البارت السادس
==============
جبروت الشيخ وقلبي
...............
البارت السادس
بنات ...
والله جاي احاول انزل اكثر من بارت باليوم بس هم عذروني مالحك ..
واحب اشكر كل وحده تعلق تعليق حلو مثله وحتى بدية احفظ اسمائكم انتم اهل التعليقات الحلوة
لاتنسوا تابعوا حسابي بنات ..
متابعه طيبه حبايب الكاتبة بنين الطائي ❤🦋...
.....................
.
رقيه وهي رافع تك حاجب ..هااا حنيتي يالخايبه ...
غاليه .. ماادري شسوي اسمع كلام خالتي ..لو اسمع كلامج ..
رقيه .. لج اسمعي نفسج ..لاتظلين هيج ترى جبتيلي شلل وربي ..
ضحكت وتقربت منه وكرصت خدهاا ..احبه مااكدر اترك هيج بسهولة مو هسه من صار زوجي ..
رقيه بقت نفس النظره .. والله تستاهلين كلشي يسوي بيج ..ابقي هيج ماينلام من يكول فااهيه ..
حظنتها واني اعصر بيهاا .. خلي يكول الي يريده .. اني موافقه ..انتي شكوا ..
رقيه ..اخخ يمعودة يطبج مرض ..والله يربي العقل زينه ..اروح اشوف كتبي اذا ابقى يمج تصير عندي ضغط ..
بقيت اضحك مثل الهبله .. رتبت ملابسي وخليتهن بالكنتور بغرفته .. وعطرت الغرفه ورتبت كلشي ..
&&&&&&&&&&&&&&
شهاب ..
بعد كلشي ماخلص ..رجعت للدوام ..ولكيت الكل يباركولي وكلها تضحك وتسالني شلون زواج ..
واني جوابي .. عادي مثل ماانه لازودني ولانقصني
بكلبي ..هو مثل صدك متزوج وعريس ..شفتهمت كله خلصته حرك اعصاب ..
ونوب جماعتي فضيحه كلما يشوفني جاي اخابر
وبقوا ناصبين علي ..هاااا الحكومة ..وهاا صارت تحسبلك الايام ..بعد ماكوا منا منا ..
مايدرون حتي موبايل ماعدهاا ..ابقى بس اغلط عليهم
وهم ينهزمون ..
بيوم نزلتي .. جانت بيومهاا الدنيااا حاره ..
بالقوة وصلت ..اجانه الصيف وعذاب الطريق
اول مادخلت للبيت .. دخلت سلمت على امي لكيته بالمطبخ
وصعدت .. كتله اسبح ..وارجع.. ميت جوع
نزعت ملابسي ودخلت مباشر للحمام ..سبحت وطلعت بالمنشفه ..
باوعت لكيت ملابسي مال بيت محطوطه على جربايه ..ومال الدوام شمرتهن بالكاع مشيولات
انتبهت الغرفه مرتبه ونظيفه ..وريحته طيبه ..فتحت كنتوري مثل قبل وترتيب الغراض ..كله نفسه
لعد هاي اكيد رقيه .. والله عفيه رجعت كلشي مثل قبل
نزلت ..تلكتني غاليه على درج
عبرته واريد انزل بس اجاني صوته .. الحمدالله على سلامة
جانت مدنكة وتفرك بدينه باوعتله وحجيت واني انزل ..الله يسلمج ..
كعدت ..وحجيت ..يمه ..والله ميت جوع ..اشتاقيت لطبخ ماكوا اطيب منه ..اذا كملتوا صبي
امي .. اي ..من عيوني ..بس يجن البنات يصبن ..امي صاحت ..غاليه يمه ..انت ورقيه يالله حتى نتغداا
دخلت رقيه ..وسلمت علي ..بوستني وخذته بحظني ..وكرصت خدهاا ..جااي تقرين ..لووو لاا ترى اشو البصل على اذانج اذا ماطلعتي معدل ..سمعتي ..
رقيه .. بس كول ..يالله ..والله خليته على ربك ..بقت يمه ..وين توصل خلي توصل
ضحكت وحجيت .. والله مبين بوويه سالفتج داجه ..
رقيه .. لاا تخاف ..عندي مدرسس خصوصي بالبيت ..٢٤ ساعه ماتنطيني مفكه ..دك قرايه ..
جانت تباوع على غاليه وتحجي ..وغاليه تصب ..بس ابتسمت على حجيه
اني التفت على امي ..يمه ..سمعت علي عنده كعده ..شوكت
امي ..اي والله يمه ..باجرر ..وكال حضروا الديوان وبلغي شهاب
شهاب ..اي ..خابرني وبلغني ..ماعرفتي شنهي السالفه
امي .. والله سمعت رجال ضارب مراه من العشيرة ..ام بيت عيدان ..وعلي يكول ..هذواله ناس يدورون طلايب ومشاكل ..ورجال خطيه مشور بالتوقيف ورجال جبير
جنت اكل واحجي ..شهاب .. جااا غير امهم ..هم حقهم ..لو اني الااطلع روحه وراهاا هي اكوا اغلى من الام ..
امي .. اصلا هل المكروده ..جانووا شامرينهاا يم نسيبهاا رجل بنتهاا ..وتكلك تشتغل تبيع روبه وجبن للعالم ومعيشه نفسهاا .. ولدهاا محد بيهم يفكر حتى يروح شوفه عدل ميتة وكل واحد عنده موبيت قصرر ..وحالتهم المادية فوك الزينه .. ومخلينها تعيش حال ظيم حاله رجل بنت هم ناس فلاليح على كدهم .. هسه من نقتلت اجواا يدورون فصول ..
شهاب .. لا ياسكط ..ولد ساقطين ..هو هذا مونفسه ابنهاا اسعد ..جان وياي بالمدرسه
امي ..اي عفيه ..تذكره هو واخوانه من هم صغار شالعين كلبه لامهم
شهاب .. اي ..جااا شلون ماتذكر .. هو واخوانه اكبر سفله ومسقطين ماخلوا درب اعوج ماامشوا بيه .. تالي مدري طقواا بالحرام كله ..وين يروحون من حوبة امهم ..الله يطلعه بيهم ..بس هي الله يرحمهاا شلون نضربت
امي .. والله ماادري يمه ..من تروح لابو حسين انت تفتهم منه ..
شهاب .. يمه .والله اكلج ..بي طعم ماينشبع منه
امي بضحكه .. لااا يمه ..موطبخي ..هذاا طبخ غاليه مرتك ..
اني من كالت مرتك غصيت بلكمتي ..وكمت اكح ..
امي .. اسم الله ..شبيك ..
هي ركضت جابتلي مي ..وانطتني ..بقيت اباوع عليه بخزر .. اخذته وشربة وكمت ..
امي ..هااا وين رايح ..مااكملت
شهاب .. لا شبعت الحمدالله .. اروح اشوف علي وكمل كم شغله ..
رحت لعلي ..خلصت كم شغله ورجعت بليل
لكيت البيت هادي ..بس رقيه وغاليه كاعدات على التلفزيون
حجيت ..رقيه كومي صبيلي عشااا
كمزت غاليه ..اكعدي ..اني اصب
استغربت هااي شبيهاا ..تصورت من يوم السبعه بعد راح تحرم تجي يمي ..
بليل صعدت اناام ..تفاجت بوجودهاا بالغرفه
حجيت ..جاي تسوين انتي هنااا
هي ارتبكت ودنكت ..خاا.. لتي ..كالتي انااام هنااا ..راح افرش ..بالكاع ما...
اضوجك
ماحجيت عفته ..
ثاني يوم صارت الكعدة ..وصارت هوسه ..هذواله ناس بس دور مشاكل ..بس عدهم اخوهم الجبير شويه احسن منهم ..
علي ..قنعهم يطلعوا الرجال من السجن ونحلها عشائرين وياهم ..وافقوا وطلعوااا
وشفته من اجه رجال جبير وكوه يحجي يرجف ..وشكله فقيرر ..بس اتورط ويه ناس الغلط
بالبيت صرت اضوج من وجود غاليه داير مدايري ..
وتحاول اتخليني احس بوجوده ..بس تفتر وراي
وتهتم بكلشي حتى الاكل وشغلاتي كلهن..شحتاج الكيها جايبته الي ..وين مارواح شوفها ..هل شي ضوجني ..واحس ان كمت اتعود عليها ..فكلت احسن شي .. اكضي وكتي اكثرر بره .. مااريد اطخ بيه ولااريد احجي شي يزعل امي
لحد مااجنت كاعد يم امي احجي على هاي الطلابه الي ماتخلص ولاتفض
امي .. هسه ..عوف هاي سوالف ..وكلي انت شوكت ناوي تفضهاا ..ترى مايصير هيج حرام عليك
عقده حواجبي ..شكواا سالمين ..بوويه شنو شفض
امي .. بنت عمك ومرتك ..شوكت ناوي تاخذهاا ..لوتريد تطول سالفه ..ترى هواي صبرتك كلت خلي ياخذ وكته ..بس كافي ..هم عيبه بحقك ..لسه مااماخذ مرتك ..واني اريد اشوف جهالك كدامي يلعبواا.. ماعندي صبر ترى وهل بنيه كدامك ..جنه ورده الف من يتمناهااا
عصبت عليه .. يمه الخاطر الله جوزي من هاي السالفه ..ومية مرة كلت ..ماعتبره زوجتي ..واذا تلحين من باجر اطلقهااا ..وخلص من هاي سالفه ..شجلبتوها بركبتي قوه
امي .. والله ماتستاهل هل اللماسة ..والله باجر تتندم وتجي تبجي دم ..حتى ترجعهاا وكول امي كالت ..
شهاب .. عمي بالعباس ..بس خلصيني منهااا اذا كلتلج رجعيهاا طلقه وخلي براسي
طفرت من يمهااا ..وهي تحجي وترزل ولاا وباوعت وراي .. من اكول رجعت تتصرف هيج ..ولزكه وين ماروح ..
طلعت للغرفه لكيت كاعده تقراا ..من شافتني لمت كتبه وكامت تريد تطلع
لزمت ايدهااا قبل ماتعبر..
شهاب ..وووين ..جااا من اكول رجعتي لحالج ..عبالج راح اغير راي وتقبلج ..تحلمين ..وهاي قطنه وشيليه من بالج ..واريد اخلص منج اليوم قبل باااجر ..فلاا تبقين تلعبين برااس امي ..
سحبت ايدهاا ..وطلعت بلااا كلمة .
واستمر هل الوضع ..
هي مااتروح من كدامي وتهتم بيه بدون ماتحجي ..وشكلهاا وشحجي ..تسكت ودنك وماترد ..
سوت بيه جلطه .. مااكواا عبالك احجي ويه نفسي
وامي كل اجازه وفتحت الموضوع وياي خبلني ..وشماا احجي وعصب وتعارك ..مااكوا شي يتغير
بيوم جنت كاعد اتريك جانت بس امي موجوده ..كعدت خلتلي الاكل واجتي يمي ..
ام علي .. يمه عندك طلعه
شهاب .. اي عندي شغل ويه علي اخلص ورجع
ام علي .. يمه اكول .. ليش ماتروح للطبيب .. وترى شغله عاديه كله تروح للطبيب ..
شهاب عقدت حواجبي باوعتلها .. جاا خيرج يمه شنو من طبيب .. مو كدامج كلشي مابيه
ام علي .. يمه اليوم صارلك شهر من تزوجت وانت ومرتك عاشين تكول اخوان .. مايصير هيج روح شوف طبيب يمه هواي تصير ويتعالجوا وعادي يرجعوا ..
تعصبت منها وكمت على حيل ..جااا صدك تحجين يمه .. انا اروحن اتعالج .. بوويه انه بمية رجال تدرين انه ماريدها بنت اختج .. وماتقربت منها مااشوفنهن مراه الي .. كل عمري تعامل وياهاا ببرود .. واني روحي ماتتقبلها مراه
ام يمه ..ياا يمه شلك بهذا الحجي .. قبل شي وهسه شي .. والبنت ماقصره بشي لاتكول شكلها بي شي وماتتقبلها ولا هي صغير وتكول ماترهم عمرها ١٨ سنه اني اصغر منها وابوك تزوجني وبسرعه حبلة ..
شهاب .. ماراح تسدين هاي سالفه .. حتي اكل ماريد اكوم اطلع احسن ..
طلعت رحت يمه علي ..
علي .. همزين اجتي .. اليوم كعده بالديون بلغت امي .. تعال نروحن ..
شهاب .. خير خوما صاير شي
علي .. لا بوويه بس سالفه هذا حميد لنجم يوميا يجي يشكي .. كولن اهل كتلهم الجوع .. الم محصود كله وانطي فصل هم الله مايرضها .. صاحب عائله جبيره وعنده هواي نسوان بركبته ..كلت ادعي بيت عيدان ونحلها وياهم ..
شهاب .. خوش يصير خير
رحنه للبيت .. وكعدنه بالديون نشرب جاي نتظر العالم تجي جان يمي جهاد ومرتضى .. كعدين يحجوا وعلي بصفي كام يحجي بصوت ناصي بيني وبينه ..
علي .. بويه سالفتكم طوله شلقضيه .. اذا اكوا مشكله كلي حتى نحلها ..لاتبقى ساكت وكاعد هيچي
شهاب .. يااقضيه بوويه مافهمتك
علي .. دنك علي وحجه .. بوويه انت ومرتك .. شنو سالفتك
وكتها ضجت ضوجه احتركت .. يعني كاعدات يلعبن بعصابي هين اني الجن .. طبعا فرت فور وماعرف شرد علي .. احس نار تطلع من عيوني .. والله تمنيت هسه ادخل عليهن وسويها كربلاء فضحني .. ونوب اخوي جبير خجلت منه كتله
...
الله كريم يصير خير
علي .. اي بوويه اريدك ترفع راسنه .. مايصير هيج لاحد يسمع بيك وتعال سكت هذا وفهم هذا .. وهنا ناس تعرفها بكلشي لزم تحط خشمها ..
احس صرت شكدودتني كدام .. بس اني اعلمهن .. هذا الي يعيش ويه نسوان بس طياح الحظ .. احس جاي اغلي من جواي مادري حتى شرديت علي ..
الكعده كلها اني بالي مو يمهم اريد حل يخلصني من هاي السالفه .. ماكدر اطلق وماريد اتقرب منها احس انزل نفسي خاصه بعد حجيها وياي .. هي تدري راح يضغطون علي فسحبت نفسها مني حتى ارجع اتوسل بيها .. بس لو تطلع نخله براسها...
حسيت علي صوت علي .. بوووي انته شيخ شهاب شنو رايك
بقيت صافن مادري جانوا يحجوا .. برد عليهم ابن عم ابوي .. من رخصتكم .. كتله تفضل ابن العم .. كال اني شوفن لو سالفه تنسد حرمه بحرمه ..
شيخ علي .. جاا شلون حرمه بمحرمه
ابن العم .. بوويه اني اكولن الرجال ماكاصد يسحك الحرمه
وهي مراه جبيره بالسن .. فكول بيت حميد ينطون فصليه لبيت عيدان وتفض الشغله وهم يصير بدال العدواه نسابه ..
الشيخ علي .. بوويه اني من زمان مااقبل بفصليه تصير خاصه بعشيرتنه .. بس اذا تحل مشكله ماعندي مانع بس كون الطرفين يوافقوا ..
حميد .. جااا شيخنه احبن يدك .. الي تشوفوا اني امشي عليه .. بس خلصوني من الدين مااظل على حالي حاله
كاام ابن عيدان وكال .. نقبل فصليتهم بس بشرط .. بتهم تجي لحد بيتنه .. وابوها اجيبها .. وتاخذ ابووي
حميد .. دخيلكم شيخنه .. بنت صغيره وابوهم رجال شايب .. اكبر مني جاا شلون انطي بنتي
شيخ علي .. بوويه مايصير .. شلون ابوكم رجال جبير بالعمر ومابي يعين نفس يكوم .. جاا ياخذها تنظلم ويه البنت
ابن سلطان .. جاا شيخ احنه كلنه متزوجين والحمدالله .. وبعدين ابووي يحتاج مراه تعينه وتساعده وهي فصليه تكعد داري .. امي الله يرحمه جانت شايلته وهسه محتاح وحده تعتني بي ..
حميد .. حرام اضلم بي البنت .. بوويه شيخ علي اني هديتكم البنت الكم .. وانتم امن الناس تحفضوا الامانه ..
شيخ علي .. بوويه رحمه الله والديك .. مقدر هديتك وخوفك علي بنتك .. بوويه اعذرني اني مااخذ فصليه مااقبل علي نفسي .. والحمدالله عندي اثنين نسوان مااكدر اضلم البنت وياي .. وبنتك ياخذها واحد بيهم وهذا وعد مني ..
شفتهم ضاجواا وماقبلوا بحجي علي .. ومن غير شي هذواله شايفين نفسهم اذا اخذوا البنت راح يعذبوها ويلعبوا بيها طوبه على ابو فصليه...
بعدين صفنت وكلت والله اجتي ليمي...
شهاب .. من بعد اذنكم اني عندي حل .. يرضي كل الاطراف ..
شيخ علي .. اي كول خوويه ..
شهاب .. انت اهديته النا واني قبلت هديتك بوويه .. واعتبر بنتك امان بركبتي .. وصديت علي ولد عيدان..جااعدكم اعتراض .. كلهم كالوا لا .. بعد مااعدنه اعتراض ..
باوعت علي علي مصدوم وماامصدك .. وجهاد فاك عينه يباوعلي ..ابتسمت واجه يركض حميد يريد يبوس ايدي سحبتها منه .. كالي نقذتني شيخ ونقذت بنتي .. دينك بركبتي كل عمري .. طبطبت علي جتفه .. جاا ماسويت شي واجبي هذا ...
&&&&&
غاليه جان يوم الجمعه وكاعدين نتريك اني ورقيه .. وخالتي كاعد تشرب جاي متريكه قبلنه ..
رقيه .. والله حلمت حلم البارح ..
غاليه .. خير ياستار .. والله احلمج كلها افلام هنديه
رقيه .. يااا انجبي ولج .. والله حلمت جاي اخذ النتيجه مال الامتحانات وطلعت راسبه .. وكعدت ابجي وعيط والله جابوبت والله زين ليش رسبت .. لكيت المديره وكلتلي هاج هاي ورقه سوي اعتراض والله كريم ..بس شنو شبعت بجي ..
خالتي.. عادي يمه هاي من التعب مال الدراسه .. يصير واحد دماغه يشتغل وحده ويشوف كل الاشياء اليخاف منها
غاليه .. اي العقل الباطن .. وبعدين عيني اخذي تحذير هاي لان كل الوكت مضيعته انتي ماتقرين ..
رقيه عيونها كامن يرمشن علي وتاشر بعيونها .. اسكت كدام خالتي .. تالي خالتي كعدت ترزل بيها ..
رقيه .. هسه ارتاحيتي ست غاليه .. الا ناكل رزاله يالله تسكتين ..
غاليه ..ههههههههه تستاهلين حتى تنتبهين اكثر
رقيه .. والله صوجي كاعده احجيلكم احلامي .. اصلا المفروض مني اعرف النتيجه ..
كاعد نضحك وبيدي كراص مي .. وخالتي مستمرة ترازل بيها .. اجانه صوت شهاب فتح باب المطبخ ..وهو مبتسم ابتسامه عريضه...
شهاب .. صباح الخير
ردينه كلنه .. صباح النور
خالتي.. تعال يمه تريك .. شو اليوم طالع من الصبح ماشفتك
مادري ليش كلبي نخزني خاصه شكله مايبشر بخير من تزوجنه لسه ماشفت ابتسامة واليوم مبتسم اكيد اكوا شي ..
شهاب .. تعالي بووي فوتي ..
فتح الباب ودخل بنيه تمشي وراه ومدنكه .. ولابسه عبايه كلنه بقينه صافنين .. اني جنت بعدين اشرب مي .. من شفته بعد ماكدر ابلع ..
خالتي.. خير يمه .. منو هاي
شهاب .. هااااي .. زوجتي دموع
وكتها ماعرف شصار بيه وكع الكلاص من ايدي وتكسر .. واحس اذاناتي كامن يوشن .. ماعرف اوصف الصدمة الي نصدمته .. احس اديني ورجليني كامن يرجفن وبعد ماكدر اجر النفس .. بس اباوع علي انتظر يكول جاي اشاقه ..
خالتي.. شلون .. جاي تشاقه اكيد
شهاب .. ليش اشاقه .. قابل اول واحد اخر واحد ياخذ ثنين .. دخلي بويه .. كومي ولج اخذيها فوك بغرفة زيدون
كامت رقيه .. وهي تباوع علي خالتي .. خالتي بس صافنه علي .. اني على وضعي
خالتي .. يااا .. ولك شوكت ومنين جايبلي هاي مصيبه .. وجاي .. جاي تلعب على اعصابنه شهااااب ..
شهاب .. شكوا شمالج .. شتردين اسوي ابوها انطاها هديه .. وعيب نرجعها بعد .. وهاي فصليه بس ممنوع وحده بيجن تتعامل وياها ان هي فصليه .. هاي مرتي صارت مرت شيخ شهاب ..
عافنه وصعد .. واني علي صدمتي .. باوعت على خالتي
غاليه .. بعدنه شهر من تزوجنه .. تزوج علي .. خاله وجابها ويه عادي بكل بساطه ...
دموعي كامت تنزل عشره عشره
خالتي تقربت حضنتني وتمسح دموعي .. كافي يمه .. مايستاهل دموعج .. والله لربي من جديد اني اله شهيبان حرك دمنه ..
اخذت الموبايل وتصلت على علي .. وصارت تتعارك ويه .. ليش قبل وشلون خلا ياخذها .. وعلي يهدي بخالتي ويكلها ان هي انهدتلهم وعيب بحقهم يرجعوها .. وابوها رجال فقير ومن هل حجي الي ماامصدكه صارر واجتي وحده اخذته .. يعني كل الوكت احاول اكسبه بكل طريقه
وكوم وخسره وتاخذه وحده ثانيه .. احس نار بداخلي واتمنى اصرخ بكل قوتي .. وطلع صوت قهرتي وابجي بقوه .. بس لزمه نفسه مادري ليش ..
خالتي بقت بس تلوب .. لاتكدر تكله رجعها بعد سمعته من علي .. ولاتكدر تتقبلها .. وباقيه تفتر وتاكل بروحها اني ماعرف اوصل احساسي .. جنت لسه مصدومه وصافنه
&&&&&&&&&&&&&&&&ة
شهاب بعد زواجي من بنت حميد عقدة بيتهم وجبتها واجيت .. مااخبرت امي بالصار ولاخليت احد يكلهم .. ردت افاجاهم بالعروس .. وصدك نصدمن غاليه وجهه صار اصفر ماتحجي ولاتنطق بعد .. امي ادري راح تغضب وتضل تهوس وتحجي وتزعل بس بعدين ترضى واني اعرف شلون اراضيها ..
البنيه جانت .. عمرها صغير ١٩ يعني اكبر من غاليه بسنه .. بس خشنه كلش يعني مبينه بالعشرينات .. سمره صح بس معانيها حلوة وعيونها خضر .. مااجان همي شكلهاا ولا شي بيه لكن همي ..انطيهم درس مااينسواا
المهم عفته بغرفه زيدون كلت علما تتعلم علينه ..بليل نزلت اتعشاء .. مالكيت احد صحت رقيه
..بوويه شنو اليوم مسوين اعتصام .. ماناكل
رقيه .. ماتاكل منو لزمك
شهاب .. لج احجي عدل .. وكومي سويلي عشاء
رقيه .. اي ااااي
دردم بينها وبين نفسها .. متزوج اثنين وبعده يصخرني شوكت اخلص يربي ..
شهاب .. صعدي اكل للبنت
رقيه .. اي ليش لا وتعوج بحلكه
كملت وشربت جاي وصعدت دخنت جكارة .. واصفن مادري سويت هذا بصالحي لو لا .. بس الصار صار رغم اخذت قرار بسرعه بدون تفكير اجه وصارت كدامي ..واني جنت ضايج بيومها .. ردت اشوفهن شنو اسوي من احد يجبرني على شي .. طفيت الضوه والتلفزيون .. ونمت
كعدت الصبح باوعت زين الساعه بالثمانيه .. رحت للحمام سبحت .. بدلت لبست دشداشتي النيلي وغتره بلونها .. ولبست ساعتي ونزلت .. جان الكل بالمطبخ كاعدين يتريكون .. تذكرت اليوم سبت البنات بالبيت ...
دخلت المطبخ وسلمت بس وجوهن كلهن مطنكره ماردن عليه ..
شهاب .. موكلت صباح الخير ليش ماتردن
الكل ............
شهاب .. خوش صايرات كلجن حزب واحد خلجن هيج احسن
ماكوا رد ياكلن بلا صوت وامي ماباوعت لوجهي اصلا ..ضجت صدك ..
امي.. يمه غاليه انطيني القوري ..
غاليه .. اي خالتي .. اني اصبلج
رقيه .. خليلي هم ..
يحجن بيناتهن واني مامعبراتني .. فار دمي من صدك وتحلفت بيهن بسيطه ..
صعدت فوك بسرعه .. ودكيت الباب
دموع .. هااا
شهاب .. بويه يكولون منو .. مو هااا
فتحت باب وهي مبتسمه .. شيخ شهاب .. اصباح الخير
شهاب .. صباح نور .. يالله تعالي حتي تتريكين ويانه
دموع .. يااا جاا ليس هجي تكلف نفسك وتجي بس ناديلي اني اجيك اركض .. جاا بعد شيخ شهاب يدك بابي حتى انزل اكل وياهم ..شريد من الدنيا بعد ..
شهاب ابتسمت بوجهه .. يالله مشينه
نزلت وهي تمشي وراي .. جانن بعدهن ياكلن ويحجن .. خليت ايدي علي جتف دموع .. ودخلت بيها للمطبخ كدامهن ..
شهاب .. دموع صبحي علي عائلتي السعيده .. الي راح تصير عائلتج انتي هم
اعاين على دموع وجهه يضحك ومامصدك طايره من الفرح .. واعاين علي عليهن وجهن نكلبت ..بعد شويه ينفجرن ..
دموع .. صباح الخير
الكل رد من وراه خشمهن .. صباح النور
شهاب .. تعالي بويه اكعدي .. شوفي هاي امي هاي الكل بالكل بالبيت كلشي تكول هو اليمشي .. اباوع لامي مارفعت راسها وباوعتلي .. صديت على رقيه .. وهاي رقيه اختي الصغيره .. وكلشي يخصني هي تهتم بي .. ورقيه هم ماباوعت علي .. اما هاي .. باوعت عليها هاي اسمه غاليه وهي بنت عمي ...
ومثل اختي ..كلهن صارن يباوعن علي...
.كملت واني رافع حواجبي .. وعتبريهن اخواتج
&&&&
غاليه .. بعد كلشي سوا .. ولا كانوا دخل يسلم ويحجي عادي .. بس ماردينه عليه .. كلنه اخذنه موقف منه مو بس لان تزوج علي .. بس ناس وشمات شراح يحجواا اشاف بيها ليش ماصار شهر تزوج عليه .. هواي اسباب خلتنه نكطع وياه كل الحجي لان السوا مو شويه .. بس تفاجت وكلبي نمرد من شفت دخل حاظنها للمطبخ .. احس شايل سجين ويجيب ويطعن بكلبي كل شويه بلا رحمه .. واخر شي يقدمني اله ان بنت عمه واخته صدك يحجي لو يريد يقهرني مادري تشتت وماعرف شسوي بعد ..
دموع .. كل الهلا بيهم .. واهلك على راسي وانشاء الله اصيرن اختهم ..
امي بعصبيه .. الحمدالله .. اقوم اخذ علاجي ..
غاليه بحزن .. شبعت الحمدالله .. اورح اقرا
رقيه بنظرة حقد .. اخذيني وياج ..
كله كامت .. بقينه بس انه و دموع .. اني ماهتميت بقيت مدنك اكال ..
دموع .. شيخ انا حجيتن شي موصحيح .. اشوفن كلها كامت
شهاب .. بوويه مااعليج منهن .. اكلي واي احد سمعج كلمه وعليت صوتي .. لو حرف تكليلي واني اصرف ويه
دموع وهي طايره من الفرحه .. فدوه الكلبك شيخ .. ماتقصر والله .. وانشاء الله مابينه غير الخير
شهاب .. انشاء الله .. يالله اني طالع .. وشغله وحده حطيها بالج امي ثم امي .. كلشي تحتاج وتطلب اريدج تسوي ..
دموع .. اي بعيوني .. تطمن الله ومحمد وعلي وياك
استمر الوضع هيج مااجان احد يحجي وياي يومين وهم مگطعيني .. دموع جانت تشتغل وتسوي كل شي تكدر عليه حتي تكسب الي بالبيت .. مبينه شاطر واعيه .. بس ماتقربت منها .. ماعندي اتجاه اي رغبه .. ماعرف ليش ويمكن خفت اضلمها .. لان قصدي من زواجي منها هي ضربه وجهته لامي ولغاليه .. رغم ماجانت دموع طايره من فرحته بيه .. وتحاول ترضيني بكل طرق ..
بيوم الثالث من زواجي ماتحملت زعل امي عليه ودخلت الغرفته لكيته كاعده تسبح علي جربايه .. ركضت وحطيت راسي بحظنها .. دفعتني بلا ماتحجي .. رجعت حطيته
شهاب .. كاافي يمه .. والله احس الدنيا مابيها طعم بدونج .. تقبلين هجي تشوفين وماتكلي شبيك اليوم وشلونك
ام علي .. من ايدك
شهاب .. يمه والله ماكدر علي زعلج انتي عندي دنيا كلها .. بوويه اذا زعلانه علي زواجي مستعد هسه اصعد اطلقها للبنت ورجعها لاهلها ..
ام علي .. ياا وتكسر بنت العالم حرام .. كافي سوايتك بنت عمك
شهاب .. بوويه شسوي نفرضت علي وماكدرت ارجعها لخاطر ابوها .. خطيه تدرين ماعدهم ينطون فصول ولا ترهم نقبل البنت تزوج شايب بكد جدها ..
ام علي .. اي وتبرعت انت تاخذها .. ولك لمن جنت توكع فجوجي اطلب منك تزوج ماترض هسه بسرعه وافقت
شهاب .. مو كتلج حبيبيه الصار .. واذا عبالج قاصدها تري عادي عندي اطلقها هسه بس تاشرين ..
ام علي .. لا يمه .. مااحمل ذنب بنت العالم
شهاب .. تقبيلن اني احمل ذنب .. اذا بقيتي ماتحجين وياي اترك البيت وبعد مارجع .. شسوي بالنسوان وبالبيت وامي ماتحجي وياي ..
ام علي .. لا يمه وين وتعوفنه تهون عليك ترباي وتعبي يروح هيج .. ولك يمه شعندي غيركم .. بس شنو ذنب هل يتيمه تتعذب وياك .. ولك يمه هاي امانه باجر لو سالونه شنكول ماكدرنه نحافظ علي الامانه ..
شهاب .. هسه انه شمسويله مامسويله شي .. قابل سبيتها ضربتها .. كل صار هي تدري انه ماريد اتزوج ..وخاصه منهاا ماتقبلها مراه الي ..شي خاص بيه مااريد احد يفرض علي يعني لو خذتها واظل اعذب بيهاا وتعامل ويااها موزين جان كلكم هبيتوا علي وكلتواا حرام عليك ويتيمه ومن هاي سوالف
هسه اني بالعكس ..ماظلمته عفته مثل ماهي ..موكل همج جان تبقى كدام عينج ومحد يجيبه بطاري هل صار هل شي بعد شتردين مني ..
ام علي .. اوف ياشهاب .. لاتتسرع بقرار تتندم علي باجر ترى محد يفيدك غير لحمك ..
نهضت وبستها من راسه .. جاا انتي بس ارضي علي .. انه ماتندم على شي بعد ..
ام علي .. واني شعندي غيركم .. الله يرضى عليكم حبيبي ..
الحمدالله امي رضت وجنت فرحان صار هواي محاجيلها .. كعدت احجيلها كلشي صار وياي من طلعت لحد مارجعت ..وغفيت يمها بالغرفه بلا ماحس .. للصبح كعدت شفته تصلي .. صبحت عليها وبست راسها هي على سجاده وطلعت صعدت فوك .. سبحت ونزلت .. وكالعاده رحت على جهاد وخلصنه كم شغله .. ورجعت اني ويه للبيت كتله نتغدا سوا...
&&&&&&
غاليه .. ماعرف اوصف شعوري بهاي الايام بس احس نار وتاكل بيه .. ماحجيت ولا طلعت الي بداخلي لو احجي يمكن احسن اخلص من هاي النار التاكل بيه .. كمت احاول اركز اقرا حتي ماانتبهه الي يصير ..
رقيه .. غاليه .. غااااالوووي
غاليه .. هاا شبيج
رقيه .. ياا صار ساعه احجي وياج بيش صافنه وتفكرين
غاليه .. هه .. وبشنو ماافكر
رقيه .. عادي حبيبتي لزم تتوقعين هذا واحد خبل .. وتصرفاته كلها خبالات .. يعني منو يتوقع .. يتزوج وجيب وحده ويه للبيت ويجي .. شغله ماتصدك .. بس اني مستخطيه هل بنت ماتعرف بيش وكعت ..
غاليه .. هي خطيه لعد واني لج احس نار تاكل بكلبي .. من دخل بيها لحد ذاك اليوم بالمطبخ من حاضنه .. راح اموت .. شنو بيها مابيه احلى مني .. لو بيها شي زايد .. كليلي بلا جذب رقيه ..
رقيه .. والله مابيها شي زايد .. بالعكس الفرق واضح كلش انتي احلى بهوواي .. بس حظوظ خيه .. وهي زكه حظها توب ..
غاليه .. لا .. موحظ وداعتج .. مايحبها .. جابها بس حتي يقهرنه .. ويثبت رجولة كدام الكل ..
رقيه .. مافهمت .. شلون يعني
غاليه .. يعني من يكعد يمنه مايبوع عليها .. ولا مره .. من يحجي وياها عينه علينه .. من اجت لسه مادخل غرفته ولا صاحها لغرفته .. ولا مره وحده معناها لسه مو متقبلها ..
رقيه .. ياا شكد منتبهه عليهم لعد .. خرب اني مطفيه مادري بكلشي ..
غاليه تنهدت .. اي .. لا نه احبه .. ماكدر مانتبهه من وعيت لسه منتبهه علي كل تفاصيله .. حتى اعرف اليوم اليجي بي ضايج ومهموم .. واليوم اليجي بي فرحان ومرتاح .. اه و ياريت حس بيه ولو مره ..
رقيه .. يبووو يلعن ابوو الحب الي هيج يشلع الكلب ..
جاي نحجي واجتي رساله لموبايل رقيه كمزت تركض ..
غاليه .. يااا كبر شجاج .. موكعدين نحجي مثل بشر ماتبطلين خفه ..
رقيه .. اي .. ولج رساله من الحب .. يمه يمه .. كلبي
غاليه .. يااحب انجبي مصدك نفسج انتي ..
رقيه .. لج غلوي .. يكلي اني هسه ويه ابن خالي بس افرغ احجي وياج ..
كمزت من مكاني وقفت اباوع علي مسج وياها .. لج اسالي منو بيهم ..
رقيه ..ههههه لج هسه كلتي بطلي خفه .. هسه تريدين تعرفين منو ..
غاليه .. اش بلا لغوا .. اسالي يالله
رقيه .. لحظه .. .. هلوو ولج شهوبي بووي لو يدري جان صارت ركبتي بجهه وجسمي بجهه ..
غاليه .. يعني طالعه ويه جهاد .. شنو جاي يسون
رقيه .. مصلحجيه .. مايهمج بس حبيب الكلب ..
غاليه .. بس انجبي .. اسالي ولج
رقيه .. ولج حيوانه .. لايروح يلكفني شهيب العزران ..
غاليه .. انت غبيه .. اذا هو جهاد مايعرف انتي منو .. شلون شهاب يعرف ..
رقيه .. ولج جهاد فقير .. هاي صار خامس حساب اسوي وادخل عليه ومايعرفني نفسي .. بس هذا جنه سليمه ونبي كلمتين يعرفني .. ماتعرفي اعلمج بي يطلع الميت من كبره
غاليه .. خلص عوفيه لاصدك يلكفج .. بعد شخلصها .. بعدين انتي ماتوبين يوميا يكضي وياج كم يوم بعدين يطفج .. اصحي علي نفسج لو تروحين مباشرة تحجين ويه لو لاتضلين تتختلين بحسابات وهميه ..وعايفه دراستج وشاغله وكتج كله بي ..
رقيه .. لج احبه .. وماعرف شلون اوصله .. كلما ادخل عليه .. ياخذني حجي وكلام وقول خلص حبني راح اكله منو اني .. فجاه الكي رجع يرزلني ولاتدخليني بحياتي .. لمن اخر شي يركعني بلوك .. راح تخبل شلون اوصله
غاليه .. احجي ويه مباشرتن وفضيها شفتي يبادلج الحب كان بها .. اما اذا لا فخلص انسي .. وطلعي موضوع من بالج ..
رقيه .. ليش هي هيج سهله .. زين ليش ماسوتيها انتي ؟
غاليه .. اني...
غير جهاد يتخلف عن شهاب .. وانتي توج كلتيها بلسانج ..
رقيه .. اني بالنسبه الي واكعه بنارين .. بين الاثنين تدرين اذا شهاب عرف شيصير بيه .. ماكدر اجازف وكل لجهاد بلكي كله وهو اقرب اله من اخوا ..مااكدر اخاف ولج
غاليه .. خلص عوفيها علي الله
جاي نحجي وسمعت صوت سيارة شهاب دخل للبيت .. رحت للشباك اباوع غرفتنه متسلطه على طرمه كلشي اشوف .. بس هي بعيده عن الباب خرجي مسافه جبيره اكوا بالحديقه اشجار عاليه ونخل .. يعني تكول بستان مو حديقه .. المهم شفته نزل هو ويه جهاد ..
رقيه .. لسه تراقبي ماتبطلين وتثقلين شويه ..
باوعتلها واني رافعه تك حاجب .. مو جنه هذا جهاد ويه
كمزت تركض عليه .. عليج العباس .. وينه
غاليه ..ههههههه هااا ام الوزن
رقيه .. اشش .. ولج شوفي شحلاته تكول كمر .. فدوه للطول اني
غاليه .. والله يربي
وبنفس اللهفه نزلنه جوا .. رقيه دخلت للمطبخ اني رحت الغرفة خالتي ..
غاليه .. خاله دواج اخذتي ترى صار وكته
ام علي .. اي يمه همزين ذكرتيني انطيني اخذه ..
انطيت الخالتي دوه .. ورحت جبت مي من المطبخ .. لكيت دموع واقف علي جدر وتحجي ويه رقيه ..عفتنهن ورجعت ..انطيت مي الخالتي .. وكعدت يمها
جانت تحجيلي عن ايام قبل .. وعن امي وجدي شلون جان صعب ومايتحاجى وتوفى بعمر جانوا كلهم صغار .. وعن حياتهم قبل جنت اموت على حجيه احس قصص تشبهه الخيال .. من صفن اكول لعد ليش هسه ماكوا مشاعر قبل حتي الحب قبل مثل قصص الخيال .. شكد القدر يلعب بالمحبين وشكد يقاومون وبالاخير ينجمعوا قصصهم تخليني اتمني لو عشت بزمنهم ..
اندكت الباب .. اني عدلت شالي .. وصاحت خالتي تفضل .. دخل شهاب سلم .. وردينه عليه .. وبعده هم دخل جهاد
كعدوا يحجون ويشاقون ويه خالتي .. اني عفتهم ورحت للمطبخ .. لكيت رقيه واقف ومنسجم بالحجي ويه دموع كعدت على ميز بلا محجي .. بس ضجت مادري ليش ..
رقيه .. تقربت حظنت غاليه حسيته ضاجت من شافتني احجي ويه ودموع .. حقها مالومها لو اني منها .. والله الا اكالها بسنوني .. صرت اكرص بخدوده .. وهي خدوده تكول تفاحات .. كامت تضحك وتبعد بيدي
دخل شهاب .. جاا بوي الغدا جاهز
دموع بسرعه ردت .. اي جاهز .. بس امر نصبن
شهاب .. لا بويه فد دقيقه .. اروح اجيب الموبايل ناسي بسيارة جهاد ورجع ..
دموع .. تأمر بعيوني ..ننتظرك
رقيه .. خفي شويه دموع
دموع .. هااا علي
رقيه .. يااا ترى هواي تتلوكين لشهاب ترى شهاب واحد خبل لا تظلين دللين بي ..
دموع .. ليش .. شوو فدوه العينه يستاهل مي العين .. كاافي طولهر اروحن فدوه
رقيه باوعت على غاليه ماعرف شوصف نظراته .. ماعليج .. هاي وحده لوكيه .. باجر يسودن عليه وتعرف تحجي هيج بعد ..
دموع .. شنهي سالفه .. ليش تحجين هجي علي والله ماشفتن مثل يكفي وكفة ويه ابوي .. والله رجال كد كلمة نقذني وخلني مرته .. بعد شريدنه من الدنيا .. هذا شيخ شهاب كله بنات السلف تحلف بااسمه ويتمننى ..
رقيه .. محسستني نحجي على مهند .. بس تدرين بي مزوج ..
دموع .. اي ..كله تدري بس ماشفتن مرته صدك ..شعجب وينها
غاليه .. اروح اقرا اني ..
رقيه .. لحظة غاليه وين .. ماتتغدين ويانه
غاليه .. لا مااشتهي ..
باوعت علي دموع .. والله بومه انتي
دموع ..هههه يااا ليش .. بس مقبولة منج انتي مثل خيتي
عفته ورحت على الاستقبال اباوع من باب جهاد كاعد يلعب بموبايله .. يمه فدوة للكعده وللطول .. وللوجهه
دخلت علي ..
رقيه .. شلونك ابن عمتي
جهاد نهض على حيل وسلم .. ياهلا بنت عمتي .. جاا شخبارج شو اليوم مامداومه
رقيه .. لا اليوم عطله .. اني الحمدالله انت شخبارك اشو ماتسال ولا تجي بالسنه حسنا
جهاد .. والله مشغول .. تعرفين دووام وروح ورجع ماعندي وكت ..
اي شخبار السادس وياج ..
رقيه .. تمام الحمدالله .. بس ردت منك تشرحلي ماده بالانكليزي .. اذا عندك مجال
جهاد .. اي تدللين .. بس انطيني خبر واني اجي اشرحه الج ..
رقيه صرت ادلع بالحجي .. فدوه الكلبك ابن عمتي .. الغالي
هو بين التفاجى وبين الستحه مني .. لا تامرين انتي مثل اختي ..
هستوني اريد اكله اني مواختك .. ودخل شهاب .. هاا جاي سوين هنا ولج
رقيه .. جنت اسلم علي ابن عمتي
شهاب .. روحي خلي يصبوا كتلنه الجووع ..
جهاد .. جبت الموبايل ..ماخليتني اروح وياك
شهاب .. اي .. مايحتاج بسرعه جبته واجيت
شهاب .. تغدينه وكلمنه شربنه جاي .. كعدنه شويه وبعدين طلعن نفتر .. رجعت بليل
دخلت جانت صنته كلها .. باوعت امي نايمه ..صعدت فوك هستوني اريد افوت الغرفتي سمعت صوت التفت
دموع .. شيخ شهاب .. جاا اكدرن احجن وياك بموضوع ..
شهاب .. كولي بويه ..
دموع .. هنااا .. اكدر افوتن جو احجن ..
شهاب .. زين بويه فوتي لغرفتج واني ابدل واجيج
دموع .. باامرك شيخ
دخلت بدلت ..وخليت موبايلي علي ميز هو السويج ..باوعت غاليه شالت كلشي يخصهاا من الغرفه ..من يوم الجتي دموع ولسه ..وهي رجعت لغرفته القديمه .. مهم طلعت دكيت الباب ..فتحت وهي تحجي
دموع .. ليش ادكن الباب .. هذا غرفتك هم ..
شهاب كعدت علي سرير .. اي بوويه كولي اسمعج
تقربت كعدت بصفي واخذت ايدي .. بقيت صافن عليه
دموع .. اني بين شي مايعجبك
شهاب .. لا بس مااريدن اضلمج ويه ينت الناس
دموع .. تضلم شنهي .. اذا انت نفسك نقذتني .. اني اريدن اسوي اي شي اردن بيه دينك عليه وعلي ابووي
شهاب .. لابوويه مااسويت غير واجبي
دموع .. بس انا لزم احجن الي بكلبي .. اني من زمان هويتك وبالي .. كلما تمرن بالقريه نبقى ان وبنيات القريه انتباوع عليك .. جنك العيد .. اني اصلا مامصدك صرتن مرتك ..
شهاب ابتسمت .. هيج اني عندي تاثير ..واني مادري
دموع .. شنو بيك ماينحب .. شخصيه وهيبه ونظرتك تذوب الروح .. والله بيوم الي اشوفنك ابقى ليلي مانام .. اتحلم بيك ..
شهاب .. مولهذي درجه ..بعدين اصدكن بروحي ..
بلا مقدمت لكيته تقربت مني وصارت تبوس بيه .. صدك تفاجت ماجنت متوقها هيجي جريئه .. مبينه فقيره على نياته .. بس دومي انصدم بالنسوان ..
عرفتك موثقه وماتملك أدنه أحساس تاخذ بس كﻻمك وعليه اتفرضه وعرفتك ﻻأبالي تبيع كلشي بساع متعلم الظلم وصحبتك فوضه بعدني بساف اﻷول حضرتلك فاس وانته وي اﻷساس امبيت اﻷرضه ضنيتك درب بلور وأمشي عليه ثاريك اطلعت تحت الجدم شضه ياصحبة عكارب ماتعرف الناس تلدغ بلعكس وعيونهه مغمضه يسئلني البعض شايل الدنيه اشبيك مكتوب الزمان وكلمن وحظه لتعب السانك والحجي ميفيد مرات الحجايه اتجيبلك عرضه زيرت الجرح كووه اعله راس الخيط بس جرحي غميج وخيطك يرفضه كلشي بنظرتك مومنطقي ومعكوس مكسور العظم وتكلي بي رضه...
يتبع...
........
🦋🦋.......................................
🦋🦋
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/558/جبروت-الشيخ-وقلبي-2
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━