انزل ف الانستا بشكل متواصل تعالو هناك « is.56 »
في ديره المعازف الساعه 11:30 صباحا..
كان سلطان متوجه لمجلس جده الشيخ نمر حيث كان مجلسه متوسط ارض ديره المعازف كان بيت شعر كبيير ، وهو متقدم معاه حصانه اللّهيب يمسح عليه بيده اليمنى وهو على يساره تقدم حتى اصبح البيت قدامه تماما ولكن من خلف لف وقبل يدخل البيت ارتسمت عليه ملامح الصدمه من سمع كلام خاله سامي اللي كان مثل الجرح على صدره ، بوسط بيت الجد نمر كان سامي على يمين نمر وهو بتكلم بكل نيه صافيه
سامي : يبوي ادري ان سلطان ولد محمد وسلمى بالحلال لكن مو معقول يبوي ثلاث وعشرين سنه ماخذ اختي ولا نعرف اصله ولا فصله؟ والله العظيم شي غريب ولا هو من عواديك تقبل بذا الشي علينا يبوي !!
الشيخ نمر احتدت ملامحه رد : ابو سعود انت وش تقول يرجال وين لسانك قبل مازوج اختك محمد وين كان ؟
سامي : يبه انا مافكرت للسنين الجايه قلت اكيد حده فتره بسيطه ويعلمنا من اي ديره هو وش يرجع بس ثلاث وعشرين سنه صعبه بالحيل !! ، وجاني من الكلام اللي يسم البدن بس اسكت لخاطرك وخاطر اختي وسلطان
الشيخ نمر : اختك تزوجت على سنه الله ورسوله وانتهى الموضوع
سامي بحده : اجل يرضيك كلام الناس على سلطان انه ولد حرام بس ع شانه جاء على ثمان شهور ؟
الشيخ نمر ضرب عصاه بالارض : لعنبو حيك انت واللي يقول الهرج اللي يسم البدن حسبي الله عليك ونعم الوكيل يـ...
قاطعهم صوت هز المكان هز
دخل سلطان بكل عصبيه : يخسي اللي يقول هالكلام لو كان انت يخال مع احترامي لك يخسي مير علمني منهو اللي يقول الهرج هذا علمني منهو والله ان اخذ امانته بيديني الثنتين !!
سامي وقف هو والشيخ نمر
الشيخ نمر : هد هد وانا ابوك مالك الا اللي يرضيك يولدي أجلس اجلس
سامي حس نفس لازم يقسي بالكلام حتى يوقف الناس عن الكلام بظهر سلطان اردف بكل ثقه : اجل تعرف وش ابوك ومن اي ديره جاي علمني يولد محمد ؟
سلطان انصدم حيل بخاله اللي استغرب كلامه اللي ماعمره سمعه منه : اسمع يخال كان جلستي بهاذي الديره مزعلتكم انا امشي الحين ولا اعاود حتى اعرف من انا من صلبه
قاطعهم الشيخ نمر : تخسي انت وياه ..
لف صوب سامي والعصبيه شوي وتطلع من عيونه
: وانت يسامي وش ذا الهرج يولد الشيخ وش انت تقول لولد اختك !
سامي : اسمع يبه انت ماقصرت ربيت سلطان وطلعته رجال وابوه عايش وحي يرزق محمد ماهو عاجز عن ولد والحين سلطان رجال ويعرف راسه من رجوله - يكرم القارئ- ف ماله داعي تخبيه تحت ضلك لين متى بيسمع الهرج اللي ينقال بظهره ويسكت لين متى
لف صوب سلطان وبنبره كلها تحدي : اطلع يولد محمد من ديره المعازف ولا تعاود الا وانت تعرف صلبك من اي ديره يولد محمد
طلع سامي وقلبه يوجعه على سلطان وجع حس انه بيموت من قوته لكن لازم يفتح عيون سلطان على الشي هاذا اردف بينه وبين نفسه وهو يمسح على وجهه يمشي تجاه بيته : اعذرني يبوي يسلطان اعذر خالك على كلامه القاسي لكن والله لجلك يولدي لجلك ادري انك تموت كل مره الف موته من يتعزون الرجال باسمي والدينهم الكامل وانت زين تعرف اسمه الاول
،
عند سلطان والشيخ نمر وسلطان كل خليه فيه تشتعل يحس انه ماعاد يقوى يوقف من كلام خاله اللي كان والد له في صغره حس انه ضعيف نفس وهو ماقدر يتكلم بصوت عالي من اي ديره ابوه حس بالضعف بهاذي اللحظه طلع مسرع متجهه ناحية اللهًيب مسك اللجام واعتلا ظهره دار فيه حتى صار قدام جده الشيخ نمر اللي كان يناديه بكل مافيه وكل مره يتعلي صوت الجد حتى وقف قدامه وهو على ظهر حصانه سلطان اردف وهو ماسك لجام اللهًيب
: اسمع يشيخ نمر انا والله والله بعالي سماه ماعاد توطى رجلي -يكرم القارئ- ارض ديره المعازف حتى اعاود واعرف مين انا ومين هو محمد ومن اي ديره والله لاعاود ومعي رجال ديرتي يشيخ فمان الله
لف اللهًيب يساره وضرب رجوله -يكرم القارئ-
على ظهر حصانه وانطلق بكل قوه لدرجه ماتشوف الا غربته وراه ،
الجد ملامحه احدت بالغضب والعصبيه مقهور على سلطان حيل حيل كان يحاول يكلم سلطان لكن الجمه رده الكبير اللي حلف ماعاد يدخل الديره الا ومعه رجال ديرته كان ينادي عليه باعلى صوت حتى اختفى اللهًيب وصاحبه ، طاح على الأرض اردف بكل حزن : يبوي يسلطان يولدي تكفى يبوك عاود تكفى
القهوجي ركض ناحيه الجد يحاول يوقفه من الارض: يعمي عمي الشيخ علامك قو عزومك يعمي خليك قوي سلطان رجال وماله غناه عنك يبعاود باذن الله بيعاود قم قم
شال الشيخ نمر واتجه فيه لصدر المجلس حاول يهديه
،
سلطان كان يركض بكل ماوتي من قوه وكانه يحاول يهرب من شخص يلاحقه صرخ صرخه هزت كيان المكان اللي فاضي تماما الا منه ومن حصانه اللهًيب ادرف يكلم نفسه : اهخ اهخ يبوي وش سويت فيني وش سويت ..
اكمل طريقه اللي جاهله تماما طريق جديد عليه حالف مايرجع إلا ومعه احد من أهله اهل ديرته يسكت كل من تكلم فيه وفامه سوء
-
بمكان اخرى بعيد تماما عند ديره الشيخ نافع ديره الوادي
الساعه 4:56 مساء بعد مرور يوميين على طلبة الشيخ وعياله القرب من محمد طلع من المسجد بعد اداء صلاة العصر ناظر حصل محمد واقف قدامه مبتسم تقدم له الشيخ نافع رد له الابتسامه
محمد ابو ساير بابتسامة : علومك يشيخ اليوم
الشيخ نافع بادله بابتسامة : تسرك يبو ساير علومك انت ؟
محمد يرفع شماغه بكل يدينه : علومي تسرك وحيل يشيخ حيل
الشيخ نافع فهم عليه ابتسم ابتسامه عريضه وربت على كتف محمد اليمنى : عطنا علومك يبو ساير مير امش امش صوب المجلس نتقهوى وناخذ علوم بعض مع فنجال قهوه
ضحك محمد تقدم ومشى مع الشيخ صوب مجلسه
اتبعو الشيخ بعض من رجال الديره حيث اغلبيتهم يجون للشيخ العصريه اما يتقهوون عنده او يبونه يحل مشكله له بما انه شيخ ديرتهم ، في وسط مجلس الشيخ نافع في صدر المجلس كان الشيخ نافع حيث عصاته قدامه ويدينه الثنتين عليهم وعلى يمينه محمد ابو ساير وكذا شخص متواجد وبين السوالف والاخذ والعطى تنحنح ابو ساير لف عليه الشيخ نافع اردف وهو يهز فنجاله للقهوجي سعد ادرف بصوت قاصد انو يكون واضح لمسامع الكل : يشيخ نافع انت طلبتني وماهو محمد اللي يرد طلبك يشيخ
الشيخ نافع : تسلم يمحمد تسلم لكن وش تقصد ؟
محمد ابو ساير : يشيخ جيتني طلاب قربي قبل يومين
ابتسم ورفع صدره وردد بصوت جمهوري : يشرفني يشيخ تصيرون انسابي انا عطيتكم البنت
ضحك ضحكه خفيفه الشيخ نافع : الشرف لي يبو محمد لكن ودي اسمع الموافقه من فم البنيه كان ترخص لي !
عقد حواجبه محمد ابو ساير : وش لزومه يشيخ انا معطيك البنيه ومـ..
قاطعه الشيخ نافع : يبو ساير والله اني داري فيك لكن خوفي انك ماشورت البنيه وانا مارضى بظلم لاحد من ديرتي شلون عاد الظلم لبنيه بتصير حليله لولدي ! يبو ساير بس ودي اسمع الموافقه منها لجل يرتاح بالي
احتدت ملامح محمد ابو ساير : ابشر يشيخ لك اللي تبي لو تبي الحين نمشي صوب البيت وتسمع العلم منها
ارتفع صوت احد من الجالسين : الله يخليك لنا يشيخ والله انك نعمه عظيمه دامك مارضيت الا وتسمع الراي من البنيه ف والله ماييخيب منهم يدخل عليك بعد الله
اردف الباقين موافقين لكلامه ومعجبين جدا بشيخهم
الشيخ نافع : تسلمون جميع هاذا الحق والواجب
لف صوب محمد وكمل كلامه : عزيز وغالي يبو ساير عندي ضيوف الحين مقدر اخليهم لكن ان شاءالله اجيـ...
قاطع الشيخ صوت الجالسين وكانو خمس اشخاص
اردف احدهم وهو يوقف ووقفو معه الباقي : يشيخ حنا نسترخص منك نعاود لمك ان شاءالله باكر يلا سلام عليكم
رد بستعجال الشيخ نافع : لا بالله ماتروحون حتى تـ..
قاطعه واردف يقول : اعذرني يشيخ ولا اقاطعك لكن والله حنا مشغولين نعاود بأذن الله باكر يلا فمان الله يشيخ فمان الله
تقدم ومعه الباقين يسلمون على الشيخ وطلعو متوجهين لمكانهم
لف محمد صوب الشيخ نافع : اجل مشينا يشيخ لبيتي مشينا
هز راسه الشيخ نافع راسه بالموافقه لف صوب سعد : سعد يبوك انتبه للبيت والضيفان ساعه زمان وجايك ان شاءالله
تقدم بعصاته قدام محمد ومشو متوجهين صوب بيت محمد
عند ركـود وراكـد :-
جاييين من مربط الخيل بعد ما كان فيه سباق كالعاده لكن هالمره فاز عليهم نايف
ركـود بقله صبر : يرجال وش فيهم هذول يومين ماردو للحين ؟
راكـد يعدل شماغه : يرجال انت اللي وش فيك مستعجل يمـ..
قاطعه ركـود بكل عصبيه : راـكد بالله انك تذلف عني لا امسح فيك ارض الوادي الحين انا مستعجل تستهبل ! انا ودي اسمع الرفض اليوم قبل بكره خلاص عاد
ضحك راكـد : اعوذ بالله منك يولد انت غريب غيرك يدعي انها توافق وانت تبي الرفض
ركـود وبيده مسبحه مايله للبني وتلعب حول اصابعه : يرجال على تبن الحين انا توهقت وطحت ببير ماله نهايه
راكـد يطبطب على كتفه تقدمو صوب مجلس ابوهم
دخلو وجا قدامهم سعد يقهويهم صب فنجال لـ راكـد ومد فنجال اخرى لـ ركـود اردف ركـود وهو ياخذ الفنجال من يده
: علومك يسعد ، وين الوالد ؟
سعد : بخير طال عمرك ، راح يقول ساعه زمان ويعاود
ركـود : طال عمرك لا عاد اسمعها اخ وصديق يسعد ، متى طلع
سعد : تسلم تسلم .. يمكن له نص ساعه طالع مايتاخر باذن الله نص ساعه ويعاود
هز راسه واكمل هو وراكـد السوالف حتى دخل عليهم الشيخ وجهه منور والابتسامة ماليه وجهه
نرجع رواء قبل نص ساعه..
كانو متوجهين صوب بيت محمد دخلو البيت وتوسطوا المجلس بعد ما تقهوى الشيخ نافع
اردف الشيخ نافع : ماودي اطول عليك يبو ساير ازهم البنيه ودي اسمع وش تقول
محمد ابو ساير : ابشر ابشر يشيخ الحين تاتي
قام محمد من عند الشيخ توسط البيت ونادى بكل صوت عالي على أثـار دخل الصاله حصلها تكنس وترتب المكان وقفت تعدل لبسها على صوت ابوها كانت بتطلع لكن دخل هو عندها اردف بكل جبروت وقوه : اسمعي البس جلالك وتعالي وراي بس لا تدخلين اوقفي عند الباب الشيخ نافع جاي يسمع ردك بنفسه
توترت أثـار حيل تركت المكنسه على جنب : يبه ماودي بالعرس
جمدت ملامح محمد لثواني وامتلئ وجهه بالعصبيه قرب منها وهو ينزل عقاله من فوق راسه : وش وش انا ولد ابوي اي والله هاذا الباقي عيل الامس يردني وانا ولد النّـهار اسمعي يـ أثـار مثل الشاطره تلبسين جلالك وتاتي معاي وتقولين انك موافقه فاهمه! ولا والله العظيم ان اهتك عظامك انتي وأخوانك فاهمه
وطلع من عندها بدون لا يسمع منها اي رد نزلت دمعه منها مسحتها بكل هدوء تقدمت لغرفتها او المخزن اخذت جلالها وطلعت حتى صارت قدام باب المجلس بس على جنب تنحنح محمد وهو جالس جنب الشيخ ادرف بصوت عالي : أثـار يبه الشيخ نافع جاي يسمع ردك بنفسه وش قولك يبه ؟
الشيخ نافع بنفس مستوى الصوت لكن فيه حنيه غريبه جدا على أثـار : أثـار يبوك جاي لك بنفسي لجل اسمع موافقتك وبذوني قولي يبه رايك بكل وضوح ولك علي مايمسك شي قولي يبه !
كانت ساكته تسمع كلام ابوها والشيخ ولاحظت نبره الحينه بصوت الشيخ اكثر من ابوها كانت واقفه وسرحت لثواني صحها صوت ابوها الحاد محمد : يبنت اعجلي على الشيخ ساعه يسمع منك
فزت على صوته تكلمت والدمعه ملت عيونها وبتردد كثييير : مـ..موافقه يشيخ نزلت
دمعه حاره على خذها البارد المتورد من فرط الشعور اللي تحس فيه
اردف الشيخ مره ثاني : متاكده يبوي محد ظغط عليك او شي تراني بحسبة محمد كان بخاطرك شي علميني يبه
أثـار بنفسها : اي والله اني مابيه لكن خايفه على نايف من ابوي ابوي مايرحم مايرحم
اعتلى صوتها المرتجف المكان : لا يشيخ راي مثل ما سمعته محد ظغط علي
تهلل الفرح وجه الشيخ نافع قام واقف صافه بيمينه محمد اردف محمد وهو يسلم عليه: مبروك مبروك يشيخ الله يوفقهم وشوف متى ودك تكون الملكه ولو تبي الزواج والملكه سوا ماعندك مانع
الشيخ نافع بابتسامه : ان شاءالله الملكه الجمعه الجايه بعد اربع ايام والزواج نتركه لركـود يحدد متى يبيه
محمد ابو ساير : اللي تريده يشيخ اللي تريده
الشيخ نافع : يلا فمان الله استأذنكم
محمد ابو ساير : وين وين يشيخ وين العشاء طالبك يشيخ !
الشيخ نافع : تسلم تسلم لكن والله عندي المجلس لزوم اعاود كود احد ياتي وده بشي ولا شي ولا اكون موجود
محمد ابو ساير : اللي تشوفه يشيخ
سلم الشيخ نافع على محمد وطلع متوجهه صوب مجلسه
-
في مكان اخر يبعد عن ديره الوادي كيلو تقريبا احد الوديان الصغيره حيث يتوسطه الجبال من جهه الشمال ومن المنتصف يوجد الاشجار والنخل وبعض الهضاب ، كانت تلك الجميله صاحبه الاعين الوسيعه حنطيه اللون بلبسها للأسود مخطط من الجانبين الأيسر والايمين باللون الاحمر وجلالها على كتفيها كانت تتدرب على الرمايه بالباروده كونها البنت الوحيده لا اخوان ولا خوات بس هي وامها وكون خالها الشيخ نافع معلمها على الشجاعه من صغرها كانت تحاول تصوب هدف هي مسويته حتى التفت على صوت من جنبها الأيسر هز كيانها هز واختل توزانها تماما رفعت جلالها على وجهها من شافت رجل بثوبه البني الغامق وعمامته البيضاء وحصانه بلون الأبيض مائل للـ لمعان بدون اي تردد صوبت السلاح ناحيه وبـ صوت عالي جدا اردفت : من انت ..وش تساوي هان ؟
سلطان تكه ويفقد وعيه تقدم صوبها بخطوات شبه ثقيله
رجعت ورا خطوتين وبصوت اعلئ من اللي قبله : اقولك من انت يرجل من انت وش تساوي هان !!
سلطان استجمع كامل قوته اردف بصوت ماليه التعب : ميّ يبنت الاجواد اسقيني ميّ
عنقاء وهي لسى مصوبه السلاح بوجهه : ومن وين انت يالغريب من اي ديره ؟
سلطان حس بالضياع حس انه ماله ظهر ولا له اصل : اي والله اني غريب غريب الدار بعد ماكنت انا رجالها
عقدت حواجبها بعدم فهم ، كمل كلامه : مير يبنت الاجواد انا رحاله ولي ثلاث ايام ماذقت الماء اسقيني وخوذي اجري
عنقاء : وش يثبت لي ان ما وراك نيه شـ...
وقبل تكمل كلامها صرخت من شافته يتهاوى وفقد توازنه وطاح مستلقي على الارض وحصانه اللهًيب يبعد يستهجن من شاف صاحبه بالارض تقدمت صوبه بعجل بعد ما اخذت قربه الماء الصغيره اللي معاها جت لعند راسه وسندته حطت راسه تحت رجولها - يكرم القارئ- ونصف كتفه الايسر ووجهه يقابل وجهها بحيث يصبح بحضنها جزئيا حاولت تسقيه من الماء وبدا يصحصح فتح عيونه شوي شوي وهي تطبطب على خده : يالغريب يالغريب انت صاحي!
سلطان ببحه : صاحي يبنت الاجواد .. كح مرتين وتنحنح تامل وجهها البري وملامح الخوف عليها ورجع يقول : انا الغريب اللي بجنبك لقى بلاده
رجع كح توردت ملامحها ودفته تتصنع العصبيه : سلامات وش الهرج ذا احشم عمرك يالغريب ؟
سلطان استوعب على عمره وكان مستغرب من نفسه وشلون طلعت منه الكلمات ذي استند وجلس بحيث وحده يدينه على احدى رجله اللي كان رافعها والثانيه كان باسطها بالارض - يكرم القارئ- حس بدا يرجع له النفس
: العذر والسموحه منك يبنت الاجواد ماقصرتي ..سكت شوي وعيونه على فرسها رجع يقول : مير ودي اسئلك من اي ديره انتي ؟
عنقاء وهي تتقدم لفرسها الي كانت تسميها بـ المنيفه
ويدهها اليمنى تمسك جلالها بشكل مستقيم على وجهها
مسكت لجام المنيفه اخذت بوردتها وحطتها على ظهرها قالت له معطته ظهرها : من ديره الشيخ نافع ديره الوادي وكانك رحال وجيعان اقلط على الشيخ مايردك خايب
سلطان حس بماء بارد على وجهه من كلامها قال بنفسه : لهدرجه اللي ماله ربع واهل يظهر للمزايين جايع!
اعتلى صوته وهو يحاول يوقف لكن فشل رجع لمكانه ويدينه ورا ظهره رد قائل :
ماني بجايع ولا اني بحاجه فزعه عرب وشيوخ
انا سلطان اركئ على الثقايل ولا اهاب الموت !
لفت صوبه ناظرت فيه نظره طويله تلاقت عيونهم ببعض
تجرات وقالت بكل هدوء:
وأنا عنقاء، على العليا تربيت وعندي سيوف
أعشق ثقال الأيام، ولا يهز كياني طاري الموت !
ومشت تاركته وراها ماتعرف ليش ردت عليه او ليش قالت له كذا بس حست انه وجب عليها ترد تكسر علوه قبل يبدا ،
ناظر لها حتى شافها تختفي امامه رجع ظهره على ورا وساند راسه ب يدينه الاثنين يناظر للسماء يفكر بالبيتين اللي صارت بينهم وكيف كل واحد فيهم عرف عن اسمه ونفسه ببيت شعر بسيط ف اول لقاء لهم
-
في مكان اخرى عند السيف في ديره السيوف
شجاع من لمن سمع بسالفه امه ومحمد وهو الود وده يذبحه وله يومين تدور براسه يروح ويشوف محمد بس وده يشوفه بعيونه
قطع حبل افكاره صوت هناء
هناء : ششجاااع ولد؟
شجاع : هلا .. وش بغيتي
هناء : يماشاءالله تو الناس لي ساعه ازهم عليك وين وصلت
شجاع ضحك : عشتو عشتو وش عندك متطبعه بكلام ابوي
سهئ وهي تقدم له التمر وفنجال القهوه : والله اللي صاير طبعه طبع ابوي سهم
هناء ونهى بنفس الوقت : وليه ان شاءالله مو عاجبكم
طبع ابوي انتي وياه
دخل نواف وسهم عليهم وجلسو جنبهم تقهوا
سهى : يبنتي انتي وهي مو قصد كذا بس يعني نشوف الطبع
شجاع : فكرو نفس ماتبون يلا عن اذنكم ودي انام
وقام متقدم لغرفته بقو الباقين يسولفون ويضحكون تحت استغراب سهم ونواف من الطبع اللي تكلمو عنه وعرفو وبدت مناقرتهم المعتاده على هذا الموضوع
-
الساعه 6:30 مساء
في ديره الوداي ديره الشيخ نافع بعد مادخل لمجلس واخذ له فنجال وتقهوى كان بيقول لركـود انهم وافقوا ولكن قطع كلامه قبل يبدا فيه صوت الاذان اللي اعلن دخول صلاه المغرب على ديره الوادي تقدم الشيخ نافع وعياله الاربع جميع للمسجد حتى يصلون ومن عادت اهل ديره الودي يجلسون ويقرون قرانهم حتى صلاه العشاء الساعه 8 مساء ثم يصلون صلاتهم ويطلع كل شخص متوجه لبيته معلن انتهاء يومه والعوده للمنزل حيث العائله والمرقد الهني ،
طلع الشيخ ومعه محمد وعيالهم وراهم نايف اللي اول ماطلع مشى وتركهم متجه للبيت تبعه مازن ، اما ساير فكان له نيه ثانيه نيه اخرى يعلن فيها غروره امامه اصحابه طبطب على يد ركـود اللي كان باله مع ابوه وابو ساير وجنب راكـد واياد وريان ومعه ولده فيصل متقدمين عليهم بخطوتين يسئلون فيصل ايش اللي قرا اليوم ، ساير وهو يطبطب على كتف ركـود التفت صوبه ركـود وناظره ضحك ساير وقال بصوت شبه عالي : حي الله النسيب !
ركـود صبت اعظامه صب حس بشيي بارد ينكب عليه من راسه لرجوله - يكرم القارئ-
على طول لف اتجاه راكـد اللي كان مصدوم نفس صدمه ركـود لكونه كان واثق مابتوافق ، ركـود هز راسه صوب راكـد يتوعد فيه لف صوب ساير وابتسم له وتركه
اما ساير ف تجمعو حوله اصحابه وملامحهم تتسائل
ضحك وقال : شفيكم يربع وش فيها ملامحكم ؟
واحد فيهم : اللي سمعته قبل شوي وشنهو؟
رد الثاني : يرجال ولد الشيخ تقول عليه نسيبك صاحي انت ؟
رد ساير وهو يحط يديه اليسرى بوسط جيبه ويده اليمنى فيها مسباح تلتف حول اصابعه يمين ويسار : اي نعم ولد الشيخ ركـود الـنافع نسيبي يرجال
ضحكوا الكل وعلامات الاستعجاب على ملامحهم اما ساير فكان شايف نفسه بالحيل وكان هذا كله تحت مسامع راكـد اللي استنقص منه حيل ومشى يتبع ركـود اللي توجه صوب بيتهم معصبب حيل
،
كان يمشي وهو يحس انه مخنوق وفك اول زر ثوبه
تكلم بصوت شبه حاد : حسبي الله عليك يـ راكـد وعلى الغبي اللي يمشي وراك ورا رايك يدرج
راكـد وهو جاي يركض ويده على عمامته لايطيح وراه أردف : اسمعك اسمعك لا تتحسب يورع !
لف ركـود والدم نشف بعروقه وقف راكدـ يلم انفاسه قدام ركـود ،
مسكه من ياقه ثوبه وبكل غضبه صرخ فيه : اجل تقول مايوافق نايف وما نايف شف يرجال فعايلك وش تسوي بي الحين يقلعك ويقلعني معاك يوم مشيت وراك ورا شورك وانت ضايع ماورا شورك الا الضياع
تركه وتقدم للبيت طرق الباب فتحت له منـار دفعها عنه ودخل لغرفته باسرع شي حس لو يشوف احد قدامه بيكفر فيه ، لف راكـد وراه على وصول ابوه واخوانه تقدمو جميع للبيت ودخلو البيت سوا
سلمو البنات على ابوهم واخوانهم ودخلو المجلس تقدمو البنات بالشاهي والقهوه والكل كان مجتمع الا زوجات العيال كانو عند اهاليهم الليله الا فيصل كان مع ابوه ريان
مرت عشر دقايق والوقت راح ضحك وطقطقه حتى تنحنح نافع لفو جميع على صوت ابوهم : الا معرسنا وينه؟
عم الصمت على ارجاء المكان
الجازي ام ريان : وش قصدك ينافع مافهمت!
ضحك نافع : اقصد يالجازي زهبي عمرك انتي والبنات ان شاءالله ان ركـود بيعرس قريب .. العرب وافقوا عليه يالجازي
عم الصمت مره ثانيه على ارجاء المكان الا انه بنفس اللحظه ماهي الا لحظات والبنات صفقو وامهم انشرح صدرها
الجازي غطرفت بعدين قالت : صادق ينافع البنت وافقت ؟
رد نافع : اي بالله وافقت وانا بنفسي سمعت ردها
انبسطو حيل والبنات قامو يباركون لامهم وابوهم
رجع سئل مره ثانيه : المعرس وينه ماشفته ؟
قام أيـاد : ابشر الحين اشوف وينه
تقدم أيـاد للداخل بحيث ان بيتهم كبير شوي ومجلسهم اللي هم فيه منفصل عن باقي البيت ولكن يجمعهم حوش واحد ، دخل غرفه ركـود حصله جالس في النص يرتب سهامه وفكره مو معه انحنى صوبه أيـاد وحط يده على كتفه : هاه يالـركـود وش عندك هان ورا ماتجي عندنا بالمجلس ؟
قطع حبل افكاره اليد اللي جت على كتفه لف صوبه ابتسم بدون اي رد ورجع انظاره للسهم اللي بيده
وقف أيـاد : يلا امش ابوي يسئل عنك يلا انهج
قام ركـود وتقدم هو وأيـاد وطلعوا من غرفته وبينما هم متجهين للمجلس طلعو البنات وامهم ينزلون العشاء لجل ياكلون وينامون ،
ف المجلس الجازي وهي توقف : يلا يمه تعالو عاونوني نطرح العشاء لابوكم واخوانكم لا نتاخر عليهم
قامو البنات كلهم الا أيه جلست تقهوي ابوها وتسولف معاها ويضحكون طلعو وقابلوا ركـود وأيـاد ابتسموا البنات لرـكود وراحو ورا امهم صوب المطبخ دخلوا المجلس وسلم ركـود على راس ابوه وماهي الا ثواني وقبل يجلس ركـود اشر نافع بيده على صوبه الايمين اردف نافع : تعال تعال هانّ يبوك ..
تقدم ركـود وجلس جنبه صبت له أيه فنجال قهوه اخذ الرشفه الاول والثانيه وتنحنح نافع ولف صوبه ركـود
تكلم نافع بكل سعاده : ابشرك يبه البنيه وافقت والاهل موافقين كلهم
سكت شوي رفع يده صوب كتف ركـود ورجع كمل : وعاد اتفقنا انا وابو ساير كتب الكتاب يوم الجمعه الجاي باذن الله والزواج انا قلت انت تحدده هاه وش رايك!
ركـود وهو قرر يرفض ويعترض ويصير اللي يصير : يبه الحقيقه انا ماعاد ودي بالعرس
جمدت ملامح الشيخ نافع وهو يسمع كلام ركـود ضحك
: خل مني المزح اللي ماله داعي بس مـ...
قاطعه ركـود وهو يوقف على حيله
: لا والله مامزح واتكلم صحيح خلاص طابت نفسي وانا عايف الزيجات كلها يبه
وقف نافع ووقفو معاه أيه والعيال أردف نافع بكل غضبه
: انت واعي على الكلام اللي تقوله يركـود واعي على عمرك ؟
ركـود بحده : اي نعم واعي ولا فيه اوعئ مني بهاذي اللحظه .. خلاص عفت ماعاد ابي العرس
قرب صوبه نافع وهو يحاول يكتم غيضه : لا بالله وليه ان شاءالله وش غير رايك غرير انت على شان تلعب على راسي غرير ؟
ركـود : لا بالله ماني غرير
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/433/يا-ركود-الغيم،-ويا-أثار-المطر-قصرك-سكن-وقلبي-ديره
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━