* عمرو رغم انه في كلية علوم الا انه زيه زي أعلب طلبة الجامعات ميفتكرش الكتاب غير في اسبوع قبل الامتحان ال بيخلص قبل م يكون قرر هو هيبدأ بأي كتاب لغاية ليلة الامتحان وال بيقضيها في قراءة مقدمة الكتاب عقدة أول صفحة تسلمه تسليم أهالي لأزمة جالك الموت يا تارك الصلاه ويلاقي نفسه عايز يذاكر كتاب كامل قبل المكروباص ما يوصل ورغم دوشة المواصلات يراجعله شوية حوالي نص الكتاب أو أكتر ما ينساش منهم حاجة سبحان الله دا ال كان مش عارف يذاكر من أسبوع بسبب دوشة واحد بيفاصل ع الأجرة ف الموقف ال لما يحب يروحه بيركبله مواصلة والغريبة انه يدخل الامتحان يلاقي الأسئله من الجزئ ال ذاكره والأغرب انو مش ناسي من ال ذاكره حرف لكن ال يغيظك انه يكتبله سطرين تحت كل سؤال ويكسل يكمل الباقي وال يغيظك اكتر ان تقديراته كلها بين جيد وجيد جدا ومجابش مرة مقبول غير في المادة الوحيدة ال ذاكرلها بجد
متعرفش دا عقاب ربنا ولا بيخزي العين ولا عمرو المره دي من حظه لما الدكتور رمي ورقة اجابته في الهوا وقعت علي كوم الورق ال هيجيب مقبول وطبعا عمرو كعادته خارج من بيته أبيض يا ورد لا يفقه شيء عن المادة ركب مواصلاته فرم الكتاب دخل اللجنة كتب ال فيه النصيب سلم كراسة الاجابات وكعادته لو شفت ورقة الأسئلة هتلاقيها ماليانة عن عن كراسة الاجابات ال سلمها ورجع بقا يقضيها نووووووووم تشوفو تقول هيصحا في أول السنة الجديدة
* طب متنصحو م انت أخوه الكبير
* هههههه كنت نصحت نفسي م أنا أنيل منه
* طب مش حرام ذكاءه دا يضيع بدل م يبقي دكتور في الجامعة أو حتي تفوقه يوفرله مكان في شركه محترمه
* هههههه دي المادة الوحيدة ال ذاكرلها درجاته فيها كانت تكسف ومن يوم م قضاها طناش و تقديره بقا زي الفل
* هنتجوز امتي ؟
* أختي الصغيرة بقا .......
* هتحكيلي قصة تاني
* ممكن نقوم نتمشي لو زهقتي
* الحقيقة اتخنقت
* روحي لو عايزة
* حاضر أنا أصلا أستاهل ضرب الجزمة أني خرجت من بيتنا
* وربنا أنا آسف
* سيب ايدي بدل م أقول بتعاكسني وتتعجن هنا
* نا عشان خاطر عيونك موافق أتقتل ألف مرة
دا كل ال دار بينا يا عمي قبل المجنونة ما تلم الناس عليا فعلا وبعد ساعة من المعاناة المستمرة كنت ملقي علي الأرض والهدوم متبهدلة والتليفون والمحفظة مش معايا بس من باب الانصاف الحقيقة هم سابولي البطاقة وعشرة جنيه روحت بيها
فيه واحدة تعمل كدا في خطيبها يا عمي؟
*البنت: وهو فيه واحد كل م خطيبته تسأله هنتجوز امتي يغير الموضوع كأنه بيهرب منها؟ كنت ادبست فيا حضرتك؟ ولا لما اتحايلت عليا عشان أوافق كنت جايباك بالعافية؟
* ما انتي عارفة ال فيها وشايفة حال البلد مش ساحر أنا عشان أضرب الأرض تطلع فلوس
* الأب : احنا رضينا بيك يابني علشان عارفين انك ابن حلال وهتصون بنتنا لكن احنا صبرنا عليك كتير ومفيش نتيجة
* قصدك ايه يا حج ؟
* قصدي ان كنت مش أد المسئولية يبقا متعطلش بنتنا معاك
* البنت : بابا !! ايه ال.....؟
* الأب : اسكتي يا ريم
* بقا أنا جاي اشتكيلك منها يا عمي!!!
* الأب الحقيقة ان أنا ال بضغط عليها والبنت متقدملها أكتر من عريس زي الفل
خالد رده كان تكشيرة وعنين ماليانين غضب خرج من عند ريم مش طايق حد وصل البيت كانت هي علي التليفون الأرضي كلمته سمع منها شوية بعدين رد عليها: "مش هسيبك ومش هتضيعي مني احنا لبعض مهما كان التمن"
خلص كلامه ونزل البدروم