____________________________كَساد

﷽

الكاتبة _ ميرال _ علي

بقلمي رواية : وجوهاً تخفيها الثراء

الطفاً لتنسون التصويت والتعليق ومتابعة حساب واتباد

لو غَلطة چَان تهون لاچِن كسِر عوُد .

" ريا "

بلعت ريقي بتوتر وگلبي دگاته مليون ما اگدر اميز مشاعري اذا چانت صدمة او اشتياق او شـنـو بــ ضبط حتاريت وي هالمشاعر الـي ما عرفت اصنفها بقت عيوني جامدة ما ترمش رجع رن صوته الساحر مسامعي .

_ شلونچ ريا .

بلعت ريقي المره الميلون تحولت نظراتي كَساد الـي صافن علينه بدون ما يعلق على موضوع او يسئل منو ملتزم صمت حسيت اكو شي يدور براسه رجعت حولت نظراتي له وأردفت

ريا : كيفن !!

توسعت إبتسامة المعة عيونه بفرح حسيته ممصدگ ذكرت اسمه بنبرة حماس وفرح

كيفن : ريا .

ريا : شوكت رجعت ؟؟

كيفن : قبل اسبوع وسئلت صابرين عليچ همَ ما گالت لچ ؟

شـنـو صابرين تعرف الحقيره ما گالت الـي اني علمها حيوانه رجعت نظراتي كَساد مخلي رجل على رجل جگاره بين اصابعه نظراته مثبته على كيفن الـي مو مهتم بوجود كَساد عيونه عليَّ ولأ كأنما كَساد موجود حسيت جو متوتر او بــ اصح اني الـي متوتره .

ريا : احم .. اي كيفن شسوي هنا ؟؟ الـي اعرفه استقريت بــ اميركا .

كيفن بضحكة : نحچي على واقف لو نقعد .

ريا بخجل : اسفه تفضل استريح .

خزني كَساد بعد ثلاث كلمات هذني جاهلة نظراته بعد ما درت وجهي على صوت كيفن الـي شاركنه الطاوله مأردف .

كيفن : مشتاقلچ وين مختفيه .

ريا : هوه منو الـي اختفه ؟؟

كيفن : هههههه حقچ بس تعرفين الـي صار .

ريا : اممم اعرف .

كيفن : بس خلص نشالله كُـلـشـي راح يرجع مثل قبل واحسن مو صح ؟؟

حچة مأكد كلامه عرفت قصده بس سويت نفسي مو مهتمه وأردفت مغيره موضوع .

ريا : شوكت رجعت ؟

كيفن : قبل سبوع .

كَساد : مطوله گعدتكم انسه ريا ؟؟؟

درت نظراتي له وجهه محتقن بغضب قابض على يده بقوه ويحچي بنتر احس اجاني شعور انتصار فجاة هههههه والمعت فكرة حقيره براسي

ريا : اذا تحب تگدر تروح كيفن يوصلني مو كيفن ؟؟

كيفن : اكيد وهم اكسب وقت اتكلم وياچ .

ريا : كَساد وجهه حسيته على الحظه راح ينفجر والاول مره اشوفه معصب هـيـچ .

كَساد بغضب : ماكو داعي انتظرچ تخلصين القاء الحبة مالتچ .

كيفن : بس هيَ گالت لك تروح .

كَساد : وانتَ منو ؟؟

كيفن : عفواً .

كَساد : داسكت بابا اسكت مابيك حته راشدي .

اجتني الضحكة بس بــ موت لزمت نفسي الجو متوتر كَساد مثل قنبله مؤقته كيفن ضايج مـن كَساد اووو ضاهر حتصير العبه حماس حبيت حبيت هههههه .

ريا : احم احم ...

كيفن صار وقت محاضرتي لازم اروح نشالله غير وقت نلتقي .

كيفن : بس ما شفتچ .

ريا : غير مره .

كيفن : انطيني رقمچ حته اتصل عليچ باجر ونلتقي مـن تخلصين دوام .

ريا : رديت له رقم وكَساد اويلي كَساد ما اسولف لكم على نظرات الـي حرقتني حرق واني مجاهله نظراته الـي تلتهمني بغضب اشر الكرسون بغضب يجيب حساب بس استوقفنه صوت كيفن .

كيفن : هالمره عليَّ .

كَساد بغضب : ومنو انتَ حته تسمح نفسك تدفع عنه ؟؟

ريا : كَساد رجاءً .

كَساد : لا تتدخلين .

كيفن : صار مفهمت .

كَساد : واحسن طبك مرض لا تفهم وخلي فلوسك الك مو بعازتك .

ريا : كيفن الغته عربيا مو قوية فـ ما يفهم على كُل كلام كَساد وهذاا منطلق يدردم ويغلط وكيفن مسكين واگف مو فاهم شي وعلامات استغراب مستحله ملامحه الجنبيه الجميله الـي تسحل اكبرر بنيه اويلي على گلبي لو تشوفه صابرين هههههه .

كيفن : دائماً تجين هذاا مطعم ريا .

ريا ببتسامة : لا بس هاي ثاني مره اجي .

كيفن : لعد راح تجين هواي مـن اليوم .

ريا بستغراب : لـيـش .

كيفن : مطعم الوالدي .

ريا : اوووو واني اگول ميقبل ندفع الحساب اثاري طلع مطعم الوالد

رفع كَساد راسه بصدمة وكأنه اجا كف على وجهه ضحكت بــ خفه على شكله شلون مصدوم ونادرن ما شوفون هذاا جليد يبين على ملامح وجهه شي رياكشن .

بدون ما ينطق كَساد دفع حساب ودعت كيفن وطلعنه صعدنه سيارة حركها وهوه ساكت بس احس بيَ يحوس وعنده كلام ما طول صمته دقائق وأردف .

كَساد : منو هذاا ؟؟

ريا : صديقي .

كَساد بستهزاء : اممم صديقچ !!

ريا : اي نعم اكو شي ؟؟

كَساد : لا ابدد .

وصلني الجامعه وشخط سيارة سريع خبال يوالله دخلت الجامعة عيوني دور صابرين حالفه اليوم اموتها الحقيره شفتها مـن بعيد واگفه يم زميلنه ثامر تحچي وياه مشيت عليها بخطوات سريعة .

ريا : مرحبا شباب .

صابرين : لك هلا بــ حُـب هلا وميت هلا .

ثامر : شلونچ ريا .

ريا : الـحـمـدالله انتَ شخبارك .

ثامر : بخير شـو ماكو متبينين .

ريا : لا لـيـش مو دا اجي الجامعه .

ثامر : ما اعرف بس صار هواي مشايفچ .

صابرين : خلص القاء التعارف مالتكم لو بعده .

ثامر : ههههههههههه .

ريا ببتسامة : مرخصتك ثامر .. صايرين تعالي حُـب وياي شويه .

سحبتها مـن يديها ماخذتها الحديقة تباوعلي مستغرابه باوعت منا ومنا شفت حديقة فارقه اغلب الطلاب بــ محاضرات نزعت حذائي وبدايت اضربها بيها تصرخ وطفر منا ومنا واني اركض وراها واصيح بحرگت گلب

ريا : حقيره حيوانه امداچ يا كلبه تف عليچ وعلى صداقتچ يا زباله لجج شلون متگوليلي كيفن رجع ها شلون ؟؟؟

صابرين : يماااااااا ولججج بس اوكفي خلي افهمچ ولجج اخخخ ريا لا ضربين .

_ دفعتها وگعدت متربعه الهث بتعب فرتني حديقه كلها حقيره .

_ طاح حضج خربتي برسيتيجي هسه لو شايفنه واحد شيگول علينا هسه مخبلات شـنـو .

_ نچبي نچبي .

_ رور حُـب عمري قلبييي جميلتي لجج والله اجيت اگلج ونسيت راح مـن بالي .

_ ولي ولي زعلت .

_ لا لا بشرفچ لججج لا تزعلين والعباس اجيت اگلج ونسيت .

دفعت يديها الـي على كتفي وأردفت بهدوء

_ بس چان مفروض تگوليلي مشفتي صار بيَ اليوم مـن شفته مـن صدمه حته احرف الكلام ضاعت مني صرت امتمت وما اعرف شحچي .

تقربت تحضن اكتافي وتحچي عيونها مدمعه

_ اسفه اسفه اسفه والله مجان قصدي بس ما اعرف صار ونسيت اني كلش اسفه لا زعلين مني .

_ خلص مو مشكلة الـي صار صار .

_ وعد وعد بعد ما تتكرر .

ريا ببتسامة : تمام خلص مزعلانه .

_ احبچ حقيره ما اريد تزعليني مني اموتچ اذا زعلتي والله .

_ ههههههههه شهل غزل معوق هذاا .

_ شخصيتي وبكيفي .

_ هههههههه سوالف فيس بطليهن .

_ يعجبني والله ههههههههههههههههههه .

_ اوووف اني تعبانه .

_ صدگ تعالي سولفيلي شلون شفتي كيفن .

_ شفته بــ مطعم الـي شفتچ بيَ قبل فتره والسوء الحظ چان كَساد وياي لا والسوء مـن هـيـچ تعرفين شـنـو ؟؟ المطعم مالت ابو كيفن تخيل اكو اسوء مـن هـيـچ بعد لا لا لا اوكفي اكو اسوء بعد كَساد وكيفن على شويه رادو يتعاركون على مود حساب مطعم الان كيفن راد يخلي حساب عليَّ وكساد ما قبل تخيلي بس اليوم شگد چان ****

_ ههههههههههههههههههههههههه اخخخ بويه بطني ههههههههه خرب بس اوكفي يمه ههههههههههههههههه .

_ وجع وسم طرشتي اذاني مـن ضحكتچ ****

_ هههههههه اوكفي يمه لجججج ما دا اگدر اوگف خرب هههههههههههههههههههههههههه .

_ ترى ماكو شي يضحك بس انتِ وحده سخيفه وتافه .

_ والعباس تضحكون شلون انجمعتو انتو ثلاثه بمكان واحد وايييييييي حماسسس .

_ اوووف اوووف قهررر كله منچ والله .

_ ههههههه اني شعليه .

_ لو گايله الـي مچان صار كُل هذاا .

_ هوه صار لا تكبرين مواضيع شـبـيـچ .

_ لج انتِ ما تعرفين كَساد هذاا مخبل وهذاا كيفن مسكين حته مـن غلط عليَّ كَساد بقى صافن بوجهه مايعرف كَساد شـنـو يحچي .

_ ههههههههههههههههههههههههه تخيلته شلون صافن .

_ اي اي ضلي بس اضحكي تف عليچ حقيره .

أردفت تضرب على راسها

_ على راسي حبيبي والله على راسي بس ترستيني تفال وين انوثه ؟ وين برستيج ؟ وين الكيوت ؟

_ هيَ مال انوثه ورقه .

_ ههههههههههههههههههه .

_ اوووف اني راح ارجع البيت بعد ما اگدر ابقى احس نفسي تعبانه .

_ بس بعد عدنه محاضره رين رايحه .

لزمت راسي بوجع دايخه احس دنيا تفتر بيَ

_ ما اگدر راسي راح ينفجر وتعبانه .

_ تمام لعد حته اني راح اطلع وياچ .

_ اممم يله امشي بعد احسن حته توصليني وياچ مالي خلك انتظر تكسي .

_ احم شسمه .. ترى سيارتي عطلانه .

_ فهميني شوكت تسويلچ شي بيَ حظ شوكت .

_ مو مصادقتچ .

_ هوه هذاا شي الوحيد الزين بحياتچ والباقي ****

_ هههههههههه .

_ اطلبي لنا تكسي يله .

_ تمام .

طلبت لنا تكسي بقينه ننتظر باب جامعة تجي تكسي مندمجين نسوالف بشكل عشوائي وسمعت همسات قريب اذاني .

_ شلونها الحلوة .

درت وجهي فاتحه عيوني بوسع مصدومة واگف گدامي بهيبته وجذابيته الـي تسطر سطر وعطره الـي يهفهف وراه عطت بفرح كامزه بحضنه

_ عزااااااا يمااااااا شجابك شلون اجيت لـيـش ما عندي خبرررر .

_ هههههههه ولج على كيفچ .

_ لايغر اوووي حبيبي مشتاقتلك .

لايغر : بعد روحي تعالي احضنچ ولج كبرانا ومتغيره صايره شگين شگ .

ريا : هههههههه الـي يسمعك يگول مقصر بــ جمال انتَ .

_ ادري بروحي ساطركم سطر بجمالي .

_ اويلي على غرور اويلي .

باوعت على صابرين صافنه بوجهنه مو مفتهمه شي ضحكنه اني ولايغر مد يده لايغر يصافحه ويگول بغرور .

لايغر : وياچ لايغر سالم .

صابرين : أهلا وسهلاً .

ريا : احم صابرين لايغر ابن خالتي شادن .

لايغر : شـنـو راح نبقى هنا .

ريا : لا اصلاً همزين اجيت .. صابرين لغي طلب تكسي وتعالي نوصلچ بطريقنه .

صابرين : لا حبيبي روحو انتو اني اروح بتكسي .

تقرابت منها احچي بهمس

ريا : اوووي عيني تروح بتكسي تتعالي ونچبي .

صابرين : لج حقيره عندچ هـيـچ ابن خاله يشگ شگ واني ما ادري .

ريا : هههههه تتعالي هسه وبعدين نحچي .

نحچي بهمس ولايغر صافن علينه اخر شي مل عاط بصوت عالي

لايغر : دخيل علي چنچن امي وخالتي مـن يوگفن يسولفن بــ باب ساعة دمشن فضنها .

ريا + صابرين : ههههههههههههههههههههههههه .

چان صاف سيارته قريب جامعه بس عبرنه شارع صعدت بــ صدره وصابرين وره وصلنه صابرين البيتهم رادت ننزل وياها بس رفضنه طلعنه متوجهين البيت

ريا : اي شعجب اجيت ؟؟

لايغر : جبت خالتي .

اختفت ابتسامتي چانت مرسومة على ملامح وجهي درت وجهي بدون ما انطق بحرف لتزمت صمت رجع أردف مكمل .

لايغر : ريا اتفهم عصبيتچ وحقچ بكلشي سوينه بس مهما يكون لا تنسين هيَ تبقى امچ حاولي دائماً تذكرين هذاا شي اعرفچ مـن تعصبين تنسين امچ وابوچ ودنيا كله ينعمى على عيونچ بس لا تخلين عصبيه تعمي على عيونچ وتنسيچ امچ ريا ذكري هذاا شي .

ريا : استمع كلامه بدون ما انطي اي ردت فعل وصلنه بعد فتره ترك سيارة بره ونزلنه دخلنه مـن باب الخلفي بس سوء حظ لگينه گاعدين

بــ حديقه خلفيه كَساد وماما وياهم الأسلم بلعت ريقي بتوتر عيوني دمعت مـن صارت نظراتي على ماما الـي وگفت اول مشافتني واجت بخطوات سريعة ملهوفه تحتضني غمضت عيوني بشتياق مـن شيميت ريحت عطرها المله ريتي ثواني غير معدوده هيَ محتضنتي بدون ما ابادلها حضن ابتعدت محاوطه وجهي بكفوف يديها دموعها على خدها تبوس بوجهي بعشوائية أردفت بصوت باكي .

مريم : ماماتي حبيبتي مشاقتلچ يروح امچ .

ريا : صافنه بوجهه بدون ردت فعل ساكته استمع كلامها اردفت مكمله .

مريم : لـيـش متحچين حبيبتي سمعيني صوت ما مشتاقتلي وتعالي لـيـش هـيـچ ضعفانه اني شـنـو وصيتچ قبل لا اروح مو گتلچ هتمي بأكلچ .

ريا : دفعت يديها الـي محاوطه وجهي بهتت ملامح وجهه عفتها اريد ادخل البيت بس استوقفني صوتها باكي .

مريم : ريا شـبـيـچ ماما لـيـش هـيـچ تصرفين ؟؟؟

رجعت عليها وگفت مقابيلها ضحكت بصوت عالي وأردفت

ريا بستهزاء : هههههههههههه شبيه لا جد يعني صدگ دا تحچين شبيه يعني انتِ واعيه على سؤالچ ماما .

مريم : ريا بس افهم...

ريا : خلص ماما دخيل الله خلص كافي عاد بكل مره نفس اسطوانه ونفس الكلام شـنـو تردين مني افهم افهم انچ رحتي زوجتي هذاا العار وانتِ تعرفين بكلشي لو افهم انچ رحتي تزوجتي مـن وراي وبدون علمي شـنـو افهم بــ ضبط بس اريد اعرف شنوووووو افهمممممم .

صرخت بنهاية كلامي احس روحي تفوررر تفوررر ونارررر مشتعله بگلبي مـن قهررر

مريم : مسويت شي غلط زوجت بــ حلال وبشرع الله وين غلط يا ماما .

ريا : احس انسطرت سطر وراسي افتر مـن كلامها هاي صدگ تحچي لو شـنـو تريدني اتخبل حالفه له تخبلني وتحرگ گلبي فوگ ما هوه محرگ بدل ما تحاول تبرر موقفها تچي تگلي ما مسويه شي غلط ...

افتريت حول نفسي اجر بشعري بحرگت گلب وناررر گلبي تزيد وي كُل حرف تنطقه .

مريم : لازم تتقبلين امر واقع ريا الأسلم صار زوجي ومثابت ولدچ مفروض تحترمينه وتحترمين شكو شخص مـن عائلته الان صارو عائلتچ .

احس تهسترت مـن كلامها صرخت بصوت عالي افوررررر افورررر

ريا : انتِ مـن كُل عقلچ ترديني اعتبرررررررر هذااا العاررررر الكلببببب بمكان باباااااااا لو اعتبررررر هذوله عائله قذره عائلتي ههههههههههههه اكيد تشاقين الان مستحيل يصير هذااا شي مستحيللل يص...

قبل لا كمل حسيت بلسعه حار على خدي فرت وجهي الجهه ثانيه غمضت عيوني بوجع حسيت بجسد صار گدامي يمنع ماما تتقدم بتجاهي .

كَساد : لاااااااا ليش تضربيهاااااا ليششششش ؟؟؟

مريم : حته تتأدب وتحترم اكبر منها ظاهر اني انطيتها وجهه زايدد .

لايغر : خاله ميصير مواضيع ما تنحل بــ ضرب .

الأسلم : تؤ تؤ تؤ مريم لـيـش ضربتيها ترى ما قبل ريا صارت مثل بنتي وما قبل تمدين يدچ عليها .

سرعان ما صوته اخترق مسامعي رفعت راسي سريع وحچيت بغضب

ريا : اكل تبن خوشششش اكل تبن حيوان كُل الـي جاي يصير مـن وره راسك يا عارررر تف عليك وعلى خلفك تحلم سامع تحلممممم توصل اضفر بابااااا تحلممم واحد مثلك يوصل طهارت بابا نجوم سمه اقربلك .

مريم : لج ري..

الأسلم : تؤ تؤ تؤ تؤ كسرتي گلبي بحچيچ بابا .

ريا : وطبك ستالاف مرض .

كَساد بهمس : لج كافي شهل غلط مين متعلمه هاي ألفاظ .

دفعته مـن گدامي بدون ما اجاوب تمشيت بخطوات بطيئة صرت مقابيل ماما ثبتت عيوني بــ عيونها وللأسف خانتني دموعي ونزلت حار مثل جمر على خدودي مسحت عيوني بعنف بلعت غصتي وأردفت .

ريا : طول عمري ما راح اسامحچ لا على كف ولا على زواجچ مـن هذاا العار وانتِ تعرفين كل معناتي الي عشتها بسببه ومن اليوم تعتبرين ما عندچ بنت اسمها ريا خلص بح ريا ماتت لا اني عندي ام ولا انتِ عندچ بنت روحي عيشي حياتچ واسسسيها وي هذاا العار وانسي شخص اسمه ريا چانت بحياتچ ومثل ما تعودت اكون يتيمت اب راح تعود اكون يتيمت ام همَ .

عفتها بدون ما انتظر جوابها ودخلت البيت اركض سندت نفسي على باب ابچي بصوت عالي احس روحي چاي تطلع متت الف موته واني اگول لها هذاا الكلام بس هيَ الـي اختارت تنسى بنتها على مود هذاا العار هيَ الـي اختارته وفضلته على بنتها اختارت تأسس حياتها مـن جديد وتنساني ضربتني على موده صرخت بوجهي وكل هذاا بس على مود الأسلم وهاي بداية بس الله يعلم شـنـو صار تسوي وياي بعد على موده .

نمت على ارض ما هتميت البروده الـي دگ بــ عضم ولا تهتمين اي شي اريد بس ارتاح ناررر گلبي ما جاي تهده احس ناررررر بگلبي مـن قهررر رغم برودت الجوه بس اني گلبي مشتعل ناررر احس حته نفس ضاق بصدري شهگت بصوت عالي اجر نفس بصعوبه اريد اسيطر افتح جنطة اطلع بخاخ منها ماكو يدي ترجف رجف ما جاي اسيطر لزم سحاب جنطة الف يا ويل گدرت افتح جنطة تطشرت غراض على ارض ادور بينهن على بخاخ عيوني بدت تغوش يديه زادت رجفتهن اشهگ بصوت عالي اريد اسحب نفس لزم بخاخ بيدي الـي ترجف لزمه ويرجع يوگع ما اگدر اسيطر مـن رجف يديه زحفت على رجليه گوة مفتحه عيوني اريد اوصل البخاخ ثواني بس ثواني واحس عيوني ضلمت احاول اسيطر على نفسي اتنفس بصوت مسموع اشهگ بــ نفس نمت على ظهري دموعي تجري على خدودي غمضت مستسلمه الظلام فزيت شاهگة مـن حسيت بــ هوه صار بريتي لزمت يده اسحب نفس بصعوبه تحولت نظراتي بعيونه الـي باوع بعيوني ، بخوف ، قلق ، توتر ، غمضت مرتاحه مـن حسيت النفس رجع ريتي اصابعه ناعمه تمسح دموعي الـي تنزل بدون توقف اجاني صوته هامس بذاني .

كَساد : اششش اهدي يمچ يمچ اني لا تخافين ما اسمح شي يصيبچ .

ريا : حاضني بقوة يريد يدخلني بضلوعه گاعد بــ ارض مدد رجليه وصايره بنصهن راسي على بطنه يهمس قريب اذاني اريد اجاوبه اريد ادفعه بس احس جسمي متخدر وما اگدر احرك حته اصبعي .

_ حبيبتي سمعيني ريا حاچيني يرحولچ فدوه بس سمعيني صوتچ خلي روحي ترد .

بلعت ريقي يابس بللت شفايفي فتحت عيوني بطئ ابتسم وبينت اسنانه البيض أردفت بتعب

_ لـيـش اجيت ؟؟

_ اشش اشش لا تحچين خاف تعبين .

دفعته بيديه الـي لحد هسه رجفه بيهن بس خفيفه رجعني الحظنه مثبتني بقوة ما يقبل يعوفني گحيت بتعب صدري مطبگ مختنگه وخرني بسرعة مـن حضنه ركض جاب مي گنبص گدامي رجعت ظهري على قنفه الـي ما اعرف شوكت وصلت يمها سندت نفسي عليها بمساعدته طبعاً الاني اني والرجفة الي بجسمي مستحيل نساعد بعض قدم مي قريب شفايفي باوعت على يده الي لازمه گلاص مي قريب شفايفي رجعت حولت نظراتي العيونه شفت بعيونه خوف ، توتر ، قلق ، ندم ، نظراته مثبته بعيوني قرب گلاص مي اكثر الشفافي شربت بدون عتراض خله گلاص على ميز ومسح شفايفي بــ منديل الـي بجيب ستره مالته .

كَساد بقلق : شلون صرتي نروح المستشفى ؟

_ لا ماكو داعي اني زينه .

_ لـيـش ما ماخذه علاجچ انتِ لو ماخذته وملتزمه بيَ ما صار هـيـچ وياچ .

_ هسه انتِ خايف عليَّ لو ترزلني ما فهمت .

_ الإثنين سوه يا حبيبتي ما يصير انتِ مريضة ربو لازم ديرين بالچ على نفسج .

_ هوه مو كانه اخذت راحتك زايد يعني " حبيبتي " وكذاا شـنـو موضوع .

حك شعره مـن وره بخجل وارف

_ متعود على آلين اگلها دوم " حبيبتي " فـ الكلمة لازگة بحلگي ولا اراده تطلع .

_ امممم تمام ...

زين انتَ شلون دخلت .

_ انتِ ما چنتي قافل باب .

_ احم اي صح .

صفنت مذكره الـي صار نزلت دموعي حسيت بصبعه ابهام على خدي دفعت يده بغضب مخنزره بوجهه

_ وخر اساساً شسوي هنا كُل الـي صار بسببك وسبب ابوك العار .

_ على اقل لا تغلطين على ابوي گدامي .

_ اغلط اغلط واذا ما عاجبك روح اطلع بره .

_ عاجبني عمي شدخلني اغلطي براحتچ واذا تردين اني اهم اغلط وياچ على واهس حته يبرد گلبچ .

_ تستهزاء حضرتك .

_ لا يابه ما استهزاء لـيـش حته استهزاء لا تفكرين بيوم راح استهزاء بمشاعرچ او مشاعر اي شخص ثاني اني مو مـن هذاا نوع ومثل ميگولون لا تحكم على على كتاب مـن عنوانه .

اوووي شـو هذاا خجلني بخلاقه شدعوه هـيـچ اخلاقه عاليه اوووف عودك ردت حجة حته بس اتعارك وياه واطلع حرگت گلبي بيَ بس هذاا ما ينطي مجال واحد يتعارك وياه يفشلك بخلاقه وكلامه الطيف يخليك غصب عنك تستحي تحچي شي غلط وياه خاف تفشل تفسك وياه .

_راح اخلي آلين تجي تبات يمچ اليوم .

_ لا شـكـراً ماكو داعي .

إعلان

_ لا اكو خاف تتخربطين بــ اليل على اقل يمچ احد اني چان بقيت بس عندي شغل ضروري ولازم هسه اسافر بره مدينه شكم يـوم .

_ تمام تروح وترجع بــ السلامة .

_ ديري بالچ على نفسچ وخلي بخاخ دوم يمچ واذا خلص خلي احمد يجيبلچ اني هسه اوصي وآلين هسه راح تجي يمچ لا تعبين نفسچ ورتاحي خوش .

صافنه بوجهه والفكار تتطاير براسي لـيـش هالخوف الـي جاي اشوفه بعيونه ؟؟ وليش هالاهتمام؟؟ عافني متوجها الباب يريد يطلع گمت بسرعه بخطوات سريعه متعبه لزمت كتفه قبل لا يفتح الباب ويطلع باوعلي عاقد حواجبه بستغراب أردفت بصوت شبه عالي متعب .

_ لـيـش هالخوف ؟؟ لـيـش هالاهتمام ؟؟ ليشش فهمتي ليشششش ؟؟؟

بحركة سريعة مراوغه فرني ساندني على باب ظهري صار على باب وجهي بوجه سند يديه مـن جوانب مخليني بنصهن قرب وجهه الوجهي غمضت عيوني مـن انفاسه ضربت وجهي حسيت بهمسات قريب اذاني .

_ اششش اهدي لا صيحين مو زين عليچ .

فتحت عيوني بسرعه دفعته مـن صدره ابتعد مكتف يدي صدره ضربته على صدره بطراف اصابعي وحچيت

_ بس هذاا مو جواب سؤالي .

_ شـنـو الـي تردين تسمعينه .

_ جواب صدگ وبدون كذب .

_ ماكو مـن الـي يدور براسچ وانتِ حالچ حال آلين ومثل اهتم بــ آلين اهتم بيچ وين غلط .

يحچي برود وهدوء ولا كانه اكو شي جوابه مابي شي غلط بس شيقنعني بهذاا جواب اني شيقنعني

_ اي تمام تفضل تگدر تروح .

عافني يطلع بدون ما يجاوب بس سرعان ما خطرت بالي فكرة أردفت بنيره سريعه

_ يمكن مـن ترجع ما تلگاني موجوده .

دار وجهه بسرعة بهتت ملامحه فاتح عيونه بوسع عيوني صارت على تفاحة ادم الـي رتفعت اثر بلعت ريقه أردف بعد ثواني مـن صمت

_ شلون يعني وين تروحين .

_ بقائي هنا چان بسبب امي وهسه سبب بقائي راح فـ ماكو داعي ابقى هنا بعد .

_ بس هذاا بيتچ .

_ جؤ غلطان مو بيتي بيت عائلة الأسلم .

صافنه على حركاته فرك وجهه بتوتر دخل اصابعه بشعره مرجعه الوره بحيره نظراته تتوزع على ملامح وجهي بلع ريقه وأردف بنبرة سريعة

_ وين تردين تروحين وين .

_ ادبر نفسي .

_ تردين تروحين وي هذاا المره مو احچي تردين ترحين وياه مو؟؟

ريا بستغراب : يا مره وي منو شبيك انتَ .

_ هذاا هذاا كيفن مدري ميفن .

رغم الموقف الصعب الـي حته بيَ بس لزمتني ضحكه على " ميفن " رفعت حاجبي بغرور وفرحه غمرت گلبي واني اشوف عصبيته

_ رجاءً لا تتدخل بحياتي خاصه .

_ مو بيكيفچ خوش غصباً عليچ تبقين هنا وما طلعين مـن هذاا البيت .

_ لا حباب الله عليك صدگ تحچي .

_ ريااااااااااا .

تقربت منه دفعته مـن صدره بقوه ردته الخلف رفعت اصبعي سابيه بتهديد

_ دير بالك تفكر تعلي صوتك عليَّ فاهم لو لا لا تخليني اتعامل وياك بغير سلوب خليني محترمتك احسن الك .

تقراب مني صار ميفصلنه غير شكم سانتيم ركز نظراته بعيوني وأردف بهدوء

_ وانتِ ديري بالچ تخليني اشوفچ كَساد الأسلم على حقيقته خلني كَساد بس گدامچ بدون الأسلم .

_ متخوفني ولا تهز شعر مني وعلى ما بخيلك ركبه .

ابتسم بستهزاء واكانه اكو فكرة براسه عافني وطلعت قفلت باب وره بدون اهتمام راحت سبحت بدلت ملابسي وگعدت بصاله صافنه بــ حياطين وكل شويه استرجع كلام ماما براسي ودمع عيوني واحاول اثبت نفسي مشكلة انو هيَ تعرف عندي ربو واذا اتعب اختنگ بس ولا فكرة تجي وتشوفني وتطمن عليَّ احس مو ماما هاي متغيره هواي غمضت عيوني بوجع راسي راح يفجر گمت اخذت بريستول ورجعت اگلب بــ مبايل احاول الهي نفسي وما افكر تصلت على صابرين اريدها تخلي اخوها يدوري بيت الان يشتغل بــ عقارات مـن اول رنه جاوبت .

صابرين : هلا بــ حُـب .

ريا : هلا بيچ حبيبي شلونچ .

_ الـحـمـدالله اني بس انتِ شـبـيـچ صوتچ مو تمام صاير شي وياچ

_ اول ما گالت " شـبـيـچ " حسيت انطتني علامة خضره انو ابچي بچيت بصوت عالي ما گدرت اكتم شهگاتي صاحت بخوف وحسيت بيها تحركت مـن مكانها .

_ ريا ريا دا سمعيني شـبـيـچ ولج لا توكفين گلبي حاچيني .

_ اريد اجاوبها اريد اگلها مابيه شي بس صوتي ما جاي يطلع بعدت مبايلي عني اشهگ بصوت عالي اسحب نفس گوة سحبت بخاخ مـن يمي الـحـمـدالله چان موجود يمي مو بعيد عليَّ چان هسه ما اعرف صار بيَ واكيد مو مثل قبل شوية حظي حـلـو واجة كَساد بــ وقت مناسب وساعدني بخيت اكثر مـن مره رجع الهوى ريتي غمضت عيوني بتعب باوعت على مبايل اتصال مسدود ما هتميت بگد ما مهتمه بوجع گلبي احس ماما بفعلتها خلت اثر بروحي ما ينمحي خلت جرح بگلبي الموت ما راح نساه غمضت عيني اريد انام وفزيت على صوت باب يندگ بقوه گمت بروح تعبانه فتحت باب صارت بوجهي صابرين الخشم والعيون حمر مـن بجي شمر نفسها بحضني تبچي وتحچي گوه فهمت عليها .

_ يروحي يروحي انتِ وين چنتي خوفتيني عليچ لج گلبي راح واني وما اسمع صوتچ ردت اموت مـن خوف ريا .

_ حضنته اريدها تهدأ ترجف رجف بعدت مـن حضني تحچي ماده يديها گدامي تشوفني رجفتهن وتحچي .

_ شوفي شوفي ايدي شلون ترجف متتت متت خوف عليچ .

_ هدي حبيبتي هاي گدامچ ما بيَ شي لا شغلين بالچ ادخلي نحچي جوه يله عمري .

سحبتها مـن يدها ادخلها جوه گعدتها وراحت جبن لها مي اخدته يدي ترجف نص مي وگع على ملابسها اجت صورت ماما براسي من شفت خوف صابرين قارنت بين اثنين شلون ماما ما اهتمت الـي ولا فكرت تجي تطمن عليَّ وصابرين اجت الـي مـن اخر دنيا بس حته تطمن عليَّ ابتسمت بكسرة ساكته .

_ صار وياچ ريا احچيلي حبابة .

_ حچيت الها الـي صار مـن اول الاخير شلون ماما زوجت الأسلم وشلون الأسلم گال الـي على زواجة هوه وماما وشلون ماما تعاملت وياي اليوم وحته على راشدي حچيت لها ما چنت منتبها الدموعي الـي مثل جمر على خدودي تنزل له لمن حسيت بيها تسحبني مـن يدي الحضنها بچيت بصوت عالي بدون قيود بدون خجل بدون خوف هاي مو بس صديقة عمري هاي اختي الـي ما جابتها امي روحي مـن دنيا هاي .

_ يرحون فدوه الكُل دمعه مـن عيونچ الحلوه .

_ كسرتني صابرين كسرتني ما جاي يروح كلامها ولا منظرها مـن راسي .

_ ربچ موجود ريا ربچ موجود هوه ياخذ حق كسرتچ ودموعچ مـن عيونهم وبــ اخص هذاا الأسلم الكلب ابن الكلب .

_ نمت على رجلها خلت يدها على شعري تمسح على بخفه سحبت غطه باقي على قنفه غطتني بيَ غمضت عيوني مأمنه بوجودها يمي شگد حاولت انام بس ما گدرت رفعت راسي باوعت عليها ابتسمت بوجهي ردتلها ابتسامة سحبت يدها الـي على شعري بستها رجع عادت حركتي سحبت يدي باستها أردفت تضحك .

_ اكلج ما تحسين مشاعرنه هاجت .

_ ههههههه حسيت والله اووف طاح حضج شگد احبج .

_ هههههههه واني اموت عليچ حقيره .

گمت مـن رجلها تربعنه مقابيل بعض

_ صابرين اريد تحچين وي اخوچ يشوفلي بيت على گدي .

_ لـيـش شسوين بيَ ؟؟

_ يعني اكيد مترديني ابقى هنا اني چنت باقيه هنا بس على مود ماما وهسه ماما راحت فـ ماكو داعي ابقى هنا .

_ تمام اني اخابره واشو.. الحظة الحظة يمااااا عزاااا لجججج نسيته يبووو يبوووو .

كمزت تلطم وتركض منا ومنا اريد افهم شبيها ماكو نخبصت وخبصتني وياها لزمتها مـن اكتافها اثبتها مكانها .

_ ولججج شـبـيـچ صاررر ؟؟

_ لج وائل وائل بره نسيته اخوي يبووو عزااا بعينك يا لأسلم عار نشالله تموت نشالله يصيب سهال وما طيب منه شالله يركض وراك چلب اجرب ويعديك گـولـي امين گـولـي .

شگت ما چنت ضايجه وروحي طالعه نستني كلشي بكلامها والصراحة عجبني دعائها

_ امين امين ...

بس تعالي يل ثوله اكو وحده تنسى اخوها .

_ مـن خوف عليچ نسيت عشيرة كلها مو بس اخوي .

_ اوووووي حبيبي تعالي حضن .

_ حضن شريف عفيف لو حضن مال مسربته .

_ ههههههههههههه لا لا شريف عفيف .

حضنه بعض نضحك ثواني ورجع تكمز وتصرخ .

_ ولجج هيَ مال حضن ناسيه اخوي اخوي ولج يبوووو يبوووو .

_ ههههههه تصلي عليَّ شوفي وينه .

ركضت جابت مبايلها تصلت عليَّ وفتحت سبيكر اجة صوته معصب .

وائل : بعد وقتتتتت خاتوووون ما بقيتي بعد .

صابرين : ههههههههههه اسفه وعلي نسيتك مـن خوف على ريا .

وائل : صدگ شلونها شبيها صار وياها .

ريا : هلوو وائل شلونك .

وائل : هلو بيچ رور شلونچ .

ريا : الـحـمـدالله اسئل عليك وين ضايعه اخبارك .

وائل : موجود والله انتِ ماكو ما تجينه ابدد .

صابرين : يا قوم اني هنا شـو نستوني .

وائل + ريا : هههههههههههههههههههههه .

صابرين : صدگ وائل وين انتَ بس لا ...

وائل : عفيه واخيراً اذكرتي تسئلين والله وصح بعدني بره انتظرچ .

ريا : ياااااا صدگ تعال يمعود هسه اكيد جمدت مـن برد .

وائل : لـيـش جذب مو بس جمدت متت مـن برود ههههههه .

ريا : هههههه تعال البيت ننتظرك وهم راح اسويلك شي حار دفي بيَ .

وائل : جاي جاي .

دخلنه المطبخ اني وصابرين وحده صافنه بوجه ثانيه ثنينه ما انعرف شي على طبخ اني غير معكرونه بــ بشميل كلشي ما اعرف وصابرين بعد اخس مني .

_ اگلج اني ما اعرف اسوي شي شلون .

_ هههههههه على اساس سئلتي منال العالم هوه غير اني اضرب منچ .

_ وهسه شـنـو حل .

_ ننتظر وائل يسويلنه هوه يعرف يطبخ .

_ عجبتيني خوش فكرة ههههههه .

دقائق ورجع وائل اتصل جاوبته صابرين بعد ما فتحت سبيكر

وائل : اگلچن هذوله حرس ما يرضون يدخلوني .

ريا : تمام ابقى بــ بمكانك اني جايه .

صابرين : اروح وياچ .

دخلت الغرفة البست جاكيت وصابرين البست جاكيتها وطلعنه سوه شفنه گاعدين بــ حديقة كَساد وياه بعد شخص ركزت بــ شخص الـي گاعد يمه ذكرته هذاا نفسه الـي شفت صابرين وياه قبل فتره بــ مطعم التفت بسرعة على صابرين الـي واگفة بــ مكانها جامده عيونه مركزه على شخص الـي گاعد وي كَساد .

_ اگلچ هذاا مو نفس شخص الـي گتي دعمتي سيارته ؟؟

_ اي اي والله هوه بس جابه هنا .

_ لا انتِ بس تخيلي يطلع صديق كَساد .

_ هوه نفس جمال وشخصه واناقه والعطر الـي يهفهف فـ اشك اصدقاء والله .

_ باع هاي اني وين احچي وهيَ وين تحچي .

دفعتها مـن ظهرها اخليها تمشي گدامي دارو وجهم ثنينهم علينه گمز هذاا الـي گاعد وي كَساد صافن بوجه صابرين وكانه يگلها " شسوين هنا "

وهيَ نفس حالته تباوع عليَّ بنظرات وكانه تگله " انتَ شسوي هنا " گام وگف وأردف بصوت شبه عالي .

_ انتِ وهنا .

صابرين : انتَ شسوي هنا .

ريا : گوة لزمت نفسي ما اضحك وافضح روحي منظرهم يضحك انوب هاي خفيفه عوفيني وروحي لهم نست حته اخوها حتاريت اروح وراها لو ابقى واگفه انتظرها تخلص القاء الصدمات مالتها بس فضول مو مال ابقى واگفه اريد اروح اعرف هذاا شـنـو علاقته بــ كَساد وشيسوي هنا رحت ورها اشر لنا كَساد نگعد چانن اربع كراسي وبــ نص ميز لونهن ابيض گعدنه اني وگساد ملتزمين صمت بس نشاهد مسرحيه الـي دا صير بين هالثنائي .

صابرين : الحظه الحظه اني راسي افتره فهمني شد يصير .

_ هوه انتِ الـي راسچ افتر لو اني .

_ فهمتي وافهمك .

_ اني وكَساد أصدقاء مـن طفوله .. انتِ شسوين هنا .

_ اني وريا أصدقاء هم .

كَساد : تگدرون تفهمونه لو لا ، كهرمان صاير ومن وين تعرف صابرين .

كهرمان : قبل فتره دعمت سيارتي وتعرفنه .

صابرين : احم بس عوضتك عزمتك على غده .

كهرمان : هههههههه اي صح .

ريا : حُـب صابرين خاف ناسيه بس اكو شخص بره جمد مـن برد راح نطلع نلگاه قالب ثلج يعني بس دا اذكرچ .

صابرين : عزاااا نسيت گومي گومي .

كَساد +كهرمان بستغراب : منو بره .

صابرين : اخوي وائل بس الحرس ميقبلون يدخلونه .

كَساد : اگعدن اني اخلي حرس دخله .

ريا : صاح بصوت عالي على احمد گاله يخلي حرس دخل وائل وصدگ ثواني واجة وائل يمشي بس خطية وجهه صاير دم دم مـن برد ويفرك بيدي وينفخ عليهم هوى حار مـن انفاسه .

وائل : السلام عليكم .

الكُل : وعليكم السلام .

گامو كهرمان وكَساد صافحو خو كهرمان اكله اكل بسلام ضحكت اغمز صابرين تقربت مهنا اهمس بيني وبينها .

ريا بهمس : بـاعـي بـاعـي نسيب شلون اكل اخو مرته بــ سلام اكل .

صابرين : لج شوكت صار نسيبچ .

_ عندي حساس قوي قريباً نشالله .

_ ولا تستقر هيَ وحساسها عاوي .

سكتنه مـن سمعنه صوت وائل يگول

وائل : شسالفه چان خلتني بعد بره .

ريا : ههههههههههه والله جنه جاين ندخلك .

وائل : نچبن نچبن .

ريا + صابرين : روريييييي .

وائل : هههههههه خلص خلص ما زعلان .

ريا : احم احم .. حنه نترخص يله شباب نروح البيت .

صابرين + وائل : اي يله .

سلم وائل على كَساد وكهرمان عفناهم ودخلنه البيت اول ما دخلنه أردف وائل

وائل : سوتلي شي حار اشربه حته ادفي جسمي لو لا .

ريا : احم شوف هوه صراحة لا .

وائل بستغراب : لـيـش ؟؟

صابرين : اختك حبيبتك ما تعرف تطبخ تعرفني وشسمه احم ريا همات ما تعرف .

وائل : نسوان ثنين ما بيچن خير .

ريا : روح عيوني روح سويلنه انتَ .

وائل : امري الله عمي .

راح وائل درت وجهي صابرين صافنه ورايحه بعالم ثاني طگيت اصبع گدام وجهه

ريا : الووو يحلو وين صافن .

صابرين : هـيـچ ولشي .

_ اممم ولشي لو تفكرين بــ كهرمانو .

_ لا شدخل .

_ ههههههه صدگتچ .

سكتنه مـن اجة وائل مسوي كوفي شربنها وصراحة چانت طيبه بقينه هواي نسوالف ونضحك نسوني همي وكل حزني بقينه الساعة 2 بليل گاعدين اخر شي وائل گال باجر عندي شغل وطلبت منه قبل لا يرحون يشوفلي بيت گال تمام طلع هوه ينتظر بره

_ حبيبتي رورو ديري بالچ على نفسچ واي شي يصير اتصلي عليَّ

بــ اتصال واحد تلگيني يمچ .

_ حبيبي انتِ نشالله روحي ولا شغلين بالچ .

ودعتهم وراحو دخلت الجوه رتبت بيت اثناء ما جاي ارتب وندگت الباب البالي صابرين ناسيه شي رحت افتح الباب واني احچي

_ ها شـنـو ناسي...

آلين ببتسامة : هلووو

_ آلين !!

_ بشخصيتها تستقبلون ضيوف لا .

_ اكيد تفضلي .

دخلنه جوه گعدنه عرفت كَساد دزها الان هوه گال فـ ما سئلتها عن سبب جيتها بقينه نسوالف هواي احس بيها متوتر وعندها كلام بس خجلانه او محتاره طبطبت على يديها بخفه

ريا ببتسامة : گـولـي حبيبي شعندچ .

آلين بخجل : احم لا ما عندي شي .

_ لا تخجلين مني عتبريني اختچ وحچيلي صاير وياچ .

باوعت عليَّ عيونه مدمعه متحملت نزلت دموعها وأردفت بصوت باكي

_ شسمة اني خجلانه احچيلج الان الـي سويته عيب .

_ مو هسه گتلج عتبريني اختچ واكو وحته تخجل مـن اختها .

غمضت عيونها محتاره ما حبيت اضغط عليها انتظرتها تفكر بينها وبين نفسها براحتها دقائق حنه ملتزمين صمت مركزه بحركاتها بلعت ريقها وأردفت بنبره سريعه

_ اني بست احمد .

_ مـن صدمة بقيت ما ارمش صافنه بوجهه بدون ردت فعل فتحت عيونها الـي مغورگه بــ دموع ورجعت مسترسله بــ كلام مكمله .

_ بـاعـي والله والله ما اعرف شلون صار هـيـچ بــ غلط بــ غلط والله مو قصدي .

بلعت ريقي الـي يبس مـن صدمة ابتسمت بوجهه اضيع صدمتي

_ خلص حبيبتي مصدگتچ سولفيلي صار .

دنگت راسها بخجل وبدت تسولف الـي الـي صار بقيت ساكته استمع لها صح الـي سوته غلط بس مرات انسان يسوي شغلات لا ارده منه وبدون وعي ....

طبطبت على يدها أهديها

_ اهدي حبيبتي عادي تصير مو مشكلة بس اتمنى ما تتكرر .

_ ابددد والله ابدد ما تتكرر اصلاً مـن يـوم الـي صار ما شفته بعد .

_ عفيه عمري اني دا احچي مصلحتچ انتِ تعرفين ابوچ شـنـو منو ميحتاج احچيلج عنه .

زفت نفس بحيره وأردفت بغصة

_ اعرف اعرف لهذاا سبب اني جاي احاول ابتعد عن احمد .

ضحكت احاول اغير موضوع

_ هههههه اووف مـن وراج نترسنه كئابه عوفي هاي سوالف وتعالي نشوف فلم .

_ تمام اني راح اسوي بوشار .

_ تعرفين طبخين .

_ اي تعلمت مـن خاله مري..

سكتت ما كملت وكأنه ادركت چفصتها بلعت غصتي درت وجعي ماسحه عيوني الـي دمعت أردفت مغيره موضوع

_ تمام تلگين يمچ ذره بوشار اني راح ادور على فلم حـلـو .

آلين بخجل : اسفه مو قصدي .

ريا ببتسامة : عادي مصار شي روحي روحي سولينا بوشار يله .

راحت المطبخ چلبت غصه بلعومي اريد تروح ماگوه گمت بسرعة الحمام غسلت وجهي بمي بارد اهدي نفس افكر لـيـش وصلنا الهاي الحاله وصلت مرحلة اسمها يسويلي غصه بعد مچان اسمها يدخل راحة وسكينه الگلبي هسه صار اسمها يوجع گلبي طلعت گعدت انتظر آلين تجي اسمع بس طگطگة ما فهمه شي اختاريت فلم اكشن دراما دقائق واجت بقينه نشاهد فلم الساعة 4 صبح استغرابت آلين مالها صوت درت وجهي اشوفه لگيتها نايمه گمت طفيت فلم عدلت مخده جوه راسها وغطيتها لبست جاكيتي وطلعت الحديقه احس الخنگة مجاي تروح مني .

گعدت على ارض والف فكرة وفكرة خطرت براسي حسيت على خطوات وراي شفته كَساد واگف يباوع عليَّ اهووو هذاا ماله نيه يتركني اتنفس وحدي لازم يشارك بكل نفس اخذه

_ انتَ شسوي هنا مو على اساس راح تسافر .

_ غيرت رئي اگدر اكمل شغلي منا بدون ما اسافر .

استغرابت ما سافر الان هوه گال شغل مهم وما يتأجل بس انزاح استغرابي او ما خطرت فكرة براسي معقوله خاف اترك بيت

_ ليكون ما سافرت على مودي ؟

_ لا انتِ شكو .

_ ممكن البالك اذا رحت ورجعت مراح تلگاني .

بقه صافن بدون جاوب اجة گعد بصفي قريب مني الدراجة نشارك نفس انفاس توترت مـن قربه حاولت ادور عيوني بكل مكان بس حته ما اباوع بعيونه لزم حنكي بطراف اصابعه داير وجهي له بلعت ريقي بتوتر احس صخنت مـن قربه انفاسي سريعه نفه ملامس انفي أردف بنبرة همس

_ لـيـش متوتره ؟

_ احم لا ممتوتره ولا شي وخر .

_ واذا ما وخرت ؟؟

_ اردف هذني ثلث كلمات وتقرب اكثر واكثر وكل خطوه منه تزداد دگات گلبي اكثر وحرارتي ترتفع اكثر نزلت نظراته الشفايفي ابتسم بخفه غمضت عيوني مـن حسيت قبلة تنطبع على حنكي انفاسي سارعت دقت طبول گلبي حرارتي رتفعت جامده ما تحركت ابتعد بعد ثواني معدودة فتحت عيوني صافنه بوجهه وهوه بعد على نفس قرب ما ابتعد أردف بهمس بصعوبه لتقطته مسامعي

_ ريا اني...

يتبع ...

ريئكم بــ البارت ورداتي يهمني 🥺♥️♥️

علقو بين فقرات شگد ما تگدرون حبيبيني

الطفاً لتنسون متابعة حساب واتباد +حساب انستا + قناة تلگرام

-أستغفر الله.

-سُبحان الله.

-الحمدُ لله.

-لا إله إلا الله.

-الله أكبر.

-سُبحان الله و بحمده.

-سُبحان الله العظيم.

-أستغفر الله و أتوبُ إليهِ.

-لا حول و لا قوة إلا بالله.

-اللهُم صلِ على مُحمد وآل مُحمد.


━━━━━━━━━━━━━━━━━━━━━━━━━━

🌸 هل أعجبتك أحداث القصة؟

💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:

🔗 تابع القراءة عبر موقعنا الرسمي من هنا: https://kimostories.site/novel/492/وجوها-تخفيها-الثراء

نتشرف بوجودكم دائماً في عائلة كيمو ستوريز! 🌸

━━━━━━━━━━━━━━━━━━━━━━━━━━

2026/11/16 · 0 مشاهدة · 6157 كلمة
yare.yare
إعلان
نادي الروايات - 2026