الفصل مئة: هــــــــــــــروب٥
━━━━━━━━━━━━━━━━━━
..
الليل كان بيخفّ شوية…
والنهار بيحاول يمدّ إيده من بعيد، كأنه بيقول لهم:
“لِسّه بدري… ولسّه الطريق طويل…”
مهند وأنس مكملين…
خطوات تقيلة…
بس فيها إصرار غريب، ملهوش تفسير غير إنهم الاتنين ماسكين بعض من غير ما يقولوها.
مهند كان كل شوية يبص حواليه…
كأنه أول مرة يشوف طريق…
أو أول مرة يِحِس إنه ماشي من غير مكان يرجع له.
سأل بصوت مبحوح ومرتبك:
"هي… القرية دي لسه بعيده؟"
أنس بصّ قدّامه:
"لأ… خلاص قربنا.
شايف الضوء اللي هناك؟ ده أول بيت في أطرافها."
مهند شد الشنطة عليه، وقال بصوت واطي:
"أنا… أنا حاسس إني تايه يا أنس."
أنس وقف…
وبصّ له بصة كلها أمان:
"وإنت لو تايه…
أنا اللي هودّيك."
"ثق فيا بس......
الكلمة دي نزلت على مهند زي نقطة ميّة ساقعة في عز النار…
حاجة ريّحته… بس ما ريّحتهوش قوي.
لسّه جواه حاجة مضايقاه…
فراغ…
حاجة ناقصة…
ذكريات بتتقطع وتيجي وتروح.
وفجأة…
هَبّة هوا عدّت بين الشجر حوالين الطريق…
وجابت معاها صوت خفيف…
زي ورق بيتحرك…
زي حد بيتابع من بعيد.
أنس لفّ بسرعة.
عينيه اتسعت.
مش حد واضح…
بس فيه “حاجة” كانت هناك…
بتختفي ورا شجرة كبيرة.
مهند استغرب:
"بتبص على إيه؟"
"ولا حاجة… ولا حاجة… يلا نكمّل."
بس ملامح أنس اتغيرت…
ضهره شد…
وصوته بقى حذر أكتر من اللزوم.
دخلوا أول خطوة جوّه القرية.
البيوت بسيطة…
الأبواب مقفولة…
والجو هادي… هادي زيادة.
مهند قال:
"المكان… مش مريح."
أنس رد بسرعة:
"هنا هنهدي وبس… مش هنقعد كتير.
يومين… تلاتة… ونطلع.
ما تقلقش."
مهند مش مقتنع…
بس قال:
"ماشي…"
دخلوا أوضة صغيرة استأجرها أنس بسرعة من راجل عجوز ما سألش ولا كلمة…
وده لوحده كان غريب.
أول ما الباب اتقفل…
مهند قعد على الكنبة…
إيده على راسه…
ونظره ضايع شويّة:
"أنس…
أنا… فيه حاجات مش داخلة دماغي.
مش فاكر…
مش متأكد…
حاسس في حاجة وحشة حصلت… بس مش قادر أمسكها."
أنس وقف قدّامه… قلبه بيتخنق:
"ما تفكّرش دلوقتي…
دلوقتي بس… هتستريح.
وبعدين… أنا اللي هفكرك.
واحدة واحدة."
مهند رفع عينه وبصله بحدة خوف:
"بس أنت… هتفضل معايا صح؟....
انا اسف لو بسال كتير.....بس..بس عشان اتسابت كتير....فغصب عني.....خايف.....
أنس قرب، وقعد جنبه:
"أنا… مش هسيبك يا مهند.
ولا في الطريق… ولا في القرية…
ولا بعد كده."
لازم تثق فيا اكتر من كدا ......
لو كنت عاوز ابعد....كنت بعدت من زمان.....
عمري ما هبعد عنك....فاهم؟!......
الكلام دا طمن مهند…
لثانية واحدة.
وقاله بصوت واطي...شكرا يا انس.. علي كل حاجه......
بس برا الأوضة…
في حد واقف.
واقف… ساكت…
وبيسمع.
الموضوع… لسه مخلصش.
والقرية اللي داخلوها…
مش كلها هدوء.
━━━━━━━━━━━━━━━━━━