الفصل السابع والأربعون: مواجهه ١٨
الهدوء اللي نزل بعد المواجهة…
ماكانش هدوء راحة.
كان هدوء صدمة… الهدوء اللي بييجي بعد صوت رعد كسر السما، وسايبك مش فاهم سمعت إيه ولا لسه بتسمعه.
مهند كان قاعد على الأرض… ضهره للحائط…
وإيده لسه مسكة أنس، ماسكُه من كتفه كإنه خايف يسيبه يطير.
أنس كان نايم على صدره… أنفاسه هادية…
هادية لدرجة إن مهند كان كل شوية يقرب ودنه لصدره يتأكد إنه لسه بيتنفس.
الراجل واقف قدّامهم… ساكت…
مستني… مراقب… مش بيتكلم....
مهند مسح شعر أنس بإيده بهدوء… حركة بطييييئة…
زي اللي بيقول له:
“أنا هنا… حتى لو انت مش سامع.”
أنس اتحرك حركة خفيفة…
مش وعي… مجرد رد فعل متأخر بعد كل اللي حصله.
الراجل قرب خطوة وقال بصوت واطي:
"نام يا أنس… انت عملت اللي محدش يقدر يعمله."
مهند رد وهو لسه ماسكه:
"ينام إيه… دا وقع وهو واقف… جسمه كله كان بيتقطع… أنا كنت سامعه…"
الراجل بصّ له نظرة فاهمة جدًا… وقال:
"عشان كده لازم ينام… لو صحي قبل جسمه ما يسترجع نفسه… البوابة اللي في كتفه ممكن تعود تفتح."
مهند قرب وقال بهمس:
"نام يا أنس… أنا ماسكك… مش هسيبك."
الجملة نزلت على أنس كإنها دفا…
حتى وهو مش واعي… جسمه استجاب.
نَفَسه اتنظم.
صدره هدا.
الدنيا حواليهم بدأت تهدى…
الضلمة اللي في الغرفة خفّت…
الهوى اللي كان متجمد بدأ يسخن شوية.
الراجل بص حواليه وقال:
"البوابة اتقفلت… بس مش نهائي.
لما يفوق… هنكمل.
لسه في مرحلة تانية."
مهند رفع عينه بسرعة، توتر يرجع:
"إيه؟! يعني فيه… مرحلة تانية؟!"
الراجل:
"هو ماقفلش البوابة…
هو منعها.
وقفها.
لكن عشان يقفلها… لازم هو اللي يقوم ده بإيده، وهو صاحي."
مهند شدّ أنس أكتر وكأن الكلام بيخوفه:
"مش هسيبه يعمل حاجة وهو في الحالة دي."
الراجل رد:
"وأنا مش هسمحلك توقفه…
دلوقتي دورنا نحنّي عليه… نريّحه…
ولما يفوق، هنفهمه كل حاجة.
هو أقوى مما أنت فاكر يا مهند."
مهند بص لوشّ أنس…
وشّ هادي…
مجهد…
بس مفيهوش خوف.
بالعكس…
كان فيه حاجة تانية.
حاجة شبه…
راحة بعد حرب.
المكان بقى دافي…
السكون مش مرعب دلوقتي…
سكون طبطبة… سكون حماية.
ومهند…
لأول مرة من ساعات…
سحب نفس طويل…
وحس إن قلبه بينزل مكانه.
حط إيده على راس أنس وقال:
"نام… وأنا هفضل ماسكك…
لحد ما تصحى…
ولحد ما نقفل كل حاجة."
والنهاية كانت بسيطة…
أنس ارتاح…
مهند سند ضهره علي الحيطه…
والليل برا واقف… مستني اللي جاي.
━━━━━━━━━━━━━━━━━━