طلعو العيال من عنده وكل توجه لبيته ينام
راكـد وركـود يمشون وقدامهم أبوهم
راكـد بهمس : يولد انت جاد بموضوع العرس؟
ركود حك راسه : والله طرت بالعجه وورطة عمري
راكـد بستغراب : سلامات وش تقصد ؟
ركـود : مدري ياخي شفت وريف وطار قلبي فيها بس الحين احس اني ندمت ماني قد مسوؤلية بنت ناس وانا قلبي متولع بالوداي !!
راكـد : اعوذ بالله منك يرـكود كانك بترفع ضغطي وظغط ابوي انهبلت يرجل انهبلت وش السوات الحين !!
ركـود بدون تفكير : بقول لابوي هونت وخلاص
راكـد بعصبيه : سلامات يركـود ابوي له أربع سنوات يحاول فينا واحد يعرس ولا غصب احد ويوم فرحته اليوم تبي تكسر خاطره!
ركوـد وقف : يرجال وش تبيني اسوي خلاص ماعاد ابي العرس بقوله وانتهينا
راكـد بتفكير : لا لا اصبر يرجل تبي ترفع ظغط ابوي انت
ركـود : وش السوات طيب اشهد اني بليت عمري !
راكـد : اسمع اسمع لا تقول انك ماعاد تبي العرس
ركـود بعصيبه : انت خبل وش
قاطعه راكـد : يرجل وش فيك طاير انت اصبر أكمل هرجي !!
ركـود نزل يدين بجيبه : يلا أسلم وش عندك الله يستر
راكـد : الحين الوقت تغير ماعاد الناس تزوج البنات الصغار وش رأيك تقول انك تبي صغيره قل عمرها 18 ، 19 سنه يعني حده على شي العرب بيعيون عليه وكذا ماعاد يظغط عليك وأنت قل خلاص بأجل سالفه العرس فتره
ركـود طلع يدينه من جيوبه وتكتف : ايوالله جبتها يطير شلوى ..سكت شوي .. بس وش يضمن لي أنهم مابيوافقون؟
راكد : يرجال ماقلت لك الكلام ذا إلا وانا سامع نايف ولد النّـهار يقول مستحيل يزوج خواته وهم صغار العرب ماعادت مثل اول
ركـود : ليه وش الطاري عليه !
راكـد : الله واعلم ان ناصر مكلمه يبي اخته الصغيره
ركـود بضحكه : مو هين نويصر يتخير وش قاله عاد ؟
راكـد عصب : لاحول ولاقوة الا بالله مريض انت اقولك يقول مستحيل مستحيل ..سكت شوي من طرت على باله فكره
ابتسم ابتسامه طلعت صف اسنانه اللي فوق
ركـود رفع حاجبه : وش عندك الحين وش فيك تنتاظر كذا!
راكـد بابتسامه : وش رايك تقول لابوي يخطبها لك منها حنا ضامنين ان نايف مابيخليها تتزوج وهو هذا كلامه واشرط على ابوي انك تبي الصغيره !
ركـود مشئ قدامه : سلامات اخطب اخت نايف مريض انت لو مابقى إلا هي مابيها يرجل !!
راكـد وهو يتقدم لين صار جنبه : والله انك دربجه اقولك بس كذا مايعطيك نايف اخته
ركـود وقف ويدينه بثوبه : خلاص امش امش خلني أفكر الله عاد من زينه هو وأخته
راكـد : يلا يلا ابوي سبقنا للبيت له وقت أكيد بيسئلنا
تقدمو يكملون تخطيط حتى اقبلو على بيتهم ودخلو البيت سلمو على امهم وكل واحد راح غرفته ينام ويعلنون انتهى هذا اليوم
-
في صباح يوم جديد الساعه السادسة والنصف صباحاً تنبعث منه أشعة الشمس الدافئة على ارجاء تلك الديار عند ابو ريان وعياله
راكـد وركـود تقدمو يتبعون ابوهم لبيت الشعر اللي ابوهم مايفارقه طول اليوم كونه شيخ ديرة الوادي حيث يجي له الكببير والصغير والرجل والإمراءه لحل مشاكلهم ومساعدهم وغيره ،
راكـد يمشي وهو يلف عمامته فوق راسه : ركود وش قررت وش ناوي تسوي ؟
ركـود يمشي معه : والله شورك وهدية الله بكلم ابوي زي ماقلت لي البارح وان شاءالله يصير خير
راكـد طبطب على كتف ركـود : ان شاء الله يولد يلا خلنا ندخل نفطر مع ابوي وكلمه
دخلو عند ابوهم سلمو على راسه وصبحو عليه وبعد ماافطرو طلع راكـد للمربط قام ابو ريان بيطلع يشوف اشغاله ركـود وهو يحاول يتكلم لاحظه نافع : ركـود في بطنك هرج وش عندك يولد ؟
ركـود تنحنح : يبه الله يخليك لي يارب الصدق جاي اقولك شي
نافع : اهرج اسمعك وش عندك اخلص عندي شغل
ركـود : يبه ابي تخطب لي من بنات محمد النّـهار
نافع : يرجل صبيت عظامي كنت افكر انك مسوي مصيبه
ضحك ركـود : شدعوه يالوالد ماني راعي مشاكل انا .. سكت شوي ورجع قال .. بس يبه عندي شرط
عقد حواجبه نافع : سلامات يركود ماهو بالرجال اللي يتشرطون ؟
ركود : يبه اسمعني طيب
سكت نافع ينتظره يكمل : يبه انا ابي اصغر وحده فيهم مابي من الكبار
نافع رفع حاجه : شايف لك شوفه ولا ماتكلمت كذا ؟
رد بسرعه ركـود : يشهد الله علي ماشفت ولا هم يحزنون بس انا مابي من الكبار
نافع بشك : اجل ليه من بنات محمد الّنهار بذات ليه مو احد ثاني وبنات عمك وبنت عمتك ؟
ركـود : يبه الله يجعلني مابكيك انا مابي من العايله
نافع رفع عصاته : ولد وش ذا الهرج وش ناقصهم عيلتك !
ركـود يتدارك الوضع : يبه الله يهديك انا اقصد اني مابي من جماعتنا ولا هم مافيه شي وبنات رجال
سكت شوي توقع انه حصل له حل واردف : ولا ترا بهون عن العرس مره وحده
تقدم بيطلع لين وقفه صوت ابوه ، نافع : اجل ان شاءالله بعد صلاه الضحى اسير صوب محمد واخطب لك تجهز
وطلع وترك ركـود وراه اللي عمت عليه الصدمه ركـود بضحكه حس انه توهق صدق : وافق بسرعه! لا لا ابوي ناوي يزوجني اليوم قبل بكره
ضرب راسه بيده .. غبي غبي من يوم شفت بنت ايـاد وطرت بالعجه الحين لو اتدبس باحد ماعاد اقدر اروح على كيفي للوادي واقنص على راحتي
وطلع يلحق ابوه اللي متجه للابل يشوف المليحه والقعود الصغير
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/433/يا-ركود-الغيم،-ويا-أثار-المطر-قصرك-سكن-وقلبي-ديره
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━