-
-
يوم الجمعه ، الساعه ٢:٠٠ م>
أبتسمت بإمتنان تشوف طريقها لمكان غير لأول مره تدخل أرضه ولأول مره تسافر ، تسافر لقريه كانت تتمنى تشوف عيشتهم عاداتهم وتقاليدهم والفرصه الأن بيدها وتمشي لها ، كان يتبع اللوكيشن والي تبعد عن جده ب ثلاث ساعات وقف عند المحطه الأخيره وأبتسمت إلين تنزل مع أبوها دخلت السوبر ماركت وأخذت الأشياء الي تحتاجها ومن خلصت حاسبوا وخرجت معاه ركبت السياره وبدأت تاكل تشرب من قهوتها تتأمل ومن وصلوا للفندق نزلت وناظرت أبوها بضيق : مافي الا هذا ؟
عبدالله : القريب
هزت رأسها وناظرهم : تجهزوا عشان نروح لهم
إلين : يعني ألبس فستاني؟ بابا مره بدري نروح لهم على المغرب
ضحك يهز رأسه وأبتسمت إلين تناظره أخذت فستانها تشوفه وأبتسمت تعض شفتها تناظره وناظرت أمها الي جلست : متى نتجهز ؟
شيخه : الحين الساعه الحين ٥ قومي تجهزي وبتخلصين المغرب
هزت رأسها تطلع الميكب وقفت عند المرايه تغسل وجهها وأبتسمت ترطبه قبل الميكب طلعت الفرش والأشياء الي تحتاجها وبدأت تحط ميكب وبعد ماخلصت ميكب بدأت تفك المّكر من شعرها وأبتسمت تنثره رفعت جوالها تشوف الساعه ٦:٠٠ وأبتسمت تاخذ فستانها ودخلت تلبسه ناظرت شكلها بإمتنان الفستان الكحلي الي ماسك على جسمها ويبين جمال الجسم شعرها الويفي والعقد الهادي الي يزين عُنقها أنحنت تلبس كعبها وخلاخيلها لبست أساورها وبدأت تحط مناكير وتناظر بوجهها ميكبها الي من صُنع يدها والي صارت ملامحها مثلها ماتغيرت تعطرت بأماكن النبض ونثرت ريحة عطرها بجميع أنحاء جسدها وقفت تمشي تناظر أمها وأبتسمت : شرايك ؟
أبتسمت شيخه الي تلبس عقدها : أسم الله عليك أسم الله عليك ياجميلة الجميلات بنت شيخه
أبتسمت إلين تتقدم لها تبوسها وضحكت من تشوف الروج على خدها : أسفه
ضحكت شيخه تمسحه وناظرتها إلين : شيخة قلبي يناس
أبتسمت شيخه ووقفت إلين تلبس عبايتها ومشت بعد مالبست تناظر أبوها متقدم لها بالثوب والشماغ وأبتسمت : الله الله وش هالزين يأبو إلين ؟
عبدالله : الزين زيني دامني أبوك
أبتسمت تفتح الباب وتركب بالخلف وناظرتهم يحركون سيارتهم وأبتسمت ترفع جوالها تصور نفسها ومن وصلوا عقدت حاجبينها تشوف حولها الخيمه الموجوده والضجه الي تشوفها ونطقت : شلون في عزا وزواج بنفس الوقت ؟
ضحكت شيخه تناظرها : زواجهم ذا
عقدت حاجبينها بأستغراب : خيمه !
عبدالله : عاداتهم يابنتي ، تنزف العروسه من البيت والرجال ينصبون لهم خيمه
أبتسمت إلين : شي غريب عليا بس أهم حاجه أنبسط
ضحكت من وقف ورفعت الطرحه على شعرها تخفي زينة شعرها مسكت الهديه بيدها وأبتسم عبدالله من تقدم له واحد من الشيبان : حيّاك الله ، من بغيت ؟
عبدالله : معزوم على زواج أخت غسان
هز رأسه يناظر في إلين وأبتسم : الحريم هالبيت ياعمي
هز رأسه ومشت إلين مع أمها وأبتسمت تشوف نهله والبنات ووقفت لثواني وتقدمت لهم الجوهره : حيّاكم الله
أبتسمت لها شيخه وجلست على الكرسي وبجانبها بنتها وقفت تفصخ عبايتها وتعدل شكلها وجلست : عبايتي وين أحطها ؟
الجوهره : هاتيها وهاتي حقتك ياخالتي
أبتسمت شيخه تعطيها ومشت مع عبايتها للغرفه وناظرت الهنوف الي تتجهز : تخيلي شفت إلين
الهنوف : ندري أنهم بيجون
فاطمه : مين إلين ؟
الجوهره : بنت شريك غسان أخوي بالشغل ، تهبل تهبل بمعنى الكلمه والله هاديه البنت بس طالعه حلوه
الهنوف : ناديها تكفين بموت لو ماشفت شكلها
ضحكت تهز رأسها ومشت لها تشوفها جالسه لحالها على جوالها وتقدمت لها : تعالي معاي
عقدت حاجبينها إلين : وين ؟
الجوهره : عند العروسه
هزت رأسها تاخذ شنطتها والهديه بيدها وأبتسمت تمشي معاها تتأمل كل زاويه بالبيت تشوف التراث القديم وأثاثه وكل شي تتأمله بالتفاصيل دخلت الغرفه تناظرها وأبتسمت تشوف الهنوف تسلم عليها : الف مبروك حبيبتي
هزت رأسها وأبتسمت : هذي هديتك ماعرف صراحه متى يقدمون الهدايا عندكم بس هذي هديتي لك
توسعت عيونها بذهول وأبتسمت : ماقصرتي
هزت رأسها تجلس وناظرتها فاطمه : هذي إلين المشهوره؟
عقدت حاجبينها إلين : مشهوره ؟
ضحكت الجوهره تناظرها وقامت تسلم عليها : أنا بنت خالتهم وهذولي خواتي
أبتسمت لهم تسلم عليهم وناظرتها الهنوف من شهقت وعقدت حاجبينها إلين : بسم الله عليك !
ضحكت الجوهره تناظرها ترفع الأسوره وأبتسمت : مره شكراً تهبل
ضحكت إلين تناظرهم : تزّهى عليك
الجوهره : يعني ضروري أعرس ؟
ضحكت إلين تقصد أنها تعطيها هديه : أزهليني
أبتسمت الجوهره تجلس بجانبها ودقت ريهام كام وناظرتها إلين تحاول ترد وعضت شفتها : مافي أبراج ؟
هزت رأسها بالنفي وأبتسمت تجلس تناظرهم ومن خلصت الهنوف تجهيزات خرجت من عندهم إلين وتقدمت لأمها تناظرها وأبتسمت : بساطتهم توسع الصدر
إلين : شايفه؟
هزت رأسها شيخه وناظرتهم إلين كيف يناظرونهم وأخذت جوالها تحاول تتصل على أبوها تشوفه ولا رد وقامت تاخذ عبايتها ولبستها تناظر في أمها : بروح اشوف بابا مايرد علي المكان غريب
هزت رأسها وأبتسمت إلين تمشي ناظرت حولها تتذكر وين مكان الخيمه الكبيره ووقفت من تشوف الولد الصغير : لو سمحت ينونو تعال
ناظرها يركض لها يده على خصره : انا مو نونو
ضحكت تناظره : طيب معليش بس ممكن تعلمين مكان الخيمه ؟
تكتف يناظرها : وليش تروحين ؟ ممنوع البنات يروحون
إلين : ضروري بشوف بابا
هز رأسه يركض ومشت وراه تحاول تشوف وأبتسمت تشوف الخيمه وعقدت حاجبينها تحاول تشوف أبوها ومشت لهم تخفي زينتها ووقفت : ممكن تنادي بابا ؟
ضحك الولد : بابتك ؟ وش دراني بابتك مين
إلين : يالله شفيكم اليوم ؟ عبدالله عبدالله
هز رأسه ومشى لها غسان يشوفها واقفه عاقد حاجبينه : إلين ؟ وش تسوين هنا
ناظرته إلين وبلعت ريقها تغطي زينتها : أبي أشوف بابا مافي أبراج ومو متطمنه
غسان : شوفيه جالس مع أبوي والشيبه
أبتسمت براحه تشوفه جالس معاهم وناظرته : اوكيه
غسان : لاتجين هنا مره ثانيه ، هنا للرجال وماينفع
هزت رأسها تصد عنه ومشت لثواني تتذكر من وين رجعت وناظرها غسان واقفه ومشى لها : يمين في يمين والبيت عندك
هزت رأسها تمشي تلّم العبايه على جسدها بخوف ومن وصلت البيت مشت تناظرهم وأبتسمت تشوف أمها فصخت عبايتها ودخلت من جديد تتركها مكانها وناظرتها الجوهره : وين رحتي ؟
إلين : رحت أشوف بابا وتطمنت أنه موجود
هزت رأسها الجوهره ورفعت عيونها ياسمين : ترا عندنا عيب تخرجين عند الرجال
ناظرتها إلين عاقده حاجبينها ونطقت تكمل كلامها تخفي غيضها منها وتلين الوضع : يعني إذا ماتعرفين تعرفين
إلين : رحت أتاكد إذا بابا موجود ولالا بالنهايه أنا وكلنا بمكان غريب لأول مره نزوره اوكيه حياتي ؟ ومعليش ماكنت عارفه عاداتكم هنا بس تهمني سلامة بابا
هزت رأسها وناظرتها الجوهره : لاتشيلين هم ، روحي أجلسي
هزت رأسها إلين ومشت تجلس بجانب أمها وأبتسمت تناظر نظراتهم الغريبه لها ولأمها وكانت متضايقه من الوضع والأمر الواقع الي هي فيه !
جا وقت الزفه وأنزفت الهنوف وأبتسمت جالسه تناظرها تنزف ومن خلصوا كل شي وقفت تسلم عليها تمشي : مبروك يحياتي ، زواج الدهر والسعاده
أبتسمت الهنوف لها ترد عليها وناظرتها تهمس للهنوف : جايه من مكان بدون هديه ؟
ضحكت إلين تمسك شعرها من سمعت كلامها عنها : وصلتها ، أنبسطي فيومك
مشت تاركتهم وناظرتها : عطتني حتى أسوره كريستال لؤلؤي !
توسعت عيونها بذهول تناظرها وضحكت الجوهره تناظر ملامحها وصدت تناظر إلين الي تضحك مع أمها ومتجاهله وجودهم وأبتسمت تشوف فستانها الكحلي أصابع يدها جلوسها وقوفها مشيتها وشعرها وتنهدت : كامله والكمال لله صدق
ضحكت رغد تناظرها : إلين صح ؟
هزت رأسها وعضت شفتها : صدق ماشاءالله لو ياخذها أحد من أخوانك بس
ياسمين : تاخذ مين أن شاءالله ؟ شايفين مظهرها ؟ خالتي مستحيل تقبل
رفعت حاجبها الجوهره : وتتزوجها أمي يعني ؟ بلاش كلام فاضي بعدين وش فيه مظهرها ؟
ناظرتها رغد بحده وأبتسمت الجوهره : ماتتفوت البنت
رفعت حاجبها بحدّه ياسمين تناظر الجوهره وصدت عنها تمشي ومن أشتغلت الأغاني ضحكوا البنات يرقصون وناظرتهم إلين من بعيد ومن تقدمت لها الجوهره هزت راسها بالنفي : لا لا
ضحكت تتجاهلها تغني مع الأغنيه وأبتسمت إلين تمشي معاها بخجل وحياء من ملامحها الي تتورد باللون الأحمر نتيجة خجلها تحت أنظارهم كلهم ! ماكانت إلا مُذهله حتى بإطلالتها الهاديه وفستانها الهادي كانت جميله بشكل كارثي يوضح خجلها من ملامحها ووقفت تناظرهم يرقصون وضحكت الجوهره تسحبها ترقص وأبتسمت تتمايل على الأغنيه الي تسمعها رقصت وتشوف نظراتهم لها وأبتسمت تخفي توترها وربكتها من شعورها ورجفة كفوفها من حياها الي تشعر بها
وقفت بتنزل تناظر نظرات أم نهله لها وأبتسمت لها تمشي لأمها وضحكت تمسك يدها : أسم الله عليك تلفت الأنظار بنت شيخه
عضت شفتها تناظرها بحياء وناظرت نظرات نهله لها وصدت عنها تناظر بناتها الي يرقصون وأبتسمت الي بجانبها : البنت قطنه قطنه هذي بنت من ؟
نهله : وش تبين فيها يام مجاهد ؟ أتركيها
ناظرتها نهله من نطقت : البنت حلوه حلوه بسم الله عليها جسم وجه شعر كل شي فيها حلو تبارك الرحمن
رفعت حاجبها نهله تصد عنها وأبتسمت تتقدم لهم : ماشاءالله هذي بنتك ؟
ناظرتها إلين وأبتسمت شيخه : بنتي
ام مجاهد : من وين أنتوا ؟
شيخه : من جده
هزت رأسها وأبتسمت تناظرها : إذا ماعليك تعب عطيني رقمك
هزت رأسها شيخه تعطيها رقمها وقامت تناظر في أمها : ماما؟ إيش تبغى هذي
ضحكت شيخه : الظاهر تخطب
توسعت عيونها بذهول : ماما ؟
ضحكت شيخه تناظرها : أتركيها ، حتى أنا مابوافق تسكنين بهالقريه
ناظرتها إلين بتوتر وصدت تحاول تتصل على ريهام وقامت تناظر الجوهره : النت وين يشبك ؟
الجوهره : ورا البيت شوفي المطبخ هناك أطلعي مع الباب ووقفي بتجيك أبراج
إلين : أخذ عبايتي ؟ أخاف يجي أحد
الجوهره : مابيجي أحد
هزت رأسها تمسك جوالها بيديها تحاول تتصل عليها ووقفت ورا المطبخ تحاول يشبك النت وأبتسمت من تشوف أتصالات ريهام وأخذت نفس تتصل : ريهام
ريهام : وينك وينك ؟ ليش ماتردين علي ليش ليش
إلين : مافي أبراج والله يا ريهام جيت ورا المطبخ
ريهام : صورتي كل شي ؟
ضحكت إلين : أصور لك أيش؟ أستحيت والله أرفع جوالي بس بصور لك القريه والبيوت من برا
ريهام : طيب لاتختفين وطمنيني كل شوي
أبتسمت إلين ونطقت ريهام : أنبسطتي ؟
إلين : عادي
ريهام : طيب إذا رجعتي للفندق دقي علي
هزت رأسها إلين تقفل ومشت تدخل وجمد وجهها تشوف الي قدامها ناظرها بذهول من شكلها فستانها ميكبها الفاتن ! رفعت حاجبها ترجع لورا تمسك قلبها تسمع دقاته ونطقت بصوت خافت : اش جابك هنا ؟
بلع ريقه من الموقف الي أنحط فيه ونطق : معليش بس جاي أحط العشاء
ماردت عليه ومشى غسان وعضت شفتها تدخل مسرعه للداخل جلست بتوتر تناظر حولها وشدة على جوالها تشوف رجفة كفوفها
ضحك بذهول من جمالها نعومتها ورقتها ، شافها بدون عبايه زينتها عقدها فستانها الكحلي
حك شاربه يرتسم بخياله صورتها أمامه بدون عبايه بفستانها ميكبها وملامحها الهاديه الطفوليه وعض شفته من المشاعر والشعور الغريب الي حس فيه ، ماكان يدري إن هذا شعور البدايات الأعجاب الي بتتكون داخله لحُب كبير وخوف من خسارة الرقه والنعومه الي يحس فيها لمح فيها كل شي ممكن يجذبه ملامح وجهها الي ماكان ينتبهه لها أنتبه لها وشاف الجمال الي ماتوقع بيوم بنت تكون بهذا الجمال ، جسدها وفستانها الكحلي الماسك على جسمها عقدها الفضي والي عرف إنه كريستال لؤلؤي
مشى لهم يناظرهم يتجاهل مشاعره والشعور يتناسى شكلها وجمالها الي شافه ، صورتها وكل شي أنجذب له يفكر فيه بلحظة وقوفها أمامه لين رجع لهم ولا زالت صورتها تتكون في خياله وما كأنها إلا ورده بين كُل الفصول بفستانها وعقدها اللؤلؤي
ناظره مشعل سرحان يفكر يحك شاربه وهمس له : ولد
ناظره غسان بضياع وضحك : علامك ؟ حطيت العشاء ؟
هز رأسه ب أي يتجاهل سؤال مشعل له ويركز على سعادة أخته
ومن خلصوا كل شي لبست عبايتها تخرج تنتظر أبوها عند سيارتهم وتلاشت أبتسامتها من تشوف غسان متقدم لهم مع أبوها وبلعت ريقها تصد وناظرت أبوها لثواني الي أبتسم يتقدم لها يبوسها : أنبسطتي يحبيبتي ؟
هزت رأسها بدون رد تخفي ربكتها بوجوده وأبتسم غسان يناظر خجلها وحياها وللحظه شاف شكلها بدون عبايه أمامه بفستانها الكحلي زينتها الي تخفيها شافها للحظه وقبل ساعات طويله أمام عيونه
ركبت السياره من فتحها عبدالله وناظره : الله يسعدهم ويرزقهم الحياه السعيده
أبتسم له غسان يناظره وناظرته إلين : أسوق بابا بدالك؟
هز رأسه بالنفي يحرك سيارته : أسوق أنا
أبتسمت تناظره لثواني ساهيه تفكر ، ليش للحظه ومن تشوفه شعرت بداخلها بالربكه التوتر والخوف؟
عضت شفتها متجاهله كلام عبدالله عن الزواج وسؤال شيخه لها وللحظه يتردد بداخلها صدى صوته أسمها إلي من ثغره ينطقه بصوته الرجولي الخشن ونطقت شيخه تسألها للمره الثانيه : إلين ؟
ناظرتها إلين بضياع : هلا
شيخه : شفيك ما تردين علي ؟
إلين : أسفه ماما وش قلتي ؟
شيخه : أقول لك شرايك بزواجهم
إلين : مو حلو لأني مت حر
ضحك عبدالله يناظرها من المرايه : بسيط والبساطه زينه
إلين : مانختلف حلوه بس حر حر موت
ضحكت شيخه ومن وصلوا للفندق نزلت مسرعه تدخل غرفتها قفلت الباب ومسكت جوالها تتصل على ريهام لثواني وردت : رجعتي؟
إلين : بنهار بنهار ريهام تخيلي غسان شافني
جمد وجهه ريهام بصدمه : كيف شافك ؟
إلين : بعد ماقفلت منك كان بالمطبخ تخيلي ! شافني بزينتي وفستاني بدون عبايه بنهار
ريهام : يويلي أيش قال لك ؟ أعتذر طيب !
إلين : بس قال معليش
ضحكت ريهام : قصرت ياروميو ليش ما قلت إنتي حلوه ؟
مسكت وجهها إلين : تكفين بذبحك معاه
ضحكت ريهام بعلو صوتها : اوكيه يعني صار في قائمة الذبح ؟ الله يستر
إلين : يوتر الموضوع ليش تضحكين؟
ريهام : طيب حكيني عن أشياء ثانيه
إلين : جت كمان وحده تاخذ رقم ماما !
ريهام : سريعين ! إلا الزفت هذا مو سريع
ضحكت بعصبيه : أنا أضحك وأعصابي تالفه ؟ أخ
ضحكت ريهام من صوتها : خلاص لاتتوترين شفيك
أخذت نفس تحاول تهدي فيه نفسها : مو قادره والله
ريهام : بس مو قصده إلين !
إلين : عارفه بس يوتر الموضوع مره يعني كيف بقدر أشتغل معاه اصلاً؟
أبتسمت ريهام بهدوء : أسمعي أتركي هالسوالف لين تجين اوكيه ؟ اصلاً بكره وأنا عندك
هزت رأسها إلين : اوكيه !
قفلت منها وأنسدحت على السرير بتعب تفكر ولثواني قامت قدام المرايه ولانت ملامحها تتأمل شكلها زينتها تذكرت نظرات غسان لها مذهول مصدوم بس قادر أنه يتأملها وكيف تلفته زينتها وجمالها الي شافه
عضت شفتها تحاول تهدي من نفسها نبضات قلبها السريعه والي توضح توترها من الموقف العجيب الي تنحط فيه لأول مره وشخص يشوف زينتها كامله
تنهدت تمسح الميكب تلبس روبها الحرير القصير وأنسدحت بتعب تتجاهل أفكارها
~
━━━━━━━━━━━━━━━━━━━━━━━━━━
🌸 هل أعجبتك أحداث القصة؟
💡 لمعرفة تفاصيل هذه الرواية ومتابعة بقية فصولها كاملة وبشكل مسبق وبدون إعلانات:
🔗 تابع القراءة عبر موقعنا الرسمي من هنا: https://kimostories.site/novel/436/ياملحة-الضوء-الي-تنثر-من-الحسن-زودها
نتشرف بوجودكم دائماً في عائلة كيمو ستوريز! 🌸
━━━━━━━━━━━━━━━━━━━━━━━━━━