شبح الرقعة
تأليف:
Lazy_Bones
•
آخر تحديث:
منذ ٩ ساعات
«أنا ميت.»
«شكلك كده.»
يوسف عنده عشر سنين، وساكن في كرموز، ورتبته «كونكرر» في ببجي. وبيكره الشطرنج من قلبه، شايفه لعبة عواجيز ومملة.
بس أبوه الصياد مديون للمعلم رجب بخمسة وأربعين ألف جنيه، والمهلة آخر الشهر: يا الفلوس، يا المركب.
وفي شقة جده القديمة في المنشية، يوسف بيلاقي صندوق خشب محفور عليه حرف «م». جوّاه رقعة شطرنج، والملك الأبيض واقع على جنبه… ومبلول بمية البحر.
وفي الساعة اتنين بالليل، بيلاقي راجل ببدلة رمادي من السبعينات قاعد قصاده، والمية بتقطر من أكمامه.
مراد الإسكندراني. أحسن لاعب شطرنج في إسكندرية سنة 1972. غرق ومش فاكر إزاي. مدمن شطرنج لدرجة إنه شايف البلاط رقعة، وحلمه يقعد قصاد ماجنس كارلسن ماتش واحد. والمشكلة إنه مايقدرش يلمس ولا قطعة.
الاتفاق بسيط: مراد يقول النقلة، ويوسف يحرّك.
من قهاوي إسكندرية والرهانات بالمية جنيه، للتيك توك، لحساب غامض على chess.com العالم كله بيسأل مين وراه…
ولد بيكره الشطرنج، وروح مستنية تكمّل ماتش ماخلصش من 54 سنة.
♟️ كوميديا، ودراما، وشطرنج حقيقي.