نعود الي قريت الوادي صباح يوم جديد حيث أعلنت الشمس طلوعها وأنارت الديار ، عند من كانت تحت سقف لا يعرف الرحمه والمحبه أبدا عند من كانت تضن انها وسط وطنها وسط ام وأخوات وسط من يحبها بنفس محبتها لهم ، دخلت أشعه الشمس من خلال نافذتها وكانت الاشعه على وجهها تماما معلنه دخول يوم جديد عند بطلتنا أثـار
صوت طرق باب احد الغرف ام ساير : يلا يـ آثار بعدك نايمه انهجي وراك شغل بسرعه يمال الوجع
قامت من النوم وتوجهت للباب تفتحه وهي تفرك عيونها : هلا يمه يلا جايه
ام ساير : اخلصي يمال الدقه بس نايمه انهجي وراك غسيل وكوي بسرعه وزهبي الزاد قبل يجي ابوك اليوم جيته ان شاءالله على حسب ماحسبت
أثار تنهدت : سمي يمه
توجهت للمطبخ سوت خبز صاج وحطته بإحدى الصحون عندها وهي تغطي عليه طلعت تنفض يدينها توجهت للصاله رتبتها كنست البيت كامل وطلعت أخذت الملابس وبدت تغسل على يدينها ورا البيت حيث كان يتواجد فيها جك كبير تحط فيه الملابس وحبل تنشرها عليه واستمرت أربع ساعات تشتغل حتئ سمعت صوت الباب وسمعت صوت خواتها يحضنون أبوهم ويستقبلونه كملت غسيل الملابس ونزلت دمعه مسحتها بطرف يدها وهي تقول بصوت بينها وبين نفسها : ليه احس اني خدامه مو بنتهم حتى محد يسئل عني ؟
عند الجهه الأخرى دخل وبيده اكياس كثيره وباقي على ظهر الخيل اللي معه اكياس توجه للحوش اللي متوسط البيت كله وهم يجلسون جنبه ادرف يسئل : الكل جاء ؟
ناظر وبدا يحسبهم كلهم : هاذا ساير ونايف وين مازن ايوا وبناتي حبيباتي وينهم !
هيّا ومها بصوت واحد مسموع : موجودين يبه
أردف : زين
وبدا يطلع فساتين وشناط واكسسورات ذهب وعطور للبنات
محمد : هاذا لك يـ هيّا وهذا لك يـ مها
طلع حذيان وأشمغه وعطور وثياب وكل واحد قسم له
محمد : هاذا لنايف وهاذا لساير وهاذا لشيخ مازن
لفت ام ساير عليه واللي كان اسمها صيته : عشتو جاب لعياله وانا يام عياله نساها !
أردف وهو يطلع لها فستان وعقد ذهب وحذيان وعطر : وهاذا لك يام الغالين هاه عسى عجبك
ابتسمت وهي تاخذهم : تسلم تسلم ماتقصر
قامو الكل يبوس رأسه ويسئل الله ان يزيده ويعوض عليه
بينما كان كل هاذا تحت مسامع بطلتنا الصغيره صاحبة الـ17 عام وبحلقها الغصه ودموعها امتلت بالداخل مقلة عينها الوسيعه كانت زاهيت الوصوف جمليه حيث كانت طويله الشعر شعرها يوصل لين آخر ظهرها وعيونها وسيعه ورموشها طويله وزاهيه جدا وخديها متورده كانت أرنبه انفها محمره من البرد ومن الخذلان تحدثت بينها وبين نفسها : ليه منسيه دايما أنا وبكل مره يقول لي اجيب لك المره الجايه ؟
قوت نفسها ومشت دخلت على طول متجه للمطبخ نايف ومازن بنفس الوقت : يبه وين أغراض آثار جبت لها شي!!!
الكل التفت صوبه ينتظرونه يقول اي شي ، مسك رأسه وتنهد : يوه والله راحت عن بالي هي وينها أصلا ؟
مها : يبه مايصير دايما كذا تنسها وتقول نسيت !
نايف : بنات عطوها اي شي منكم لا تخلونها تعرف ان ابوي نسها بعد مره ثانيه
مازن بدون تفكير : اي مره ثانيه يطول العمر ابوي ماعمره جاب لها شي أصلا ودايما هي تلبس ملابس البنات ودايما اطول منها او أوسع منها اللبس ودايما هيّا ومها لابسات ذهب وهي حتى ...
سكت لمن حس على نفسه من قالت صيته بتهديد : مازن اسكت لأقوم عليك اربيك الحين
تنهد مازن ونايف ومها اما ساير وهيّا مكان يفرق معهم أصلا
أردف محمد : لا مايحتاج يعطونها شي خلوها اجيب لها ان شاءالله بعدين
قام بيدخل ينام يريح لفت صيته على مها بتهديد : والله مو بزين لك تعطينها شي سامعه
لف نايف وهو معصب : يمه سلامات ليه ماتعطيها شي؟
ام ساير بتمثيل : والله ماودي تحس بنقص انو الغرض لـ مها وفجاءه صار لها خلاص ابوك قال يجيب لها
تنهد وقام من مكانه وطلع برا البيت كله تبعه مازن سكر الباب وراه : نايف سلامات وش فيك قمت كذا ؟
نايف بعصبيه : مازن انت يرضيك الي يصير باختك كذا! يرضيك معامله ابوي وامي لها! اقسم بالله اني احس احيانا انها مو أختنا وش ذا التعامل مره البنت ماكله تراب وهي توها ماكلمت الـ١٨ حتى سلامات هاذي وهي آخر العنقود وش ذا الاستهتار ياخي إذا مايقدرون يحبون الضنا اللي من جوفهم ليه يجيبونه ويعيشونه بذا الحاله!!! لييه !! لييه !!..
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/433/يا-ركود-الغيم،-ويا-أثار-المطر-قصرك-سكن-وقلبي-ديره
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━