البارت الخامس
=============
جبروت الشيخ وقلبي
تدرون شكد احب تعليقاتكم وفرحه بيها ..فلا تنسوا تعلقوا عن توقعاتكم وين يوصل جبروت الشيخ وهل ينتهي بعد ارتباطه بنت عمه الي تحبه من طفوله ..
اما يستمر بهذا التكبر ..
متابعه طيبه ..هذا بارت اضافي لعيونكم ..❤
البارت الخامس
………………………
.
شهاب .. بيوم الحنه جنت ضايج وكوه متحمل .. مااريد هل الزوج. ونوب بنت عمي عمري ماتخيلته مرتي.. دوم اتعامل وياها ببرود واصلا حتى بعدها صغيره وماواعيه لا شكلا ولا تصرفات
رغم كل تفكيري فرحت من اجوا جماعتي صدك غيرت جو .. صرنه نضحك ونشاقه .. ولد عمتي جهاد ومرتضى شغلوا الديجي وصار ركص وغنى وكلها تركص سويت الحنه بيت علي .. جانن النسوان كلهن بيتنه مجموعات واحنه هناك انجمعنه .. بليل كلها رحت الوادم بقينه اني وجماعتي اجه خمسه منهم وعلي اخوي وامير وجهاد ومرتضى ولد عماتي كلهم بقوا يمنه ترسنه البيت .. للعصر رحنه البيتنه عقد .. ورجعنه .. ماردت احسس احد ابد اني ضايج لو مااريد اتزوج .. لان مايصير احنه شيوخ والنه هيبتنه واذا حست العالم ماتخلص حجي .. وهي بنت عمي وعرضي شلون اقبل ينحجي عنها بالموزينه
المهم خلصنه وبقينه لليل .. جماعتي بقوا باتوا يمي بيت علي .. اني رجعت للبيت بالليل اخذلهم ملابس .. صعدت للغرفه .. وجاي اطلع شفت غاليه ..صرت عصبي ماعرف ليش .. وروحي طفرت سحبتها وصرت اصيح عليها .. بس مااحجت ولا نطقت كلمة .. من دفعتها باوعت لايدي جانت كله دم .. اني مامجروح .. فتحت الباب باوعت بس اثر بالكاع .. تذكرتها من دموعها تنزل وتكلي ايدي
استخطيتها وتعوذت الشيطان .. هي بعدها طفله شنو ذنبه
وبحسبت امانة يمنه .. وصيت ابوها النه رغم كرهي لامها بس ماله ذنب هم بالي صار ..بس ليش من اشوفها تطلع عصبيتي عليها ..وابقى بداخلي متندم بس ماابطل هم من اشوفها تعصب مني لحالي
بالليل بقوا ناصبين عليه ويكولون
نريدك ترفع راسنه باجر يابطل…
. انريد نسمع صوت طلق الليل كله ..
اي والله نريد باجر نسمع صوت العياط كون واصل للقريه
تسكتوا لو اكومن احط طلقه براس كل واحد بيكم وذبنه للجلاب ..
…
.هههههههههه بويه باجر نريدك تظرب طلقك مو يوم
…
.هههههههههه اي والله لا تفرخ مخزنك يمنه ..
شهاب…
ههههههههههه لا ياساقطين .. جاا وعلي بيكم مخزن هسه فرغه من صدك .. وخليكم تتطشرون بكل مكان
كظينه كله شقه وضحك .. وثاني يوم هم نشاقه وناس بلتنه من كل صوب .. بعد عرس الشيخ .. هوسات اهل العماره معروف كله الي يطب يشمرله هوسه وناس تردد وراه
صارت الزفة وهوسه .. ودخلت للبيت بعد ماودعت جماعتي راحوا البغداد .. دخلت لكيت عمام ابووي ولد عمه وشيوخ من عشيرتنه وعمي سالم .. واقفين يردون يزفوني .. دخلت وصارت الهوسات…
ودخلت بس علي جرني علي صفحه .. وكلي لاتقرب للبنيه ترى معذوره…
بالبدايه مافهمت شيقصد .. بعدين فهمني يالله طخت عندي ..هو اني ما همني لان مو بالي اصلا بس ناس الواقف يعاينون شوكت انطيهم بياضها .. ذواله يحرجوا الواحد .. الا ينطهم البياض ويضربون طلق يالله يمشوا ..
بس علي طلع وكلهم .. جااا ابوي نشكر منكم ماقصرتوا .. وسالفه ننتظر العرسان صارت قديمه .. وتقاليد هاي لزم نتركها .. بوي احنه ولد اليوم .. مو العالم تتطور واحنه لسه نحرج العرسان بوكفتنه هاي .. مايصير يجوز مااجهزين .. معذورين .. بوياا نخلهم على راحتهم
كلها سكتت بعد شيخ علي من يحجي كله تاخذ الكلمه ردوا ...
والله مااتنلام ..سالفه هاي صارت قديمه .. وماايصير نبقه هيج لزم الواحد ييطور…
…
اي والله يااخوي اخذوا راحتكم بويه .. مهناين يبعد بيتي
شهاب .. بوي مشكورين ماقصرتوا.. تتلكوها بفراحكم انشاءالله
علي .. يالله بويه روح لمرتك انت .. وترك العالم علي اني امشيها
وزفوني للباب واخواتي يغنن .. شهوبي طفي الكلوب خدها يشع ويه روب .. وعماتي يرددن احنه الشوبشنه عليها وهيه صغيرونه
اني ماحجيت .. ودخلت .. باوعت جانت غاليه كاعد على طرف السرير .. وطابق اديها ومنزله راسها
دخلت وقفلت الباب وكعدت بصفها .. وسحبت ايدها هي نزت وسحبت مني .. رجعت اخذته.. على كيفج بوويه بس اشوف
غاليه .. اجه كعد يمي لو احس روحي نسحبت مني خلص غطيت بالمي راح حتى النفس .. بعد ماحس بشي .. نوب سحب ايدي جفلت ماتوقعت ..
باوع علي الجرح البيدي .. جنت حاطه لاصق جروح ..
شهاب .. ماادري بيج بويه ليش ماحجيتي
غاليه .. عادي جرح بسيط .. مايهم
شهاب .. كومي .. بدلي ونامي .. لاتظلين كاعده اكيد تعبتي اليوم ..
غاليه .. صدك استغربت من كلامه .. وبقيت حايرة ماعرف شرد علي .. يربي شهل البشر ساعه قاسي ويحجي بحقد .. وساعه حنين ومايريدني اتعب ..
شهاب ..راح تظلين تصفنين .. ماتفظيها وتكومين ..
بسرعه يتحول .. نوب استحي اكوم كدام .. وشال مالي مامغطي ظهري طالع نصه ..وحرت شسوي
واني اصلا مدنكة ماحجيت شي ميتة من الخجل ..
شهاب ..ولج ..شنوو خرسه ..حتى الخرسه طلع صوت ..بووية انتي ناويه تجلطيني
غاليه بخجل وارتباك .. لااا .. ب…
.سس
شهاب .. صلوات طلع صوتج ..كملي بس شنهي
غاليه بخجل .. يي…
صير ..تطل.. ع ..حتى ..ابد.. ل
شهاب اخذ نفس .. الله يصبرني .. طالع ..فضيهاا
طلع وسد الباب .. ركضت قفلته وراه ..
وصرت ادور بالكنتور شي البسه .. اصخام ماحطاتلي بس ملابس نوم ودشديش كله قصيره
والله لو اموت مالبس هيج كدامه .. شسوي اخاف يرجع واني هيج ..
فتحت الباب على كيفي .. باوعت ماكوا احد
ركضت على غرفتنه اني ورقيه .. وسديت الباب .. شكل رقيه بعدهاا جواا اكيد جاي تنظف ضحكت عليه اكيد جاي دردم هسه ..
اخذت تراك من كنتوري .. وبدلت ..وساعه افتح بشعري راحت اديني بس تعبت تعب ماصاير ..فتحت الباب جنت قافلته علي ..
رجعت نمت بفراشي .. واخذتني الغفوا..
حسيت الصبح .. على فاتن تكعد بيه
فاتن .. ولج معزايه شسوين نايمه هناا .. ليش مانمتي يم رجلج .. شهقت وضربت صدرهاا .. طفج من الغرفه موو ..الا اليوم اكلب البيت علي ..
اريد احجي مانطتني مجال وركضت للدرج اخذت شالي وركضت وراها .. فااااتن .. فااتن ..لحظه ..انتظري
ماحسيت غير دخلت على صالة
وصارت تحجي .. ليش طاف مرتك من غرفتك .. اكوا رجال بليلة عرسه يطلع مرته من غرفته .. شبيك تخبلت انت .. لا لزم اخلي علي يخليك حد .. ترى زودته هوااي ..محد بعينك انت ..
خلص لاصته فاتن .. والله ليكسر راسه وراسي اليوم
ماحسيت غير بركان ونفجر
شهاب .. شنووو ..شبيج ..شكاعد تخربطين انتي .. شو نسيتي نفسج الظاهر ..ويه منو تحجين
ومنو كلج اني طفيتها من غرفتي ..لو راحت سوتله سالفه والا اكسر راسج وراسها اليوم ..
كعدت الغول .. خلص رحت بيه
اجيت ارجع اركض على درج ..بس التفت واسمع صوته
شهاب بعصبيه .. تعااالي ..نززلي بسرعه لا اصعد اكسر راسج
بلعت ريكي .. واني ارجف .. سمعت صوت زيدون وعلي بالصاله .. طلعوا يركضوا على صوته
اني جنت لابسه بجامة مال نوم يعني فشله يشوفوني بيها مانتبهت من نزلت ويه فاتن ..
رجعت اركض على درج ..سمعت صوت صاح وراي
اليوم راسج اكسره الج .. اقفي
عزه كلبي وكع ورجليني ماتعيني .. ماحسيت غير دخلت غرفة وقفلت الباب واني اللهث وقوة اتنفس
وهو يحجي ويدردم جوا ..واسمع اخوانه يحجوا ويه
كمزت رقيه من نوم ..عزه هاي شكوا .. هذا شبي الثور هاج عليج من الصبح
صرت ارجف واسمع صوت زيدون وعلي يحجوا ويه .. لج هو محمل علي شبي ..اصلا مالحكت احجي كلمه ..كله من اختج عزه بعينها ماتنطي مجال
رقيه مااكوا اي رد فعل
غاليه بخوف .. اشو ..مااجن جاي احجي وياج ..جاي يتهدد علي وانتي ولا عبالك
رقيه وهي تتحرك بهداوه رايح للحمام .. يمعوده عوفي .. هذا ثور يهيج ..وبعدين يهدا ويسكت لحاله ..
بس شبيكم من الصبح متعاركين هستوكم بصباحية عرسكم ههههههه وفتحوها بعركة
غاليه .. شوو انتي .. والله مرتاحه وتنكتين ..انطمي خلي اسمع جاي يحجواا
رقيه .. شكلهم راحوا ..دخلوا جوا ماكوا صوت ..واخيرا الثور هدئ لحاله .. موكتلج ..
غاليه اخذت نفس وكعدت .. اووف كله من فاتن .. بسرعه راح تلغي مانطتني مجال احجي ..يم وكع كلبي الله لا ينطي
رقيه ..ههههههههه شكل الحب عندج بدا ينخبط بالمي ..كتلج هذا واحد مسودن شتحبين منه
بقيت خايفه انزل .. بس رقيه راحت ورجعت كالتلي تعالي علي يصحلج ..
بدلت بدشداشه .. وحطيت شالي ونزلت
اول مادخلت سلمت ودنكت .. والله موقف يفشل
علي .. تعالي بوويه .. اكعدي
كعدت بصف رقيه .. وغطيت بظهرها من خجل مادري ليش مستحي رغم ماسويت شي
بس اباوعت شهاب شكله ضايج ..عزه بس لا يرجع يسويلي شي ..
علي .. لا تستحين وتتختلين ..شو تعالي هنا بصفي ..
عزه فشله والله بس علي مادري ليش هيج ينطي طاقه واحساس بالامان فتصرف بحرية بدون ارتباك
كمت كعدت بصفه
علي .. بووية ..انتم صاير شي بينكم لو ماكواا شي ..
ارتبكت مادري ليش بس رديت .. لااا ماصاير شي ..
علي ضحك .. خلص بوويه .. لا تخافين والله املص اذانه اذا اجه صوبج .. ومدام تكولين ماكوا شي خلص ماكوا شي ..
رديت واني اباوع على شهاب بخوف لان شكله مايطمن .. لااا هي فاتن مانطتني مجال احجي ..
علي .. اي هاي حقج .. هي شعيله تنطي مجال حركت الجوو على الوادم من الصبح ..
فاتن وهي تضحك .. ياااا ..جاا شنو غير اخوي ومرته وموغريبه بنت عمي .. شفته نايمة بغرفته القديم اجه بالي طفه من غرفته ..وتحركت مشاعري ..
علي .. بوويه مشاعرج خله الج .. وتركي الوادم تتفاهم بينهم .. الكلام موجه للكل بعد محد يحط نفسه بنصهم رجال ومرته .. بس وايعوذ بالله اذا غلوي هي اجتي واشتكت .. التفت يطبطب على جتفي .. اعرفن انتي واعيه وعاقلة .. والعمر بس رقم ترى .. راح ديرين بالج على نفسج ورجلج .. مو بوويه
هزيت راسي .. عفيه ادري بيج كدهاا .. يالله كومي عاوني البنات بالمطبخ ..
كمت وعفته يحجي ويه اشهاب
لكيت بس فاتن باقيه هي وبنتها بطه .. هي اسمه فاطمه بس كلنه نصيحله بطه .. جنه نشتغل نسوي اكل ونعزل ونحجي
غاليه .. فاتن لعد الولد ليش راحواا
فاتن .. اخذهم امير يم اهله .. مابيه حيلهم .. مايكعدون واحنه مهوسين .. شويه ويجوا يباركلج النسوان .. روحي سبحي وبدلي ..شو تعالي
وخرت شالي ولزمت شعري
يمعزايه نايمه بدون ماتسبحين وهاي البلاوي الي حطتهن ام الصالون بعدهن براسج ..
غاليه .. والله تعبت ..ونمت بدون ماحس
فاتن .. دروحي غسلي وبدلي البسي شي من الجبناهن الكلابيات ..هسه اجي وراج
رحت غسلت وبدلت بس احس راسي جان يوجعني هسه ارتاحيت .. لكيت كلبيات خليجيه اثنين .. صفنت هاي شوكت اشتروهن ماتذكر حتى ضحكت على نفسي غير عروس كلشي ماادري بالدنيا وين تروح وين تجي ..
لبست الورديه ..واجتي فاتن انطتني دهن وحطت منه الشعري .. شويه ذب نفسه
غاليه .. فاتن ..اريد ارجع شعري على لونه الاصلي هذا موحلوو علي ابدا عبالك محترك ..
فاتن .. ترى هسه صار احلى من قبل ..بعدين هسه بعدج عروس هذا ليكلج والله .. بعدين اني اخذج وخليهم يرجعون لون شعرج الاصلي مااشي
هزيت راسي .. كعدت رتبتني شويه .. مااحس شي يكعد علي .. لان ماعبالك اني وحده ثانيه ..هي كعدت تخبط وتحط الوان
اني بس طلعت مسحته عفت بس الحمره جانت ورديه فاتح والكحل عفته ..
دخلت فاتن تحجي .. يالله تعالي اجني عماتي .. وبيت جيرانه ..باوعتلي وشهقت .. يااا ولج ليش مسحتي صار ساعه ارسم واعدل
غاليه .. يمعوده طالع جني كاولية .. شنو سالفه
فاتن .. هههههههه دمشي انتي اصلا حلوه عندج عيون تشك ..بس حرامات هاي بنت الكلب خربت حواجبج ..جانن يخبلن تكول عيون غزال
غاليه .. همزين اعترفتي .. طالعتني جني جني ..
فاتن .. ههههههههه خرب يومج ..بربج هذا الملاك تكولين علي جني .. دمشي يالله انزلي
نزلنه وبدات المجاملة وضحك وشقى وصارت وحده تروح وحده تجي .. عماتي بقن للغدا .. شهاب اسمع صوت بالصاله ويه الولد يضحك ويشاقه ولا ابد
احنه جنه بغرفة خالتي .. وبقينه لحد الليل ناس تروح وناس تجي ..
بس بليل .. جنت عايشه بقلق شلون بيه
نوب فاتن صعدت هي وجهاله نامت بغرفتنه .. وين اولي
كله صعدت تنام .. واني تحججت بقيت بالمطبخ
كمت .. وصعدت علئ كيفي لكيت الغرف كله مسدوده بوبه
رحت علئ غرفة زيدون كلت افضل حل
طلعت فاتن من غرفتنه نززتني
فاتن .. ولج جاي تسوين .. ليش لسه مارحتي تنامين
غاليه بارتباك .. هااا ..ردت اشوفج ..عبالي نايمة هنااا
فاتن .. لا هاي الغرفه قفلته ..روحي يم رجلج يالله كدامي اشوف ..
عزه بعينه الكلشي متحضره ..بقت تباوعلي اني من غصب رحت .. واستحي ورجل وراه ورجل كدام ..
دكيت الباب ..هي صاحت بيه
فاتن .. ولج افتحي وطبي ..دكين الباب علئ رجلج ..هاي غرفتج ..افتحي ودخلي يالله ..
يبووو هاي شلون بيهاا .. فتحت ودخلت بس مرتبكة
بس اجتي عيني علي .. شهقت وانطيته ظهري
جان بطرك الشورت ونايم علئ جرباية .. ويقلب بالموبايل
غير استحيت ..مال اروح هسه واسحل فاتن من شعرهاا
كل من وراهاا
اجاني صوته الخشن .. جااا منج تستحين ..شدخلج هنااا
ماعرف شحجي كمت اجيب هناا وهناك ..هووو.. فاااتن ..هي كالتي انااام هنااا
شهاب .. وراح تظلين ..واكفتلي هنااك جنج فزاعه ..تحركي
تحركت ..واني ماابوع ابد جهته .. وجهي صار نارر من الخجل ..
طلعت افراش من الكنتور .. وفرشت بالكاع بعيد عنه من جهة رجليه بحيث مايشوفني ابد ..
جان الغط بالكنتور بالجهه الاخيرة .. فخذت نفس الغرفه بيه بروده ماكدر ابقه بلا غطه
فرحت بسرعه عبرت من بصفه .. فتحت وطلعت الغطاا
اريد ارجع ماحسيت غير لزم ايدي .. نزيت وكمت ارجف
اباوع علئ ايده واحاول اسحب ايدي
بس مايهدني ..سحبني علي ..بقيت مدنكه واحس كلبي راح يطلع من مكانه من قوة ضربته ..
حجه .. عووفي هذااا
بااوعت علي واني صايره حمره من خجلي .. شش…
نوو
اشر بعيونه علئ الغط الشايلته
ذبيته بصفه .. هو تركني ..ورجع يقلب بالموبايل ولا كانه صار شي ..
سحبت نفسي ورجعت ..لمكاني ..اجاني صوته
شهاب .. هاااج ..باوعت دفر غطا النايم بي..علي
سحبته بدون ماحجي .. مادري شبي هذا عنده نفصال بالشخصيه ..
تغطيت بي ..واجتي ريحت بخشمي فزيت بسرعه اباوع ..جان هو مكان مامتحرك ..قربت البطانيه علي وشتميتها ..هي بيها ريحته ..الظاهر مكتوبلي انام على ريحة عطرك ...
غفيت واني متلفلفه بالغطه
كعدت الصبح ..من من مكاني .. باوعتله لسه نايم ومتغطي همزين ..تحركت على كيفي ..بس اجتي رجلي على ميز وطلع صوت ..باوعت باتجاها بعده .. نايم ..الحمد الله .. بس والله شكله حلوو وهو نايم وهادي ..
بقيت اباوع علي ..واحجي بكلبي ..شيصير لو تظل هادي هيج ..وتغير تعاملك الزفت ..
ماحسيت غير علئ صوته .. تبقين صافنة هواي .. جاا مادري بنفسي هيج انه حلوو
وهو ساد عيونه ويحجي .. بعدها فتح عيونه
ياعزه يافشلة الفشله .. ياكاع نشكي وبلعيني .. بقيت منصدمة .. بسرعه كمزت اريد اطلع
وجه راسي بالكنتور .. ونركع راسي .. اااخ
لزمت راسي ..وافرك بي ..يربي خاف عايزه كملت بعد ماشوف من خجلي
نهض هو وقف وحجه .. ثوله ..ماايفيد الحجي وياج ..
اجه وصل يمي .. اني خشيت بنص هدومي غير عيب ..
فتح الكنتور اخذ خاولي .. وعبرني وطلع ..
اخذت نفسي وبقيت اغم بنفسي .. ماينلام صدك ثولة والله ..
نزلت لكيت هم هوسه .. يبوو ماتخلص .. نزلت بدشداشتي وشالي .. ومابيه شوفت عروس
اجتني فاتن تركض .. امشي بدلي وتعدلي .. شبيج جنج وجهه بومة من الصبح .. وهاي كصتج شبيها حمره
غاليه .. لاا هيج ضربة راسي بالكنتورر
فاتن .. شبيج عميه .. دروحي بدلي وتعالي ..وعدلي نفسج
عكجت وجهي ورحت بالقوة .. مالي واهس ماحس نفسي عروس هي قوه .. لبست ونزلت شلون ماجان
هم نسوان كعدن يسوا ..شعجب عروس وماكوا حتئ كحل بعيونهاا
بودي الزمها هل عجوز وهفه بوكس علئ حلكه تبطل تدخل بالناس
فاتن بضحكه مال اخرج .. اي .. مو تدرين كعدوا متاخرين خطيه .ههههه اي بعد عرسان ..
بقيت ابتسم جذب .. وكتله اي صح .. حتئ نسيت نفسي عروس
كرصتني من رجلي وكامت تضحك جذب ..بقيت صافنه .. واني شكلت
كمت مابقئ كاعده يم التجي .. بس اسلم وطلع .. لان شكلي ماعرف احجي كلمتين علئ بعض .. فاتن هي كايمه بالواجب ..
جان يوم سبت وثاني يوم دوام .. توقعت فاتن ترجع علمود دوام ولدها .. بس طلعت دزت ولدها ويه ابوهم
وهي بقت ويه بنته
غاليه .. فاتن ماتخافين عليهم وحدهم ..زين شلون بدراستهم
فاتن .. كلشي ماعليهم اصلا اني ماالي دخل بيهم هم يبدلون ويروحون ويدرسون لحالهم ..واذا شي صعب امير يمهم ..هذا الاسبوع هو ماعنده خفارات ..
شغله وحده ضوجتني راح تبقئ تركض وراي ..
جنت كاعده اقرا ويه رقيه الظهر
فاتن .. ولج شسوين هنااا.. موماخذه اجازه
غاليه .. غير كاعده اقرا ..واذا خوما افوت دروسي
فاتن .. دكومي شوفي رجلج شيريد مايريد .. محتاج شغله .. رتبيله حاجاته .. وكعدي يمه ..مايصير تعوفي وانتم هستوكم مزوجين ..خلي يتعلم عليج ..
غاليه .. هو ماايريدني اصلا ابقئ يمه .. بعدين دراستي حرمات تفوتني الدروس
فاتن.. والله اذا تبقين هيج تالي حتئ من المدرسه يبطلج .. عبن الرجال حتئ لو كال ماريد لو سوا نفسه مامتهم بس يضوج اذا مرته ماتهتم بي ..
صدك فزيت .. صدك .. لاا مايسويهاا ..بعدين خالتي مااتقبل تريدني اخلص دراستي
فاتن .. ياخالتج ..ترئ بعد امرج كله بيد رجلج .. ماله حق امي تدخل بيكم ..سمعتي علي شكال .. اني كتلج وانتي حره بعد ..
اني كلشي ولا دراستي غير اتخبل .. طفرت من مكاني
وحجيت .. لااا راح اهتم بي .. ماخلي شي ناقصه ..حتئ مايبطلني ..
فاتن .. اي عفيه .. يالله روحي
رحت للغرفه .. ماجان موجود بيهاا ..لكيت ملابس مال الصبح بالكاع .. والغرفه مهوسه
يبوو اني من جنت مو مرته كل نهار ارتب بغرفته هسه هيج عايفته .. ماتلام فاتن بيه
كعدت ارتب والم ملابس وفراش لسه بالكاع هم شلته .. ورتب كلشي ..وشلت ملابسه اريد اخذهن اغسلهن ..
ماحسيت الباب نفتح ودخل ..
دنكت واخذت الملابس اريد اطلع
شهاب .. ووين ..تعالي ..هاي مو ملابسي ..وين ماخذتهن
غاليه .. اااغسللهن ..غيرر
شهاب .. ترركي ..مااعليج ..اخذهن من ايدي وشمرهن علئ جربايه .. كلشي يخصني ..ماتحطين ايدج علي ..سمعتي ..
ماحجيت ردت اطلع ..
بس اجاني صوته .. تعااالي هنااا
رجعت واني مدنكه بلا ماحجي ..
شهاب .. انه خصلت حجي ..كلتج روحي ..من اكول عود ولي ..من احجي ويااج تقفين بمكانج ..وتردين علي موماخذتلي دورر الخرسه ..
يربي شهل البشر هذا غير متسلط ..مارديت
شهاب بصوت خشن .. مااتردين ..احجي ويه نفسي تسوين جلط بسكوتج هذا ...
فهمتي لو افهمج بطريقه ثانيه ..
رديت .. اااي ..فهمت
حجيت بصوت ناصي ..وجع شكد حقنه
صاح بيه .. لج ..جااي دردمين وحدج ..
رديت ..لااا ..كلشي مااحجيت
فتح الباب ..وصاح .. رررررقيه ..تعااالي
ودخل صرت كدامه ..واخررري من كداامي شكد ..فااهية ..
اووف مال نعال وعلئ حلكك شكد ترزل ..سم بكلبك وهو كل وكت اني انظف وسخك ونوب ماعاجبك .. ابااوع علي بحقد هو منطيني ظهره واني احجي بكلبي ..ماحسيت غير
التفت علي .. تعاي بعد انطيني راشدي .. شعندج تخزرين ولج عينج لافكسهن ..
عزه شنو هذا ..بلعت ريكي ..لااا.. موقصددي
دخلت رقيه ..هااا ..شتريد
شهاب ..احجي عدل لج ..ونوب كلشي يخصني مسووليتج ..ماكوا شي يتغير ..مااريد احد غيرج يمد ايده علئ غراضي فهمتي ..
رقيه .. هااا.. اي ..مثل ماتريد
اتقربت مني وحجت .. شبي هذااا
رديت .. شنو جديد ..نفس ماهوو شتغير بي يعني
رقيه .. اي ..وعلي هذا شتغير منه
صاح بصوت خشن .. جاااي تلغن ..يالله منااا مالكيتن غير غرفتي تلغن بيهاا
اجيت اطلع لزمتني رقيه .. وين انتي ابقي هناا ..بس تشوفج فاتن .. تفتح وياج محاظرتهاا عن الزواج ..ابقي واستري علئ نفسج ..
وقفت التفت علي ..لكيت ينزع دشداشته ..وبقئ بشورت ..ونبطح علئ سرير
بسرعه التفت علئ رقيه جلبت بيدهاا .. اخذيني ويااج ..
طلعنه وهي تضحك علي .. شبيج صرتي صفره
غاليه .. ولج ماشفتي نزعه ونبطح .. يكلك كاعد بمصيف كل شويه متصلخلي .. مايستحي ابدا
رقيه .. ههههههه شيستحي بعد اخذ حريته..نوب تلكي يفتر بالبيت بطرك شورته ..
غاليه .. يااا ..والله يسويه عزه ولايستحي
رقيه .. لج هاي سهله ..لعد لو ينزعلج الشورت ويخرعج شسوين وكتهاا
غاليه .. يااعزه ..اووع ..انجبي لج ..شنووو هاي ..لااا صدك تحجين ..
رقيه خربت ضحك بعد تريد تحجي ماتكدر .. لعد شعبالج ..شنو مااخذج يبااوع عليج .. كم يوم ويسويلج مفاجئ ماتحسين غير جايج ملط ..الا يطلع حليب امج من خشمج.. صدك خفت وصرت بس ارمش بعيوني واباوع عليه هي منتهيه ضحك .. جاااي ..تحجين ..تشاقين
رقيه ..ههههههه ..لج هاي اهم مرحلة عند زلم بالزواج ..غير بس منتظرج تخلصين .. ويسوي هجوم عليج ..
بلعقت ريكي وصرت بالقوه احجي .. لاااا اصلا ماايفكر هيج .. هووو ماايريد يتزوج اصلا
رقيه .. دمشي ..شبيج نهبطتي بعدج ماشفتي شي .. يعني حتى لو ماايريد عبالج خالتج راح تعوفكم بحالكم
دخلت ..وكعدت اقرا ..بس كل افكاري تشتت ..مااجان بالي ..بس صرت اخااف كلش من شهاب والافكار تلعب بدمااغي ..
خالتي دزت على ناس تشتغل بالفرفه تسوي حمام داخلي بغرفة شهاب ..
فالنهار مانكعد بالغرفه .. وبليل من ينام ..يالله يروح للغرفه الكي نايم يالله ادخل .. وصبح اكعد قبله ..هيج بقيت ويه لحد مااخلصت هذني الايااام .. ورغم ملحت فاتن وخالتي
بس اني بقيت اتختل منه ..وهو اصلا مو على باله
لحد ماايوم السبعه ..جانوا محضرين حفله بسيطه ..واجني عماتي ونسوان علي ..وهواي نسوان ..ولبست نفنوف بسيط اسود .. فاتن اختارته الي ..
وجانت حفله حلوة بسيطه حتى ماتعبت بيهاا
من خلصت المغرب .. كله راحت بقه بس علي وزيدون اجه حتى ياخذ فاتن الصبح ..سوتلهم عشاء ..
اجتني فاتن ..تعالي غاليه تركي كلشي على رقيه
رقيه .. ليش انشاء الله رقيه بنت البطه السودة عيني
فاتن .. دنجبي ..وكملي المواعين وانتي ساكتي ..غاليه عنده شغل اهم
ستغربت بس مشيت وراهاا
دخلتني للغرفه ..وكامت تفتح بالكناتير ..وطلعتلي سيت نوم كريمي ..وحجت .. همزين حمامكم خلص قبل السبعه يالله دخلي سبحي ..واستخدمي المعطرات اليمج من تكملين كليلي ..
بقيت صافنه بوجهه ..هااا ..ليش
فاتن دفعتني للحمام ..لاتظلين تسالين ..امشي بسرعه
امري لله دخلت ..سبحت وحطيت عطور بس بقيت اتصفن على حمام .. شكد حلوو ومرتب مسويله حمام ملكي ليش لعد ..
كملت وحجيت ..فاتن خلصت
انطتني ملابس داخليه ..وسيت .. البسي هذني وطلعي
لبستهن بدون مااحجي .. لفلفت نفسي زين بالروب ..لان الجوا فضيحه .. وكلش مو مال لبس فلفيت نفسي زين
غاليه .. فاتن ..شنوو هذا مايلبس ..يفشل ..مااريده انطيني ملابسي
فاتن .. دنجبي ولج ..انت اليوم ليلة دخلتج ..فلاا تكعدين تحجين ..
بلعت ريقي .. شنووو ..يعني ..شقصدج
فاتن .. بس سوي الي اكوله ..وماعليج بالباقي
كعدت تنشف بشعري وتمشط .. وحطتله عطر ..ورتبتني ..وطلعت وصله بيضه ..بقيت بس عيوني يرمشن
حطت جوا المخدة ..
باوعتله ....
شنووو.. هاااي
فاتن .. هااي من تخلصون ..تحطينهاا .. ويصير بيهاا نيشانج .. خوش .. لاتخافين ..ولاترتبكين ..بس ارتخي ..وخلي هوو يسوي كلشي
لزمت يدهااا .. شنووو ..شبيج ..شيسووي ..اني مااريد ..خليني ارروح هناك
فاتن ..بس ..انتي صغيرة ..شبيج كمتي ترجفين ..بعدين تردين ..الوادم تاكل وجهنه ..هسه يكولون مااخذهاا وهاي موبنيه ..تقبلين العالم ..تحجي بيج ..تقبلين تنزلين راس اهلج ..وعشيرتج ..وتفضحينهم ..
بقيت مدنكة وعيوني دمعة ..من خوفي ..ومن حجي فااتن
كعدت بصفي .. وحظنتني ..ترى مااتستاهل وكل احنه مرينه بهل شي ..واول مره خفنه بعدين صارت زلاطه والله
لاتشيلين هم ..بس اهدي ولاتظلين تفكرين ..عوفي هو يعرف شيسوي ..بس لاتفشلينه ..خووش
غاليه ..ارفعي راسج باوعليلي
رفعت راسي ..مسحت دموعي ..وحجت ..انت عاقلة ..وتفتهمين ..ماراح تفشلين امي واهلي كلهم متضرين البشاره منج واح تسوين العلمتج يه مو ..
اشرت براسي ..بمعنى اي
فاتن ..عفيه ..الله يوفقج ..وينولج الي تتمني ويملي حظنج بطفل من شهاب
انفتحت الباب ..وسمعته صوت دخل ..كلبي نمرد ..كمت ادور بشال احط علي استحيت يشوفني هيج ..
فاتن .. جااي دورين ..اكعدي ..
شهاب بصوت خشن .. فااتن ..شسوين هناا ..شكووا
.جنت مجلبه بثوبه من وراه عبالك جاهل ..خفت منه شكله يخوف ..
فاتن .. ماااكوا حبيبي ..بس جنت اساعد غاليه ..تعال ..ادخل ..
فلتت ثوبه مني ومشت واشرتي بمعنى عيب لااا تسوين هيج ..اني بقيت مدنكه راسي وخجلانه كلش
فاتن .. ديربالك عليه ..وترى كله كاعده بره تنتظر منك البشاره ..يالله اعوفكم اني ..
اجاني صوته ..ذهواله صدك يحجوا ..عبالهم شنوو.. راح يجبرواا بسيطه
ماحسيت غير اجه علي ولزمني من زندي ..وهو عصبي ويحجي .. شنوو صدكتي نفسج ..عبالج اسويج مرتي ..كاعده ومتحضره
استهضمت من حجيه ..ودموعي كاام ينزلن احس نزلت نفسي اله وهو رفضني شكد شي صعب ..احس بداخلي شي تكسر وصار فتات ..
بقيت بس ابجي ..هدني ..كعدت علي سرير ..مدنكة وبجي
هو ضرب المخده طيرهاا البصفي ..اني جفلت اباوع علي صارناررر ..وهوو يباااوع على وصله اابيضه ..
لزمني من ذراعي ..وحجه ..تعااالي اليوم اني اعلمهم ..شنوو جاايني بجبروا ..عبالهم راح من يحطوني كدام الامر الواقع .. ..
طلع وهو يسحل بي يريد يطلعني واني مجلبه ..مااريد اطلع وابجي
طلع من غرفه ..وكاعد ينزل بيه على الدرج ..جلبت بالمحجر وحجيت ..ب…
س ..ابدددل ..اتتررركني
جنت بالسيت ..وصوت علي وزيدون جوه ..واصوات هوواي ..استحيت شلون انزل هيج ..حتى مالبسه شالي
باوعلي هوو بغضب وحجه ..استغفرالله ..ولي بدلي امشي
هدني ..اني ركضت ...
ابدل وابجي
دك علي باب كسره ..ويصيح فضيهاا طلعي ..
طلعت سحبني من ايدي كل قوته ونزل بيه ليجوااا
فتح الباب ..وشمرني جوا اني بجي وهو يصيح ..
كله كمزت ..فاتن اجتي تركض علي واخذتني بحظنه وهي تحجي ..ولج شبيج ..شكواا شصايرر
شهااب .. انتم زوجتوني اياهاا بالقوة ..لاعبالكم راح اعتبره مرتي ..لااا وحق علي ..ومن اليوم مااعليه بيهاا مسوليتكم انتم تتحملونها ماكتلكم زوجوني .. واانه محد يجبرني على شي ..من اليوم اني انسان حر ومالي دخل بيهاا هاي مسوليتكم وحق ربي اذا جبرتوني عليه لكون ثاني يوم رايح ومطلقه ..ومحد راح يكف بعيني ..
طلع وسد الباب بقوة .. بقيت مدنكة وابجي من خجلي مااكدر اباوع بوجهه احد ..
علي .. كبرر اي والله ..هذا هم عاقل ..والله ظلمنه هل بنت ويه .. جااا كون مااتريد لا ردت ..شوفي هاي خلفتج ماجبتلج واحد بي حظ واحد ازفت من الثاني ..
زيدون .. بوويه احنه شكواا شمسوين ..وهذا خبل شكوا تزوجواا ..والله كتلكم لاتخلواا يزوجهاا للبنيه يخبلها
خالتي .. اووف الله لاينطي هبطني ..كاافي يمه لاتبجين ..عوفي هذاا خبل .. وحده بعدين يرجع ويتندم ..
علي .. وعسا لا رد ..بوويه روحي غسلي ..ورحي نامي ..عوفي يطبه مرض ..صدك لايكولون ينطي الجوز للماعنده سنون ..هذا لوماخذله وحده من امهات الشوارع جان كيف وكرص يمهااا ..رووح بوويه وطزز ولاجن اتركي
زيدون .. رقيه اخذيهاا خطيه شوفي شصار بيهاا ..خوفهاا ورعبه للبنيه هو هذا ماا زواج تورطوا البنيه ويه ..
رقيه اجتي اخذتني ومشت بيه ..تعالي حبيبتي لاتبجين ..خلي يولي ..
ماحجيت بس اشرت ..وطلعت وياهاا ..
رقيه ..تعالي بدلي ونامي ..وعلى كولت علاوي طز ..فدوة رحتله حلكه ينكط عسل ..
غاليه مسحت دموعي وحجيت .. لوماهوو والله فلا اقبل اتزوجه ..بس الخاطر ابو حسين لان يستاهل اطيعه ..كلامة دائما يريح كلبي ..
رقيه ..اي ..صح هو وامي ..عوفج ..وبقي يمي ..ولاعليج بعد بي ..وفاتن باجر تمشي ..وانت ارتاحي منه ..
هزيت راسي .. ورحت بدلت ..ونمت وحلفت بعد مالي دخل بي ..بعد الفشله الفشلني بيه كدام الكل ..
بقيت اتجنبه ..وحتى صرت البس شالي كدامة وتعامل ويه مثل قبل
وانام يم رقيه ماارحت بعد لغرفته
تصورت هيج خلص ارتاحيت منه ..بس لسه عصبي ويباوعلي بطرف عينه ..وكلما اسوي شي لواغلط بشي وحجه علي ..لووكال فااهيه ..لوثولة ..
ماادري شيريد يعني ابتعد عنه بعد شيريد مني ..ماادري
ورهاا راح للدوام ..
واني اخذت راحتي حتى جنت مخنوكة صرنه اني ورقيه ماخذين راحتنه وحدنه بالبيت .. نام نكعد نباوع للتلفزيون
من هو هناا حتى تلفزيون مايخلي غير بس اخبار..
وخلصت الاجازه .. وصارر وكت رجعته
خالتي صاحتلي رحت
خالتي .. تعالي ..يمه ..اريد احجي وياج
غاليه ..اي خاله احجي
خالتي .. يمه ..ادري بعدج ماخذه على خاطرج ..من تصرف شهاب .. ومالومج حقج ..بس يمه ماريدج تتنازلين عن زوجج بسهولة ..ادري بشهاب طبعه صعبه وماايلين بسرعه .. بس اني متاكدة شكد مايبين صعب وبارد وماقاسي بس بداخله طفل يتمنى الحب والحنان والمداره وعنده حنية الدنيا كله ..بس خوفه الوحيد ان مشاعره الي بداخله راح تضعف علمود هاي جاي يبعدج عنه عباله من يسوي هيج راح يكدر يبعدج عنه وهو فعلا نجح وكدر يخليج تنهزمين منه .. اريد منج ..لااا ماتضعفين اله كسري هل جليد الحاطه على كلبه وكعدي بي لو كدرتي راح تملكينه كله وحدج ..
غاليه .. ماادري شكلج خاله .. يجوز انتي هيج تشوفين ..بس اني شوف شهاب صاحب تكبر ويحس المراه لاشي وماايحترم ابد ..شلون الواحد يكدر يتعامل ويه هيج بشر ..
خالتي .. تدرين ليش شهاب انتي بذات دائما يتعامل هيج وياج ..جاي تشوفي شلون بارد وياج وابد ماايريدج تتقربين منه ..مااسالتي نفسج ليش ..
صفنت على كلامة ..لاااا مااظن اني بذات هو دائما هيج ..بس اني الاكثر واتوقع بسبب الصار بين امي وابوي ..خله يكرهني زياده ..
خالتي ابتسمت ابتسامة غريبه .. ااي ..انتي هيج تفكرين .. بس شهاب يتعامل وياج هيج .. وبيوم السبعه تخبل لان مايريد يختلط بيج ..لان يدري بنفسه بس يتقرب منج راح يذوب كل جليده ..وتموت كل قسوته .. انتي لاتنطي فرصه يبعدج ..ابقي كدامة وحوله ..شوفي شلون بالاخير تنكسر على دفاعته ويستسلم وتلكي هو وكلبه صار ملكج ..
مااجذب رحت بعالم ثاني كلمات خالتي مثل السحرونزل علي .. خلتني عندي امل ..شكد احبه ..بس صعب مايتعاشر ..واتنمى كلامها يطلع صحيح لان مثل مايكولون اليحب اعمى ..واني شكد اشوف منه بس مااجاي ابطل احبه ..
غاليه .. خالتي .. شنوو اسوي هسه .. تعبت من تفكيري
خالتي .. بس كليلي ..انتي بالاول تحبي ..مستعده تتحملين لحد ماايصير الج
استحيت ودنكت مااحجيت
رفعت راسي وضحكت ..دكومي يالله وارجعي لغرفتج ..ورتبيها مثل ماجنتي ..واريدج تهتمين بيه وغصب عنه لو حجه كلمة ..انطي اذن الطرشه وولاتعوفي ابداا ..سمعتي
شرت براسي اي ..
اكوا صوت بعقلي يكلي انت شنو ماعندج كرامه وترجعين علي ..ترى طردج كدام اهله وهانج خلي يولي ..بس بنفس الوكت ..الكي رجليني رايحات علي ..وقلبي مااينفع ويه الحجي ورجعت للغرفه ..وكمت رتبتها ..مافرحانه لكن كلت احاول مره ثانيه بلكي يتغير شي ..
رحت ركض للغرفه رتبته ورتبت غراضه ..وطلعت الي يحتاجن غسل ..وبقيت ارتب لحد مااجتي رقيه
رقيه وهي رافع تك حاجب ..هااا حنيتي يالخايبه ...
غاليه .. ماادري شسوي اسمع كلام خالتي ..لو اسمع كلامج ..
رقيه .. لج اسمعي نفسج ..لاتظلين هيج ترى جبتيلي شلل وربي ..
....
يتبع ....
🦋🦋.................................
🦋🦋
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/558/جبروت-الشيخ-وقلبي-2
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━