الفصل الثالث والسبعون: مواجهه ٤٣
━━━━━━━━━━━━━━━━━━
...
الهوا في ساحة التدريب كان تقيل…
مش تقيل عادي…
تقل خوف، تقل تعب، تقل إن الاتنين بقى بينهم رابط مابيِرحمش.
مهند واقف قدام أنس…
نفسه عالي…
ورقبته كلها علامات شد من التدريب اللي فات.
وأنس… ماسك جمبه، الوجع بيعدّي له من مهند كإنه موجة نار بتتنقل بين الاتنين.
الراجل بصّ عليهم وقال بصوت ثابت:
"المرة دي… مافيش رحمة.
لو الربط بينكم لسه ضعيف… البوابة هتقتلكم."
أنس عضّ على سنانه:
"إحنا… جاهزين."
مهند بصله…
النظرة دي كانت مزيج بين: ما تخافش عليّ… وخاف عليّ في نفس الوقت.
الراجل مدّ إيده…
حرك الأرض حوالينهم…
الساحة اتحولت لحاجة شبه غرفة حجر… ضيقة… جدرانها بتقرب كل دقيقة.
"اللي هيخرج من هنا… هو اللي مستعد."
ومرة واحدة…
الأرض هزّت.
مهند اتزحلق خطوة…
الوجع ضرب في صدره…
والوجع ده نطّ في أنس في نفس اللحظة.
أنس مسك قلبه وقال:
"أنا… أنا حاسس بيك… هدي بس."
بس مهند ما هداش…
العكس…
قفل إيده… وهجم.
مش هجوم عدوان…
هجوم تدريب…
هجوم لازم يتم.
أنس صدّ الإيد…
بس الصدّ وجّع مهند…
والوجع رجع لأنس…
وبقت دايرة مستحيلة.
مهند صرخ:
"اقف… اقف يا أنس… لو كملت كدا هنقع…"
أنس قرب بسرعة…
مسك مهند من كتافه وقال وهو بيتنفس بصعوبة:
"اسمعني… ماينفعش نوقف… لو وقفنا… هنموت جوّا البوابة."
مهند هزّ راسه…
ويبدو التوتر كان أكبر من احتماله.
دمعة نزلت من عينه فجأة…
دمعة غضب… مش ضعف.
"أنا مش خايف من البوابة يا أنس…
أنا خايف إن الربط ده… يوجعك."
أنس قرب وقاله......
"وأنا… عمري ما هسمح إنك تشيل حاجة لوحدك."
الراجل ضرب عصاه في الأرض:
"كفاية كلام!
وروني… الربط السادس يقدر يعمل إيه!"
فجأة…
الجدران قربت أكتر…
الأرض اتشقّت…
وطلع منها نور أسود…
نور مش مريح… كإنه بيشفط الهدوء من الجو.
مهند اتزنق ناحية الحيطة…
وجسمه اتصلّب من الوجع…
وأنس حسّ الوجع كله بينط في صدره.
رعشة كهربا جريت في ضهره لحد رجليه.
أنس قال بصوت مبحوح:
"خلي… الصوت… يوصل."
مهند رفع راسه…
بصله…
عينه بتترج
وبعدين…
هجم مهند عليه تاني.
ضربة أقوى.
أسرع.
أشد.
أنس تصدّى…
بس المقابلة وقعتهم هما الاتنين على الأرض.
مهند اتوجع.
أنس اتوجع.
الاتنين اتنفسوا نفس النفس…
صرخوا نفس الصرخة…
وقعوا نفس الوقعة.
الراجل ابتسم ابتسامة خفيفة، أول مرة يتبسط:
"أهو دا… اللي كنت مستنيه."
أنس وهو على الأرض مدّ إيده لمهند…
ومهند مدّ إيده له…
ولما الاتنين مسكوا بعض…
النور الأسود اتحوّل لنور دهبي…
الجدران وسّعت…
والهواء اتفتح.
مهند قال بصوت واطي:
"إحنا… نجحنا؟"
أنس مسك إيده أقوى:
"لا…
إحنا لسه بنبدأ."
الراجل قرب منهم…
عينه بقت أعمق من الأول:
"استريحوا…
البوابة اللي جاية…
مش للاختبار.
دي للنتيجة."
مهند بلع ريقه.
أنس شدّ على إيده.
والاتنين حسّوا إن اللحظة اللي جاية…
هي اللي هتقرر إذا كانوا هيكملوا…
ولا كل دا كان تمهيد للنهاية.
━━━━━━━━━━━━━━━━━━