعت اريد ادخل المطبخ وسمعت صوته .

أحمد : شعندچ هنا ؟

درت وجهي صار گدامي واگف وبيده جهاز ما اعرف شـنـو اسمه بس يحجون بيَّ هوه وباقي الحراس عيونه حمر دم وشعره مبعثر نازل على عيونه ملابسه سود متربه حالته غريبه عقدت حاجبي بستغراب وأردفت .

آلين : لـيـش هـيـچ حالتك ؟

تقراب مني بدون ميجاوب حسيت اطرافي رجفت ما اعرف شـنـو احساسي خوف من حالته الغريبه او توتر مـن قربه رجعت بخطواتي الوره ضرب ظهري بــ باب مال مطبخ بلعت ريقي بتوتر صار قريب مني ميفصلنه غير شكم خطوه أردف بنبرة صوت غريبه سحلت گلبي سحل .

أحمد : شعندچ هنا .

حتريت وحتاريت شـنـو جاوب جاهل سؤال بصريح العبارة گال معليچ نزلت عيوني اتفاده نظراته الـي اكلتني اكل وحچيت .

آلين : شسمة هوه هذاا احم ...

سمعت صوت واجيت اشوف شـنـو .

أحمد : حتمال حرامي لـيـش طلعتي ؟

يحچي وي كُل كلمة يتقرب مني اكثر الدرجة صار ميفصلنه شي انفه ضرب بنفي صرنه نشارك انفاسنه سوه انفاسة سريعة حاره تضرب وجهي زاد توتري حرك انفه مداعب انفي بحركة الطيفه وأردف بهمس .

أحمد : اممم لـيـش مجاوبين ؟

الين : يبووووو احس سحت سحت ومعت وتخربطت كُل احاولي صوتي نبلع وضاع كُل الكلام مـن راسي غمضت عيوني مـن قرب راسة يهمس بنفس نبرة صوته .

أحمد : لـيـش غمضتي عيونچ .

آلين : صرت الطم بداخلي بــ تركي مـن خجل وتوتر والخفه الـي صابتني فجاة عزااااا بعيني والله لو يشوفني بابا له يحرگ البيت فوگ راسي مغمضة عيوني ساكته بدون جواب رجع أردف وسحل گلبي وگلب خلفوني بكلامه .

أحمد : فتحي عيونچ لـ مدوهناتني خلي اضيع بيهن آليني .

آلين : وكانه روبوت والي اسمعه انفذه انفاسة سريعه تضرب بوجهي ريحة جگاير شگت خشمي شگ خرب شگد حلوه فتحت عيوني بطئ تقابلة نظراتنه وهنا اني مو بس معت وسحت وطاح حضي لا هنا صرت أسيرة نظراته ثواني معدودة عيونه مثبته بعيون بعض ونفاسنه سريعة تشرح حالتنه بحركة جريئة وبدون وعي سحبته مـن ياخت قميص مقبلتة قبلة سكنت كُل خلايه جسمي نغزات خفيفه بگلبي شعور غريب احتلني غمضت عيوني مستسلمة قبلته بعد ما بادلني بكل سرور وكأنه چان متوقع هالحركة ادبسزيه مني ومنتظرها يدي حاوطت خصري مقربني له اكثر واكثر .

فزيت مخترعه على صوت طگطگة نفس صوت الي چان سبب طلعتي بس سرعان ما رجعني هذاا الصوت واقعي ورجعني التصرفي الادبسزز الـي سويته ابتعدت بسرعة محاول اسحب نفسي من حضنه مدنگة راسي احس مو بس اريد اختفي مـن خجل لا لا لا اريد لزم نفسي ودگ بــ نعال على عملتي ادبسزيه دفعته بسرعة راكضه طبگت باب مطبخ بقوة صادر صوت قوي سندت نفسي على باب لازمة گلبي الـي مو راضي يهدأ يخفق بقوة وكأنه كان بسباق مشيت بخطوات بطيئة غسلت وجهي بــ مي بارد اريد اصحصح احس بعدني بدوامة قبلته او بــ اصح قبلتي صعدت الغرفة قبل لا احد ينزل ويحس على شي دخلت الغرفة شامره نفسي على سرير رجع مشهد الـي صار براسي تربعت على سرير اجرجر بشعري واضرب نفسي راشديات اريد اصحيها لـ نفسي على زمانها وما تحلم زياده .

بعيد عن تصرفي ادبسزز والغير اخلاقي بس لو اموت نفسي واگطع نفسي ستالاف گطعه الأسلم ما يخلني افكر ولو مجرد تفكر ادخل بعلاقة اي كانت حُـب ، زواج ، صداقة ، وي شخص مو مـن مكانته اجتماعيه ولا مكانته ماديه رغم اني اخر همي هالمور اني اخر همي فلوس بس الأسلم اله رئي اخر مستحيل يتقبل هذاا شي الفلوس عنده كُـلـشـي بدنيا .

ياترى شـنـو يفكر بيَّ هسه معقوله يفكر بيَّ بطريقة غلط اعرف والله اعرف تصرفي غلط بس ما اعرف شـنـو الـي صار الـي فجاة احس راودني شعور غريب حسيت وكأنه مو اني شخص ثاني هوه الـي يتحكم بيَّ وبتصرفاتي اووف ياربي دخيلك حلها استغفرت ربي هواي باوعت على ساعة 2:30 ب اليل رجعت راسي على مخده مغمضة عيوني والتفكير نخل راسي نخل عفت كُـلـشـي صار على صفحه وقررت انام باچر واري جامعة هاي سوالف متفيدني الفيت نفسي بــ غطت ثواني ودخلت بسبات عميق...

****

" ريا "

مخليه راسي بين رجليه صافنه بــ فراغ ما اگدر اوصف او اشرح شعوري شـنـو بهاي الحظة احس نفسي خالية مـن كُـلـشـي احس فراغ يحتلني درت وجهي الجهة الثاني صارت عيونه گدامي گاعد ساند ظهره على جذع نخله جگاره بين شفايفة جاهلة وجوده مرجعه وجهي الجهه الثانيه مغمضة عيوني رجع براسي مشهد الـي صار بعد ما حجة الأسلم كلامه الـي مثل صاعقة ونزل على مسامعي .

مـن صدمة فقدت اضحك بعلو صوتي بدوو وعي دخلت بنوبة ضحك هسترية مـن صدمة ما ما مستعوبه كلامة شلون ؟؟ وين ؟؟ ويمته ؟؟ وشوكت ؟؟ وليش ؟؟ ماما والأسلم احس ما مستعوبه شوكت تزوجو لـيـش اني ما اعرف شوكت صار كُل هذاا احس الكلام ضاع مني يمكن لو مزوجة شخص ثاني ما راح اعترض اعرف حقها وكلام كَساد صح حقها وهيه فنت شبابها على مود تربيني مـن بعد " بابا الله يرحمه " بس بنفس وقت مو الأسلم مو هذاا العار شفت الشماته بنظراته والي يضحك اكثرر ماما مـن يـوم سافرت ما حاولت تتصل بيَّ ولا مره شگد حاولت اتصل بيها بس عبث ما جاوب اريد اسئلها اريد اعاتبها واگلها

" لـيـش هـيـچ سويتي بيَّ "

مـن بعد ما تركت كَساد وآلين ودخلت البيت احس بركان وشتعل بيَّ مـن شفت بيت وكل ضحكاتنه سوه عركاتنه مـن اطلب منها نطلع مـن هاي عائله وترفض هسه عرفت سبب رفضها بدون وعي ركضت كسرت شكو شي موجود بــ بيت اكسر واصرخ بلعو صوتي اريد اطلع حرگت گلبي اريد نار الـي بگلبي تهدأ ولو شوية گعدت بــ گاع مهدود حيلي نفاس ضاگ بصدري فركت صدري بتعب ناررر ناررر تسعر بصدري ما جاي تطفى ولا تهدأ هالنارررر گمت بروح تعبانه وحيل مهدود دخلت الغرفة طلعت صورنه اني وياها جبت مگص دموعي تنزل على صور غوشت الروئيه عندي مسحت عيوني بعنف وگصصت صور بحقد شمرت صور شامره نفسي نايمه عليهن احس مخنوگة ونارررر گلبي ما جاي تهداُ قررت اطلع اتمشى عسى والعل تهدأ نارر گلبي امشي جسد بدون روحي والف فكرة وفكرة براسي دور رغم هيه تعرف كُـلـشـي سواه وياي الأسلم العار وتعرف الطفولة السيئة الي عشته من وره الأسلم ورغم كلشي تعرفه راحت تزوجته كُل ما اذكر تزوجته احس شعور حقد ينولد بداخلي لها وله راد الحارس الـي اسمه احمد يطلع وياي بس رفضت بقى يعناد اخر شي مليت منه عطت بيَّ يله عافني تمشيت هواي تعبت ورجليه صارت خيوط مـن تعب رجعت البيت بس دخلت مـن باب الخلفي رحت الشجرتي كاتمت اسرري سندت ظهري عليها ماكو غيرها بهالوقت يسندني ويفهمني غيرها .

إعلان

يمكن هسه شوفون ردت فعلي مبالغ بيها وعادي واذا تزوجت بس لا اكو شغلات انتو ما تعرفونها ما تعرفون حقارة الأسلم ولا نذالته هالنسان عارر بمعنى الكلمة وماكو ولا كلمة سيئة توصف نذالته او حقارته مشكلة انو هيه تعرف كُـلـشـي مسويه هوه لـيـش قبلت تزوجه وبدون علمي يمكن لو مزوجة شخص ثاني غير هذاا العار ما راح تكون ردت فعلي هـيـچ وهذاا جزه كلش بسيط مـن ردت فعلي وناررر الـي بداخلي مشتعله وراح تحرگ الكُل هالنار .

كَساد : وينچ انتِ وينچ راحت روحي واني ادور عليچ ليش هـيـچ سويتي ليششششش ؟؟

ريا : درت وجهي على صوته واگف يلهث بتعب والاول مره اشوف الخوف والقلق مستحله ملامح وجهه يحچي ويلهث بتعب حاني ظهره وساند ايديه على اركب رجليه جاهلتة بدون ما اجاوبه درت وجهي الجهه الثاني بدون ما انطق بحرف بعد ثواني حسيت بيَّ تقراب مگنبص گدامي

يحچي بقلق .

كَساد : ريا باوعيلي خلي عينچ بعيني ريا خليني اعرف احچي وياچ .

ريا : مجاهلته تماماً يحچي واني دايره وجهي عنه بس سرعان ما فزيت بستغراب واني اشوفة يحاوط وجهي بكفوف يديه ويديره له مكمله.

_ گتلچ باوعيلي خلني نحچي ونتفاهم .

ريا بستهزاء : وعلى شـنـو تفاهم ؟؟ هوه شـنـو بقى حته نتفاهم عليَّ حنه .

_ ادري بكلشي سوينه حقچ واني وياچ بس كُـلـشـي صار بس ريا همه واعين ويعرفون مصلحتهم وين ان كانت امچ او ابوي ناس كبار وعدهم عقل يفكرون بيَّ ويعرفون وين صح وين غلط واكيد مـن اتخذو هـيـچ خطوه چانو حاسبين حساب الكلشي راح يصير وياهم .

دفعت يدي الـي محاوطه وجهي واردف بدون نفس

_ خلص كَساد رجاءً عوفني وحدي .

ابتعد گاعده بعيد عني مسافة شكم سانتيم وأردف بهدوء ونبرة مليانه حنيه

بس حته نبرة صوته حنونه ما رف گلبي عليها هالمره عكس كُل مره احس هوه حاله حال ماما وابوه العار هم ضحك عليَّ وغشاني وهوه يعرف بــ كُـلـشـي وچان يگدر يگلي بس قرر يضم عليَّ حاله حالهم

_ ما اعوفچ راح انتظرچ هنا اذا حتاجيتي شي اني موجود يمچ .

_ " ما اعرفچ " احس هاي كلمة ولدت شعور غريب بگلبي بس عصبيتي ونار الحقد الـي بداخلي ما خلتني افكر او انطي الشعور الغريب مجال درت وجهي عنه بعصبيه مر وقت كلش هواي واني نعست ضليت اثاوب وعيوني صارت بيهن حراره بس اريد اقارم وابقى گاعد ما اريد ارجع البيت وارجع اذكر الـي صار اريد انسى كُـلـشـي كُـلـشـي صار اليوم گمت بتعب اترندح بمشيتي مـن جهه نعسانه ومن جهه ثانيه تعبانه ومابيه حيل بس شافني گمت گام وي گومتي اجة بتجاهي وأردف .

_ وين رايحه ؟

باوعت بعيونه مثبته نظراتي عليَّ الحظة اجة براسي فكرة بس سرعان ما نفيتها وأردفت واني امشي متوجها البيت

_ البيت .

_ خليني اوصلچ اني لا ترحين وحدچ مبين مطفيه مـن رئيسي لا توگعين ودنيا ضلمة .

اووووف مصر هذاا رجال لو شگد ما اريد اصير حقيره وياه ما يخليني مو عدل والله مو عدل

_ ميحتاج اني اروح ترى هذاا البيت مو بــ مريخ .

_ استغفرالله لچ بابا بس اريد افهم انتِ شبيچ شبيچ .

وگفت بمكاني دريره وجهي له بعد كلامة وأردفت بعد ما حاولت اهدي نفسي

ريا بستغراب : شبيه .

_ اسئلي نفسچ لـيـش هـيـچ حاقده عليَّ وكانه اني الـي گلت ابوي يتزوج امچ لو اني راحت وگتلها ارضي بيَّ اني شعليه لـيـش كُل هذاا حقد .

_ بس انتَ چنت تعرف وتگدري تگلي بس انتَ قررت تشترك وياهم

بــ چذبه ضم عليَّ موضوع لا لا لا وتعرفين مشكلة وين مشكلة كلكم تصرفون وكانه ما صاير شي .

_ امچ هيَّ الـي ما قبلت نگلچ والموضوع صار وراح لـيـش تردين تعيدينه هسه خلص انسى ريا انسى كافي التفكير بــ موضوع هذاا ما راح يفيدچ ولا راح يغير شي الـي صار صار ونتهى .

_ اممم تعرف صح كلامك الـي صار صار بس راح تبقون بعيوني ناس الـي ضمو عليَّ هـيـچ سر وما راح اسامحكم طول ما اشتم الهوء .

بهت وجهه وگدرت اشوف تفاحة ادم الـي تصعد وتنزل اثر بلع ريقة بمستمرار واكثر من مره بعد كلامي تركته بصفنته راجعه البيت دخلت ساده باب وراي بس قبل لا اسده شفت نظراته مثبته عليَّ جاهلة نظراته ساده باب بوجهه .

دخلت الغرفة گعدت على سرير محتاره شـنـو راح اسوي او شـنـو ردت فعلي مـن اشوف ماما شـنـو راح يصير يا ترى رجعت نفسي الوره واگعة على ظهري على سرير نظراتي مركزه على مروحة الـي تتحرك بطئ تفكير اكل راسي اكل والف فكرة وفكرة فكرة اجت براسي غمضت عيوني بوجع احس راسي راح ينفجر مـن وجع ثواني معدوده وفتحت عيوني على اثر صوت رسالة على واتساب سحبت مبايل مـن يم راسي توقعها صابرين بس خاب توقعي مـن شفتها مـن رقم " كَساد " اكيد هسه تگولون شلون وصل رقمه يمچ بس اذا تذكرون گتلكم هوه مراسلني قبل واني ما جاوبت عليَّ فـ رقمه باقي عندي بس استغرابت انو مراسل بــ هالوقت وحنه ما صارلنا نص ساعة مـن چنه سوه شـنـو هذاا موضوع مهم الـي يخلي يراسلني بهذاا وقت وما گدر يحچي مـن چنه سوه اووف ريا عوفي تحليلاتچ على صفحه وشوفي رساله تربعت معدله گعدتي الان مبين يراد لها تربيعه حته نشوف استاذ كَساد شيريد فتحت رسالة وخفق گلبي بتوتر مـن محورها .

الرسالة : ريا باجر اريد اشوفچ واحچي وياچ امر عليچ صبح اخذچ نتريگ سوه ونحچي واني اوصلچ الجامعة .

يمااااااااااا عزااااااا بعين ابوك العاررر هذاا دايعزمني نطلع سوه لو اني

دا اقره غلط اخذي نفس ريا اخذي نفس وهدي اي ثكلي حبيبي رور ثكلي ارفضي لا تقبلين لا تقبلين اي اي اي اي ما لازم اقبل اطلع وياه عشتو منو هوه حته قبل اطلع وياه ...

اخذت شهيق واني انتظر شخصياتي الاثنين يهدن ويبطلن عرك ويتفقن على شي شخصيتي الكيوت والأنوثية خجلت بس تريد تقبل طلبه وطلع ويا اما شخصية ريا الحقيره اي نعم شخصيتي الحقيقية كلش كلش كلش حقيره تگول رفضي هذاا هم حاله حال ابوه العار اخذت نفس وجاوبت ..

ريا : وشنو مناسبه اطلع وياك وغير هـيـچ ترى چنه سوه اليش محجيت الـي تريده ؟؟

بنفس ألحظه شاف رسالة وكأنه نايم بــ محادثة ضحكت بخثب شلون منتظرني اجاوب وكانه ابن الأسلم العار راح يوگع بشباكي قريباً او وگع ومحد حس عليَّ .

_ هوه انتِ طتيني مجال احچي شي وياچ گبل شرتي .

_ التصحيح ما شردت نعسانه ودخلت انام وحته جاي انام وانتَ قطعت عليَّ نومي اما على مود طلعه فـ اعتذر عرضك مرفوض .

دزيتها واني مبتسمة بحقاره شافين ابتسامة الحقار والخبث اي نعم حالين اني مرسومة على ثغري وكأنه مسويتلي انجاز عظيم شافها بقى ثواني هوه داخل على محادثه بس مجاوب حسيته جاي يفكر بــ جاوب مناسب واحس نفسي بقمة سعادتي واني احس بيَ محار أيست يجاوب خليت مبايل يم راسي اريد انام بس استوقفني صوت رسالة الـي وصلت شفتها منه رجعت عدلت گعدتي اقره رسالة .

_ لـيـش مرفوض ترى ما عازمچ على مود غرامي اني عازمچ احچي وياچ بــ موضوعچ انتِ وامچ لا يروح بالچ البعيد .

يبوووووو يبووووو يماااااااا عزااااا لطمت على خدوي مـن فشله تف عليك وعلى ابوك العار يا عار يا ابن العار الـي يسمعه يگول اني كاتله نفسي حته اطلع وياه بــ موعد غرامي ترى الف والله يتمنه يطلع وياي ايعععع الحيوان فشلني جاوبته واني بالي جاوب يبرد گلبي بيَ الحقير .

_ اول شي اني ما كاتله نفسي حته اطلع وياك موعد غرامي الف واحد يتمنى يطلع وياي اوكي ، وثاني شي انتَ منو حته تتدخل بيني وبين ماما بصفتك شـنـو رجاءً ممنوع تتدخل بينه حنه نحل مشاكلنه بينه منحتاج طرف ثالث يدخل بينه .

_ ومنو هذولة الف واحد انسة ريا .

ضحكت بصوت عالي فرحانه گدرت اخلي يضوج اووي لعد شعباله دايلعب وي ريا مو اي كان جاوبته بحماس .

_ وانتَ شعليك .

_ انتِ هسه تنحسبين على عائلتنه وحنه لنا سمعتنه بــ بين ناس ولنا هواي عداء والعيون راح تصير عليچ وكلشي يصير .

_ ديله على اساس شلون عائله اصلاً ما يشرفني اصير وحده منكم .

_ لجججججج انتِ السانچ لـيـش دوم فالتات براغيه .

گلبت عيوني بملل باوعت على ساعة 4:00 الفجر واني لحد هسه منايمه وباچر عندي دوام جاوبته ناهيه محادثة

_ مهم عيني اريد اروح انام .

_ باچر امر عليچ صبح كوني جاهزه .

بدون ما اجاوب خليت علامة اوكي على رساله وخرجت واني اتحلف اله اذا ما باچر ضربته بوري وعفته وطلعت قبله سهله خليت مبايلي على شحن طفيت اضوية خليت مخده بحضني وغمضت عيوني دقائق ونمت .

گعدت على صوت الباب يدگ بقوة رفعت راسي الـي احس مقسوم نصين مـن وجع باوعت على ساعة شفتها 8:30 عزاااا بعيني هاي عودك قررت البارحه اضرب كَساد بوري واعوفة واطلع قبله اكيد هذاا هوه اووف منچ ريا اوووف طلعت غسلت وجهي وفرشيت اسناني وهوه بعده يدگ بــ باب يتوقف ثواني ويرجع يدگ بقوة اكبرر مـن الـي قبلها وغير مبايل الـي حترگ حرگ مـن رسائله والمكالمات واني مطنشه اختار ملابس اختاريت تشيرت أبيض وبنطرون جينز اسود وكوت اسود وحذاء رياضي ابيض وجنطة بيضه اخترايت اكسسوارت بسيطة ترهم وي البسه بدلت ملابسي شسورت شعري رفعته كعكة مبعثره منزله خصل مـن جوانب خليت تنت وقلوس شفايفي مشطت حواجبي اخذت مبايل مـن شحن باوعت نفسي نظره اخير بــ مرايه ابتسمت دزين بوسه نفسي بــ الهواء راضيه على شكلي وستايلي وطلعت امشي بسرعة وصلت الباب بطئة خطواتي فتحت باب شفته منتچي على حافة الباب الجگاره بين اصابعة كُل عاده بس الغريب ان ما معصب ولا مبين على ملامحة اي شي بقيت صافنه بوجهه واني الـي البالي هسه لگة وجهه يريد ينفجر مـن عصبيه بس صدمة لا معصب ولا شي .

كَساد : مطوله صفنتچ .

ريا : هااا .

_ يله نروح راح تتأخرين على جامعة .

_ احم شسمه هذاا ...

_ شسمة .

ضربت على جبيني بطراف اصابعي اريد اجمع الكلام براسي ماكو اختفه حچيت اضيع موضوع

_ ماكو داعي اني اروح وحدي .

_ عندچ فقدان ذاكر انتِ ؟؟

ريا بستغراب : لا لـيـش .

كَساد بستهزاء : لا لا لا خاف عندچ فقدان ذاكر مؤقت .

_ تستهزاء حضرتك ؟؟

_ لعد متسئلين نفسچ شـنـو تفقنه البارحة حنه .

ريا بستغباء : شـنـو تفقنه .

_ ريا ريا ريا ريا .

_ ها ها ها ها .

ابتسمت بنتصار مـن ضرب وجهه متنرفز اووو واخيراً گدرنه نرفز كتلت جليد هذاا .

_ خلي نروح نتريگ واوصلچ الجامعة .

_ بس عندي امتحان غير مره .

_ طلبت الج اجازه زمنيه .

ريا بصدمة : عفواً وانتَ منو سمح لك تطلب الـي جاهزه ؟؟

كَساد برود : اني سمحت نفسي وكافي حچي امشي نروح على هذاا حچيچ هسه حنه واصلين وماكلين وموصلچ على جامعة .

_ لا والله .

_ اي والله .

عافني وراح يمشي مشر بيده بعلامة " تعالي وراي " حتاريت اروح لو خاف طير هيبتي ويخرب برستيچي اذا رحت واني البارحة گتله ما اروح بس حچي بينه اني راح اموت اموت اموت مـن فضول اريد اعرف موضوع شـنـو استسلمت الامر وراحت امشي وره بخطوات سريعة صعدنه متوجهين المطعم طول طريق محد بينه حچي شي وصلنه بعد دقائق فتحلي حارس الـي باب مطعم باب ابتسمت بوجهه مشكره منه ونزلت دخلنه سوه وطلع جايبنه نفس مطعم الـي جابنه اله اني وآلين ما اعرف اذا چانت صدفة او هوه متقصد دخلنه طاوله مالتنه معزوله عن باقي طاولات مطعم هدوء الدرجة حسيت ناس الـي بيَ خرسة .

سحب كَساد كرسي الـي باوعته رافعه حواجبي ثنينهم مستغربه تصرفه اشري برسة بمعنى اگعدي گعدت بدون صوت گعد مقابيلي فاتح زرار ستره اشر الگرصون اجة بيده ابيادات ثنين انطى واحد كَساد واحد الـي دقائق ونزل اشكال اكل الفخم كُل هذاا وحنه محد حچي حرف وي ثاني خلصنه اكل جابو لنا قهوه حچيت بنفاذة صبر .

_ جبتنه ناكل لو نحچي .

_ امچ خابرتني البارحة .

حچة بدون مقدمات جمد فنجان القهوة بيدي رجعته بمكان خفت يوگع مـن يدي الـي رجفت اول ما سمعت اسم ماما صارت حرگة بعيوني والغصة چلبت بلعومي بلعت غصتي وأردفت .

_ امممم وشتريد .

_ شتريد ؟؟؟؟

_ اي نعم شتريد متصله ستوها ذكرت عندها بنت تسئل عليها .

_ باجر راجعه .

_ اي اهلاً وسهلاً وشسوي .

_ ريا شـبـيـچ بوية تخبلتي .

_ لـيـش .

_ امچ هاي امچ .

_ اووو شـكـراً المعلومه صدگ ما چنت اعرف .

راد يحچي بس استوقفنه صوت الشخص الـي وگف يم طاولتنه يحچي رفعت راسي بصدمة على اثر صوته ما چنت متوقعه اشوفة ولا متوقعه بيوم راح اشوفة لا وين هنا وبــ مدينه الـي عايشه بيها لا وبنفس مطعم الي گاعده بيَ اني مستحيل عيوني مشخصه على هذاا انيق الـي واگف گدامي مثل ما هوه ما متغير بيَ شي نفس جمال ونفس عطر ونفس اناقه ونفس صوت وأنفس إبتسامة ساحرة مثل ما هوه ممتغير بيَ شي ...

يتبع ...

توقعاتكم ورداتي ريئكم يهمني 🥹♥️♥️

وتعليق بين فقرات شگد متگدرون حبيبيني

الطفاً التنسون متابعة حساب واتباد +حساب انستا +قناة تلگرام

-أستغفر الله.

-سُبحان الله.

-الحمدُ لله.

-لا إله إلا الله.

-الله أكبر.

-سُبحان الله و بحمده.

-سُبحان الله العظيم.

-أستغفر الله و أتوبُ إليهِ.

-لا حول و لا قوة إلا بالله.

-اللهُم صلِ على مُحمد وآل مُحمد.


━━━━━━━━━━━━━━━━━━━━━━━━━━

🌸 هل أعجبتك أحداث القصة؟

💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:

🔗 تابع القراءة عبر موقعنا الرسمي من هنا: https://kimostories.site/novel/492/وجوها-تخفيها-الثراء

نتشرف بوجودكم دائماً في عائلة كيمو ستوريز! 🌸

━━━━━━━━━━━━━━━━━━━━━━━━━━

2026/11/16 · 0 مشاهدة · 5130 كلمة
yare.yare
إعلان
نادي الروايات - 2026